ЭРТЕҢ МЕНЕН ЖЫЛУУ СУУ ИЧСЕ ЭМНЕ БОЛОТ?

“Эртең менен жылуу суу ич” дегенди көп эле уксаңыз керек. Эмнеге ачкарын жылуу суу ичүү сунушталат? Анткени...

Пайдасы

+ Түнү бою дем алуудан жана тери аркылуу организмден суу чыгат. Эртең менен ачкарын суу ичүү менен организмдеги суу балансы толукталат.

+ Суу органдардын “ойгонуп”, күнүмдүк функцияларын аткарышына жардам берет.

+ Ичегилердин иштөөсүн жакшыртып, ич катуунун алдын алат.

+ Зат алмашуу – метаболизмди ишке киргизет.

+ Кан тамырларды кеңейтип, кан айланууну жакшыртат.

+ Ачка болуу сезимин жоюп, таң атпай ашыкча тоюп алуунун алдын алат.

Сууну туура ичүү керек

• Суу жылуу, тагыраагы, 35-40 градуста болуусу шарт.

• 200-250 миллиграмм суу ичсеңиз жетет.

• Сууну аз-аздан жутуп 1-2 мүнөт аралыгында ичүү керек.

• Ачкарын, эртең мененки тамактан 15-20 мүнөт мурун ичиңиз.

Суу ичүүгө каршы көрсөтмөлөр

– Ашказан-ичеги ооруларынын курчуп турган маалында (ашказан жарасы, гастрит жана башка);

– Заара чыгаруу органдарында таш же башка дарт болсо, адам дайыма шишисе сууну ченеп ичүү керек.

– Кан басымда маселе болсо, айрыкча жогору кан басымдуу (гипертония) адамдарга да сууну дарыгер менен кеңешип ичүү сунушталат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 1246, 6-12-ноябрь, 2026-ж.