Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАЛ-БАЛАКАЙ

№442 22-28-апрель, 2011-жыл


Фотосынак

НУРСУЛТАН СЕМЕТЕЕВ
Калпак кийип көчөдө,
Кыргызмын деп мактанам.
Суктандырып элдерди,
Ал ансайын шаттанам.

Сурап-билүү телефону: 32-33-26
Урматтуу ата-энелер! «Супер-Инфо» гезити балдардын эң кызыктуу сүрөттөрүнө сынак жарыялайт. Беш жашка чейинки балдарыңыздардын күлкүлүү, кызыктуу сүрөттөрүн кат ар­­кылуу бизге жибериңиздер. Сынактын жыйынтыгын эки айда бир жолу чыгарып турабыз. Жеңүүчүнү белектер күтөт.
Эскертүү: Сапатсыз жана кызыксыз сүрөттөр жарыяланбайт.


Силер билесиңерби?

ПЛАСТИЛИН
Пластилин – балдардын аң-сезимин өөрчүтүүчү нерсе. Аны менен ойногондо манжалардын кыймылы да жакшырат. Алгач пластилинди обоидеги такты кетирүүчү каражат катары колдонушкан. Бир күнү бала бакча кызматкери аны балдарга көрсөтөт. Пластилинден ар кандай фигуралар жасалып, кайра калыбына келе каларын билип калган балдардын кызыгуусу арта баштайт. Ошондон тарта пластилин балдар арасында көп колдонулуп калган. Башында ал бир гана боз түстө болчу. Кийинчерээк ар кандай түстөрдө чыга баштады.
Пластилин азыркы күндө кичинекей бөбөктөрүбүздүн эң сүйүктүү оюнчугуна айланган.


ЖАҢЫЛМАЧТАР

Топоздор токтоп турушабы?
Топоздор топтоп турушабы?
Топоздор оттоп турушабы?
Топоздор топозго окшоп турушабы?

ххх

Жыйырмага чыгып кой картаябы?
Картайган койду,
Тартайган койчу кайтарабы?

ххх

Бек-Тоо, Бекем-Тоо.
Бер жагы Бермет-Зоо.
Бермет-Зоо берметин,
Берери бекер го.


УЧКУЛ СӨЗДӨР

  • Адептүү киши – азаптан алыс.
  • Бай жарды болсо үч жылы, Байлыгын коё бербейт.Жарды бай болсо үч жылы, Жардылыгын коё бербейт.
  • Жаман жигит жан сактайт, Жакшы жигит эл сактайт.
  • Жалгыз дарак токой болбойт.
  • Жакшы жигит сыртта мырза, үйдө кул. Жаман жигит үйдө мырза, сыртта кул.
  • Бирди аяган миңден куру калат.
  • Жашыңдан жаман жолго баспаганың, адамдык сапатыңды сактаганың.


ЖАШ CҮРӨТЧҮ
Урматтуу ата-энелер, 7 жашка чейинки балдарыңыздардын өз колу менен тарткан сүрөттөрүн кат же balakai@super.kg электрондук почтасы аркылуу бизге салып жибериңиздер. Кызыктуу сүрөттөр гезит бетине жарыяланып, 2 ай ичинде жеңүүчү аныкталат. Аныкталган жеңүүчүлөр 1-Июнь – Балдар күнүнө карата атайын уюшулган финалдык сынакка катышып, өз өнөрүн көрсөтөт. Эң мыкты деп табылган жаш сүрөтчүнү белек күтөт.


ЭКИ СҮРӨТТӨН 6 ОКШОШТУКТУ ТАП

Жомоктор дүйнөсүндө

АЙДАГЫ КЫЗ

Бар экен, жок экен, илгери өткөн заманда бир жетим кыз жашаптыр. Ал ата-энесинен эрте айрылып, короосундагы ботолуу жалгыз төөсү менен калат. Кыз башынан көптөгөн кыйынчылыктарды өткөрүп, ачкачылыктын азабын тартат. Аргасы түгөнгөн кыз жегенге ботосун соёт да, төөсүн сатып кийим алат. Арадан айлар өтүп, алган кийиминин тамтыгы кетип, эти да түгөнөт. Кайрадан башына ачарчылыктын азабы түшөт. Азап тартып жүргөн күндөрүнүн биринде башка айылдагы алыскы тууганын эстейт. Элден сураштырып отуруп анын атагы чыккан бай экенин угуп, жардам суроого жөнөйт.
Бай менен аялы кызга боору ооругандын ордуна «муну малай кылып алалы» деген жаман ой менен алып калышат. Байкуш жетим кыз алардын оту менен кирип, күлү менен чыгып, бардык жумуштарын баш көтөрбөй аткара берет. Ошондо да жеңеси анын кылган ишинен кыйкым таап, сабаганын токтотпойт. Кыз бугун көз жашынан гана чыгарып жүрө берет.
Бир күнү кышкы ызгаарда жетим кыз сууга барат. Тоңуп калган калың музду араң талкалап, эки чака суусун баканга асып алып үйүнө жөнөйт. Сууктан кыздын буттары шилтенбей, колдору тоңуп калат. Ал аябай чарчаганбы, айтор, келе жатып бир нерсеге чалынат да, суусун төгүп алат.
«Үйгө барсам жеңем мени дагы сабайт» деп заарканган кыз ошол жерде көпкө ыйлап отурат. Кыздын көз жашы жерге тып-тып тамып, мончок сымал муз болуп тоңо берет. Жетим кыз эне мээримин эңсеп, бугун чыгаргысы келет. Бирок анын арманын угар айланасында эч бир жан жок эле. Бир гана сырдашары өзү сымал түнкү асмандагы жалгыз Ай болчу...
Айды көрүп, кыз бир тууган жакын адамын көргөндөй боздоп ыйлап кирет:
– Жок дегенде сенин мага бооруң ачысынчы?! Ата-энемдин көзү өткөндөн баштап бир да жакшы сөз уга элекмин. Жеңем да мага күн көрсөтпөй койду. Эч ким мени жакшы көрбөйт, аябайт! Бай тууганым да каралашмак түгүл ишинин баарын мага жасатат.
Жетим кыздын муң-зарын уккан соң Ай ылдыйлап, кыздын бутуна жакын келип тү­шөт.
Алыстан баарын байкап турган Күн да акырын жылып кыздын жанына келе калат. Кыздын чырайы ааламда жок эле. Күндүн кызга назары түшүп, ашыктыгы арта баштайт. Жетим кыздын ажары Күн менен Айды тең арбап, ашык кылды. Ошентип, Күн менен Айдын ортосунда кызды талашуудан улам чыр чыгат. Күн кызды Айга бергиси келбей, кызгана баштайт. Калыс чечим болушу үчүн экөө күч сынашып, жеңгени кызды алмай болушат. Кантсе да Күн чоң жана күчтүү эмеспи, акыры жеңишке жетишет. Ай жеңилгенине кайгырып, мындай дейт:
– Урматтуу Күнүм, сен бардык жандыктарга жашоо тартуулап келесиң. Мен болсо сенин алдыңда алсыз, күчсүзмүн. Жандыктардын баары жагымдуу, жылуу нуруңа бөлөнүп, сенин колуңда. Мен байкуш кышкы түндө көктө жалгыз өзүм гана сызып жүрөм. Кыздын да багар-көрөрү жок экен. Макул болсоң, кызды мен алайын. Жок дегенде бул кыз мени менен бирге болсун.
Күн кечке ойлонот. Акыры Айга боору ооруп, жетим кызды берүүгө макул болот. Кубанычы коюнуна батпай сүйүнгөн Ай ыраазы экенин билдирип, экөө достошуп калышат.
Ошентип, кызды кучагына алган Ай асманды карай бет алат. Алыс-алыс учкан Ай акыры өз ордуна келип, кызды кучагында сактап келет.
Эгер кыштын айлуу түнүндө Айды жакшылап байкасаңыз, бакан көтөргөн кыздын элесин көрөсүз. Жетим кыз Айга байланып, Ай болсо кызды жакшы көрүп калган дешет. Ошондон бери Ай асманда сызып жүргөндө аны менен ар дайым кыз жүрөт. Кээде гана Ай кызын жоготуп, капага батканда караңгылай түшөт. Аны бизде эл “Ай тутулду” деп айтат. Бирок кайра эле ал өз сүйгөнүн таап, мурункудан да жарык болуп жаркырап калат.

Гүлжамал Бөрүкулова, Салтанат Мукасова
balakai@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
25.04.2011. 16:35 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Kichinekei baldar uchun bir az kaigyluu emesbi jomok?
Jakshy konkurs eken, Superinfo siler supersiner :)
25.04.2011. 23:52 
Тайпасы:
Кыймылы жок
Комментарийлердин саны:
47
Катталган:
21-12-2010
Соӊку аракети:
03-06-2012 18:21
Жынысы:
Белгисиз
0
urmattuu Super info balanyn surotun dele elektronduk pochtanarga balakai.super.kg ge jonotkongo mumkunchuluk jokpu
26.04.2011. 09:20 
Тайпасы:
Жаран
Комментарийлердин саны:
374
Катталган:
05-06-2007
Соӊку аракети:
23-04-2018 13:19
Жынысы:
Белгисиз
0
adiiiiiiiiiii, balakai.super.kg электрондук дарек аркылуу да кабыл алабыз. Жөнөтө берсеңиз болот.
26.04.2011. 11:34 
Тайпасы:
Жаран
Комментарийлердин саны:
369
Катталган:
22-04-2011
Соӊку аракети:
12-12-2017 23:04
Жынысы:
Белгисиз
Калаасы:
Бишкек
0
Мага мисалы жомок жакты, апам кичинемде айтып жүргөн жомок экен.
27.04.2011. 00:51 
Тайпасы:
Кыймылы жок
Комментарийлердин саны:
142
Катталган:
29-05-2010
Соӊку аракети:
24-10-2012 02:52
Жынысы:
Белгисиз
Калаасы:
avstria
0
maga da apam kichinekey kezimde aydagy kyz dep kundo aytyp berchu, men tajabay ele aytyp berinizchi, dep surap, kayra-kayra ayttyra berchumun, andan da men aydagy kyzdy kordum dep maktanyp apama kalp aytyp kelchumun. Ech, balalykty bir estep da aldym, rahmat Superler!!!
29.04.2011. 04:45 
Тайпасы:
Жаран
Комментарийлердин саны:
35
Катталган:
13-03-2011
Соӊку аракети:
18-11-2018 18:56
Жынысы:
Белгисиз
Калаасы:
Катар Доха
0
Maga da jakty chon enem aityp berchu maga jomoktordu ex chon ene sizdi sagyndym birok siz jurogumdo gana jashaisyz.Super info raxmat silerge balalyk kezimdi estep kettim jomoktu okup.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: