Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ДҮЙНӨ ЭЛИНИН ЖҮРӨГҮН ТИТИРЕТКЕН 9 БАЛЛ

№438 25-31-март, 2011-жыл


Планетабыздын технологиялык цивилизациясы атыккан Япония жаратылыш кырсыгына кабылгандан тышкары радиациялык оорулардын коркунучунда калууда.

ЯПОНИЯНЫН ТАРЫХЫНДАГЫ ЭҢ ИРИ ЖЕР ТИТИРӨӨЛӨР
1293-жыл,
Камакура шаары. 23 024 киши өлгөн, зилзала цунамини пайда кылган.
1586-жыл, Исе булуңу. 8000 киши каза болгон, жер титирөө цунамини пайда кылган.
1703-жыл, Босо жарым аралы. 108 000 киши өлгөн, жер титирөө цунамини пайда кылган.
1707-жыл, Нанкайдо. 30 000 кишинин өмүрүн алып кетип, жер титирөө цунамини пайда кылган.
1847-жыл, Нагано. 12 000 киши өлгөн.
1855-жыл, Токио. 6757 киши каза болгон, жер титирөө цунамини пайда кылган.
1891-жыл, Мино-Овари. 7273 киши өлгөн.
1896-жыл, Санрику. 27 122 кишинин өмүрү кыйылган, жер титирөө цунамини пайда кылган.
1923-жыл, Канто. 143 000 киши өлгөн, жер титирөө цунамини пайда кылган.
1948-жыл, Фукуи. 5131 киши каза болгон.
1995-жыл, Кобе. 6434 киши өлгөн, жер титирөө цунамини пайда кылган.
2011-жыл, Хонсю аралынын түндүк-чыгышы. Өлгөн кишилердин саны тактала элек, жер титирөө цунамини пайда кылган.

«ФУКУСИМА-1» – ЖАҢЫ ЧЕРНОБЫЛБЫ?
«Фукусима» – Токио шаарын электр энергиясы менен камсыз кылып туруучу дүйнөдөгү эң чоң атом-энергетикалык комплекстеринин бири. Ал эки АЭСтен («Фукусима-1» жана «Фукусима-2») туруп, жылына 8800 мегаватт электр энергиясын иштеп чыгарат. Маселе жаратып жаткан «Фукусима-1» АЭСи 1971-жылы ишке киргизилген. Адистердин айтымында, бул АЭС «Чернобыль» АЭСинин тагдырын кайталабайт. Себеби «Фукусима-1деги» реакторлор жаңы типте. Акыркы маалыматтар боюнча «Фукусима-1деги» 6 энергоблоктун төртөөнөн өрт чыгып, жарылуу болгон. Акыркы 2 блок, бешинчиси жана алтынчысы ошол убакта иштебей тургандыгына байланыштуу жабыр тарткан жок. АЭСтин өзүнүн айланасында радиациянын деңгээли нормадан 1600 эсеге жогорулаган. Цунаминин кайра кайталанышынан жана радиацияга чалдыгуудан корккон АЭСтин отуз чакырым айланасында жашаган калк өкмөттүн “үйдөн чыкпагыла, тынчтыкты сактагыла” деген кайрылуусуна карабай, коопсуз жерлерге кетүүгө шашып жатышат.
Башка өлкөлөрдүн жарандарынын көпчүлүгү да өз мекендерине кетишүүдө. Орусиянын Хабаровск, Камчатск крайларында жана Сахалин облусунун аймактарында 610 стационардык жана жылып жүрүүчү посттор күчөтүлгөн режимде радиациянын деңгээлин тынбай текшерүүдө. Алардын маалыматында, Орусиянын аймагында бүгүнкү күнгө чейин радиация нормадан ашкан жок. Ошого карабастан, Сахалинде авиабилеттер калбай калууда. Ошондой эле элдер йод менен кызыл шарапты көп өлчөмдө сатып алышууда. Бул калкан сымал бездин оорусуна чалдыккандар үчүн керек деп айтылууда. Анткени ансыз да йоддун жетишсиздигине тушуккан калкан сымал без нурдануу кезинде абадагы радиоактивдүү йодду жутуп алып, оору күчөп кетет делет.
Эгер радиация коркунучу туулса, Куриль жана Сахалин аралдарынын тургундарын Орусиянын аскер кызматкерлери материкке көчүрүүгө даяр.
Негизинен, алааматтын башкы сок­кусуна дуушар болгон Мияги, Ива­тэ жана Фукусима аймактарынын түндүк-чыгыш бөлүктөрүндө ки­­ши­лер көп курман болуп, жарым мил­­лиондой адам эвакуацияланды. Мия­гинин өзүндө эле өлгөн кишилердин саны 15 миңге жетиши мүмкүн делүүдө.
Зилзаладан жабыр тарткан жерлерде куткаруучулар тынымсыз иштеп жатышат. Антсе да кар аябай жаап, катуу суук болгондуктан, тирүү калгандарды табуу күмөн.

ТАҢ КАЛАРЛЫК ТҮРДӨ ТИРҮҮ КАЛГАНДАР
Цунамиден жабыр тарткан Ишиномаки айылындагы урандыларды тазалап жатышкан куткаруучулар кокустан баланын ыйлаган үнүн угуп калышат. Бул убакта кырсык болгонуна үч күн болгондуктан, кимдир-бирөөнүн тирүү калганына ишенүү кыйын эле. Бирок урандылардын арасынан 4 айлык кызды таап чыгышат. Текшерип көргөн медиктер ал эч кандай жараат албагандыгын маалымдашат. «Кызыбызды экинчи көрбөйбүз го» деген ата-эне сүйүнүчтөн өздөрүнө араң келишкен. Көрсө, зилзала убагында атасы кызын көтөрүп шашып баратканда баткак жана урандылардан турган толкун сүзүп, кызды алып кетиптир. Наристе кантип думукпай тирүү калгандыгы табышмак бойдон калууда. Мындан башка да тирүү табылып жаткандар бар. Мисалга, Оцути шаарындагы урандылардын арасынан 70 жаштагы кемпир 4 күндөн кийин тирүү табылган.

КҮН ЧЫГЫШ ӨЛКӨСҮ ЭМИ ТОКТОП КАЛГАН
ЗАВОДДОР ӨЛКӨСҮ
“Хонда”, “Тойота”, “Ниссан”, “Субару” жана “Мазда” автоунаа чыгаруучу фирмаларынын кээси зилзаланын айынан, кээси электр энергиясын үнөмдөө максатында иштебей токтоп калышты. “Никон” корпорациясынын заводдору жана башка ондогон ири микрочип чыгаруучу заводдор да токтоп турат. Иенанын курсу башка валюталарга салыштырмалуу өсүп бараткандыгына байланыштуу Япониядан чыккан товарлар кымбаттоодо. Япониянын премьер-министри Наото Кан 11-марттагы окуядан кийин кантип өнүгүүнүн программасы иштелип жаткандыгын айтты.

ЗИЛЗАЛАНЫН БАШКА ТААСИРЛЕРИ

  • Зилзаладан улам пайда болгон цунами ошол эле күнү АКШнын батыш жээктерине жеткен. Калифорния штатындагы жээктерде жайгашкан райондордун миңдеген тургундары үйлөрүн таштап кетишкен. Зор толкун ал жакка жеткичекти күчүн жоготуп, кыйроолорду алып келген жок. Болгону, Кресент-Сити шаарында бухтада турган 35 кеме талкаланып калды.
  • Цунамини пайда кылган Япониядагы күчтүү зилзала Хонсю аралын 2,4 метрге, ал эми жердин огун 10-15 сантиметрге жылдырып салды. Алдын ала эсептөөлөргө караганда сутка 1,6 микросекундага азайган.

ФУДЗИ ЖАНАР ТООСУ ОЙГОНОБУ?
Кайталанып жаткан жер силки­нүүлөрдүн жыйынтыгында өлкөнүн символу деп эсептелген Фудзи (Фудзияма деп да аталат) жанар тоосу ойгонушу мүмкүн. Айрым япон адистеринин айтуусунда, үч кылымдан бери атылбай уктап жаткан бул жанар тоону Идзу жарым аралында болгон акыркы жер термелүүлөр ойготуп жибериши ыктымал. 15-мартта күчү 6 баллга жеткен зилзаланын очогу тоо жайгашкан аймактын 10-14 чакырым тереңдигинде катталган. Япониянын жана Американын сейсмологдору «акыркы жолу 1707-жылы лава бүрккөн Фудзи жанар тоосу кайра жанданышы мүмкүн» деп эскертишүүдө. Кокусунан Фудзи ойгонсо, ансыз да кыйналып турган жергиликтүү калк үчүн да, бийликтегилер үчүн да кошумча кыйынчылыктарды жаратат. Анын бир гана жалын бүркүшү «Фукусима-1» АЭСи­нин радиоактивдүү бөлүкчөлөрүн абдан чоң аймакка таратып жибере алат. 781-жылдан бери Фудзи 12 жолу атылган. Алардын эң ириси 800-жылы, 864-жылы жана 1707-1708-жылдары атылганы эсептелет. 18-кылымда атылганда тоонун чыгыш боорунда жаңы кратер пайда болуп, андан чыккан күл Токионун көчөлөрүн 15 сантиметрге көөмп калган.
Учурда Миядзаки аймагындагы (Кюсю аралы) Синмоэ жанар тоосу кайрадан атылып, анда күл жана таштар төрт миң метр бийиктикке чейин бүркүлүүдө.

КЫРСЫКТАН АКЧА ИШТЕП ЖАТЫШАТ
Японияда болгон кырсыктан улам өздөрүн кайрымдуулук мекемелерибиз деп атап, акча чогултуп жаткандар пайда болууда. Зилзаладан жапа чеккендерге жардам сурайбыз деген сайттар да жаралды. Ошентип, айрым шылуундар кырсыктын артынан өз чөнтөктөрүн кампайтууда.

МЕКЕНДЕШТЕРИБИЗ КАЙТЫП КЕЛИШТИ
18-март күнү түнкү саат 12ге чукул Кыргызстандын учагы зилзаладан жана топон суудан жабыркаган Японияда окуп жана иштеп жүргөн 90 жараныбызды алып келди. Буга чейин 15-мартта да Казакстандын учагы аркылуу Япониядан 21 кыргыз атуулу кайтып келген. Азыркы убакта Японияда 50дөй кыргыз жараны калганы маалымдалды. Алар шартына карап, Японияда калууну туура көрүшкөн. Кайтып келген мекендештерибиз япон эли кыйынчылыктарга татыктуу туруштук берип, паникага алдырбай, мародёрлукка барбагандыгын айтышууда. Ошондой эле дүкөндөр кадимкидей иштеп жаткандыгын, соодагерлер тамак-аштын баасын кымбаттатпай, өкмөт жабыр тарткандарга керектүү нерселерин убагында бергенге аракет кылып жаткандыгын билдиришти.

Нурбек Абдыкадыров
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(11)
25.03.2011. 21:09 
Тайпасы:
Кыймылы жок
Комментарийлердин саны:
203
Катталган:
22-05-2007
Соӊку аракети:
14-09-2015 15:00
Жынысы:
Белгисиз
Калаасы:
Москва
0
Кырсыктан Кудай сактасын.
25.03.2011. 22:46 
Тайпасы:
Жаран
Комментарийлердин саны:
269
Катталган:
06-09-2010
Соӊку аракети:
04-10-2018 23:46
Жынысы:
Белгисиз
Калаасы:
Italia,Sardegnia.
0
4 ailik kizdi TVdan korup alip men da ilagam.
25.03.2011. 23:44 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Ымыркайлардын боодо кырсыктарда аман калгандыгы коп эле кездешип жатат.Ал да болсо Кудайдын керемети. Акырет жакындашып атат чамасы.
26.03.2011. 01:53 
Тайпасы:
Кыймылы жок
Комментарийлердин саны:
30
Катталган:
06-02-2011
Соӊку аракети:
07-01-2015 04:47
Жынысы:
Белгисиз
Калаасы:
Нарын
0
Акыр замандын келгени ушулбу дейм. кудай озун сактай кор
26.03.2011. 11:06 
Тайпасы:
Кыймылы жок
Комментарийлердин саны:
24
Катталган:
20-08-2010
Соӊку аракети:
10-06-2016 08:31
Жынысы:
Белгисиз
Калаасы:
Кытай-Кызылсуу кыргыз автономиялуу областы
0
Жер шарынын картайып калган убагы, экологиянын ченемсиз бузулушунан улам жер шарынын карып келип акыры замандын белгилери көрүлүп жаткандай чочутат кишини.
28.03.2011. 12:54 
Тайпасы:
Кыймылы жок
Комментарийлердин саны:
18
Катталган:
17-12-2010
Соӊку аракети:
05-11-2014 21:10
Жынысы:
Белгисиз
Калаасы:
Japan
0
9kunndon kiin tabilgan 16 jashtagi bala 80 jashtagi chon enesi menen aman kalgandigin da TVdan korgozuudo.
30.03.2011. 11:10 
Тайпасы:
Жаран
Комментарийлердин саны:
3
Катталган:
03-12-2010
Соӊку аракети:
19-11-2018 08:00
Жынысы:
Белгисиз
Калаасы:
Аалам
0
Кырсык каш кабактын ортосунда экен
30.03.2011. 12:53 
Тайпасы:
Жаран
Комментарийлердин саны:
215
Катталган:
03-09-2010
Соӊку аракети:
01-02-2017 15:02
Жынысы:
Белгисиз
0
Акырет жакындап келе жатат деген ушул окшойт. 2012 декабр болот дешуудо. Ванга айткан экен Японияны орт каптайт деп,мына ошол болуп жатат.
01.04.2011. 13:27 
Тайпасы:
Кыймылы жок
Комментарийлердин саны:
23
Катталган:
27-11-2010
Соӊку аракети:
01-07-2011 21:49
Жынысы:
Белгисиз
Калаасы:
LBJFVi
0
Kudai Saktasyn, andai suuk sozdor m-n adamdyn jurogun tuwurbogulo4u, InshAllah baary jakwy bolot!!! 12.12.12 dep okwow sifrany oilop taap ele kino tartyp koyuwsa iwenip albagyla4y:((
01.04.2011. 14:26 
Тайпасы:
Жаран
Комментарийлердин саны:
33
Катталган:
19-09-2008
Соӊку аракети:
07-02-2018 11:57
Жынысы:
Белгисиз
Калаасы:
Osh
0
Kudaiym ozu saktasyn, Myndai nerselerdi aityp adamdy korkutpagyla4y? Baary jakwy bolup ketet.
01.04.2011. 17:34 
Тайпасы:
Жаран
Комментарийлердин саны:
5
Катталган:
06-06-2010
Соӊку аракети:
11-04-2018 17:36
Жынысы:
Белгисиз
Калаасы:
Бишкек
0
Мынжай жер титироодон Кудай сактасын!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: