Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САГЫНДЫРГАН ЖАЗ

№439 1-7-апрель, 2011-жыл


(Башы өткөн сандарыбызда)

Адилет Бермет менен коштошуп, көйнөктү көтөргөн бойдон барып апасына карматты.
– Апа, бул Берметтин апасынын көйнөгү. Кыскартыш керек экен. Белгилеп коюптур кыскарта турган жерин...
– Ой, кайненеңдин көйнөгү­нүн узунун билбей калыптырмынбы? Бир айда беш-алты көйнөк оңдотот эмеспи.
Жылмайып алган Адилет колундагы кагазды апасына сунду.
– Апа, мынакей. Бул жерде кимге канча акча карызбыз баары жазылган. Келгендердин акчасын берип, “мынча сом алдым. Башка доом жок” дедиртип тил кат жаздырып аласыз. Шайыр энемди жаныңызга чакырып алыңыз, күбө кылып... Акчаларды атам мылтык сактаган сейфке салыңыз. 50 миң сомун мурдагыдай кылып ишеничтүү адамдарга процентке карызга бересиз. Үйдөгү тамак-аштын акчасы чыгып турат. 20 миң сомун мен алайын.
– Сен 25 миң сомун ала бер. Кенен жетсин.
Адилет апасына макул болбой, карындаштарына деп 5 миң сом калтырды. Сүйлөшүп, диванга чалкалап жата кетти. Байкаса, күндө ызы-чуу болуп базарга айланчу үй негедир ал күнү тыптынч. Адилет адатынча Бурулайды чакырды.
– Эмне баарыңда эле маанай жок?
– Билип туруп эле сурай бересиз, ээ? Сиздин кетери­ңизге капа болуп, эч ким сүйлөшкүсү келбей жатат.
– Анда бул жакка баарын чогултчу. Чогулуш өткөрөлү.
Жөжөдөй тизилген карындаштарынын баарынын кабактары салыңкы.
– Алтындарым, не болду силерге? Ким таарынтты силерди? Айткылачы, өзүм сүйлөшүп коёюн ошолор менен.
– Биз эч кимге таарынган жок­пуз. Сиздин кетип жатка­ныңызга маанайыбыз чөгүп жатат. Айрыкча Алтынайга жаман болду. Сизге ишенип, балдар менен мушташа берчү. Эми эмне болот болду экен, байкуш?- деди Барчынай бырс күлүп. Анын артынан баары коштоп каткырык салышты. Азыр эле томсоруп турган үй бапырай түштү.
Эртеси Адилет катуу уйкудан түшкө жакын ойгонду. Адатынча сайдагы сууга түшүп, жуунуп болуп курсагын тойгузду да, Элмырзанын үйүнө жөнөдү. Андан Орусиядагы шериктеринин телефон номурун алып келе жатып, Берметти көрө калды.
– Сага номурду берейин деп келдим. Мен жеткенден кийин ылдый барып чаласың да. Самат деген балага “Ширинбекти айтып кой” деп чакырасың, макулбу? Тилеген акенин баласынын күбөлүгү менен баратам.
– Түшүндүм. Жакшы бар анда, бул жерде мени кыйнап көп турбачы.
Адилетти кучактап катуу өптү да, артын карабай чуркаган боюнча үйүнө кирип кетти. Ошентип, жолго чыкчу да убакыт келди. Жакын адамдары жылмаюу аралаш көз жаш менен узатып калышты. Машина менен ылдый баратып жолдон ойноп жүргөн Бурулайды көрүп калды. Таксини токтотуп, карындашы менен коштошмокчу болду. Анын кетип бара жатканын көргөн Бурулай акесин кучактап калды. Көзүнөн жашы агылып:
– Аке, кетпечи?! Кетпечи, аке?! Мен сени сагынам да! Кетпей эле койчу?!- деп буркурап ыйлап жатты. Басылар, агасын коё берер ою жок. Адилет айдоочуга “Жылдыз аке, карындашымды үйгө жеткирип коёлучу. Бул жерге калтырып кете албайм” деп Бурулайды машинага салып алып үйүнө барышты. Жолдо баратып кайра-кайра “кетпечи, аке?!” деп жалынат. Үйгө кирип, карындашын апасына кармата салып эле кайра машинага чуркап чыгып зуу коюшту.
Ашуу ашып, түн жамына Бишкек шаарына кирип келишти. Тааныштары аркылуу брондоп койгон билеттерин алып, “поезддин жөнөшүнө 4 саат бар экен, кайда барсак?” деп баш катырып калышты. Сумкаларын жүк сактоочу жайга коюшуп, шаар аралап келишмей болду. Борбор шаарга биринчи келгендиктен, Адилет айлананы карап, көзү тойбой жатты. Элмырза акесинин жанынан бир карыш чыкпай жүрүп шаар аралап болушту. Көптөн күткөн поезд жөнөй турган убакыт келип, жолго чыгышты. Элмырза “билеттерди начар орундардан алып берип коюптур, эшиктин жанында экен. Ары-бери кирип чыккандар тоскоол боло беришет эми” деп тилденип жатты. Өмүрү барып көрбөгөн жакка Элка акеси алып бараткандыктан, азыр ал адам атасы, апасы да болчу.
Ал ортодо эки адам кирип келип, “документтерди даярдагыла. ИИМден справкаңар барбы?” деп калышты. “Сен унчукпай отура бер, мен өзүм сүйлөшөм булар менен” деди Элмырза.
– Жылбай жатып, документ дейсиңер да. Биринчи жолу кетип жаткан жокпуз. Өзүңөр документтериңерди көрсөткүлөчү?- деп Элка акеси кайра тигилерди бурчка такады.
Алар документтери боюнча милиция кызматкерлери болгону менен, кийген кийимдери жөнөкөй эле адамдардай экен.
– Биз сенден жакшылыкча сурандык го. Түшүп калба азыр ушул жерден,- деди милиция кызматкеринин бири.
Жанындагысы тигини тыйып:
– Жөн турсаң. Көп каттагандар менен урушуп не кыласың? Дос, жок дегенде ырымдап 50 сом таштап кой, анан бошсуңар,- деп Элмырзага кайрылды.
Айла жок, тигилерге 50 сом берип кутулушту. Узак сапардын башталышында эле Адилеттин жүрөгү сыгыла баштады. “Минте берсе, 2 күн жол жүрүп бүткүчө эмне болобуз?” деп поезддин дөңгөлөктөрү менен жарыша ойлонуп баратты. Айылдан эми эле чыкса да, куса болуп кетти. Ал ортодо Кыргызстан менен Казакстандын чек арасына келип жетишти. Чек арачылар документтерди текшерип, ары-бери өтүп жатышты.
– Сен эч нерседен коркпо. Проводник менен сүйлөшүп койгом. Сага бирөө тийишсе, ал жооп берет,- деди Элмырза Адилеттин коркуп жатканын байкап.
Аңгыча аскер кийиминдеги адам проводникти ээрчитип кирип келди. Адилеттин жанына келип, вагондун шыбындагы аба чыгуучу тешикчени карап туруп калышты. Аскер кийимчен казак чек арачысы экен. Ал проводникке “Байкалып калыптыр, ары жылдыргыла” деген мааниде ишарат кылды. Ошол замат ал тешикти ачып, бир нерсени ары жылдырып койду да, тез-тез басып чыгып кетишти.
Элмырза Адилетти жылмайып карап:
– Көрдүңбү? Тигил жерде баңгизат бекитилиптир. Орус чек арачылары байкабасын деп бекем жашырышат. Орустар байкап калса, буларга жаман эле болот.
Адилет ичинен “баңгизатты өздөрү өткөрүп берет турбайбы?” деп таң калып койду. Негедир эч ким басып келип анын документтерин да текшербеди. Чек арада туптуура 4 саат кармалып турушту.
– Эми батыраак кетебиз. Биздин вагондорду башка локомотив сүйрөйт. Эптеп Чудан өтүп алсак, ары жагы тынч эле,- деди Элка акеси.
– Мени эч ким текшербеди го?
– Сени жаш бала деп ойлошту да. Тамаша. Айтпадымбы, проводник сен үчүн жооп берет. Сага ишеним кат керек эле да, күбөлүгүң менен. Болбосо башты оорутушат, “уурдап кетип баратасыңар” деп. Эми бара көрөбүз. Эрте күндө сүйүнбөй тур. Жолдун баары алдыда.
Кобурашып түн жамына жол жүрүп баратышты. Поезд токтогон жерден майда-чүйдө сатуучулар чыгып, өздөрүнүн товарларын өткөрө албай убара. Аңгыча алардын артынан эле көлөмдүү эркек адамдар чыгып, эркек балдарга “паспортторуңарды даярдагыла” деп өтүп кетишти. Кайра келе жатышып, беш-алты баланын паспортун жыйнап алышты. Бирөөсү Адилетке келип “паспортуңду берчи” деп өкүм сүйлөдү.

Залкарбек Карабалаев

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
01.04.2011. 19:47 
Тайпасы:
Жаран
Комментарийлердин саны:
485
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Москвага баратканымды эстеп кеттим.
02.04.2011. 04:14 
Тайпасы:
Кыймылы жок
Комментарийлердин саны:
63
Катталган:
29-04-2010
Соӊку аракети:
17-01-2014 23:04
Жынысы:
Белгисиз
Калаасы:
Москва
0
жакшы жетип алса экен эми.Москвага.
02.04.2011. 08:46 
Тайпасы:
Жаран
Комментарийлердин саны:
215
Катталган:
03-09-2010
Соӊку аракети:
01-02-2017 15:02
Жынысы:
Белгисиз
0
Жакшы чагылдырыптыр.
02.04.2011. 13:13 
Тайпасы:
Жаран
Комментарийлердин саны:
253
Катталган:
26-11-2009
Соӊку аракети:
02-11-2017 23:46
Жынысы:
Белгисиз
Калаасы:
Бишкек
0
baikush kyrgyzdardy ushuintip kyinait turbaiby?chyn ele jakshy chagyldyryptyr ,ozum oshol poezddin ichinde bolgondoi bolup kaldum.
02.04.2011. 13:32 
Тайпасы:
Кыймылы жок
Комментарийлердин саны:
4
Катталган:
25-12-2010
Соӊку аракети:
11-12-2014 23:37
Жынысы:
Белгисиз
Калаасы:
москва
0
коп коптон жазгылачы сураныч куткондон тажап баратам чыдамым кетип
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: