Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КААРМАНДАР ЧОҢОЙГОНДО

№442 22-28-апрель, 2011-жыл


Тасмалардагы кичинекей каармандар жадыбызда дал ошондой элесте сакталып калат эмеспи. Бирок “мезгил – учкан куш” дегендей, алар биз элестеткен курактан эчак эле өтүп кетишкен. Окурманга жагымдуу таң калуу тартуулоо үчүн тасмадагы кичинекей каармандарды издеп көрдүк.

КЫСКАЧА МААЛЫМАТТАР

  • “Кызыл алма” тасмасында Анаранын ролун ойногон Анара Макекадырова азыр Москва шаарында турат деп эшиттик. Маалыматтарга караганда, ал илим адамы болгон.
  • Ал эми “Эрте келген турналар” тасмасында Султанмураттын ролун аткарган Эмил Борончиев кийин бир нече тасмаларга тартылган. Жакында эле ал “Гаишники” тасмасына катышты.
  • “Махабат дастаны” тасмасында карыяны ээрчип жүргөн, Раймалы менен Бегимай өрттөнүп жатканда көз жаш төгүп ыйлаган бала ким дебейсизби? Бул – композитор Түгөлбай Казаковдун уулу Мурат Казаков. Учурда борбор калаада эмгектенет.

АЛЬБИНА ИМАШЕВА

“Бешкемпир” тасмасындагы өспүрүм кыздын ролун ойногон Альбина Имашева азыр таланттуу актриса. Үй-бүлөлүү, ширин кыздын энеси.

– Биринчи жолу тасмага тартылганда 14 жашта болчумун. Анда февраль айы эле, мектептин ичи муздак болгондуктан, баарыбыз пальто, тончон отурганбыз. Бир маалда “тасмага артист издеп жүрөбүз” деген бир байке жаныма келип, “тонуңду чечип, ырдап көрчү” деди. Мен “Классташым” деген ырды ырдап бердим. Анан кастингдин жыйынтыгы чыгып, мени тасмага тартмай болгонун уктум. Айыл жергесиндеги 70тен ашык мектепти кыдырып, мага жана дагы бир кызга токтолушкан экен. Башында экөөбүздү салыштырып жатышты. Кийин Мирлан Абдыкалыковдон “кайсы кыз менен тартыласың?” деп сураганда, ал мени тандаптыр. Ошентип, Мирландын тандоосу менен негизги ролду аткаргам.
“Бешкемпир” тасмасынан кийин сөзсүз актриса болом дегем. Апам экөөбүз “ий, эми актрисанын окуусун каяктан табабыз?” деп аябай ойлонгонубуз эсимде. Мектепти аяктап, апам экөөбүз шаарга келип, Искусство институтун издеп жатып араң тапканбыз. “Бешкемпирден” жолдомо алган актрисалык кесибим ушинтип башталып, бир нече роль жараттым.

МИРЛАН АБДЫКАЛЫКОВ

Ушул эле тасмадагы кара тоголок бала азыр дасыккан режиссёр экенин билбесеңиз керек.

– Сизди атактуу кылган ролуңуз...
– Мен “Бешкемпирге” тартыла электе эле жаш актёр элем. “Ит качты” жана “Селкинчек” кинотасмаларында роль жараткам. Тасманын режиссёру атам Актан Арым Кубат “эгерде каармандын ролун жакшы ача алам десең гана тартыл” деп катуу эскертти. Кийин атам “тасманын көркүн ачуу үчүн менин дүйнө таанымымды түшүнгөн адам аткарышы керек болчу, ошон үчүн сени чакыргам” деп айтып жүрдү.
– “Бешкемпир” тасмасындагы “кум айымды” жасап алып эрмектешкен эпизодго токтоло кетсең...
– Уялганым менен, режиссёрдун көз карашын чагылдыруу керек экендигин да эске алдым. Бул “кум айымда” чындыкка камтылган жашоо бар эле да. Жашы жете элек ар бир эле баланын өзүнүн оюну бар экендиги сыр эмес го. Азыр карап отурсам, кыргыз клиптеринде мындан да өткөн уятсыздыкты көрсөтүп жатышпайбы. Учурда өзүмдүн жарнама, клип тарткан “Селкинчек” деген студиям бар. Атамдын ишин аркалап жатам десем да болот. Балалык кезимден кино жаатында эмгектенип, эми деле бул тармактан алыстаган жокмун.

НАТАЛЬЯ АРИНБАСАРОВА
“Биринчи мугалим” тасмасындагы секелек кыз Алтынайды билсеңиз керек. Алтынайдын ролу Натальянын актрисалыкка алган жолдомосу болгон. Актрисанын атасы кызынын балерина болушун каалаган. Бирок Наталья өзүн балерина эмес, актриса катары көрчү.
1964-жылы 16 жашында аны Андрей Кончаловский “Биринчи мугалим” тасмасына тартылууга чакырат. Кыргыз тоосу, табигаты таасир бергенби, ошол эле жылы режиссёр өзүнөн бир топ жаш кичүү Натальяга үйлөнөт.
Наталья Аринбасарова азыр КМШга таанымал актриса жана чоң эне. Анын мемуардык китебин кызы жазып, жарыкка чыгарган.

ГҮЛНУР АСАНОВА

Ырчы, актриса Гүлнур Асанованын актрисалык карьерасы 6 жашында башталган. «Карагул ботом» тасмасында кичине баланын ролу анын кино дүйнөсүнө биринчи кадамы болгон.

– Анда мен 1-класста окучумун. Карагулдун ролуна көптөгөн балдар кастингге катышкан, бирок бирөө да ал образга жан киргизе албай коюшкан экен. Алардын “кыз болсоң, анан эркек баланын ролун кантип ойнойсуң?” дегендери эсимде. Башыма тебетей, эликтин терисинен тигилген тон кийгенде эркек баладан айырмам жок болуп калганын эстеп азыр да күлкүм келет.
– Кичине болсоң, киного тартылуу деле оңойго турбаса керек...
– Андай деле түйшөлткөн кыйынчылык, тоскоолдук болгон жок. Тасма Чаткалдын тоолорунда тартылгандыктан, бир аз кыйналганбыз. Үн тунук угулсун үчүн жакабызга микрофон сайып койгонбуз. Мен таштын үстүнө чыгып ойноп жатып аны талкалап алгам. Кээ бир сөздөр угулбай калып, тасманы тартып жаткан топ кыйналган эле.

Мальвина Уметбекова, Нуржамал Жийдебаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(1)
25.04.2011. 16:39 
Тайпасы:
Кыймылы жок
Комментарийлердин саны:
50
Катталган:
07-06-2010
Соӊку аракети:
19-05-2013 22:48
Жынысы:
Белгисиз
Калаасы:
Бишкек
0
Гульнур Асанова Карагул ботомдогу бала экен деп такыр ойлогон эмесмин
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: