Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№442 22-28-апрель, 2011-жыл


(Башы өткөн сандарыбызда)

Бирөө минтип түн жарымында гүл берип жибериптир. Кучак толо бажырайган гүлдөргө жаш балача кубанып, кайра кимден келгенин билбей бушайман болуп отуруп калдым. Куш тилиндей кабар да жазбаптыр. Үйгө алпарсамбы же жумушка таштап эле койсомбу? Элдардан жашырсам, күнөө кылгандай өзүмдү жаман сезем. Экөөбүздүн ортобузда бир гана айтылбай турган сыр бар, ошол эле жетиштүү. Башка сырдын болушун каалабадым. Ошон үчүн гүлдөрдү үйгө ала бардым.
Элдар адатынча конок бөлмөдөгү диванда уктабай күтүп отуруптур. Кучак толо гүлдү көрүп, кашы суроолуу көтөрүлө түштү.
– Охоо, кимден?
– Биринчи кандайсың деп ал-жайымды сурап койсоң боло?
– Мындай гүл алган аялзатынын акыбалы жаман болбойт. Азамат, түнкү выпуск жакшы болду. Бир да жолу такалбай, жаңылбай сүйлөдүң.
Сүйлөп жатканы менен, эки көзү гүлдө.
– Сурабай эле кой, мен өзүм да билбейм, ким жибергенин. Эми чыгалы деп турсак, алып келип таштап кетишти. Кимден экени жазылбаптыр.
– Билбесең да ала бердиңби?
– Албай койсом деле болмок, бирок гүлдөргө жалко. Карачы, бажырайганын. Букет жакты, анан алып алдым. Не, ушу да кылмышпы?
– Жок, жаны, кылмыш деле эмес, өзүңө жакса ала бер.
Деген менен бир аз кабагына көлөкө түшкөнсүп калды. Элдар өзү жөнөтүп сынап жатабы деп ойлогом. Анын реакциясын көрүп, башка адам экен деп калдым. Бирок ким? Бир эле жолу эмес, күн алыс жөнөтчү болду. Кызык, ким болду экен, бул табышмактуу адам?
Буга чейин жүрөк маселесинен башым чыкпай күн өткөрүп келсем, эми менде карьера куруу максаты пайда болду. Бул ишти мындан эки-үч жыл эртерээк баштасам деле болмок экен.
Менин бүткүл ой-туюмумду ээлеген адамым Бостон шаарына жайгашып алды. Угушумча, иштери жаман эмес. Күндүзү эки иште, анан түнкү курска барып, кайра баштан англис тилин үйрөнүп жатыптыр. Кайда болбосун өз ордун таап кетерине ишенем. Анткени Арстан абдан өзүнө ишенимдүү, эмгекчил жан. Сагыныч-кусамды эске албаганда Арстан үчүн санаам тынчып, көңүлүм бир топ калыбына түшүп калды. Ошондой күндөрдө Элдардын кеби мени ойлонтуп койду. Бир күнү кечинде тамактанып бүткөн соң Искенди уктата албай аябай убара тарттым. Эки күндүн биринде кечки чыгарылышка калып, үйгө түндө келем. Атасынын да жумуштары баштан ашат. Андыктан бала көбүнчөсү бала багуучу менен калып, бизди кадимкидей сагынат.
– Уктадыбы?
– Ооба, моюнумдан кучактап көпкө чейин уктабай жатты. Көздөрү үлдүрөп, кирпиги жабышса да уктабай, мени кетиргиси келбейт десең. Боорум ачып кетти. Бала деле баарыбыз чогулган маалды жактырып, сагынат окшойт.
– Сагынбаганда анан. Экөөбүз жумуш менен убара тартып, таң заарынан чыккан боюнча үй бетин көрбөсөк. Айдайка...
– Ии.
– Искенди качан карындаштуу кыласың?
– ...
– Чоң жигит болуп калды. Төрөсөң кызганбай, тескерисинче, кубанса керек. Анын үстүнө минтип жалгыз, бала багуучуга чыргоолонуп жүрө берип, мүнөзү да эрке-талтаң болуп калабы дейм. Карындаштуу болсо эркелиги калып, чоңоё түшмөк. Жоопкерчилик пайда болмок.
Дагы төрөйм деген нерсени такыр оюма албагам. Искеним алты айга толгондо врачтарга барып, “кайра төрөгүм келбейт” деп тиешелүү иштерди жасатып алгам. Биринчиси капыстан боюма бүттү. Кудайга шүгүр, төрөгөнүмө капа эмесмин. Бирок экинчи бала керекпи? Кыздуу болгусу келсе, Элдардын Разиясы бар эмеспи?
– Искендин Разия аттуу эжеси бар, ошол эле жетиштүү го.
– Сен түшүнбөдүң, мен сендей татынакай кызым болсо деп кыялданам. Искен менен Разия чогуу өспөй калды. Анын үстүнө экөөнүн жаш айырмасы да бир топ. Искен аны бир тууган эже эмес, сенин курбуң катары көрүшү мүмкүн.
– Кайрадан кыйналгым келбейт.
– Жаным, түшүнөм, бул – Кудайдан аялзатына берилген кыйынчылык. Аны мен жеңилдете албайм. Бирок аял канча төрөсө, ошончо ирет организми жаңыланып, жашарат. Элестет, сендей татына кызым болсо, тыкыйта кийинтип, тыпылдата жетелеп жүрсөм.
Мен да элестетип ийдим. Мойтойгон татына кыз. Менин кызым! Арстан экөөбүздүкү болсо кандай керемет болор эле, ээ?! Экөөбүз дайыма талашчубуз. Адатта, эркектер уулдуу болууну эңсешет эмеспи. Арстан болсо кыздуу болгусу келчү. “Жыл сайын төрөсөң деле макул. Сага окшош сулуу кыздарым болсо, мен аябай авторитет болмокмун. Эркек баланы не кыласың? Алардын бири мына мен. Атам менен апам ажырашкандан бери же атамдын, же апамдын чекесин жылытпадым” дечү. Ал мага окшогон кыздуу болууну эңсесе, мен так өзүндөй күчтүү, акылдуу, тамашакөй, сулуу уулдуу болууну каалаар элем. Ошол күндөрдү эстеп, кадимкидей көзүмө жаш тегерене түштү. Мени капшыра кучактап өөп жаткан Элдар абалымды байкабады.
– Эртең окууң жок, жумушка түштө барасың, ээ?
– Ооба, эмне экен?
– Эң сонун. Анда эртең менен сени врачка алпарам.
– Эч жерим оорубай эле. Врачтардын көмөгүнө муктаж эмесмин.
– Жаны, балалуу болууга даяр элесиң, чочулай бербе, бизде баары жакшы болот.
Ысык эриндер чоло жеримди калтырбай өөп жатты. Врачтарга бармайынча боюма бүтпөсүн түшүнүп турат да. Иий-йий, мыжыгып таштасаң! Эч нерсени жашырып болбойт! Тажрыйбалуу эркек деген ушундай болот экен, кыздар, эч нерсени жашыра албайсың. “Барып спиралды алдырып сал” деген турат. Мм-мм, кандай кылсам?
Башында кучак толо гүлдөргө кубанар элем. Эми кадимкидей кыжалат болчу болдум. Гүл ташуучудан сурасам, “кимден экенин билбейбиз. Биз, болгону, заказды аткарабыз” дейт. Байкап көрсөм, катардагы адамдын капчыгына мындай гүлдөр чак келчүдөй эмес. Менин иш графигимди да жакшы билет. Күн алыс түнкү кабарлардан соң жөнөтөт. Жалаң тандамал, кымбат гүлдөрдү. Мурдагыдан айырмаланып, эми куш тилиндей кабар жазып кошуп койчу болду. “Жумушуң сага туура келбейт. Олуттуу жаңылыктарды алып барам деп жатып эле өңүң да олуттуу болуп баратат. А сенин баладай жылмайып койгонуң керемет” дептир бүгүнкүсүндө. “Сенин баладай жылмайганың керемет...”, “жылмайганың керемет...” Минтип бир гана адам айтчу. Ал азыр Америкада. Менсиз өзүнчө турмуш куруу максатында кеткен. Анда ким? Көңүлүмө тымызын бүлүк түшүп, кандайдыр жагымсыз жагдай жакындап келе жаткандай. Эмнеден, кайдан коркунуч келерин боолгой албай жаным кыйналат. Тынччылык болгой эле.
Мени өлкөбүздөгү эң алдыңкы телеканалга жумушка чакырышты. Өзүм иштеп жүргөн канал менен келишимдин бүтөрүнө бир айдай убакыт калган. Кааласам, келишимди узартышым мүмкүн. Же тиги жакка өтүп кетсемби? Чынында, ал каналдын жүзү болууну ким болбосун тилейт. Бир аптадай ойлонуп жүрүп, акыры жаңы сунушту кабыл алууну чечтим. Жетекчиликке, албетте, бул нерсе жаккан жок.
– Дарак бир жерден көгөрөт дейт. Ооба, ал каналдын биздикине караганда мүмкүнчүлүгү кенен. Бирок! Ал – мамлекеттик канал. Финансылык планда алып караганда бизде андан эки эсе көп табасың. Анан да эсиңе алып кой, ал жакта интрига күч.
Ошентип, мага нааразы болуп бошотушту. Кадимкидей ичим ооруп калды. Балким, тынч эле көнгөн жумушумда жүрө берсем жакшы болор беле? Айтор, бараандуу телеканалдын жүзү болдум. Баягы сырдуу жан ал жакка да жетти. Биринчи эле иш күнүмдө орхидея гүлдөрүнөн букет берип жибериптир. “Абдан катаал коллективге барып алдың. Эми бул жердин былыктарга толгон сазына чөгүп кетпегенге аракет кыл. Жанда жок аруу жансың. Ошону сакта”.

Жазгүл Калыева

(Уландысы кийинки саныбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
25.04.2011. 15:58 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Kyzyksyz bolup bartat. Aidai tim ele duinodo jalgyz suluu kyzdai ele maktaile beriptir,chan juguzbai. Jindi keltiretko......
25.04.2011. 20:43 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Айтпаныз, обу жок мактап ийген. Эми манкоо баш кылбай, акылдуу кылып жазгыла.Чечкиндуу болсо болоор эле.Ойду-тоону энсебей.
25.04.2011. 21:33 
Тайпасы:
Түйүлдүк
Комментарийлердин саны:
102
Катталган:
19-08-2010
Соӊку аракети:
11-01-2012 22:45
Жынысы:
Белгисиз
Калаасы:
Бишкек
0
Чын эле коп коп жазсанар жакшы болмок. Ислам дини менен байланышы жок да ошого мактанат, а бирок мактоо бир гана Аллах Таалага гана татыктуу нерсе!!!
26.04.2011. 11:53 
Тайпасы:
Кыймылы жок
Комментарийлердин саны:
3
Катталган:
29-03-2011
Соӊку аракети:
04-09-2013 15:43
Жынысы:
Белгисиз
Калаасы:
Бишкек
0
качан бутот, жадатып жиберди, бутурбойсунорбу, кызыгы жок болуп баратат.
27.04.2011. 15:27 
Тайпасы:
Жаран
Комментарийлердин саны:
157
Катталган:
20-11-2010
Соӊку аракети:
17-11-2018 16:25
Жынысы:
Белгисиз
Калаасы:
Жалал-Абад
0
жадатты го Айдай да...
28.04.2011. 10:18 
Тайпасы:
Жаран
Комментарийлердин саны:
Катталган:
31-07-2010
Соӊку аракети:
15-11-2018 12:23
Жынысы:
Белгисиз
Калаасы:
Ош
0
тигил Арстан дегени жаман жадатты го уй булого зыянытийе турган болуп. Айдай дагы бир эсине келе калбады. балдарынан да Арстанын ойдо коюп
29.04.2011. 10:47 
Тайпасы:
Кыймылы жок
Комментарийлердин саны:
16
Катталган:
12-03-2011
Соӊку аракети:
24-03-2012 22:55
Жынысы:
Белгисиз
0
чын эле сулуулугун ашыкча мактап койгон как будто андан башка сулуу жок жалгыз эле ошол баары эле шилекейи чууруп калган кылып жазып койгон, андай сулуулар толтура го, ички дуйносу сулуу акылдуу болсо ошондо ааламда жок сулуу болмок
30.04.2011. 09:39 
Тайпасы:
Кыймылы жок
Комментарийлердин саны:
20
Катталган:
08-01-2011
Соӊку аракети:
01-08-2011 10:45
Жынысы:
Белгисиз
0
Akmoordon da suluu blup ketti go ...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: