Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Руслан Абасов: «УУЛУМ РУСЛАН ОЛИМПИАДА ЧЕМПИОНУ БОЛОТ»

№438 25-31-март, 2011-жыл


Кезинде дүйнөнү титиретип турган кикбоксчуларыбызды кайсы кыргыз билбейт. “Гермес-профинин” доору Руслан Абасов спорттон кеткенден кийин бүткөн” деген кеп бар. Учурда Руслан Абасов эмне менен алектенет? Ушул жана башка суроолорго жоопту даңазалуу спортчубуз Руслан Абасов өзү берет.

АБАСОВ РУСЛАН АКЫЛБЕКОВИЧ
Туулган жылы – 1976-жыл, 15-ноябрь
Туулган жери – Токмок шаары
Бою – 196 сантиметр, салмагы – 116 килограмм
Жетишкендиктери – Кикбокс боюнча профессионалдар арасында 3 жолкудан Дүйнө (1999, 2003, 2005) жана Европанын (1998, 2000, 2005) чемпиону; Дүйнө кубогунун ээси (2002); Барс версиясы боюнча КМШ, Евразия, Европа жана Дүйнөнүн чемпиондук курларынын ээси.
Лакап аты – Гермес
Билими – Токмок технологиялык институтунун экономика бөлүмүн бүтүргөн
Кумири – Сүймөнкул Чокморов
Үй-бүлөлүү, 2 уул жана 1 кыздын атасы. Учурда Токмокто жашайт.

– Руслан байке, кичинеңизде ким болууну самачу элеңиз?
– Биздин убакта бир эле кумир, бир эле идеал бар болчу. Брюс Ли деген. Балдар чогулуп анын кинолорун көрүп, баарыбыз Брюс Ли боло берчүбүз. Брюс Лидей болсок деп кыялданчубуз. Гагаринден кийин эле Брюс Ли турчу.
– Сиздин спортзалга барууңузга Брюс Ли түрткү болуптур да. Биринчи кайсы спорт секциясына баргансыз?
– Токтогул Сатылганов атындагы интернатта окуп жүргөндө балдар менен чогуу күрөшкө баргам. Спортзалды биринчи эркин күрөш аркылуу билгем. Алмаз Мусабаев деген машыктыруучу бар эле. Ошого барчубуз.
– Спорт менен алекте­нүүнү эркин күрөш­төн баштаган экенсиз. Кикбокско кандай келип калгансыз?
– Кикбокстон мурун бокс менен машыккам. Анткени күрөшкө бара баштагандан 6 айдан кийин эле ал секция жабылып калган. Бокс залында Алтай Өмүрбаев, Вячеслав Шарапов деген машыктыруучулардын кол алдында тарбияландык. Бир күнү балдар менен баскетбол ойногону бир залга барсак, жабык экен. Кетип баратып топ балдарды көрүп калдык. Көрүнүшүнөн чымыр денелүү, спорт менен машыккан, спорттук сумкаларды көтөргөн балдар. Мен таң калып туруп калдым, чогуу келген балдар болсо кетип калышты. Көрсө, алар Кубат Абылкасымов деген машыктыруучуга ушу-саньда боюнча машыгууга келген балдар экен. Машыгуу башталганда аларга кошулуп, уруксаты жок эле катарга туруп алдым. Алар мени жаман көздөрү менен карай башташты. Өзүмө ишенген бала болчумун да анда (күлүп). Анан машыгуу башталып, Кубат агай менин ким экенимди сурады. “Мен ушул жакта жашайм. Байкашымча, машыгууну баштап жатасыңар. Чогуу машыксам болобу?” дедим. Анда агай: “Эй жигит, сен машыгууну сыртынан байкап көр. Машыгуу бүткөндөн кийин каалооң болсо, анан кел”,- деди. Макул болуп, машыгууну сыртынан карап отуруп түңүлдүм. Анткени ага чейин күрөштө, боксто деле машыктыруучулар бизге “бири-бириңерди аягыла, этият мамиле жасагыла” деп айтышчу. Ал эми бул жерде балдар бири-бирин талкалап салганга чейин барып жатышты. Ургандары да таамай тиет, жыгылышат, мурундары канайт. “Аа, ушу-саньда деген ушул турбайбы” дедим. Бирок менде коркуу сезими болгон жок. Тескерисинче, кумар, шерденүү пайда болуп, аябай кызыгып, машыккым келип кетти. Машыгуудан кийин Кубат агайга барып: “Кечирип коюңуз, уруксат сурабай катарга туруп алганым үчүн. Мага машыгуу жакты. Уруксат болсо, залга келип турсам болобу?”- дедим. Агай макул болду. Ошентип, Кубат агай жетектеген “Аалам” спорт клубунда машыга баштадым. Бокстон ушу-саньданы тандап кеттим. Анткени бала кезде самаган Брюс Линин киносунан көргөндөрүмдү ушу-саньдада ишке ашырдым.
– “Гермес-профиге” кантип келип калгансыз?
– Александр Хусаинович, анын тарбиялануучулары Тахир жана Таалай Дүйшекеев, Иса Мамбетов, Маралбек Давлеткуловдор менен 1994-жылы Токмокто өткөн ушу-саньда боюнча Кыргызстандын биринчилигинде таанышкам. Ал менин биринчи чоң мелдешим болчу. Финалга чейин жеткем. Ошондо “бул баладан бирдеме чыгат” деген кептерди угуп калгам. “Гермес-профиге” кирип калышыма Малик Борбашевдин салымы зор. Ал анда Токмокто Брюс Лидей эле авторитет болчу. Ал мени сыртымдан байкап жүргөн экен. Бир күнү: “Сени билем, акырына чейин мушташасың. Мен сага ишенем. Бизге келип, “Гермес-профиде” эле машыкпайсыңбы?..”- деди. Эртеси сумкамды көтөрүп Бишкекке жөнөп кеттик. Ошентип, “Гермес-профи” деген клубдун мүчөсү болуп калгам.
Мен ушул жерден Алтай Өмүрбаев деген машыктыруучум жөнүндө айтып кетким келет. Анын менин машыктыруучуларымдын арасында орду өзгөчө. Ал машыктыруучу, педагог, ага болчу жерде ага, керек болсо атамдай болгон. Ал мага көптөгөн пайдалуу кеңештерин берип, чоң спорттун сырларын үйрөткөн. Анын машыгуудан кийин деле мени менен баарлашып, ар бир аракет, соккуларымды айтып түшүндүргөндөрү, «мындай каталарды кетирбе, мындай кылсаң туура болот» дегендери эсимде. Натыйжада ошол кеп-кеңештерди угуп, ири жеңиштерге жетиштим.
– Карьераңызда эң оор деп кайсы беттешти эсептейсиз?
– Негизи, супер оор салмакта менин бир атаандашым бар эле. Мен анын жанында “Аяз кыз” болуп калчумун. Бою 2 метр 19 сантиметр, салмагы 150 килограммга чукул Александр Устинов деген. Ал өзү орус, бирок Беларустун туусунун астында рингге чыгып жүргөн. Мындайча айтканда, дөө болчу да. Аны менен 2005-жылы Бишкекте мурунку президент Бакиевдин кубогунун финалында мушташканбыз. Андан 15 күн мурда Москвадагы мелдеште оң бутумдан жаракат алып, намысты алдырбаш үчүн оорулуу бутум менен мушташууга туура келген. Бут менен тебүү биякта турсун, жаракатым кайрадан күчөп, жөн гана тура албай калгам. Анан машыктыруучулар менен дарыгерлер кеңешип, бутума ооруну сездирбөөчү 15 ледокоин уколун салышкан. Ошондо бутумду сезбей, ашыкча 30 килограмм жүк байлап койгондой эле болуп калган да. Ошентип, экөөбүз 5 раунд уруштук. Ал мени ошондой абалда мушташып жатканымды билип турса да, уруп жыга алган эмес. Ошондо ички күчпү, мүнөзбү билбейм, анан миңдеген күйөрмандардын жан үрөп колдоосунун артынан упай боюнча жеңип чыккам.
– Эми сөздү үй-бүлөгө бурсак. Кандай үй-бүлөдө чоңойгонсуз? Ата-эне, бир туугандарыңыз жөнүндө да айта кетсеңиз...
– Мен ошол кездеги катардагы карапайым жумушчунун үй-бүлөсүндө чоңойгом. Атам Акылбек кичинемде каза болуп калган. Экинчи атамды ата деп өскөм. Апам Жумагүл фабрикада иштечү. Биринчи машыктыруучу деп апамды эсептейм. Мирлан, Мирбек аттуу инилерим жана Миргүл деген карындашым бар. Баары үй-бүлөлүү. Үйлөнүп-жайланышкан.
– Жеке жашоого келсек. Жубайыңыз менен кантип таанышкансыз?
– Жубайымдын аты – Айчүрөк. Экөөбүз Токмокто, мелдеш учурунда таанышканбыз. Анда мен 22де, ал 11-класстын окуучусу болчу. Жылдызыбыз келишип, сүйлөшүп жүрдүк. Айчүрөк мени ар тараптан колдоп, көп жардам берди жана берип келет. Чогуу салмак кууп жүргөн күндөр болгон. Сүйлөшүп жүргөндө «Дүйнө чемпиондугун жеңейин, анан үйлөнөбүз» дечүмүн. Анан 2003-жылы баш кошконбуз.
– Cпортчулар балалуу болгондо жубайынын жанында эмес, мелдештерде болуп калгандарын көп угам. Сизде бул жагы кандай?
– Мен да тун уулум төрөлгөндө Ялтада өтүүчү Дүйнө чемпиондугуна даярданып, машыгуу сборунда жүргөн элем. Төрөт үйүнө Александр Хусаинович менен менеджерибиз Полина Мельникова барган. Мен телефон аркылуу сүйлөшкөм. Анан мелдешке кетип баратып, чемпион болуп кайтам деп убада бергем. 11 бала барган элек, бир гана мен чемпион болдум. Финалга чейин бардык беттештерим 3 раунддан ашкан эмес. Ал эми финалда украин спортчусунун жамбашы рингден көтөрүлгөн эмес. Мотивациям күчтүү болчу, ошондо Майк Тайсонду да жеңмекмин деп ойлойм. Айткандай эле уулума алтын медаль алып келип моюнуна таккам.
– Канча балаңыз бар? Балдарыңыздын келечекте ким болуусун каалайсыз?
– Темирлан азыр түрк лицейинде 1-класста окуйт. Күнүгө «5» алып келип кубантат. Дагы Лейла деген кызым жана Руслан аттуу уулум бар. Сыр болчу, эми айта берейин. Руслан деп койгонумдун себеби – ал кенже Абасов Руслан Русланович. Азыр 9 айлык. Ошентсе да андан үмүт чоң. Суроо-талап да чоң болот. Өзү да 4,5 килограмм салмакта төрөлгөн. Буюрса, Руслан келечекте бокс боюнча Олимпиада чемпиону болсо дейм. Бул үчүн бүт күч-аракетимди жумшайм. Уулум Руслан Олимпиада чемпиону болот деп ишенем. Азырынча эгемен Кыргызстандын тарыхында Олимпиада чемпиону жок. Токмокто чоң спорт комплексин ачуу планым бар. Кубадан мыкты машыктыруучуларды чакырууну максат кылып жүрөм.
– Бизди кызыктырган башкы суроого да жеттим окшойт. Учурда Руслан Абасов эмне менен алектенет?
– Нарындын Ак-Сай өрөөнүндө 50 миң гектар жерим бар. 7 жылдан бери ошол жакта аң уулоочулук менен алектенип келем. Учурда Кыргызстанда жаныбарлар абдан эле аз. Элик, тоо текелер, кайберен деп коёбуз жана аркар. Туяктуулардан ушул 3 жаныбар бар. Эмне үчүн Кыргызстандын байлыгы алтын же акча менен эле өлчөнүшү керек? Эмне үчүн мекенибизди табият жагынан байыта албайбыз? Биздин жаратылыш шартында жашап кете турган көптөгөн жаныбарлар бар. Алсак, Непалда гималай тарлары (койдун бир түрү), нахур (койдун бир түрү), серна (эчкинин бир түрү), түндүк америка ак куйруктуу бугусу (биздин эликтен чоңураак, бугудан кичирээк) бар. Булар токойлорубузда абдан жакшы жашашмак. Мунун баары байлык да. Аларды алып келсек, 5 жылда ушунчалык көбөйөт, атып же карышкыр жеп да жок кыла албайт. Азыр ошол жаныбарларды алып келүү боюнча долбоорлордун үстүндө иштеп жатам. Эгер ишке ашып калса, табиятыбызга көрк кошуп, улуттук баалуулук болмок. Мындай тажрыйбаны Жаңы Зеландия аралынан көргөм.
Учурда аркар-кулжа, эчки-текелерибиз азайып кетти. Биринчиден, мергенчилик аябай мода болууда. Экинчиден, карышкырлар жаныбарларды жеп жок кылууда. Аңчылыкты көзөмөлдөө жана аңчылык ресурстарын жөнгө салуу департаментинин каражаттын жоктугунан карышкырларды жок кылууга кудурети жетпей турат. 
– Руслан байке, кызыктуу маегиңизге рахмат, ой-максаттарыңыздын баары орундалсын!
– Мени эстеп койгонуңуздар үчүн сиздерге да рахмат. Ийгилик каалайм!

Базарбек Абдураимов
sport@super.kg


Руслан Абасов: "Уулум Руслан Олимпиада чемпиону болот"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(18)
25.03.2011. 19:48 
Тайпасы:
Жаран
Комментарийлердин саны:
22
Катталган:
13-06-2010
Соӊку аракети:
06-09-2018 14:16
Жынысы:
Белгисиз
Калаасы:
russia
0
50 мин гектар!!!!!!! ме сага !!!!
26.03.2011. 09:09 
Тайпасы:
Кыймылы жок
Комментарийлердин саны:
5
Катталган:
26-08-2010
Соӊку аракети:
31-12-2014 22:28
Жынысы:
Белгисиз
0
Карышкырлар кайберендерди 1000 жылдап кыра алган эмес адамдар кырат Непалдын американын кой эчкилерин жон койуп озубуздун марко поло аркарын, бугуларды эле остуро бербейсизби
26.03.2011. 13:10 
Тайпасы:
Кыймылы жок
Комментарийлердин саны:
70
Катталган:
05-07-2010
Соӊку аракети:
30-04-2012 11:08
Жынысы:
Белгисиз
0
Суймонкул Чокморов кумирин болсо, анда Руслан сен элинди суйгон жигити экенсин, ийгилик сага!
26.03.2011. 16:10 
Тайпасы:
Кыймылы жок
Комментарийлердин саны:
27
Катталган:
01-02-2011
Соӊку аракети:
17-10-2014 00:38
Жынысы:
Белгисиз
Калаасы:
Каякта жашасам ошол жак!!!!
0
Омий Майк Тайсонду да женмекмин дейби?Блушу мумкун эмес!!!
28.03.2011. 04:34 
Тайпасы:
Жаран
Комментарийлердин саны:
28
Катталган:
05-12-2010
Соӊку аракети:
04-06-2018 21:34
Жынысы:
Белгисиз
0
ошол кезде майктыда женмекмин дебатабы эмне азыр 60ка кирип калдынызбы.
Super TV
29.03.2011. 00:06 
Тайпасы:
Кыймылы жок
Комментарийлердин саны:
8
Катталган:
19-03-2011
Соӊку аракети:
23-06-2011 03:35
Жынысы:
Белгисиз
0
Ruslan bayke,,aman bolunus,,oylogon oy maksatinis ichke achsin,Ruslan mlachiyge Kudayim den sooluk bersin,,sizdey adamdar koob jaralsin Kirgistanda,,anan Janibar lar jondo oyunus abdan jakchi birok =) Kirgis Indeytster kobko,,koboytuch kiyin bolub kalatko
29.03.2011. 02:55 
Тайпасы:
Кыймылы жок
Комментарийлердин саны:
391
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
жогоруда коММент бергендер жакшылап окуп, тушунуп туруп анан ой пикиринерди жазсанар абдан жакшы болмок...ар бир адам спорт тармагындабы же башка тармактабы мелдеште же жашоодо чон ийгиликке жетишип же бир нерсени багындырганда албетте эйфория абалында озун эн кучтуу сезип, Тайсонду да женмек болушум керек деп ойлоду да...
Super TV
30.03.2011. 00:36 
Тайпасы:
Жаран
Комментарийлердин саны:
265
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
uuffff aiyabai jai suiloit eken baikebis. Iyigilik sizge!
30.03.2011. 17:20 
Тайпасы:
Кыймылы жок
Комментарийлердин саны:
8
Катталган:
19-03-2011
Соӊку аракети:
23-06-2011 03:35
Жынысы:
Белгисиз
0
Bul bayke Kirgizstandin jelgenin jelbiretem deb den soolugun ketirgen!!aa aldidagi biljiragandar siler emne kildinar ele ??minday kichige sin takpayt!! Urmatap den sooluk kaalab raxmatin aytat!!Taza Kirgiz,Manastin uulu deb uchunday Erkekterdi aytat!!Malik Barbachev,,Ruslan Abasov,, Chuyskiy Krasavchikter!baykeler ardayim bar bolup aman bolgul!!
31.03.2011. 07:56 
Тайпасы:
Жаран
Комментарийлердин саны:
3
Катталган:
19-09-2010
Соӊку аракети:
13-09-2018 22:40
Жынысы:
Белгисиз
0
Салам Руслан.Давно не виделись.Молодец я тебя поддерживаю с Огромным приветом из Португалии Улан Дельфин).
31.03.2011. 22:15 
Тайпасы:
Кыймылы жок
Комментарийлердин саны:
1
Катталган:
31-03-2011
Соӊку аракети:
31-03-2011 22:15
Жынысы:
Белгисиз
0
кандай сонун адам.чыныгы адам.мен сыйлайм издейм ушундай адамдардарды.менин кыргызым.кандай бакыт.мен дагы бир ирет бактылуу болдум.азамат
руслан.коп жашап макматтарын орундалсын.ийгилик жолдоп кудайым сактасын.сендей баатыр кыргызымдын таалайы менен бакыты байлыгы.рахмат жакшы максаттар менен пландарына.
Super TV
06.04.2011. 22:14 
Тайпасы:
Кыймылы жок
Комментарийлердин саны:
57
Катталган:
18-05-2009
Соӊку аракети:
15-10-2013 14:39
Жынысы:
Белгисиз
0
Бул баатырдын 50 мин гектар жеримбар дегенин угуп "талмам" кармап кала жаздады. Же мен 9 сотых жерде жашаганым учунбу, билбейм. Анан да озунун атын уулуна ыйгарганы озунчоле жанылык го кыргыз учун
Super TV
01.07.2011. 13:50 
Тайпасы:
Кыймылы жок
Комментарийлердин саны:
3
Катталган:
03-10-2010
Соӊку аракети:
26-11-2012 21:48
Жынысы:
Белгисиз
0
молодец, ушундай адамдар коп болсо Кыргызстан бутуна туруп кетмек
Super TV
28.03.2014. 07:40 
Тайпасы:
Кыймылы жок
Комментарийлердин саны:
22
Катталган:
31-01-2014
Соӊку аракети:
25-03-2016 08:24
Жынысы:
Белгисиз
0
акылдуу экен
Super TV
28.03.2014. 12:59 
Тайпасы:
Жаран
Комментарийлердин саны:
119
Катталган:
05-07-2013
Соӊку аракети:
25-08-2018 02:22
Жынысы:
Белгисиз
+1
Кэчээ бар адам, бугун жок. Жаткан жери жайлуу болсун!
Super TV
28.03.2014. 16:07 
Тайпасы:
Кыймылы жок
Комментарийлердин саны:
95
Катталган:
25-05-2013
Соӊку аракети:
13-09-2017 12:56
Жынысы:
Белгисиз
+1
жаткан жери жайлуу болсун. Бул киши Бруслиге окшогусу келсе канча адам Руслан Абасовго окшогусу келди экен, ошолордун арасында мен бар элем. Ото окунучтуу.
Super TV
28.03.2014. 18:13 
Тайпасы:
Жаран
Комментарийлердин саны:
369
Катталган:
22-04-2011
Соӊку аракети:
12-12-2017 23:04
Жынысы:
Белгисиз
Калаасы:
Бишкек
0
Руслан Абасов олгон жок. Ал тируу! Ал азыр кичинекей, бирок акылы жетилип, бул видеону корсо созсуз атасынын аманатын аткарат деп ишенем.
Super TV
28.03.2014. 21:20 
Тайпасы:
Кыймылы жок
Комментарийлердин саны:
12
Катталган:
09-12-2013
Соӊку аракети:
29-05-2015 10:25
Жынысы:
Белгисиз
Калаасы:
Ош
0
эмне сапаты жаман улбайт го суйлогону даана
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: