Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ДҮЙНӨДӨГҮ ЭҢ КЫМБАТ РЕСТОРАНДАР

№255 21-27-сентябрь, 2007-ж.


ГЕРМАНИЯДАГЫ РОБОТ-РЕСТОРАН
Германиянын Нюрнберг шаарында жер шарындагы эң биринчи толук автоматташтырылган ресторан ачылды. Бул ресторанда бир дагы официант жок. Кардарларды электрондук система тейлейт.
“Баггерс” ресторанында кардарлар сенсордук меню аркылуу тамак тандашат. Бул – ар бир столго бекитилген электрондук экран (алар Бишкектин кээ бир кафелеринде да бар). Экранда тамактын сүрөтү менен баасы жазылып турат. Кардар экранды сөөмөйү менен басат да, бул маалымат ашканадагы компьютерге жиберилет. Чочулабаңыз, ашпозчулар – кадимки эле кишилер. Даяр тамакты шыптагы рельстерге бекитилген 25 робот-официант ресторандын ар кайсы бурчуна жеткиришет. Алардын мээсине 200дөн ашык кызыктуу окуялар, аңгемелер жазылган. Демек, роботтун колунан тамак ичүүдөн сырткары аны менен маек курууга да болот. Акчасын меймандар кредиттик картанын жардамы менен төлөшөт.
Ресторандын ээси Михаэль Мак бул идеяны досунун туулган күнүндө отуруп ойлоп тапкан. “Официантты керээли-кечке күткөндөн тажап, тамак бизге жөн гана учуп келсе деген ой кеткен. Анан бул оюмду ишке ашырууну чечтим. Алгачкы кардарларым “жакшы” деген баа берип кетишти”,- дейт Михаэль.

ЖАНЫБАРЛАР ҮЧҮН РЕСТОРАН
Үй жаныбарларынын тилектери орундалды! Кытайдын Шанхай шаарында жаныбарлар үчүн жаңы ресторан ачылды. “Үй жаныбарлары үчүн бейиш бурчу” деп анын аталышы эле бир укмуш.
Алгач бул ресторан жалаң иттер үчүн ачылган эле. Бара-бара келген коноктор мышыктарын, коёндорун жана башка айбандарды ээрчитип келе башташкан. Бул укмуштуу тамактануу жайынын тамак тизмесинде жалпы саны 360 түрдүү тамак-аштар, таттуулар, ичимдиктер бар.
Шаар тургундары “төрт буттуулар менен бирге отуруп, бир табактан аш жеген гигиеналык жактан туура эмес жана денсоолукка зыян”,- деп бул өзгөчө ресторанды терс кабыл алышкан. Анда “Үй жаныбарлары үчүн бейиш бурчунун” ээлери буга жооп катары: ”Биз идиш-аякты күндө үч жолу жууп тазалайбыз. Жаныбарлардын ээлеринен керектүү документтерди талап кылып турабыз. Ошондуктан, бизге келген күчүк-мышыктардын баары дени сак, таза жаныбарлар”,- дешет.
Кардарлардын айтымында, алардын сүйүктүү жаныбарлары бул ресторандан жөн гана тамак жеп кетпестен, башка төрт буттуулар менен таанышып, өздөрүнө жакын досторду табышат экен, тобо-о!

КЕМЕ-РЕСТОРАНДАР
Дүйнөдө мындай ресторандардын саны абдан көп. Кээ бирлери деңиз, океандардын жээгинде курулган болсо, кээлери сууда сүзгөн кайык, кемелерде жайгашкан. Мындай кеме-ресторандар даамдуу аш менен гана тойгузуп койбой, кооз жерлерге сейилге алып чыгышат.
Эң кымбат жана барктуу кеме-ресторандардын бири – Санкт-Петербургдагы “Нью-Айленд” рестораны. Ал Нева дарыясын бойлой сүзүп жүрөт. Ресторан 120 кишиге чакталган 2 палубадан турат. Ич жасалгасы жана тейлөө кызматы эң жогорку деңгээлде.
“Нью-Айленд” ресторанынын ашканасында европалык, латынамерикалык, орус, кытай, италиялык жана француз тамактары даярдалат. Кеменин астыңкы палубасында 60 жылдан ашуун сакталган шараптар бар. Мындан сырткары, ашпозчулар кааласаң бүтүн койду куйкалап беришет, кааласаң көзүңчө суудан балык кармап, дароо кууруп туруп алып келишет.
Ресторанда бийлөөчү аянт жана өзүнчө VIP-бөлмөлөр бар. “Нью-Айлендге” биринчилерден болуп Жорж Буш, Жак Ширак, Нурсултан Назарбаев, Владимир Путиндер эс алып кетишкен. Ресторандын ээси барктуу коноктор тизмесинде президенттердин болгондугу менен сыймыктанат.

ДӨҢГӨЛӨКТҮҮ РЕСТОРАН
Тамак да жеп, шаарды да кыдырып, эки ишти бир аткаруу мүм­күнбү? Москва шаарында жайгашкан, тагыраак айтканда, анын көчөлөрүндө сызып жүргөн “Аннушка” ресторанына туш болсоңуз, анда толук мүмкүн.
1989-жылдан тартып Еревандын тургуну Мигран Мхитарян шаар ичинде жүргөн унаа трамвайды ижарага алып, коноктор үчүн чакан экскурсияларды жүргүзчү экен. Кийин туристтердин: “Чай же кофе беришсе жакшы болмок”,- деген сөздөрүн угуп, трамвайда ресторан ачуу идеясын тапкан. Ошентип, “Аннушка” деп аталган трамвай-ресторан тез эле атактуу болуп кеткен.
“Аннушка” Чистопрудный деп аталган сейилбактан баштап Москваны дээрлик толук айланып чыгат да, кайрадан турган жерине барып токтойт. Жолдо терезеден Москванын кооз жерлерин көрүп жүрүп, туристтер гиддин сөзүн угушат да, ошол эле убакта даамдуу тамактанышат. Бир күндө “Аннушка” 60 кардарды тейлейт. Дөңгө­лөктүү ресторандын бир жакшы жери бар: эгер кардарга тизмедеги тамактар жакпай калса, ресторандан кайра чыгып кете албай, жок дегенде бир чыны чай ичүүгө мажбур.

КОШ БОЙЛУУЛАР ҮЧҮН РЕСТОРАН
Болочок энелер ар бир эле кафе, ресторанга барып тамактана алышпайт. Мунун себеби эне менен анын курсагындагы наристени тынчсыздандырган тамеки түтүнү, элдин көптүгү же катуу музыка болушу мүмкүн. Ошондуктан, кош бойлуу айымдар үчүн өзгөчө ресторандар ачыла баштаган.
Алгач мындай тамактануу жайлар Европада, кийин Америка жана Россияда ачылган. Алар жагымдуу ич жасалгасы, өзгөчө ашканасы жана атайын бөлмөлөрү менен айырмаланат. Боюнда бар аялдардын тамактанган бөлмөлө­рү таза, жарык. Отургучтары жумшак, кенен. Ресторанда дайыма жагымдуу музыка ойноп турат. Ал эми дубалдарда жаратылыштын, мээримдүү энелердин же наристелердин сүрөттөрү илинип турат.
Кош бойлуулар үчүн даярдалган тамак ар түрдүү жана витаминдүү. Ал эми өзгөчө тамакка талгак болгон айымдарга экзотикалык тамактар сунушталат.
Эмчектеги баласы менен келген кардарларга эмизип жатканда чыканагын таяп турганга атайын жасалган отургучтар даяр. Эгерде наристеси ыйласа, бала баккычтар келип сооротушат. Кааласа баласын алып барып, коңшу бөлмөдөн жалаягын алмаштырышат да, тамак жегенге үлгүргөн апасына кайтарып беришет.

Даярдаган Бегайым Мусакеева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: