Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№440 8-14-апрель, 2011-жыл


(Башы өткөн сандарыбызда)

Элдар буркан-шаркан түшүп жатты.
– Менде башка аялга үйлөнүү мүмкүнчүлүгү жок беле? Албетте, бар болчу. Бирок сени ошо жол жээгинен алгач ирет көрүп, сөзүңдү угуп, ой жүгүртүүңдү байкаганымда эле “во, мына, келечектеги балдарымдын энеси!” дегем.
– Макул, макул, сөзүңдө калет жок. Бирок эмнеге сенин ушул сезимдериң сүйүү болуп, башкалар аны менен эсептешүүсү керек да, Разиянын сүйүүсү чын сезим катары кабыл алынбашы керек? Балким, ал дагы Арстанды көргөндө “мына, ушул жигиттен балалуу болгум келет, болочок балдарымдын атасы” деген чыгар?
– Сен маанилүү бир нерсени көз жаздымда калтырып жатасың. Мен өз жашооңду ишенимдүү бирөөгө байлоо, негизгиси ушул деп айтып жатам.
– А эмне, Арстан ишенимдүү эмес­пи?
– ?..
Жооп айтпай, саамга мукактана түштү.
– Мен Арстанды жоопкерчиликсиз жигит деген жокмун. Ал Разияга күйөө боло турган жигит эмес дедим. Анын үстүнө АКШга кетем деп жатат. Анын көңүлү болсо да бир жөн эле, сүйлөшүп, кепке келтирмекмин. Арстандай жигиттер ар бир кайрылыштан эле жолуга бербесин түшүнүп турам. Бирок жигиттин көңүлү башкада. Маселе өтө тереңдеп кете элегинде кеткени деле жакшы. Аны өмүр бою жаныбызда кармап жүрө албайбыз.
Сөз бүттү дегенчелик кылып ордунан туруп басып кетти. Акыркы сөзүн жалпыбызга эмес, мага багыштап айткансыды. Туура айтат, өмүр бою аны жанымда байлап жүрө албайм. Өзүм биринчи болуп убаданы бузуп күйөөгө чыгып кеткен соң Арстанды коё беришим керек же чечкиндүүлүк кылып Элдарга ачыгын айтып кетишим абзел. Андай кылчу болсом, Элдар мага Искенди бербейт. Балалуу боло элегимде жагдай башка болчу, Элдардан кетип, Арстан менен турмуш курам деп оолуксам жарашмак. Эми уулум бар, андан тирүүлөй ажырап кала албайм. Баламдан ажырап каларымды элестетсем, чачым тик турат. Ырас, баламды боор этим менен тең көрүп жаткан соң атасын да сыйлашым керек. Демек, мен Арстанды коё берем. Алчы?
Кызынын көк бет экенин жакшы билет да, Элдар Разиянын кыйылганына карабай Кытайга окууга жиберип ийди. Атасынан ачык сурай албай улам-улам мени карайт, көзүн жалдыратып. Атасы менен сүйлөшкөнүмдү айтканымда гана жеңилдене дем алып калды. Негедир “атам Арстанды көндүрөт” деп ишенди окшойт. Аэропортко Элдар экөөбүз барып узаттык. Арстан келеби дегенсип улам артын каранып, кыйылып отуруп араң коштошту. Өзүнө туура келбеген жигитти сүйүп алганына боорум ачып жатты.
Жол ката Элдар түнөрүп, ооз ачпай келди. Эмнени ойлоп баратты болду экен? Акыры жымжырттыкка чыдабай кеттим.
– Мени “кийинки жумадан тартып эфирге чыгасың” дешти.
– Ии, азамат, кайсы блокко?
– Түшкү жаңылыктарга.
– Кийинки жумада мен Дубайга кетем, беш-он күнгө. Мен келгиче тыкылдаган алпаруучу болуп калат турбайсыңбы?
– Беш-он күнгө... Баарың эле кетем дейсиң, мен эле жалгыз калат экенмин да.
– Коркпо, Арстан мен келгиче кетпей турмай болду, жалгызсырабайсың. Айдай?
– Ии.
– Арстандын АКШга кетем дегени мага жакпай турат.
Мага эле жагат дейсиңби, анын кетем дегени. Кана, колумдан келсе, жанымдан бир карыш да жылдырбасам. Бирок башка айла жок өңдүү. Бири-бирибизден алыс жүрсөк, балким, меники сыяктуу эле анын жашоосу да изине түшүп кетер. Ошондой болот деп ишенишим керек...
– Алтышка, эмне ойлонуп калдың? Ушу жигит менен таанышканыма эки жылдан ашык убакыт болду. Баскан-турганын, кылган ишинин жыйынтыгын да көрдүм. Абдан акылдуу жигит, мыкты кадр. АКШга кетпесе деле бул жактан өз жолун таап кетмек. Кандай дейсиң?
– Мен деле айтып көрдүм. “Бишкек жакпай жатса, анда айылга, апаңдын жанына кет” дедим, эч натыйжа жок. Күлүп эле кутулат. Разияга анын кетем дегенин айттыңбы?
– Разиянын акылы болсо, азыртадан аны унутканы жакшы. Арстандын кызыма кыпындай көңүлү болсо да ойлонуп көрмөкмүн.
Эмнеге?” ушул суроону бергенге оозумду таптап барып токтоп калдым. Кой, ушунчамда токтоюн. Такып сурай берсем, “балп” дегизе бир жагымсыз сөздү айтат.
– Туура кыласың, кыргызда кайчы куда деген түшүнүк бар, ошондойго көп көңүлдөнө беришпейт.
– Андай түшүнүк бизде деле бар. Сени алганым эле жетишет. Эми Арстанды жөн эле коёлу.
– Түшүнбөдүм, эмне, мени алганы­ңа капасыңбы?
– Жок, капа болбой калайын. Сендей аялга жеткен эркек өмүр бою тумагын көккө ыргытып, кубанып жүрүп өтүшү керек.
– Мени ушинтип мактап жүрүп ашыкча эрке кылып алдың. Байка, кийин өкүнүп жүрбө.
– Сага эркелик жарашат.
Эмне дейсиң анан, ушундай эркекке! Ичим жылый, эңилип чекесинен өөп койдум. Мейли, сүйүүмө жеткирбесин, бирок ушундай эркекке туш кылган Кудайга чо-ооң рахматымды айтышым керек. А мен рахмат айткандын ордуна бырылдап ыйлаганым ыйлаган. Эх-хх, Айдай, деги эмне деген жансың? Жакында Арстан кетет, алыска. Дагы бырылдап ыйламайың башталат...
Арстанды узатканы аэропортко барганым жок. Алгач айылга барып Ажар менен коштошуп, анан үйгө келип, Элдар экөө кетти аэропортко. Дирилдеп ыйлап, “кал” деп суранып моюнуна асыларыма аз калды. Тишимди-тишиме басып араң чыдадым. Бирок менин ичимде быкшып, от болуп жана албай турган кусамды балам эки эселеп чыгарып алды. Искен атасына караганда Арстан таякесин өзгөчө жакшы көрөт. Бала капа болбосун деп эч бирибиз таякесинин алыска баратканын айткан жок элек. Арстан чамаданын алып келсе, балам кызыгып үй кызматчыдан сурап, ал “Арстан алыска кетет” деп коюптур. Чай ичип отурсак, көзүнүн жашын көл кылып кирип келсе боло.
– С-сен, эмне, кетесиңби? Мени кайыкка салбай, өзүң кетесиңби?
Өпкө-өпкөсүнө батпай ыйлап алган. Тамак жебей эркелесе, Арстан аны “сен тамакты жакшы жеп, апаңдын тилин алып, чоң жигит болуп чоңойсоң, экөөбүз кайыкка түшөбүз, сага кайык айдаганды үйрөтөм” деп калчу. Ошого ишенип, “качан боюм өсөт, качан кайык айдайм?” деп сурай берчү. Арстан шашып калды.
– Жок, балакай, карачы, бир сөзгө эле ыйлап алыптырсың. Сен чоңойгуча келем, анан сөзсүз үйрөтөм.
Анын кетем дегенин угуп, балам ого бетер өңгүрөп ыйлап кирди. “Биздикинде эле кал, кетсең келбей коёсуң” деп ыйлап, бутуна жабышып, жаман айланы кетирди. Болду, мындан ары чыдай албайм. Көз жаш күттүрүп отурбастан эле менин көздөрүмдөн да куюла баштады. Анан Элдар менен Арстан балам экөөбүздү ыйлаткан боюнча короодон чыгып кетишти. Кетти. Аны менен кошо жүрөгүмдүн жарымы үзүлүп кеткенсиди. Жөн кетпей, жүрөгүмдү дагы канатып кетти.
Мындан үч күн мурун Арстан үйгө келип, экөөбүз кер-мур айтышып калган элек. Элдар Дубайга кетип, Арстан биздин үйгө келген. Искенди кошуп алып паркка чыгып, көпкө чейин сүйлөштүк. Мындан аркы тагдырыбыз, экөөбүздүн сүйүүбүз... Арстан экөөбүздүн башыбыз кошулса, негизи, кебибиз бүтпөйт эмеспи. “Мени ойлоп анча санаага бата бербе. Үйлөнбөгөн эркектер толуп эле жүрбөйбү. Мен өзүмдү жалгыз сезбей элемин. Эгер жалгызсырасам, эптеп бир аял таап, үйүнө кирип алармын” деп калды. Бул сөздөргө жаман жиним келди. Ошонун айынан экөөбүз кер-мур айтыша түштүк.
– Сен ойлонуп туруп, анан сүйлөсөң. Оозуңдан чыккан ар бир сөз жөн эле желге учуп кетпейт. Алар бүгүн болбосо, эртең ишке ашып кетет, өзүң да байкабай каласың.

Жазгүл Калыева

(Уландысы кийинки саныбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(9)
08.04.2011. 20:37 
Тайпасы:
Кыймылы жок
Комментарийлердин саны:
7
Катталган:
06-11-2008
Соӊку аракети:
25-04-2011 21:54
Жынысы:
Белгисиз
Калаасы:
москва
0
даа, и что дальше?
08.04.2011. 21:45 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Өзүнө туура келбеген жигитти сүйүп алганына боорум ачып жатты. Разия Арстанга тен эмеспи? Тан калыштуу?
08.04.2011. 22:05 
Тайпасы:
Жаран
Комментарийлердин саны:
269
Катталган:
06-09-2010
Соӊку аракети:
04-10-2018 23:46
Жынысы:
Белгисиз
Калаасы:
Italia,Sardegnia.
0
Аягында Арстан өлүп калат болуш керек-деп ойлоп жатам,эң биринчи башталганда Айдайдын ыйлаганынан башталат ко ошондо күйөөсү жаман чыгатко дегем андай болгон жок,анда эмнеге ыйлады анча?аягын күттүп отура берели.
08.04.2011. 23:37 
Тайпасы:
Жаран
Комментарийлердин саны:
265
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
oi kyzykgy jok bolup baratat, kutup atyp uje unutup da baratam bashy kandai ele?
09.04.2011. 00:07 
Тайпасы:
Жаран
Комментарийлердин саны:
65
Катталган:
30-03-2011
Соӊку аракети:
14-11-2018 12:16
Жынысы:
Белгисиз
Калаасы:
Ош
0
чындап эле кызыгы кетип баратат.
09.04.2011. 10:18 
Тайпасы:
Жаран
Комментарийлердин саны:
42
Катталган:
30-03-2011
Соӊку аракети:
12-11-2018 14:34
Жынысы:
Белгисиз
Калаасы:
Ош облусу, Озгон шаары
0
Ой-бой акыры эмне менен бутот экен. Арстан да бактылуу болсунчу. Баары жакшы менен бутот бекен деги...
10.04.2011. 22:22 
Тайпасы:
Кыймылы жок
Комментарийлердин саны:
2
Катталган:
06-04-2011
Соӊку аракети:
01-02-2014 15:18
Жынысы:
Белгисиз
0
Акыры жакшылык менен бутсо...
11.04.2011. 16:45 
Тайпасы:
Кыймылы жок
Комментарийлердин саны:
23
Катталган:
21-11-2010
Соӊку аракети:
21-06-2011 00:20
Жынысы:
Белгисиз
0
tegi ka4an butot, kyinap jiberdigo
12.04.2011. 08:55 
Тайпасы:
Кыймылы жок
Комментарийлердин саны:
44
Катталган:
02-02-2011
Соӊку аракети:
16-08-2014 07:36
Жынысы:
Белгисиз
0
Ушул каармандар жашоодо бар болсо коргум келип жатат.Бул жанагы Ктрде новостини алып баргандардын бироосу эмеспи ыя?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: