Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№443 29-апрель - 5-май, 2011-жыл


(Башы өткөн сандарыбызда)

Кичинекей открытканы кармалап көпкө чейин отурдум. Ким болду экен? Жазгандарына караганда мени жакшы тааныган адам. Ушу Элдар өзү эле болуп жүрбөсүн? Мени кантер экен деп сынап жатабы? Жо-ок, ал болушу мүмкүн эмес. Өткөндө кабинетиме келип тимеле жаны кашайбадыбы. Сырдуу адамдан келген гүлдөрдүн баарын эле үйгө алпара бербейм да. Кабинетим түркүн гүлдөргө толуп кеткен болчу. Ошолорду көрүп куйкасы курушуп, келген жөн-жайын да айтпастан чыгып кетти. Кеткенде да жөн кетпей “мен мунун түбүнө жетем. Ким экенин билем. Көрсөтөм, бирөөнүн аялына гүл берүүнүн эмне экенин!” деп тиштенип кетти. Өзү болсо мынчалык артист болмок эмес. Демек, бөлөк адам. Кызык, ошондон бери бул тууралуу ооз ачкан жок. Билди бекен, ким экенин? Бүгүн сурабасам.
Искенди уктатып, өз бөлмөбүзгө кирсем Элдар чекесин тырыштыра ойлонуп жатыптыр.
– Эмне болду, тынччылыкпы?
– Ушу бирөө тымызын менин изиме түшкөн сыяктанат. Улам эле текшерүү келе берип тажатты. Эми эле финполун жөнөтсөм, салыкчылары келет, аларды тынчытсаң санэпидеми, анан СНБдагылар. Бул жөн эмес. Бирөө атайылап менин нервиме тийип жатат.
– Конкуренттерби?
– Караштырып көрдүм. Алар эмес. Анын үстүнө Кыргызстанда кайдагы конкуренция дейсиң?
– Бийликтегилер менен маселең жок беле?
– Алар менен жакшы эле тил табышып иштеп келе жатам да. Кечээ премьерге жолуктум. Тынчым кетип жатканын айтып четин чыгарсам, “сага эч ким тийише албайт” деп койду. Ага карабай текшерүүлөр күчөп жатат.
– Ошолордун тегерегиндегилер болуп жүрбөсүн. Көпчүлүгүнүн эле бизнеси бар го. Кстати, баягы гүл жиберип жаткан адамдын ким экенин тактадыңбы?
– Вот, ошонун да эч жиги билинбей жатат. Оңой эле таап алам деп ойлогом. Ал дайыма заказ кылуучу гүл дүкөнүн таптым. Бирок телефон аркылуу заказ кылып, акчасын которуу жолу менен төлөйт экен. Банктан сураштырсам, акча кайсы бир агенттиктен которулары билинди. Көрсө, алар да бирөөнүн заказын аткарышат экен. Жумушумдагы маселелерге караганда да ушул нерсе жаман жиниме тийип жатат. Бардык жагымсыз иштерди бир адам кылып жаткандай. Талуу жерге сайгылап жатышат.
– Мынчалык олуттуу маселе деп ойлобоптурмун. Жакшысы, гүлдөрдү кабыл албай коёюн. Ошентсек кутулабыз.
– Макул, кабыл албай көрчү.
Мына сага! Мага суктанып, сыртымдан сүйгөн бирөө экен деп жүрсө, Элдардын душмандарынын мазагы беле?! Канчадан бери баш катырып, ким болду экен деп ойлонуп алганымчы! Жөн эле күйүп кеттим. Элдар туура айтат. Анын иштери менен табышмактуу гүлдөрдүн чын эле байланышы бардай. Ким болду экен? Көзүнө тигилип көрсөм болор эле, ошол адамдын.
Көптөн бери электрондук почтамды текшере элек болчумун. Каттар толуп кетиптир. Анча-мынча эле адашкандары болбосо, көпчүлүгү бир адамдан. Менин асыл, эң ардактуу адамымдан. АКШга барган эле күнү жазган экен. Ошондон берки каттары жайнап кетиптир. Канча болду эле, почтаны текшербегениме? Көрсө, мен Арстанга караганда күчтүү экенмин. Болду, кабарлашпайм дегенимден бери бир да жолу чалып же СМС, же кат жазган жок элем. Каттардын бирин да ачканга колум барбады. Эгер азыр бирөөсүн эле окусам, андан ары өзүмдү токтото албайм. Анан көкүрөктөгү карттанып турган жара кайрадан ачылып, солкулдата ооруй баштайт. Арстанды коё берем деп өзүмө сөз бергем. Убадага туруш керек, мейли, өзүңө берген убада болсо дагы.
Кыздар, эгер күйөөңөр “иштеп эмне кыласың, жакшысы, балдарга карап, тамак бышырып, жыргап эле үйдө отур” десе, алданбагыла. Иштеген жакшы экен. Мейли, маянаң жетишерлик деңгээлде болбосо дагы. Адам өзүн керектүү сезип, баш-аягы жок чубалган ойлордон арылып, убакыт дайыма тартыш болгондуктан, баарына жетишүүнүн аракетинде кадимкидей тыңып, оңоло түшөт экен. Теледеги жумуштар акырындап изине түшкөн соң эртели-кеч Элдардын кеңсесине баш багып, анын жумуштары менен да тааныша баштадым. Элдардын кубанычында чек жок.
– Жаны, сени жарым күндүк кылып жумушка алсам окшойт, кандай дейсиң?
– Жакшы болор эле. Ойлоп көрсөм, алпаруучулук менен катар башка ишке деле жетишет окшойм. Бирок менде мындан да жакшы идея бар.
Оозуна алпараткан виносун ичпей, күйөөм мени кызыга тиктеп калды.
– Эсиңдеби, Миланда бир япон ашканасына кирбедик беле.
– Ии.
– Ошондой кичинекей ресторан ачсам кантет? Ошол ресторан азыркыга чейин түшүмө кирет.
– Кыргызстанда япон ашканасынын күйөрмандары көп болбосо керек.
– Жок, жалаң япон ашканасын кылбайм. Мен чай менен иштегим келет. Япондордун, кытайлардын, түрктөр­дүн, индиялыктардын чай искусствосу менен таанышып көрөлү. Анан албетте, менин атамдын жыпар жыттуу самоор чайы сөзсүз болот.
– Атаңдын чайын кошсоң, анда жакшы бир жерден ресторан ачып берүүгө макулмун.
– Бир дагы ичимдикти жакындатпайм. Ал ресторан жан дүйнөнүн тынчтыгын, чыныгы ырахатын издегендер үчүн болот. Эркиндик гүлбагынан иштетилбей, жабылып калган бир кафени көргөм. Ошол жерди алса болчудай!
– Айдайка?!
– Ии.
– Сенден жакшы бизнес-вумен чыкчудай. Бизнести ар бир адам эле жасай албайт. Ал үчүн көз алдыңа даана элестеткен так максатың, каалооң, анан иш планың болушу керек. Азыр сен максатыңды так, даана көрүп турасың. Каалооң да күч. Эми иш планды иштеп чыгуу керек.
– Түшүндүм, ал үчүн мен айткан элдердин чай берүү жөрөлгөсүндө кандай кызыктар бар, ошолорду жакшылап өздөштүрүү керек. Анан чайлардын баалуу, жакшы сортторун табуу кажет. Тоого чыгып, атамдын чай чөбүн да көп кылып кургатып келүү керек. Же жайлоого чыккан туугандардан сурансам болот. Короче, сен мага эки-үч ай убакыт бер. Ага чейин баарын пландап бүтөм.
Ошентип, Элдар экөөбүз келишим түздүк. Ал менин планымды карап көрөт. Бир жыйынтык чыгат деп ишенсе мага ресторан ачып, жарнама жагынан да жардам берет.
– Бирок бир шарт менен!
– Эмне шарт?
– Сенден ресторан үчүн алган акчанын баарынын эсебин жүргүзөбүз. Кийин сөзсүз кайтарып берем.
– Ой-ой-ой, мынча катуу кетпесеңиз, сулуу. Сизден мен качан эле акча талап кылчу элемин?
– Ооба, сен менин акчама муктаж эмессиң. Бирок бизнес жүргүзөм десең, демек, анын пайдасын көрүү керек, чынбы? Байдын эрке аялынын эриккенден баштаган бир капризи болушун каалабайм.
– Бизнесмен деле акчасын пайдасы жок нерсеге сала бербейт. Ошону биле жүр. Пайда түшө турганын туйганым үчүн макул болуп жатам да. Сага карызга акча берем. Качан чогултканыңда кайтарып бересиң. Ага чейин кам санаба.
Ошентип, менде дагы бир жагымдуу жумуш пайда болду. Ылайыктуу жай караштырып, интерьерди кандай жасаса болот деп баш оорута баштадым. Ошондой күндөрдүн биринде баягы табышмактуу күйөрмандан белек келди. Жаңылыктарды айтып бүтүп, студиядан чыгып келе жаткам. Курьер маңдайымдан чыкты.
– Айдай сиз болосуз да?
– Ооба, эмне экен?
– Сизге белек бар, мобу жерге кол коюп койсоңуз.
Жиним келип чыкты. “Мага гүл алып келбегиле!” деп курьерлер менен уруша берип чарчай турган болдум.
– Тыңдасаңыз. Мен жакшы эле түшүндүрүп айтсам керек эле, эч кандай гүл, белек албайм деп...
– Кечиресиз, биз, болгону, заказды аткарып жатабыз. Кааласаңыз ыргытып жиберерсиз, бирок мобул жерге кол коюп алгандан кийин.

Жазгүл Калыева

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(10)
02.05.2011. 11:32 
Тайпасы:
Жаран
Комментарийлердин саны:
253
Катталган:
26-11-2009
Соӊку аракети:
02-11-2017 23:46
Жынысы:
Белгисиз
Калаасы:
Бишкек
0
Arstan jasap jatsa kerek osholordun baaryn.al ishteship bilip kalgan da eldardyn jumushunda emne problemasy bar ekenin
02.05.2011. 20:27 
Тайпасы:
Жаран
Комментарийлердин саны:
43
Катталган:
13-03-2011
Соӊку аракети:
23-09-2018 14:00
Жынысы:
Белгисиз
Калаасы:
Катар Доха
0
Ex Ayday Ayday kandai gana kundordu otkorbodu kol koiboi koiso eken balkim bul dagy Eldardyn jumushuna karata dokument bolup jurbosun.Kiyinki sanyn chydamsyzdyk menen kutobuz janym ekoobuz.
02.05.2011. 23:53 
Тайпасы:
Жаран
Комментарийлердин саны:
265
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Ushuncha chon biznesmen bolup alyp,dokumentteri tuuramesbi Eldardyn? Emnesinen korkot, baaryn tuuralap koiup, tembolee chondor menen bailanyshy bar adam.
uuuf tajatty butboi
03.05.2011. 16:39 
Тайпасы:
Кыймылы жок
Комментарийлердин саны:
10
Катталган:
10-10-2010
Соӊку аракети:
15-12-2011 19:51
Жынысы:
Белгисиз
0
Эльдардын досунун баласы Султан берип жатса керек гулдорду.
03.05.2011. 18:57 
Тайпасы:
Кыймылы жок
Комментарийлердин саны:
63
Катталган:
29-04-2010
Соӊку аракети:
17-01-2014 23:04
Жынысы:
Белгисиз
Калаасы:
Москва
0
Айдай электрондогу каттарлы ачып окуш керек эле...
03.05.2011. 23:18 
Тайпасы:
Тартип бузгандар
Комментарийлердин саны:
174
Катталган:
29-01-2011
Соӊку аракети:
15-01-2015 13:41
Жынысы:
Белгисиз
Калаасы:
Бул жалган дуйнодо
0
кара бухгалтериясы болот да ар бир компанияда ,Айдайга ээ болуу учун Элдарга компромат топтоп жатат го,Арстан андай ишке жондомдуу эмес,балким чын эле Султандыр
04.05.2011. 14:25 
Тайпасы:
Кыймылы жок
Комментарийлердин саны:
118
Катталган:
26-03-2010
Соӊку аракети:
24-02-2012 11:40
Жынысы:
Белгисиз
Калаасы:
Бишкек
0
Катуу обсуждение болуп аткан го :)
Калп мунун баары, кичине жашоого окшоштуруп жазса болбойбу :))
04.05.2011. 20:03 
Тайпасы:
Жаран
Комментарийлердин саны:
187
Катталган:
13-01-2011
Соӊку аракети:
22-09-2018 20:25
Жынысы:
Белгисиз
Калаасы:
Бишкек
0
Alystagy adamdy sagyngandan da? janyndagy adamga boldon sagyny4 jaman eken......
06.05.2011. 01:57 
Тайпасы:
Жаран
Комментарийлердин саны:
2
Катталган:
16-08-2010
Соӊку аракети:
07-02-2018 16:38
Жынысы:
Белгисиз
Калаасы:
Бишкек
0
Аягы тим эле кызык болуп кетти го! Менин ойумча бул Арстан болуш керек.
06.05.2011. 13:20 
Тайпасы:
Кыймылы жок
Комментарийлердин саны:
6
Катталган:
09-09-2010
Соӊку аракети:
22-04-2013 16:58
Жынысы:
Белгисиз
0
УУУФ! качан бутот бул сериал,тим эле санта барбара болуп кетти го
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: