Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАСТИН ТИМБЕРЛЕЙК

№252 31-август-6-сентябрь, 2007-ж.


Жер бетиндеги миллиондогон кыздардын жүрөгүн багындырган атактуу ырчы Жастин Тимберлейк учурда жаңы кинолорго тартылып, талантын ар тараптан такшалтып жаткан кези. Ал тургай жеке жашоосун да аксатпастан сүйгөн кызына баалуу белектерди берип, келечекте ал кызга үйлөнөөрүн айткан.
Булар тууралуу кеңири маалымат, жалпы эле Жастиндин өмүр баяны бүгүнкү “Дүйнө жылдыздары” рубрикасында...

АЛТЫН БАЛАЛЫК

Атактуу ырчы Жастин Рэндалл Тимберлейк 1981-жылы 31-январда АКШнын Теннесси штатындагы Мемфис шаарында туулган. Эми эле там-туң баскан кичинекей Жастиндин ырга-бийге жакын болоору ошол кезде эле байкалат. Эс тартып калган кезинен эле Майкл Жексонду кумир тутуп, анын ырларына кызыкчу. Ал эми 11 жаш курагында “Жылдыздарды издейбиз” жаш таланттар сынагына катышып, эл алдына чыгуу сапарынын алгачкы кадамын таштаган. Андан көп узабай эле ар кандай телешоуларга чакыруулар келип, жаш экенине карабай Уолт Диснейдин “Микки Маус” балдар клубунда иштеген. Бритни Спирс, Кристина Агилера, Жошуа Скотт Чавестер сыяктуу келечектеги кесиптештери жана атактуу ырчылар менен дал ушул жерден таанышкан эле.

АТАКТУУЛУКТУН АЛГАЧКЫ ДААМЫ

“Микки Маус” клубунда эки жыл жүргөндөн кийин кайрадан өз ата-энесинин колуна кайтып келет. Бирок, ырдабай тынч жата албасын түшүнгөн Жастин Орландо шаарын көздөй бет алат. Жаңыдан эл көзүнө илине баштаган 14 жашар ырчы жигит тез эле жаңы түзүлүп жаткан топко кабыл алынат. Топтун курамына Жастин курактуу 5 бала кирип, алардын аттарынын акыркы тамгаларын кошуп топту “N SYNG” деп аташкан. Алардын эмгегинен жаралган алгачкы альбому да “N SYNG” деген аталышта чыгып, топтогу балдар тез эле эл сүйүп уккан ырчыларга айланышкан. Жастиндин ыр жазуу таланты бар экенин байкаган топтун продюсерлери 1993-жылдын аягында жазылган ырлардын көпчүлүгүн толук ишеним менен тапшырышкан эле. Көпчүлүк мектеп жашындагы дүйнө жылдызы Жастинди “Сулуу жигит”, “Тармал чач” деген ат менен таанышчу. Ал учурда энергияга толгон ырчы жигит мектептеги окуусунан тышкары ырдаганга жана актёрдук курстарга да катышууга жетишчү. Топтун экинчи альбому “Кышкы альбом” 1998-жылы, ал эми 2000-жылы “Шартсыз” деген аталышта чыккан үчүнчү альбому “N SYNGге” “бриллиант” статусун алууга чоң салымын кошкон. 10 миллион даанада чыккан бул альбомдун бир күндүк сатылышы 1,1 миллионго жеткен, а бул болсо дүйнөлүк рекорддордун бири экени талашсыз. Убакыттын өтүшү менен талыкпас эмгектин артынан Жастин дүйнөлүк атактуулукту багындырат. 1990-жылдардын аягында эң популярдуу ырчылардын катарына кошулуп, 2002-жылы жеке карьерасы үчүн иштөөнү чечкен.

ЖЕКЕ КАРЬЕРА

2002-жылы өзүнүн алгачкы “Негизделген” аттуу альбомун жараткан. Бирок, бул альбомдун аталышынын дагы бир “Жастиндештирилген” деген мааниси эл арасында кенен тараган. Андагы “Көз жашка толгон дарыя” чыгармасы менен MTV музыкалык каналы уюштурган Европа ырларына сыйлык тапшыруу аземинде “Эң мыкты альбом”, “Эң мыкты аткаруучу” жана “Эң мыкты поп-ырчы” деген наамдардын ээси болуп кайткан. Ал эми 2003-жылы популярдуу жана сапаттуу видео тасмаларды аныктоо аземинде “Көз жашка толгон дарыя” ырына тартылган клиби үчүн “Эң мыкты видео тасма”, “Эң мыкты бий тасмасы” наамдарына татыктуу болгон. Ушундан кийин ырчы бир канча башка дүйнө жылдыздары менен биргеликте учурдун хит ырларына айланган чыгармаларды жарата баштаган. Андай ырлардын катарына Жанет Жексон менен болгон дуэтин кошууга болот. 2004-жылдын февраль айында Жастин америка футболунун Супер кубогуна болгон таймашта чоң жаңжалга кабылган. Мында миллиондогон футбол күйөрмандарынын алдында ырдап жатканда чоң жагымсыз абалга кабылган. Пландар боюнча “Бул ырдын аягына чейин мен сени чечиндирем” деген саптардан кийин Жастин Жанеттин кийимине жабыштырылган кандайдыр бир бөлүкчөнү алып салышы керек эле. Бирок, баары пландагандай болбой, Жастин кокустан Жанеттин ич кийимин да чечип алып, ырчы кыздын төшү түз эфирден бүт дүйнөгө көрсөтүлгөн. Мындан кийин шоу-бизнес дүйнөсүнө чоң жаңжал салган ырчыларды эл алдына чыгууга тыюу салышкан. Ушундай ыңгайсыз абалдан кийин “Грэмми” сыйлыгына ат салышуу аземине катышуу үчүн экөө тең эл алдында кечирим суроого мажбур болушкан. Конкурстун жыйынтыгында Жастин эки чоң сыйлыктын ээси болуп кайтат. 2006-жылы музыка жаатында өзүнүн экинчи жеке альбомун чыгарган.
Ал эми актёрдук карьерасына кайрылсак, кичине кезинен эле майда эпизоддордо ойной баштаган. Көзгө кө­рүнүктүү тасмаларына “Эдисон” триллери, 2006-жылы чыккан “Альфа ити” драмасы, “Түштүктөгү өрөөн” мюзиклы кирет. Ал эми дагы бир айта кетчү нерсе, Жастин учурдун эң популярдуу мультфильмдеринин бири “Шрек-3төгү” король Артурдун үнүн чагылдырган. Учурда Жастин белгилүү сценарист Майк Майерстин “Сүйүү адиси” кинокомедиясында тажрыйбалуу хоккей оюнчусунун ролуна тартылып жаткан кези.

СҮЙҮҮ ЖОЛУНДА

Жастинди кичине кезинде апасы анча жакшы көрбөй көп уруша бергендиктен, эне мээримине зар болгон бала өтө уялчаак болуп чоңоёт. Башты жерге салып, үн чыгарбай жүргөнү менен өз талантын даңазалоого жол тапкандыгы үчүн ырчыга баа берүүгө болот. Ал эми ошол кездеги үн-сөзү жок жоош баланы эми көрүп алыңыз, дүйнө кыздары сүй­гөн ырчыга айланды. Жастин “N SYNG” тобунда жүргөн кезде атактуу ырчы Бритни Спирс менен жакын мамиледе жүргөн эле. Жеке карьерасына жаңы багыт алган кезде Бритнинин көп жалган сүйлөп, аны алдагандыгы үчүн жолдору эки айрылган эле. Андан көп узабай Жастин атактуу актриса Кэмерон Диазды сүйөөрү тууралуу көпчүлүккө жар салган. Кэмерон Жастинден 9 жашка улуу экенине карабай экөө 3 жылдан ашуун убакыт чогуу күн көрүшөт. Тилекке каршы, бул жолу да экөөнүн мамилелери аягына чыкпай “Биз өз каалоолорубуз менен эле ажырашып жатабыз” деген билдирүүлөрдү таратышкан. Андан кийин ырчы “Скарлетт Йоханссон менен жакын экен” деген ушак кептер тараган. Мындан тышкары тун сүйүүсү Вероника аттуу кызга да шек түшүп, “Жастин бейтааныш эле бир Вероника аттуу кызга үйлөнгөнү атыптыр” деп да чыгышкан. Айтор, азыркы тапта ырчы белгилүү актриса Жессика Биль менен чогуу өмүр сүрүүдө. “Жессика менин оюмдагыдай кыз, мен аны сүйөм” деген билдирүүлөрү менен ага сүйүүсүн далилдеп баалуу шакек белекке бергени маалым болду.

Даярдаган Чолпон Сүйүнбаева.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: