АСЕМА КЕЧИГҮҮДӨН РЕКОРД КОЙДУ

Концерттен кийин

Башталышы – 19:02 (1 сааттан ашык кечикти, 22-апрелде)
Билет баасы – 300-500 сом
Көрүүчүлөр – Залдын 60 пайызы
Мыкты номер – “Жаным” аттуу ыры
Алпаруучулар – Нурзат Токтосунова жана Эркин Рыскулбеков

Элге алгач актриса, андан кийин ырчы катары таанылган Асема жеке концертин берип жатса, кантип барбай коё алам? Бардым. Залдын толушун күтүштүбү, концерт 62 мүнөткө кеч башталды. Азырынча кечиккен жагынан быйылкы жылдагы концерттердин алдыңкы сабында. Ошентип, бир убакта сахнага бийчилер менен кошо Асема чыгып, “кутмандуу күнүңүздөр менен!” деп эл менен учурашты. Кыязы, даярдык көрүп чуркап жүрүп кеч киргенин билбей калса керек.
Асема концертине жакшы эле камылга көрүптүр. Эки чоң экран орнотулган экен, андан Асема тууралуу ар кандай маалыматтар көрсөтүлүп жатты. Ырчынын элге сюрприз кылганы го, сахнада асма жип менен көтөрүлүп алып ырдады. Ал эми төшөлгөн ак кездеме ыңгайсыздык жаратты окшойт, чыккан ырчы-бийчилердин баары ошого чалынып жатышты.
Концертке Гүлнур Сатылганова, Урмат Усенов, Съездбек Искеналиев, Эрлан Андашев келип ырдашса, “тамашоучулар” Асема тууралуу тамашалары менен элди күлкүгө бөлөй алышты. Булардан сырткары ырчыны эки вокалист кыз жана аспаптарда ойногон үч музыкант коштоп чыгып жатты.
Асем кыз гүл сунгандарды да тааныштырууга жетишип жатты. “Бул – менин экинчи апам” деп кайненесин тааныштырса, дагы бирин “бул – атамдын сиңдиси” деп көрүүчүлөрдү күлкүгө бөлөдү. Концерт Съездбек экөөнүн “Мурат менен Асеманын арманы” деген ыры менен аяктады.

Толик сынчы

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

Looks

2011-05-02 16:50:18

Толик "Азамат".

melashka

2011-05-02 19:59:21

Араманда калдым да Асема аябай жагат

yiku

2011-05-03 09:19:16

Сындайт десе эле жок нерсени бар кылып айта бериш болбойт да. Бийчилердин антип чалынганы Толик сынчыга эле корунбосо, алдыда отурган бизге эч нерсе корунгон жок. Мен Асеманын анчалык деле куйорманы эмесмин, анын таламын талашкыдай. Бирок чындыгын айтыш керек, концертке даярдыкты аябай коруптур. Анча-мынча энсеп, кутуп барган концерттерге караганда сонун эле болду. Бир кемчилиги зал элге толбой калды, б.а. эл аз болду.Мен Асемадан мындай жакшы концертти куткон эмесмин. Эн нег. жолдошуна рахмат.

Light

2011-05-03 11:24:38

Мага такыр жакпады

Дикуся

2011-05-03 16:05:56

Асема эми кандай ырчы экенинди билдинби? Концертине даярданганга кеткен кайран гана акчалар. Эми музыканы коюп алып бакыра бергенинди токтот, банкрот болуп журо бербей.

Nuura

2011-05-05 04:24:18

Oo sonun bolgongo jakshy kyz Asema maga jagat isine iygilik myndan da sonun sonun konsertterdi berip juro bersin.

mafi

2011-05-06 16:28:00

Асема озу жакшы актриса, а ырчылыкты таштаса жакшы болоор эле. азыркы ырчылар кобу эле чонтогу калындар, талант деген болуш керек. Асеманын уну жок, ырдаганда кулуктар тунуп кетет.

mafi

2011-05-06 16:28:52

ой, то есть кулактар тунуп кетет

Salima

2011-05-09 02:58:34

Ырчы катары Асемы начар эле экен, бир жолу анын живой ырдаганын уккандан кийин тунгулдум, анда кору актриса жагын ондусро жакшы болмок, ун анча мынча бар дегендин баары ырчы эмес, жон эле поплярдуу болом десе тетрга живой, белгилуу актерлордой болуп ойносун, балким, экинчи Кыдыкеева же Турсунбаева,же Кумушаливадай чыгаттыр, ырчынын жагымдуу уну болуш керек, кыйнап ырдаган ырчы эмес,ал эми Асема кыйналып ырдагансыйт,жана Карамель деген ыры такыр эле жагымсыз,жана эч мааниси жок,мелодиясы да жок!

Комментарий калтыруу үчүн өз ысымыңыз менен кириңиз же каттоодон өтүңүз.

№ 443, 29-апрель - 5-май, 2011-жыл