Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САГЫНДЫРГАН ЖАЗ

№442 22-28-апрель, 2011-жыл


(Башы өткөн сандарыбызда)

Элмырзага баш ийкеген Ширинбек:
– Макул, аке. Мага айлыкты убагында берген иш болсо болду да.
– Э-эй, үкөм, айлыкты убагында, тыйынына чейин санап аласың. Сен подсобник, мен рамщик болуп иштейбиз. Бир аз иштегенден кийин жетишип каласың. Азырынча кыйналасың. Бир смен күндүз, бир смен түндө иштейбиз. Күндүзү эртең мененки сегизден кечки сегизге чейин, түндөсү болсо, тескерисинче. 12 саат иш.
Ошентип, Ширинбектин Орусиядагы алгачкы иш күнү башталды. Станок күрүлдөп үшүңдү алат. Алты метрдик карагайларды тоголотуп келип майдалап, андан кийин башка станокто өлчөмгө салып кыркышат. Анан барып даяр такта пайда болот. Ширинбек терге чыланып, колдору ооруксунуп чыкканына да кайыл боло учуп-күйүп иштеп жүрдү. Анын биринчи күнү эле жакшы иштеп жатканына Элмырза аябай сүйүнүп жатты. Түнкү саат 12ге жакындаганда гана баарын токтотуп, тамактанууга үйгө жөнөштү. Дима Ширинбекти карап:
– Мурда кайсы пилорамада иштедиң эле?
– Бул айылдан жаңы келди. Иштемек тургай, пилораманы жана эле биринчи көрдү.
– Кудай десе, мен тажрыйбасы жакшы экен деп ойлоп койдум эле. Азаматсың! Мындай иштесек, биз Даниярдын рекордунан ашабыз го,- деди да тар көчө менен өзүнүн үйү тарапка басып кетти.
Экөө үйгө келсе, берки балдар тамакты жылытып, даярдап коюшуптур. Самат менен Султан сырадан тамшана ичип отурушат.
– Баланы кыйнабадыңарбы? Ширинбек, иш кандай?- деди Самат.
– Жакшы эле. Тыным жок экен го.
– Силер канча куб кыркып койдуңар?- деди Элмырза балдарга.
– 2 же 3 куб эле. Самат пиво ичкенде кайдан иш болчу эле? Силерчи?
– Биз 5-6 куб кыркып койдук. Жыгач жакшы экен, чоң-чоң.
– Оо, силер ушундай баштаса­ңар, акчага көмүлүп каласыңар го.
Бул сөздү укканда Ширинбектин көңүлү жылый түштү. “Иш болуп эле, акча болсо болду. Жаңы үй алып, үйдөгүлөрдү кубантсам экен” деп ойлоп койду.
Кайрадан туруп ишке жө­нөштү. Дагы эле тыным жок. Бир маалда Ширинбек Элмырзага келип:
– Аке, араба толуп калды.
Сыртка чыгып арабаны көрүп эле күлүп жиберди Элмырза.
– Сен айылдагы Турсункулдун отун артышындай кылып­сың го. Ал дагы жарым эшек отунду бир эшекке зорго артчу эле го. Иреттеп жыйыш керек бул жерде. Бир сменге бир араба. Капталдарына жыгач­тан сайып, үстүнө жыя бер эми. Кайра башынан жыймак белең?!
Анын айтканындай кылып жыя берди. Таңга маал араба тоодой болуп үйүлүп кетти. Тыным жок иштегендиктен, Ширинбектин курсагы аябай ачты. Дарманы калбай, жаткысы келди. Тигилерди караса токточудай эмес. Элмырза станогунун араасын алмаштырып жаткан кезден пайдаланып Володя отурган бөлмөгө кирип барды.
– Володя, хлеб есть?- деп акырын сурады.
Тиги күлүп жиберип, 3-4 кесим нан сунду. Ошол жерден эле жеди да, артынан суудан ууртады. Ушул учурда кичинекей нан жашоосундагы эң чоң табылгасындай сезилди. Таң атып, иш да аягына чыкты. «Кудайга шүгүр, бүттү эми баары» деп жаны жай ала отуруп калды.
– Иш бүтө элек, Ширинбек. Үйүлгөн таарындыны ташып чыгарабыз,- деди акеси.
Таарындыны көрүп көздөрү алайып кеткенин байкап, Элмырза аны аяп кетти:
– Макул, бүгүн мен ташып коём, чарчадың сен. Кийинкиден баштап Дима экөөң гана ташыйсың.
Таарынды ташылып бүткөн соң Элмырза кыркылган такталардын санын эски блокнотуна жазып алды да, үйгө жөнөштү. Үйгө чейинки жол өмүрүндөгү эң узак жолдой туюлду. Жетери менен кийимдерин эптеп чечип эле жатып калды. Айылда канча иш кылса да, мынчалык эч качан чарчабаган эле. Колу-буту эч нерсени сезбей калыптыр.
– Ии, чарчадыңбы? Сен жакшы, ордуңа келип жаттың. Башкалар босогодон кирип эле жерге жатып калышчу,- деди Султан.
– Ширинбек, туптуура 20 куб кыркыптырбыз. Ошондо 2000 рубль иштеп таптың бүгүн,- деди Элмырза.
Мынча акчаны бир түндө тапканына сүйүнүп, терең-терең дем алып алды Ширинбек.
– Канчадан эсептедиңиз кубун?- деп сурап калды Султан.
– 300 рублдан да.
– Азыр 350 рубль болуп калган кубу.
– Оо, анда коё тур, башынан эсептейин. 2330 рублдан иштеппиз. А жакшы!
Бирок бул сөздү Ширинбек уккан жок. Анткени эбак уйкуга кеткен эле. Түшкө жакын уйкудан турду. Балдардын баары ары-бери басып жүрүшүптүр. Тамак даярдап коюшкан экен, курсагын кампайтты. Андан соң Элка акеси экөө райондун борборуна жөнөштү. Жолдо баратып Элмырза:
– Иш кандай экен?
– Оор экен, ээ?! Курсагым ачып, өлүп калайын дедим. Сиз арааны алмаштырып жатканда Володядан нан сурап жеп келдим.
– Ой, Кудай, ошондой болдубу? Мындан кийин нан алып ал анда. Тамак-ашка жакшы караш керек. Иш оор аябай. Канча балдар келип, иштей албай кетишкен. «Курулуш бул иштен алда канча жеңил» дешет. Чыдай албай ыйлап жиберген да балдар болгон. Сен жакшы иштедиң. Азыр келип кенен тамак-аш алабыз. Бирөөдө 10 миң акчам бар эле. «Кел, берем» деди го, Кудай жалгап.
– Элка аке, Самат көтөрө бер деп телефон берди. Кантип чалам мындан?
– Оо, жакшы болуптур. Симкасы жок экен. Азыр номер алабыз экөөбүз тең.
– Анан чалсам болобу?
– Албетте, болот.
– Милиция токтотуп текшерсе, «Ахмедде иштейм» деп кой, макулбу?! Ахмед өзү ингуш. Бул райондо чечен, ингуштар кыйын. Баарын ошолор башкарат. Анан илгертен отурукташып калган казактар бар. Алар да күчтүү. Андан кийин биз кыйын,- деп күлүп койду.
– Биз ошондо орустардан да кыйынбызбы, э?
– Алар жоош калк. Ичип эле асылбаса, ашыкча сүйлөшпөйт. Болбосо алардын жери го. Негизи, кавказдыктар кыйын болушат экен да. Ахмед дагы бизге окшоп эле жөнөкөй жумушчу болуп келген. Жердештери жардам берип, азыр миллионер. Булар эч бир ингушту көчөдө калтырышпайт. Аябай ынтымактуу келишет. Биздей эмес.
Ошентип, телефонуна номер алган соң дисктерди саткан дүкөнгө киришти. Ал жерден «Терминатор» тасмасынын дискин көрүп калып, Мыктыбек абасы эсине түшүп кетти. Үйүн, айылын сагынганын туйду. 3-4 диск алышты да, чыгып кетишти.
Аялдамага келе жатышса, алдыларына машина келип токтоду. «Ахмед деген ушул» деди Элмырза.
Тигилерди күлмүңдөп караган ал адам:
– Кайда жөнөдүңөр?- деп калды.
– Станцияга.
– Отургула, ала кетейин. Мен пилорамага.
Кандай адам болду экен деп элестетип жүргөн Ахмед ушул турбайбы. Бизге окшогон эле адам тура? Айдаган машинеси деле орустардыкы. Сүйлөгөнү да биздей эле. Мен тим эле башкача элестетип алыптырмын...
– Кечээ жакшы иштепсиңер. Таза да кыркылыптыр такталар.
– Биз өзү дайыма эле таза кыркабыз да, Ахмед,- деп күлүп калды Элмырза.
– Ооба, сага. Билем силерди. 10 тактаңардан бирөөсү бүтүн чыкчы эле го. Өзүңө кошуп келген бала булбу?
– Ооба. Өзүмдүн үкөм болот. Аты Ширинбек.

Залкарбек Карабалаев

(Уландысы кийинки саныбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
26.04.2011. 04:50 
Тайпасы:
Кыймылы жок
Комментарийлердин саны:
120
Катталган:
13-11-2009
Соӊку аракети:
03-03-2015 22:05
Жынысы:
Белгисиз
Калаасы:
Алтын тор
0
kopton jazgyla4y, emi kyzygyna kelgende butup kaldy goi
05.05.2011. 14:43 
Тайпасы:
Кыймылы жок
Комментарийлердин саны:
2
Катталган:
11-03-2011
Соӊку аракети:
10-11-2014 06:22
Жынысы:
Белгисиз
Калаасы:
Нарын
0
мынаа кызык аяабай кызыктуу экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: