ЭМИ БАТИРЛЕРДИН ПАЙДУБАЛЫ ТҮПТӨЛМӨЙҮНЧӨ САТУУГА УРУКСАТ БЕРИЛБЕЙТ

Кыргызстанда батирлердин жана коммерциялык жайлардын курулушунун “нөл цикли” толук аяктагандан кийин гана сатууга уруксат берилет. Бул тууралуу 4-ноябрда Курулуш министрлигинен маалымдашты.

Маалыматка ылайык, имараттын пайдубалы түптөлүп, жер алдындагы курулуш иштери толук аяктагандан кийин гана объектти жарнамалоого, сатууга жана келишим түзүүгө болот. Ошондой эле министрлик белгиленген талаптарды бузуп, жарнама жайгаштырган жана сатууну баштаган тараптарга мыйзам чегинде чара көрүлөрүн эскертет. Мындай чара жарандардын каражатын жана укуктарын коргоого, курулушу толук кандуу баштала элек объекттерге каражат салуудан келип чыгуучу тобокелдиктерди азайтууга багытталганын белгилейт министрлик.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1246, 6-12-ноябрь, 2026-ж.