Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УРМАТТУУ ЛИДЕРЛЕР, УБАДАНЫ УНУТКАН ЖОКСУЗДАРБЫ?

№438 25-31-март, 2011-жыл


Парламенттик шайлоодо жеңишке ээ болгон депутаттар Жогорку Кеңешке буту басып киргенден бери төрт айдан ашты. Азчылыгы оппозицияда болсо, көпчүлүгү өкмөттүк курамда отурат. Биз жарым жыл мурунку талапкерлердин берген убадаларын эске салууну туура көрдүк.

УБАДАЛАР АКАЕВДЕН БЕРИ ӨЗГӨРБӨЙТ
Чын-чынына келгенде, ар жолку шайлоодо адатка айланган убадаларды уккандан эл тажады. Бирок айла канча, үгүт кербени учурунда бийликке ээ болгусу келген талапкерлер “асмандагы айды алып берем” дегенге чейин барары белгилүү. Жыйырма жыл мурунку туңгуч президент Аскар Акаевдин берген убадасын коё туралы, кечээги күнгө кыска саресеп салсак...
Мына 2005-жылы алгачкы төң­көрүш­тө эле бюджеттик тармактагы кызматкерлердин айлыгын жогорулатуу, соттук бийликте реформа жүргүзүү, паракорчулук жана жердешчилик менен күрөшүү, анан албетте, жакырчылыкты жоюуга сөз беришкен. Тилекке каршы, “эшеги арыктан өткөн соң” реформанын баарына убакыт керек дешти. Андыктан 2007-жылы убакытты уттурууну каалабаган “Реформа үчүн” кыймылынын өкүлдөрү аянтка чыгышкан. “Реформачылардын” лидери болгон Алмазбек Атамбаев Ак үйдүн 7-кабатына көтөрүлгөндө жогорудагы реформа жүргүзүү талаптары унутула түшкөнсүдү.
“Саясат – тил табышуунун искусствосу” деп коюшат эмеспи. Анын сыңары эгемендик алгандан бери аткарылбаган убадаларга “убакыт керек” деп шылтоолошот. Бирок электр энергиясы менен жылуулуктун тарифин кымбаттатуу же уюлдук байланышка 60 тыйын кошуу өңдүү «реформалар» заматта ишке ашып кетет. Калкка берерин эстен чыгарып, андан алганга маш болгон биздин аткаминерлер ушул адатын качан ташташат? Ошол эле учурда сөзүнүн өтөсүнө чыккандар жок эмес экендигин да айта кетели.


КСДП
КСДПнын лидери Алмазбек Атамбаев азыркы учурда өкмөт башчы. Башка партияларга салыштырмалуу КСДПда убадаларын ишке ашырууга мүмкүнчүлүктөрү чоң.

Алмазбек Атамбаевдин берген убадалары:

  • «Биз абсолюттук кризистин босогосунда турабыз. Кыргызстан Борбор Азияда эң бай мамлекет болууга милдеттүү. Андыктан бир жарым-эки жылдан кийин бюджеттин киреше бөлүгүн эки эсеге жогорулатабыз!»

Албетте, эки жыл убакыт өтө элек. Бирок быйылкы жылдын бюджетинин олчойгон чыгымы кирешени көбөйтүүгө жол берери күмөн. Анын үстүнө өкмөт чыгымды кантип жабуу жолдорун таппай отурган кербези.

  • «Паракорчулук менен күрөшүү үчүн Түштүк Кореядан реформанын үлгүсүн алабыз. Азыр АКШнын Гарвард университетинде иштеген адистер менен байланыштык, шайлоодогу жеңиштен кийин биз аларды сөзсүз Бишкекке чакырабыз».

Алмазбек Атамбаевдин өкмөт башчы болгондон бери Гарвард университетиндеги адистерди чакырганын кулагыбыз чалбады. Же аларды жашыруун алдыртып жатабы? Кантсе да күтө туралычы, океандын ары жагынан жол карытып келүү оңой бекен?

  • «Парламенттик шайлоодон кийин күйүүчү майдын баасы арзандайт!»

Оп, бали! Күйүүчү майдын 8-10 сомго чейин арзандаганын көрдүк. Бирок оомал-төкмөл Орусия “аба ырайына” карап, ташуу салыгын киргизип салышы да ыктымал. Азырынча биринчи кадам аткарылды, эми кезек башка убадаларда.


«РЕСПУБЛИКА»
“Бабановчулардын” опол тоодой убадаларына тажрыйбалуу экономисттер да таң калганын жашырган эмес.

Өмүрбек Бабановдун берген убадалары:

  • «Электр энергиясын өз баасында сатып, бул тармактагы 40 пайызга чейин жеткен техникалык жоготууну жоёбуз».

Эмнегедир ай сайын колубузга тийген жарыктын эсеп кагазында электр энергиясынын арзандалганын көрө элекпиз. “Республиканын” атынан дайындалган Энергетика министри Аскарбек Шадиев быйылкы жылдын июнь айына чейин бул убада боюнча жооп айтарын билдирген.

  • «Мекендештерибиздин Орусиянын көчөлөрүн шыпырып жүргөнүнө боорум ачыйт. Алар үчүн Кыргызстанда жумуш орундарын түзүп беришибиз керек. Бизде 100 миңге чейин жумуш орундарын түзгөн адамдар бар».

Учурда “Республиканын” лидери өкмөттө экономикалык тармакты жетектейт. Демек, жумуш орундарын түзүү вице-премьердин колунан келчү иштердин бири. Азырынча кандайдыр бир ишкана же завод ачылып, 100 миң эмес, 1 миң кишиге жумуш оруну түзүлгөнү айтылбады.

  • «Айыл-чарбаны өнүктүрүү үчүн дыйкандарга 7 пайыздан насыя беребиз. Бул – ар бир фермер үчүн кыял! Мен “Республика” партиясы бул кыялды ишке ашыра аларына ишенем».

Вице-премьер Өмүрбек Бабановдун коммерциялык банкы бар экендигинен калк кабардар. Жарыкты өз баасында сатып албасак дагы, дыйкандар ушул жаздан тарта кредитин ала башташты. Тилекке каршы, 7 пайыздан эмес, ал 9 пайызга жогорулап кетти.


«АТА ЖУРТ»
“Реваншист” атка конгон талапкерлер үгүт кезинде убактысын программасын жарыялоого эмес, көбүрөөк өзүн актоого жумшашты.

«Ата журтчулардын» берген убадалары:

  • «Эгерде биз шайлоодо утуп чыксак, анда экс-президент Курманбек Бакиевди кайтарбайбыз».

Эске салсак, “Бакиевди кайтарабыз” деген видеожазуу интернетте жайылып кеткен. Аны “ата журтчулар” монтаж дешип, кийин “эч кандай аны кайтарып келүү оюбуз жок” деп билдиришкен.

  • «Биз парламентке келерибиз менен ишти апрель жана июнь окуяларынын себептерин иликтөө менен баштайбыз. Биз мунун жыйынтыгын жылдын аягына чейин (ред. 2010-жыл) билдиребиз».

ЖКнын депутаттары биринчи жыйынга топтолгондо “ата журтчулар” Ош жана Жалал-Абаддагы улуттар аралык кан төгүүнү иликтөөнү көтөрүп чыгышкан. Бирок же апрель окуясынын соту, же июнь окуясынын сот иштери аяктай элек.

  • «Мугалим, врач жана маданият кызматкерлеринин айлыгын эки эсеге жогорулатабыз. Күч структураларынын кызматкерлерине социалдык жеңилдик берүү зарыл».

Айлыктарга келсек, мугалимдер кычыраган кышта айлап митингге чыгып отуруп, өкмөттүн сөз берүүсүнөн улам токтошту. Күч органдарынын кызматкерлеринин айлыгы көтөрүлгөн жок. Же алардын дагы митингге чыгышын күтүп отурабызбы?

P.S. Кийинки сандарыбызда парламенттик азчылыкты түзгөн “Ар-намыс” менен “Ата Мекендин” убадалары жөнүндө кеп курабыз.

Эльвира Караева
koom@super.kg


«Супердин» сурак бурчу

САЯСАТЧЫЛАРДЫН КИМИСИ ЭЛДИ КЫЙЫН АЛДАЙТ?

Күмөндөр Абылов,
куудул:
– “Саясат бул – калптын иши” деген сөздү өзүлөрүнөн угуп калам. Бирок дүйнөдө мекенине ак кызмат кылган Ататүрк сыяктуулар болгон. Биздикилер кызматынан айрылып калбайын деп соодагер болуп кетишти. Сатып отуруп жерибизди картадан карасаң, оюнчук тапанчадай болуп калды. Азыркыларга убакыт бериш керек.

Гүлмира Жакыпова,
эсепчи:
– Баары, анын ичинен өзгөчө калпычылар Акылбек Жапаров жана Ахматбек Келдибеков. Булар “бийликке кайра келгенге акым бар беле?” деген суроону өзүлөрүнө койсо болмок. Элге кызмат кылышкан жок. Эл өзүн-өзү багып жатат. Калптын айынан эки жолу революция болду да.

Жолдубай Сүйүнов,
студент:
– Саясатчылардын арасынан тигил же бул деп аттарын санаганга болбойт. Анткени баары эле алдамчы. Шайлоо учурунда көп убадаларды беришет да, иш жүзүнө келгенде бири да аткарылбасын көрүп эле келе жатабыз.

Элмира Манапова,
экономист:
– Мен Майрам Акаева жана Курманбек Бакиевди алдамчы дейт элем. Себеби алардын иши аткарылбай калгандыктан, бийликтен кулап, качып кетишпедиби. Ал эми азыркы бийликтегилерди сындаганга убакыт жете элек. Бир аз иштешсин, убакыт берели, анан көрөбүз.

Эдил Байсалов,
саясатчы:
– Курманбек Бакиев. Элибизди да, бизди да алдап кеткени күйдүрөт. Экс-президент эч нерсе айтпаганынан биз “иштерман адам окшойт” деп мактадык эле. Азыркылар биринен-бири аша “апакай” болуп жатышат. Эми президенттик шайлоодо элибиз алданбаса деген тилегимди айтам.

Айзат Рысбек кызы,
студент:
– Азыркы бийликтегилерди алсак, өкмөт башчы Алмазбек Атамбаевди айтам. Бул саясатчыны калпычы дегенден алысмын, бирок берген убадалары азыр аткарылбай жатат. Ага караганда Өмүрбек Бабанов айткан сөзүн иш жүзүндө аткарууда деп эсептейм.

Базаркул Маматкулов,
пенсионер:
– Эми алар менен бетме-бет жолукпасам да, аткарган иштерин гезит беттеринен окуп калам. Баары калпты көп айтышат. Бул жагынан биринен-бири кем калышпайт. Ишенсең да, ишенбесең да баары бир болуп калды.

Кубаныч Сыдыков


Саясатчылардын кимиси элди кыйын алдайт?

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(10)
25.03.2011. 23:23 
Тайпасы:
Кыймылы жок
Комментарийлердин саны:
3
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Бул 24-мартка карата партиялардын отчетубу? Мунун артында элди кандайдыр бир митингге,же тополонго ундогон чакырык сызгырылып аткандай. Жылда 24-мартта кундарегибизге "Тонкоруш,ынкылап" деген создор отуруп калат эмеспи. Ушундайларды окуганда эл деле ойлойт да,булар иштебей эле жеп журот деп. Анан бироо аз-маз тукуруп койсо,митинг болуп кетиши жон эле нерсе. Байсалов,ошончолук акылдуу болсон эмне учун Бакиевдин калпычы экенин убагында билбей,эми санын чапкылайсын "алдап кетти" деп.
26.03.2011. 01:03 
Тайпасы:
Кыймылы жок
Комментарийлердин саны:
30
Катталган:
06-02-2011
Соӊку аракети:
07-01-2015 04:47
Жынысы:
Белгисиз
Калаасы:
Нарын
0
Азыркы саясатчылардын эч кимисине ишенбейм
26.03.2011. 02:14 
Тайпасы:
Жаран
Комментарийлердин саны:
218
Катталган:
21-05-2007
Соӊку аракети:
24-05-2018 22:13
Жынысы:
Белгисиз
Калаасы:
Бишкек шаары
0
Акаевтин убагында тегирмендер иштеген
Бакиевтин убагында нанды сатып жей баштаганбыз
эми кайра тегирмендер иштейт окшойтя
Super TV
26.03.2011. 02:30 
Тайпасы:
Жаран
Комментарийлердин саны:
96
Катталган:
03-07-2009
Соӊку аракети:
27-08-2018 21:45
Жынысы:
Белгисиз
Калаасы:
Улуу Кыргыз Дөөлөтү Ордо Балык шаары
0
Оомей калгандарычы эмнеге менден алган жоксунар интерьвюнарды
26.03.2011. 10:30 
Тайпасы:
Кыймылы жок
Комментарийлердин саны:
380
Катталган:
20-08-2010
Соӊку аракети:
10-06-2016 08:31
Жынысы:
Белгисиз
Калаасы:
Кытай-Кызылсуу кыргыз автономиялуу областы
0
Саясат менен сасып олтура бербей, эл үчүн, мамлекет үчүн иш жасасаңар боло атка минерлер, элдин алдына чыгып убада бересиңер жасаган ишиңер билинбейт, сөз эмес жасалган чыныгы иш керек, канчалаган чоң мамлекеттердин саясаты өз нугуна түшкөн, экономикасы, технологиясы секонт санап жарыша өнүгүп жатат. КРда болсо саясат менен кармалып олтура берип канчалаган иштер жасалбай артта калып жатат. мекен сүй&#
27.03.2011. 13:59 
Тайпасы:
Кыймылы жок
Комментарийлердин саны:
5
Катталган:
18-03-2011
Соӊку аракети:
23-06-2011 09:51
Жынысы:
Белгисиз
Калаасы:
Жалал-Абад
0
Мен саясатчылардын эч кимисине ишенбей клдым, кимиси бийлике барса баягы эле тууганчылык, паракорчулук,элди тундук-туштук деп болуп жаруу, кочодогу милиционер айлыктын аздыгынан кочодон кунуно 100-200сом акча тапса, бийлике барган саясатчылар, депутаттар, кунуно жок дегенде 10000-20000 доллар пара алышат экен.
27.03.2011. 18:10 
Тайпасы:
Жаран
Комментарийлердин саны:
36
Катталган:
08-06-2010
Соӊку аракети:
21-09-2018 02:02
Жынысы:
Белгисиз
Калаасы:
бишкек
0
Эээч кандай жаны бийликти коргон жокмун, баягы Байкожонун таягы болуп эле калды го. Депутаттардын оозунан чыккан создору(кечирип коюнуздар мени катуу тийсе)воздушный биологический отходтой болуп эле калды го. баарын суйлогону "Кыргызстанды онуктуробуз" куру создор. Аларга ишенген адамдар барына да тан каласын, тобооо деп жаканды кармап...
28.03.2011. 20:34 
Тайпасы:
Кыймылы жок
Комментарийлердин саны:
36
Катталган:
03-10-2010
Соӊку аракети:
18-02-2012 21:25
Жынысы:
Белгисиз
Калаасы:
kyrgyzstan,germania
0
Emnge Ata -Mekendi jazgan joksunar?
01.04.2011. 18:12 
Тайпасы:
Кыймылы жок
Комментарийлердин саны:
35
Катталган:
29-09-2008
Соӊку аракети:
20-01-2014 00:47
Жынысы:
Белгисиз
Калаасы:
бишкек
0
murdakylar jawyryp uurda4u azyrkylar a4yk ele uurdap, aldap kalyshty ka4yp ketse bolot eken dep al jaktan jay da dayrdap koyuwkan baary.
01.04.2011. 18:12 
Тайпасы:
Кыймылы жок
Комментарийлердин саны:
35
Катталган:
29-09-2008
Соӊку аракети:
20-01-2014 00:47
Жынысы:
Белгисиз
Калаасы:
бишкек
0
murdakylar jawyryp uurda4u azyrkylar a4yk ele uurdap, aldap kalyshty ka4yp ketse bolot eken dep al jaktan jay da dayrdap koyuwkan baary.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: