ТҮШТӨР ООРУДАН КАБАР БЕРЕТ

Изилдөөчүлөрдүн айтымында, түштөр организмдин абалынан кабар берет. Мисалы, түштө уча берүү же аң-чуңкурга кулоо – жүрөк оорусунун белгиси. Дагы кандай түштөр кайсы оорудан кабар берет?

ООРУКЧАН ОРГАН МЭЭГЕ ӨЗҮ КАБАР БЕРЕТ
Медицина жаатындагы изилдөөчүлөрдүн айтымында, түштөр организмдин абалынан кабар берет. Анткени уйку кезинде мээ эс албай, тескерисинче, организмде “ревизия” жүргүзөт. Эгер кайсы бир органда оору бар болсо же оору жаралып жатса, анда ал орган мээге SOS сигналын жөнөтөт. Мээ ал сигналды түштө түрдүү образдар менен чагылдырып берет. Андыктан түш өзүңө-өзүң диагноз коюуга өбөлгөчү десек болот.

КАН БАСЫМЫ ЖОГОРУЛАРГА ТАБИГЫЙ КЫРСЫКТАР КИРЕТ
Гипертония оорусу (жогорку кан басым) курчуган кезде ойгонгондо да эсте сакталып кала турган түштөр кирет. Көбүнчө табигый кырсыктар (суу каптоо, зилзала, катуу шамал), үйлөрдүн кулашы, чуңкурга кулоо сыяктуулар. Бирок түштөр үзүндү-үзүндү болуп кирет. Түштө жагымсыз үндөр да угулушу мүмкүн. Мисалы, шуулдаган, кытыраган же кулакты көзөгөн ачуу үн. Кээ бир оорукчандар түшүндө космоско учуп, бирок скафандр денесин кысып кыйналганын да айтышкан.

ГИПОТОНИКТЕР ТОСКООЛДУКТАН ӨТӨ АЛБАЙ КЫЙНАЛЫШАТ
Гипотониктерге (кан басымы төмөндөр) бүдөмүк түштөр көп кирип, уйкудан ойгонгондо денеси жанчылып калган болот. Түштөрүнө кандайдыр бир нерсени көтөрө албоо, суудан сүзүп өтө албоо, тоого чыга албай кыйналуу сыяктуулар кирет. Алтургай денесинен бирөөлөр канын соруп алып жатканы да кириши мүмкүн.

ЖҮРӨК ООРУСУНДА КАНДАЙ ТҮШТӨР КИРЕТ?
Жүрөгү оорукчандарга жана жүрөк оорусу жаралып жаткандарга көбүнчө коркунучтуу түштөр кирет. Ушундан алар түн жарымында муздак терге чөмүлүп ойгонушат. Көбүнчө аларды бирөөлөр кубалайт, артынан акмалайт, булар болсо качып туңгуюкка кулашат. Булардын баары жүрөктүн “кокус оорунун айынан токтоп калбаймбы?” деп коркуп, “оорудан мени куткаруу керек” деп мээге сигнал бергенинен.

АСТМАСЫ БАРЛАР МУУНТКАН ТҮШТӨРДҮ КӨРҮШӨТ
Бронхиалдык астмасы барларды түшүндө бирөөлөр муунтат же төшүн оор нерсе басып калат. Жерге кулайт, мөңгү алдында калат же калыптагыдай дем алууга болбой турган жерде жүргөн болот. Мисалы, башка планетада же кеменин трюмунда. Ойгонгондо коркуу, тердөө менен кошо сыртка дароо чыгып кетүү же кайсы бир жакка качып кетүү тилеги жаралат. Бирок кыймылдоого күчү жетпейт.

ИЧЕГИ-КАРЫН ООРУСУ БАРЛАР ЧИЙКИ ЭТ ЖЕЙТ
Ичеги-карын оорусу барлар түшүндө бир нерселерди көргөндөн тышкары даам да сезишет. Боор ооруда мушташуу, бычактан жаракат алуу, кандын же ачуу нерсенин даамын сезүү кирет. Ашказанда гастрит же жара болсо, анда жыттанып кеткен эт (балык), уулуу жашылча-жемиш, жебей турган нерселерди эле жей берүү, тамактын жаман даамдары, тиштин түшүп калышы кирет. Ойгонгондо кускулары келип, жүрөгү айланат.

САСЫК ТУМООДО АДАМ ӨЗҮН ЖЫЛАҢАЧ КӨРӨТ
Адам суукка урунганда же сасык тумоого чалдыкканда түшүндө өзүнүн жылаңач жүргөнүн көрөт. Же отту аралап жүргөнү, же тар кийим кийип алганы, же канчалык суу ичсе да суусуну канбаганы кирет.

ООРУДАН АЙЫГЫП БАРАТКАНДАРЧЫ?..
Оор жагдай артта калып баратканын аң-сезим түштө эмнелер аркылуу чагылдырышы мүмкүн?
Буларга күндүн ачык тийиши, туңгуюктан жарыкка чыгуу, таза сууда киринүү, мушташта жеңүү, ачылган гүлдөрдү же көңүлү ачык балдарды көрүү кирет.

Канымжан Усупбекова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (13)
meerime
2011-04-01 18:23:22
bul tushtordun baary ele kirgen maga;ichegi karyndykynan bashka...oibooi, ushuncha oorum bar beken anan ...kudai sakta...
+1
bagdat
2011-04-02 00:58:08
мен билчумун менин ашказанымда жара бар деп, туптуура чагылдырган, эртен менен кускум келе берет
0
aminali
2011-04-02 01:51:24
Juroktu sro4na tekwertuu kerek.
0
japarova
2011-04-02 09:12:25
)))daaa prikolno..birok menin bronxialnaya asmam bar,maga 4in ele kosmos,u4kan nerseler,jana inoplanetniy kemeden,je inoplanityandardan ka4ip ketuugo ayla tabalbay jurgonum kiret.murda emnege uwular ele kire beret dep oilon4umun!emi tuwundum okwoit,4ininda ele ozumdu jakwi sezgende,bir nerseni jenip jatkanim tuwumo kiret!birok oruurdun aldinda ki4inekey bala kiret,owo zamat oruy bawtaym,je grip menen,je bolboso suuk tiyuu menen!
0
Titi
2011-04-02 09:53:30
Менин тушуму айтсам анда....апеей менин ал жерим оорубайт го,бирок тушумда дайым ошондойлор кире берет.
0
aku
2011-04-02 13:54:25
men tush korom birok erten menen jakshy estei albaim nege bilbeim
0
lira
2011-04-02 21:03:04
Men dagy jyrogymdon kam sanap tyram...Kyndo tyshymdo ka4yp ele jyrgon bolom.
0
solnyshko
2011-04-07 16:36:26
Менин зобум бар,кээде уктаганымда бироо муунтуп аткандай болот,тушумдо болсо чындап эле киши колдуу болуп олуп атканым кире берет,журогум ооруйт бирок кээде эле,жаман оорулардан Кудайым озу сактасын
0
Baichechekei2011
2011-04-08 00:08:54
Men tushumdo kop ucham. Jurogum 1 aida bir 3-4 sekundadai ajabai bat dukuldout. Anan ees alysh uchun kenen-kenen demalyshym kerek. anan ees alyp kalam. Keede jurogum aigylashypooruit. Asyr bolso jurogumdu kop seschuu boldum. Kardiologgo barbasam bolbou kaldy
0
Zhenish
2011-06-11 13:58:36
Менин да журогум ооруйт окшойт анда
0
ulkana
2011-10-07 02:44:44
менин да журогум чындыгында ооруйт, чын эле мен тушумдо учуп журом жээ болбосо бир жерден жыгылып кетчуудой ойгонуп кетем
0
nazgulyakg
2015-04-23 04:35:54
Вауу вот это новость
0
jena_ulukbeka
2015-06-15 09:15:48
Кебирлери гана туура чыкты
0
№ 439, 1-7-апрель, 2011-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА