Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САГЫНДЫРГАН ЖАЗ

№444 6-12-май, 2011-жыл


(Башы өткөн сандарыбызда)

Ал күнү үйгө кеч кайтышты. Бир маалда Данияр ызырына кирип келди.
– Өткөндө Өктөмдү мас кылышып, акчасын саап алышпады беле. Ошонун баарын Мунар уюштуруптур да.
– Кандайча?
– Колобокко барып, “Өктөмдү мас кылабыз. Анан сенин сүйгөн кызың барып жагынып, тийишет. Асылып кучактай баштаганда барып кармап каласыңар. Бир-эки уруп коёсуңар. Андан кийин мен ортого түшүп, силерге акча өндүрүп берем” дептир. Коркутуп-үркүтүп Өктөмдөн 25 миң рубль өндүрүп, анын 15 миңин орустарга, өзүнө 10 миң алып калыптыр.
– Аны сага ким айтты?
– Мага кайнагам Гена айтты. 100 пайыз чындык экен. “Силер туруп берсеңер, бетине коюп берем” деди.
– Акмак го жеткен. Ошондой да итчилик кылабы?..
– Эмне кылалы?- деп суроо койду Самат.
– Чогулуп барып сүйлөшөбүз. Акчасын кайтарып беребиз,- деди Элмырза.
– Ширинбек, сен үйдө кала бер. Биз Тугулымдан балдарды кошуп алып барып келели.
– Жок, мен дагы барам.
Даярданып жөнөп калышты. Самат карагайдын жыгачынын башына кездемеден ороп курал жасап алды. Жолдон дагы 3-4 кыргыз баланы кошуп жетип барышты. Жолдо өз алдынча “ага сөз өтпөйт. Көптөп урабыз, эч ким эч жакка качпайт” деп сүйлөшүштү.
Силер бекине тургула. Биз жыккандан кийин барасыңар” деп Элмырза, Данияр жана Самат болуп дарбазага жакын барып каккылашты. Дароо эле арсылдап үрүп ити чыкты. Бир аздан соң Мунар чыга келди. Ал чыгары менен Самат колундагы карагайы менен башты мээлей күч менен шилтеп калды. Мунар башын калкалаганга жетишпей жерге кулады. Бирок ал да оңой эмес экен, туруп келип Даниярды көмөлөтө койду. Элмырза дөөдөй неме менен жалгыз калды. Алы эч жетпегидей. Ал ортодо бирөө күүлөнүп келип Мунарды бетке тээп калды. Өзүнө келе электе буттарынан кармап жыгып алды жерге. Карашса, Ширинбек экен. Түзүк эле тепкилешип, акыры короого жөлөп отургузушту.
– Эй, ит турбайсыңбы сен! Кыргыздарды тоногонго кантип колуң барды? Эртең Өктөмдүн бардык акчасын кайтарып бересиң!
– Кайсы акчаны? Эшектер, эртең бирден кармап көрсөтөм силерге! Мени урганга кантип колуңар барды?
– Эртең Тугулымдагы бардык кыргыздарды чогултабыз. Бетиңе коёбуз, Өктөмдү орустарга салып берип, акчасын саап алганыңды. Ошондо үйүңдү өрттөп, бул жерден сени кууйбуз. Кафеде орустар менен отуруп алып кылгылыкты кылганың бизге жетпей калат деп ойлодуңбу? Эртең баарын бетиңе коёбуз, эшек,- деп кайрадан көптөп тепкилеп киришти.
Мындай болсо соо калбасын түшүнгөн Мунар “болду, болду, балдар, токтогула. Ооба, баарын мен уюштургам. Кечиргиле. Акчаны кайтарам. Эч ким билбесин бул ишти” деп жалдырап кирди.
– Кыргызстанда болсо бир жөн эле. Бөтөн элде ушундай кылганың айбандык. Башка элдер кандай ынтымактуу?! Тажиктерче жоксуңбу? Өлүп эле калбайсыңбы, жердешиңди саткандан көрө. Өктөм ал акчаны кандай мээнет менен табат?!
– Балдар, кечиргиле. Эртең сүйлөшөлү калганын. Тиги бала ким?- деп Ширинбекти көрсөтүп калды.
– Эмне кыласың анын ким экенин? Ал дагы кыргыз,- деди Элмырза.
– Менин атым Ширинбек.
– Бешенемди сен жара тептиң, а? Спортсмен бала окшойсуң...
– Спортсмен да. Жүрү кеттик, балдар. Эртең сүйлөшөбүз бул менен,- деп Элмырза балдарды баштап жөнөп калды.
Данияр айланып балдарды бир карап алды да:
– Эй, ончакты болуп келбедик беле?
– Силерди Мунар жыга коюп жатканда эле алар качып кетишкен,- деп күлүп калды Ширинбек.
– Айтпа. Сен болбогондо ал кайра өзүбүздү сабап жөнөтмөк. Көрдүңбү көлөмүн? Дөөдөй. Азамат, кыйын мушташат экен­сиң,- деп мактап калды Данияр.
Үйгө келип, жатып калышты. Кызуу уйкуда жаткан Ширинбекти Самат буттан тартып ойготуп:
– Жүрү, пилорамага барып келеличи. Бир орус картошка берем деген.
Арга жок туруп, бетин жуубай эле кошулуп жөнөдү. Самат велосипед айдап, ал аркасына учкашып алды. Жетип барышса, Ахмед араа курчуткан Василийди жерге жаткырып алып тепкилеп жатыптыр. Аларды көрмөксөн болуп велосипедди зуулдатып айдап өтүп кетишти. Алысыраак жерге туруп алышып кино көргөндөй карап турушту.
– Эй, карасаң, бетке тээп жатат,- деди Ширинбек.
– Аяп коёбу анан, ичип жоголуп кетсе. Араалар курчутулбай жатса.
20дан ашуун адамдын көзүн­чө Ахмед топтой кылып тээп, “сасыган чочко, дагы жоголосуң­бу? Сен үчүн иш токтоп калды” деп бакырып жатты. Жанында турган орустар Василийди өзү иштеген жерге алып кирип камап коюшту.
Ахмед басып келип:
– Эмнеге келдиңер?
– Картошка алганы келдик.
– А жакшы. Эс алгыла. Кечинде тиги чочкону чыгарбагыла,- деп басып кетти.
Такта ташып иштеген орус велосипедине жарым каптан ашык картошка артып келди.
– Картошка канча килограмм?
– 30 килограмм.
Ал үчүн 100 рубль берди да, үйгө жөнөп кетишти. Орус да унчукпай алып алды.
– Самат, тиги Василий ушунча тепки жегенден көрө иштебей эле койбойбу?
– Ээй, Ахмед бардык иштеп жаткан орустарды байлап алган өзүнө. Ар бирине 50-60 миң рублдан карызга акча берип койгон. Кутулмайынча кетишпейт эч жакка. Кутулайын дегенде дагы карыз берип коёт. Болду, анан жүрө беришет. Ахмед карышкыр да.
Аңгыча Ширинбектин телефону шыңгырап калды. Таң атпай ким чалып жатат деп караса, бейтааныш номур экен. Алса, бирөө унчукпай тура берди. Дагы коңгуроо келди. Алса, унчукпайт. Кайра-кайра чалат, унчукпайт. Табышмактуу адам ким экен?.. Сүйрөлүп үйгө келишсе, короонун алдында Мунардын машинасы туруптур. Экөө эмне болуп кетти экен деп шашыла жетип келишти. Короодо Элмырза Мунар менен сүйлөшүп отуруптур. Мунар бети-башын таңып алган.
– Келчи, үкөм, жакындан карап алайын сени. Эч кимден сеникиндей катуу сокку жеген эмес болчумун. Бутуң дагы эле көз алдымда турат,- деп Ширинбекти карап күлүп койду.
Тиктеше түшүштү.
– Сүйлөштүк да. Мен кеттим анда.
Мунар чыгып кетти. Самат Элмырзаны карай:
– Биз силерди дагы мушташып жатабы деп коркуп кеттик. Эмне дейт бул кыйын?
– Эмне демек эле? 30 миң рубль таштап кетти, “Өктөмгө берип койгула” деп. Анан түшкө жакын үйүнө чакырды. Бизди сыйлап кой соёт экен.
– Ох, эт жейт экенбиз да. Азыр эле бара бербейлиби? Этти өзүбүз эле бышырат элек.
Шашкалактаган Ширинбекти таң кала караган Самат:
– Мээң ордундабы? Ошонун үйүнө барып эт бышырасыңбы? Дөөдүрөбө, уктуңбу?!
Экөө тамашалаша күрөшүп кетишти. Күлүп жатып эле Самат жыгылып калды. Кагынып, экөө эки жерге отуруп калды. Саматтын мыкты күрөшкөнүнө таң калган Ширинбек:
– Машыгып жүрүпсүң, ээ, күрөш менен?
– Ээй, үкөм, 2-класстан бери күрөш менен машыгам. Жалал-Абадда спорт мектепте окугам. Шоктук кылып, аяктабай калгам да. Болбосо азыр карагайлар менен күрөшпөй, чоң мелдештерде жүрмөкмүн.
– Сендей таланттар ушинтип талаалап жүрөт да. Мен да кичинемден күрөшөм. Бир тойдо торпок уткам,- деп мактанып алды Ширинбек.

(Уландысы кийинки саныбызда)

Залкарбек Карабалаев


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
09.05.2011. 09:46 
Тайпасы:
Жаран
Комментарийлердин саны:
253
Катталган:
26-11-2009
Соӊку аракети:
02-11-2017 23:46
Жынысы:
Белгисиз
Калаасы:
Бишкек
0
jakshyyyy.telefon chalyp unchukpai koigonu atasy okshoit.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: