Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИ СИ КЕТЧ

№250 17-23-август, 2007-ж.


80-жылдардын “Диско ханышасы” титулунун ээси, атактуу ырчы Си Си Кетч – бүгүнкү “Дүйнө жылдыздары” рубрикабыздын коногу. Эмесе, ырчынын балалыгы, карьера жолу жана жеке жашоосу тууралуу кененирээк маалымат назарыңыздарда...

Балалык
80-жылдардын диско-ырчысына айланган атактуу ырчы айым Си Си Кетчтин чыныгы аты – Каролина Катарина Мюллер. Каролина 1964-жылы 31-июлда Голландиянын Осс шаарында төрөлгөн. Атасы Юрген улуту немис, ал эми апасы Корри Нидерландиянын жараны болгон. Голландияда жашаган жаш үйбүлөнүн жошоо турмушу жакшы деп айтууга мүмкүн эмес эле. Андыктан, Каролинанын да балалыгы кыйынчылыктарсыз өткөн деп элестетүүгө болбойт. Өздөрүнүн жеке үйү жок болгондуктан, ал өлкөнүн ар бир шаарына көчүп-конуп жүргөндүктөн, Каронун классташтары, курбулары бат-бат алмашып, кичинекей кезинен эле элге көбүрөөк аралаша баштаган. 6-классты аяктагандан кийин Каролина үй-чарба мектебине тапшырат. Ал жактан тамак жасаганды, үй жыйнаганды, кир жууганды, чаң соргуч менен иштегенди жана соода кылганды, кардарлар менен жакшы мамиле түзгөндү үйрөнүп чыккан. 14 жашка толгонго чейин Каролина атасын кээде эле көрчү. Анткени, апасы экөө ажырашып кетишкен эле. Кийин апасынын үйбүлөсүн сактоо аракеттери ишке ашып, чогуу Германияга көчүп келишет. Бул өлкө кичинекей Карого аябай жакканы менен мурда голландча сүйлөгөндүктөн, немис тилин үйрөнүү бир топ кыйынчылыктарды алып келген. Кийинчерээк мектепти аяктагандан кийин орто окуу жайлардын биринен билим алып, дизайнер болуп чыгат. Ошондон кийин жашоосундагы эң кыйын мезгил өкүм сүрө баштайт. Окуусун аяктаары менен эле кийим тигүүчү фабрикага ишке орношот. Кожоюнунун Каролинага жана башка кызматкерлерге кылган мамилеси өтө эле орой болгондуктан, мындай чөйрөгө да көнүүгө аргасыз болгон. Ал жерде кийимдерге жең кошуп тигүү, топчу кадалуучу тешикчени даярдоо жана топчу тигүү анын милдети эле. Ошондогу “ылдам иштегин!” деген кожоюндун кыйкырыгын азыркыга чейин унута электигин ырчы көп эскерет.

Күтүлбөгөн окуя
Ушундай кыйын күн­дөрдүн биринде Каролина жумуштан кийин бир аз эс алуу максатында кичинекей эс алуучу жайга кирип калат. Анда ырдаган музыкалык топтун мүчөлөрү менен таанышып, сүйлө­шө кетпегенде, мүмкүн, биз 80-жылдардын диско ырчысы Си Си Кетч тууралуу укмак да эместирбиз. “Сенин бийлегиң келеби? Ырдаганды билесиңби?” деген суроолор Каронун жашоосуна жаңы жол ачып, анын ырчы болуусуна түрткү болгон. Каролина бала чагында эл алдында талантын тартуулаган атактуу ырчы болууну тилек кылбаганы менен үйдө жалгыз калган күндөрү бөлмөсүн жаап алып бугун чыгара ырдачу экен. Жашоодогу өз жолун тапкан ошол күндөн тарта Каролина музыка дүйнөсүнө аралаша баштаган. Алгач гитарада кол ойнотууну үйрөнүп, андан соң бийден сабак алат. Жакынкы аймакта өткөрүлгөн конкурстардын бирин да калтырбай катышып, убактысынын көпчүлүк бөлүгүн музыкага арнагандыктан, фабрикадагы жумушу тоскоолдуктарга учурай баштайт. Ишкананын жетекчилиги чоң чатак чыгарып, жыйынтыгында, Каро ооруп калат. Чечим чыгаруучу убак келип, Каролина ата-энеси менен бирге ырчылык карьераны тандап алган. Атасы болгон акчасын чогултуп, 20 миң маркка “Орбита” деп аталган музыкалык студия ачкан. Ал жерден бир гана Каролинанын ырларын жаздырбастан, ошол тегеректеги жаш таланттар дагы бул студиянын кызматын колдоно алышчу.

Атак-даңк туусун кармоо
«Сахна талаптарынын баары Каролинада бар. Ал жакшы ырдайт, жакшы бийлейт жана келишимдүү»,- деп ырчынын атасы айткандай, Каро чоң сахнага бет алат. Алгач бир канча конкурс, фестивалдарга катышып, элге тааныла баштаган. Шоу-бизнестин сырын билген анча-мынча алдамчылардын торуна түшүп, өзүн продюсермин деп тааныштыргандарга ырларын уурдатып жиберген күндөрү да болгон. Андай продюсерлеринин бири “Кэрол Дин” деген псевдонимди да тандап берет. Бирок, Каролина бул ат менен атагын чыгарууга жетишкен эмес. Андан көп өтпөй жалаң кыздардан турган “Оптимал” деген топко мүчө болуп кабыл алынат. 1985-жылы Каролинаны жаш артисттер конкурсунда белгилүү немис продюсери, “Модерн Токинг” тобунун жетекчиси Дитер Болен биринчи ирет көрүп, чогуу иштешүүнү сунуштайт. Ал учурда Дитердин өзүнүн “Модерн Токинг” тобу популярдуулуктун чокусунда турса да, Каро үчүн убакыт таап, анын талантын өстүрүүгө жардам берген. Ушул эле жылы келишимге кол коюшуп, жаңы түзүлгөн топтун атын “Си Си Кетч” деп аташат. “С”, “С” – ырчынын атынын баш тамгалары, ал эми “Catch” болсо “хит идея” деген сөздүн синониминен алынган. 1985-жылы жайында Каролинанын туулган күнүнө карата топтун эң алгачкы «Жүрөктү жоготуу» деген аталыштагы ыры жарыкка чыккан. Бул ыр Каронун атагын алыска тааныткан чыгарма катары бааланып келет. Андан көп узабай эле Си Си Кетч деген ат менен Каролина дүйнө элдери сүйүп уккан ырчыга айланган. Бирок, бул сырдуу кыздын өз аты ким экенин көпчүлүк билчү эмес, пластинкадан гана уккандыктан, анын кебетеси кандай экенин да көрө албаган эл бир топко бушайман болот. 1986-жылы Каролинанын аткаруусундагы экинчи «Анткени, сен жашсың» ырын толук дүйнө жүзүнүн элдери сүйүп уга башташкан. Ушул ырынан кийин гана күйөрмандар Каролинанын жүзүн көрүп, атын уга алышкан. Анткени, бул ыр жазылган пластинка, өзүнүн сүрөтү менен чыккан. Ушул эле жылы топтун «Кетчти карма» аттуу алгачкы альбому жарык көрөт. 1986-жылдын экинчи жарымында «Түнкү жолоочу», «Жүрөктү жаралаган отель» аттуу ырлары бири-биринин артынан хитке айланып, Каролинага «Диско ханышасы» титулу ыйгарылган. Экинчи альбому «Жүрөктү жаралаган отельге кош келиңиз!» деп аталып, ага «Бейиш жана тозок» деген жаңы ыры кирген. Дүйнөнүн дээрлик бардык өлкө­лөрүндө Каролинанын аткаруусундагы ырлар жаңырып турган. 1987-жылы «Эрсиңби?» деп аталган жаңы ыры, андан кийинки «Жан сактагыч» деген чыгармасы Си Си Кетчтин күйөрмандарынын санын көбөйтүүгө чоң салым кошкон. А Каролина аткарган ырлар евро-чарттагы алдыңкы орунду 7-8 жумага чейин эч кимге берген эмес.
Ал эми 1988-жылы ырчынын бир гана чыгармачылыгында эмес, имиджине да жаңыруулар кирген. Ушул жылы чыккан «Сырдуу жарыктын үйү» ырлар жыйнагын чыгараар алдында ырчы бир күн ичинде Парижге барып келүүгө аргасыз болгон. Себеби, ал жактагы «Клеопатра» деп аталган сулуулук салонунан чачын кестирип, имиджин өзгөртүп келүү керек эле. Ошондон кийин кенен шым, узун тырмак мода болуп, ал эми кыска чач 80-жылдардагы жаш кыздардын чач жасалгасынын эталонуна айланган.
Буга чейинки чыккан ырларынын бардыгын ырчынын продюсери Дитер Болен жазгандыктан, өз күчү менен ыр жаратууну каалаган Каролина Дитерден бул тууралуу суранган эле. Бирок, ал мындай кадамга жол бербесин билдирген. Ал эми ушул эле жылы чыккан «Чоң майрам» альбому Дитер экөөнүн чогуу чыгарган акыркы чыгармасы болгон. Бирок, 89-жылдын аягына чейин экөө алыстан иштешип жүрүшкөн. Андан кийин биротоло кол үзүүгө туура келген. Каро башка продюсерлер менен жаңы мамиле түзө баштаганын угуп, Дитер өзү койгон Си Си Кетч псевдонимин колдонууга тыюу салган. Андан кийин ырчы өз аты менен чыкса да, эл үчүн Си Си Кетч бойдон кала берген. Кийинки чыгарган «Айтканымды ук» альбому мурункудай популярдуулукка жеткен эмес. Ал эми 90-жылдардан кийин ырчы Каролина дүйнөгө сапарын баштайт. Бирок, андан бир жыл өтпөй белгисиз себептердин айынан сахнадан кетип калган эле. Баарыбир күйөрмандарынын жүрөгүнүн түпкүрүндө сакталган Си Си Кетч кийин кайра 2001-жылы эл алдына чыга баштайт. Бир канча атактуу музыкалык топтор менен бирге дүйнөлүк турнеге чыккан. Ал эми 2003-жылы 14 жылдык тыныгуудан кийин «Башыңды чайка» деген аталыштагы жаңы альбом жаратат. Андан тышкары, жаңы кылымдын башталышы менен Каролина Авторадио уюштурган «80-жылдардын дискотекасы» фетивалына активдүү катышып келет. 2004-жылдын 29-декабрында чыккан «Тынчтык» аттуу ыры азыркы учурда дагы өз күйөрмандарынын сагынганда жаштыкты эстеткен ыйык үн катары бааланып жүрөт.

Жеке жашоосунан
1985-жылы “Радио-85” көргөзмөсүнө арналган телеберүүгө тартылуу үчүн барган Каролина “Аквамарин” тобунун барабанчысы Франк Отто аттуу жигит менен таанышкан. Тез эле мүнөздөрү келишкен жаштардын ортосун сүйүү аралап, чогуу жашоого өтүшөт. Бир жылдай убакыт Каро Франк Отто менен чогуу өзүнүн ата энеси жашаган үйдүн бир кабатында турмуш курушат. Бирок, мамилелери баш кошууга чейин жеткен эмес. Кийин 1998-жылы Каролина өзүнүн медитация жана йога боюнча окутуучусуна турмушка чыккан эле. Белгисиз себептердин айынан жубайлар көп узабай ажырашып кетишкен. Ортолорунда балдары жок. Жакынкы аралыкта эле “Каролина орус улутундагы бир жигитке турмушка чыкканы жатыптыр” деген кептер тараган болчу. Бул тууралуу: “Жакын мамиледе жүргөнүбүз ырас, бирок, мен аны менен бирге боло албайм”,- дейт ырчы. Экинчи ирет турмушка чыгууга камынып жатканын жашырбаганы менен болочок жолдошу тууралуу жар салуудан баш тартат.
Жеке кызыкчылыктарына кайрылсак, Си Си Кетч кичинекей кезинен эле мышыктарды аябай жакшы көрөт жана азыркыга чейин ырчынын үйүнөн алардын бир нече түрүн кезиктирүүгө болот. Андыктан, учурда бул жаныбардын ар кандай формада жасалган сөлөкөттөрүн чогултуу – Каролинанын хоббиси. Тамактын түрүн даярдоону жактырганы менен ырчы вегетариан болгондуктан, эт-сүт азыктарынан жасалган күчтүү тамактарды жей албайт. “Ал эми сулуу болуунун башкы сыры тууралуу айтсак, ар бир адам өзүн бактылуумун деп эсептесе гана сулуу боло алат”,- дейт Си Си Кетч.

Даярдаган Чолпон Сүйүнбаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
08.06.2016. 15:58 
Тайпасы:
Жаран
Комментарийлердин саны:
157
Катталган:
08-06-2016
Соӊку аракети:
31-01-2018 07:06
Жынысы:
Белгисиз
0
Негизинен эле жакшы ырдайт
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: