Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САГЫНДЫРГАН ЖАЗ

№443 29-апрель - 5-май, 2011-жыл


(Башы өткөн сандарыбызда)

Күндөрдүн биринде Элмырза «халтура (акчага иш кылуу) чыгып жатат. Каалоочулар барбы? Мончого фундамент куюш керек экен» деп калды. Баары макул болушту.
– Сен чарчап калбайсыңбы?
Элмырза Ширинбекти аяп тиктеп калды.
– Жок, мен да барам.
Мындай иштен Ширинбек артта калбайт болчу. Кичине деп аяшканы менен, ушул кичине баланын эрки күчтүү, чыдамкай экенине кай бири таң калып да кетишер эле. Чын эле, баары чогулуп эки жолу барып куюп бүтүштү. Кечке фундамент куюп, кечинде пилорамага ишке барып жаны жай албай иштеп жаткандардын ар биринин купуя тилеги бар эле. Алардын ичинде Ширинбек да тез эле атасынын карызын төлөп, карындаштарына үй алып берүүнү көз алдына элестетип, ошол элестер менен жашап жүрдү.
Фундамент бүткөн соң балдардын бири “кой алып союп жейли” деп сунуштап калды. Ширинбек койду укканда сүйүнүп кетти. “Тооктун этинен жададым, кенен эт жейт экенбиз” деп ичинен кымыңдап койду.
Ошол күнү эле койду алып келишти. Оюнда чоң кара койду элестетип алган эле. Анын ордуна эчкидей болгон, ак жүндүү, чакан кой турду. Мүйүздөрү да тарбаңдап чыгып турат.
– Ушу да койбу, ыя?
– А сен эмне, кыргыз коюн элестеттиң беле? Мунун кой аты эле бар. Этинин да даамы жок. Үйдө кармап багышат. Айла жок, өзүбүздүн эти даамдуу койду элестетип жей беребиз да.
Койду союшуп, бешбармакка тоюшту. Самат укмуш камыр жасайт экен. Сонун кылып нан да жаап салды. Сырадан ичип, кыргыз ырларына жыргап бийлешти. Эки күндө койдун эти да түгөндү.
Таңкы ширин уйкуда жатышса, үйгө Өктөм деген курулушта иштеген кыргыз бала кирип келди. Баары ойгонуп, аны тиктеп калышты.
– Тынччылыкпы, эмне болду?
– Балдар, акча керек болуп жатат. Кечинде мас болуп, орустардын кыйыны Колобоктун сүйгөн кызына асылыптырмын, кучактап. Түшкө чейин 25 миң таппасам, өлтүрөт мени. Айлыкта берем, балдар,- деп жалдырап кирди.
– Эмне, ошого орустар 25 миң сурап жатышабы?
– Жок, Мунар аке ортого түшүп сүйлөшүп берди. Болбосо, өлтүрөбүз деп жатышат.
Балдар ары жак-бери жактан 5000 рубль чогултуп беришти. Акчаны алып эле жолго түштү. Ал кеткенден кийин Ширинбек:
– Колобогу ким? Колобок деген жомокто беле?
– Колобок деген Тугулымдагы орустардын эң кыйыны. А Мунар болсо, Тугулымдагы кыргыздардын кыйыны. Ошол бардык бандиттер менен жакын дос. Көп нерсени чечип берет,- деп жооп берди Элмырза.
Ошентип, Өктөм бузуп кеткен уйку ошол бойдон ачылып, бир-бирден туруп жумушка жөнөштү. Күн ачык болуп, станоктор дырылдап иш башталды. Арааларды курчуткан Василий ишке келбей, араалар курчутулбай калыптыр. Ошого иш жайыраак жүрүп жатты. Анын кайда экенин эч ким билбейт. Дагы ичип кетиптир деген сөздөр болуп жатты.
Иш күндүн жарымы өтүп калганда жакын арадагы токойдон өрт чыкты. “Баарыбыз барып өчүрөбүз, болгула эле, болгула” деп Ахмеддин баласы Макшарип чуркап келип калды. Станоктор токтотулуп, баары өрт өчүрүүгө жөнөштү. «Баратып сарайдан челектерди алып алгыла» деп буюрду пилораманын мастери Игорь.
Токой аралап көрө элек Ширинбек үчүн өрт өчүрүү кызык нерседей сезилди. Самат экөө сарайга келишсе, ичинде бир адам отуруптур. Сакалы 20 сантиметрдей өсүп, бети көрүнбөйт. Жанына жакындай электе эле жагымсыз жыт буркурап жатты.
– Челекке келдик. Алып чыгып бер,- деди Самат.
Ал кыйкырып сүйлөгөн сайын тиги титиреп жатты. Ичкери кирип челектерди алып жолго түшүштү.
– Самат, бул дудукпу?
– Жок ай. Бул азербайжан. Орусча, кыргызча бир сөз билбесе, кайдан сүйлөсүн? Ушул жерде карагайлардын кароолчусу. Эч бир документи жок. Жалгыз жата берип, жапайы болуп кетиптир го. Титирегенин көрдүңбү? Райондун ооруканасынын от жаккан жеринде да бир кыргыз бала жашайт. Ал дагы жапайы болуп кеткен. Тамагын беришет, болду. Элге чыкпайт эч. Биз барсак, чоочун адамдай кабыл алып, киргизбейт. Ал го жуунуп турат. Мобул азер байкуш сасып кетиптир.
– Өрт чыкса, биз өчүрөбүзбү? Өрт өчүргүчтөр келбейби?
– Тигил карагайларды көр­дүңбү? Буларды кышында Ахмед алып келдирип бекиткен. Жазында саздар көтөрүлүп, токойго жол жабылат. Башка пилорамалар иштебей туруп калат, жыгач жок. А бул акылдуу бекиткен карагайларды алып чыгып кырктыра берет. Өрт өчүргүчтөр келсе, көрүп коюшат. Экологдорго жетсе, пилораманы жаап койбойт бекен?! Ошого азыр биз барып өрт өчүргүч болобуз.
Көк түтүн каптаган карагайлуу токойго кирип келишти. Ар бири колундагы челектер менен саздан суу сузуп чыгып эле өрткө чача башташты. Башында Ширинбекке өрт өчүргөн оюндай эле көрүнүп жатты. «Алыс кирбе» деп Элмырзанын айткан сөзүн да унутуп койду. Суу чачкан жери толук өчүп калып жаткандай, кызыгына батып кете берди. Бир маалда караса, айланада эч ким жок. Түтүн уламдан-улам коюуланып, айлана эч көрүнбөй калды. Дем алуу да кыйындап баратты. Суу сузуп өрткө чачайын десе, суу жок. Айласы кетип «Султан, Самат» деп кыйкыра баштады. Эч кимден дайын жок. Дем алууга мүмкүн болбой баратканда футболкасын бетине жаап алып, бир тарапты көздөй чуркап жөнөдү. Бир маалда бир чуңкурга кулап кетти. Ошол боюнча эсине келген жок. Көзүн ачса, үйдөгү ордунда жатыптыр. Көздөрү тунарып, алсырап калыптыр. Араң дегенде жакшы болду. Ошентип, айлык алчу күн келип, ар бири 36 454 рублдан колдоруна алышты. Ширинбек анча акча алганына ишенбей, өзүн ааламдагы эң бай адамдай сезип жатты. Кыйналып, өрт өчүрөм деп тиги дүйнөгө кетип кала жаздаганы, колдору устун астында калган күндөрү да эсинен чыкты. Жүрөгү лакылдап, үйүнө жөнөтүүгө шашты. Халтуралардан чогулткан акчасына кошуп 40 миң кылып толуктап, Элмырзага берди «салып жибериң» деп.
– Дагы кош эки жүз. Банктын комиссиясы менен менин жол киреме. Тюменге барып салам да.
– Ой, кечиресиз,- деп дагы 500 рубль сунду.
– Тамашаладым, үкөм. Жөн эле кой. Үйдөгүлөргө салып жиберем. Алардан алып алат апаң.
Эртеси күнү кечке маал апасы телефон чалып «балам, акчаны алдым. Бул канча иштеген айлыгың? Бир айлык ушунча көппү? Өзүңдү кыйнаба, уулум. Ден соолугуңду абайла» деп ыйламсырап зорго сүйлөдү. Апасынын сүйүнүп жатканын туюп, ыраазы болду. «Кыйналсам да ушундай иштесем, жазга чейин үйгө жетерлик акча чогултуп коём» деген ойлорго чөмүлдү.
Эми гана айылын, апасын, карындаштарын, Берметин сагынганын сезди. Жумуш менен жүрүп көп ойлобогонго аракет кылчу. Акыркы жолу Берметтин сөздөрү, карындашы Бурулайдын ыйлап узатып калганы эсине түштү.
Көзүнө жаш кылгырып калганын байкаган Элмырза аны кабыргага нукуп калды.
– Эй, сен десе, уят эмеспи. Ушунча чыдап, эми апаң чалса көзүңдөн жаш имериле түштү го.
– Жок, антпей эле турат, Элка аке, көзүмө бир нерсе түшүп кеткендей болду,- деп кайпактап калды.
– Мына, ийгиликтин эрте-кечи жок. Жетиштүү акча чогултуп алып айылыңа кетесиң.

Залкарбек Карабалаев

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
04.05.2011. 18:40 
Тайпасы:
Кыймылы жок
Комментарийлердин саны:
11
Катталган:
06-03-2011
Соӊку аракети:
25-06-2012 11:53
Жынысы:
Белгисиз
Калаасы:
Бишкек
0
так ачып берген окуяны,чынында эле ушундай турмуш Россида
04.05.2011. 18:50 
Тайпасы:
Кыймылы жок
Комментарийлердин саны:
11
Катталган:
06-03-2011
Соӊку аракети:
25-06-2012 11:53
Жынысы:
Белгисиз
Калаасы:
Бишкек
0
россияда
08.06.2011. 20:43 
Тайпасы:
Жаран
Комментарийлердин саны:
95
Катталган:
08-06-2011
Соӊку аракети:
17-09-2018 07:32
Жынысы:
Белгисиз
Калаасы:
бишкек
0
tuura,chynygy orusiyadagy tirichilik!ehh...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: