Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№444 6-12-май, 2011-жыл


(Башы өткөн сандарыбызда)

Айлам кете курьерди тиктеп калдым.
– Түшүнсөңүз, мен болгону жумушумду аткарып жатам. Заказды өз ээсине жеткире албасам, акчалай айып салынат.
Не дейсиң мындайда! Айла жок, кол коюп, кооз кагазга оролгон белекти алып кала бердим. Ошол эле залда урнага таштап салгым келди. Бирок каш серпе кантер экен деп тиктеп турган кесиптештердин алдында анте албадым.
Кабинетке алып келип белекти ачсам кутуда укмуш кооз чайнек, эки кичинекей чынысы менен турат! “Азамат, сен мага күндөн күнгө жагып баратасың. Жараткан, көрсө, акыл да берген экен. Аялда акыл менен сулуулук айкалышканда ымм-ммм... Кандай гана сексуалдуулук жаралат! Экөөбүз жолугар күндүн элеси мени кандай эрдиктерге түртүп жатканын билсең эле. Мобу белек сенин коллекцияңдын башталышы болсун. Рестораныңдын биринчи коногу болгум келет...”
Ресторан ачуу идеясын Элдардан башка кимге айттым эле? Аселге, дагы? Башка эч кимге айтпаптырмын. Бу шайтан алгыр менин ойлорумду окуйбу? Же эмне, мага тыңшоочу аппарат жайгаштырып койгонбу? Кандайдыр коркунучту күткөн сезим дагы денемди каптады. Кой, Элдарга айтпасам болбос. Шашып чыгып баратып ачык жаткан коробканы тиктеп калдым. Кымбат баалуу. Кытай фарфоруна абдан кызыгам. Андыктан мындай буюмдун баа-баркын жакшы эле билем.
Үйгө жагымсыз ойлордун кучагында келдим. Адатта, Элдар бул маалда келип калчу, бүгүн кечигип жатты. Жүрөгүм туруп-туруп эле тыбырчылап чыгат. Өзүмдү алаксытуунун амалында Искен менен кечке ойнодум. Менин балакайым чоң жигит болуп, кадимкидей тамгаларды тааный баштады. Абдан зирек.
– Апа, качан Арстан таякем менен сүйлөштүрөсүң?
– Атаң келсин, балам. Мен айтпадым беле, алыскы Америкага чалганды билбейм, атаң гана чала алат деп. Өткөндө экөөң сүйлөштүң го, ошол жеткен жокпу?
– Сен калп айтасың. Телефон чалган оңой эле. Номерин жазып сактап койсоң болду, ошол жетет. Мени алдап турасың.
– Балакай, сени неге алдамак элем? Чын эле, таякеңдин номерин жатка билбейм. Абдан узун сандар. Атаң кыйын да, ал жакшы жаттайт. Азыр уктай турган маал келди. Барып колу-бутту жууп келип уктайбыз, макулбу?
– Менин жанымда жатасыңбы?
– Ооба, сага жомок да айтып берем.
– Йесс!
Кубанычы толуп-ташкан балам жүгүргөн бойдон жөнөдү. Бала экен да, азыр эле сурап турган таякесин заматта унутту. А мен. Унута албай жатам. Жок, баягы эски дарт эмес, башка жаңы илдет пайда болгондой. Илдет да эмес, тынчсыздануу. Деги тынч болгой эле. Уф, Элдар кайда жүрөт? Телефону да өчүк.
Таң калычтуу, адамдын жүрөгү муштумдай эле болот дешет го. Анан ошол муштумдай жерге арман-азап, кубаныч-бакыттын баары батат. Жамандык-жакшылыкты да биринчи болуп жүрөк сезет. Бекеринен тынчсызданбаптырмын. Арстан... Бир жаш баланы куткарам деп өзү машинанын астында кала жаздаптыр. Азыр ооруканада экен. Элдар түн ортосунда келди. Өңү купкуу.
– Паспортуң жаныңдабы?
– Ооба, эмне болду, тынччылыкпы?
– Эртең Москвага учабыз, андан АКШга.
– Эмне? Арстан? Не болду, Элдар, айт не болду?
– Отур, отур дейм.
Башым тегеренип, алсырай отуруп калдым.
– Айтчы, эмне болду?
– Тынч эле. Арстан кырсыктап калыптыр. Жолго тобун кубалай чыккан баланы машина уруп кетерде куткарып калыптыр.
– Өзүчү?
– Өзү деле аман. Бир аз жаракат алган экен, ооруканада жатат. Жанараак эле сүйлөштүм. Жакшы элемин дейт.
– Дагы канча күтүшүбүз керек?
– Эмнени?
– Эмнени болмок эле, самолётту да!
Кудай, аман-эсен айыгып кетсе экен. Так, эмне алышым керек? Паспорт, телефон, тиш щётка, ич кийим. Элдардыкын да салуу керек.
Ары-бери жүгүрүп заматта жолго сумканы дайындай салдым. Дагы бир жумуш жасоо керек. Азыр Элдардын маңдайында тиктешип отурууга болбойт! Отурсам эле өңгүрөп ыйлап жиберем. Болбойт, өзүңдү карма, Айдай, өзүңдү карма! Так, саат канча болду? Үч.
– Самолёт канчада?
– Таңкы саат алтыда.
М-мм, дагы үч саат. Таптым, ваннага! Элдардын жанында думугуп отурганча жок дегенде бир саатты ваннада өткөрүүгө болот. Шашып халатымды алып жөнөп калдым.
– Айдай...
– Оу.
– Шашпа дейм. Азыр түн ортосу го, ваннага кирип эмне кыласың? Жакшысы, бир аз уктап эс алып ал.
– Койчу, ансыз деле самолётто уктаганга туура келет. Мен азыр. Сен жатып эс ала бер.
Суунун бир калыпта чыккан үнү, чачтарымдан, далымдан ылдый сызылган тамчылар да мени тынчыта албай жатты. Кудай, өтүнөм, жалынам, жалбарам, Арстанды аман калтырчы. Ал жаш. Ал абдан жакшы адам. Өзүнүн теңин тапсын, балалуу болсун. “Атамдын, апамдын деле мээримин кыйратып көрбөдүм. Ата-эне ажырашса, экөөнүн мамилеси келишпесе, балада не күнөө? Атам менен апам бири-бирине таарынып, өчөшүп жүрүп мени далай жолу капа кылышты. Апам атамдан кеткени менден кабар алып, ал-жайымды сураган жок. Атам болсо бир стервага үйлөнүп алды. Ошончо жыл мага кылган жакшылыгы – акча жагынан өксү кылбады. Бирок уулум деп кучактап, башымдан сылаган жок. Айдай, биз эч качан ажырашпайбыз. Таарынышсак да балдарыбызга билдирбей таарынып-жазылабыз. Балдарыма атамдан, апамдан ала албаган мээримди берем” дечү. Арстан ошол тилектерине жете элек. Кудай, суранам, анын тилектерин ишке ашыр, суранам. Ал абдан мээримдүү ата, камкор күйөө болот. Эч кимге зыян келтирбейт. Суранам, аман калтыра көр. Суунун майда тамчыларыбы же көз жаш жүзүмдү жууп жатабы?
Мындайда убакыт өтпөй, кыбырап туруп алат. Аэропорттордо көп эле күтүп, тажагам. Бирок мынчалык зарыга күткөн эмесмин. Каттоонун башталышы эле өзүнчө тозок болду. Чыдабай отуруп-туруп, ары-бери басып жатып Элдардын да жинин келтирдим. Акыры башталды, каттоосу. Учакка чыгып, жайгашып орун алгандан кийин күткөнүмчү! Стюардессалар ары-бери басып, тамашалашып деле шашып коюшпайт.
– Уф-ф, дагы канча күтөбүз?! Дагы кичине отурсак, мен жинди болуп кетем!
Эки колум менен бетимди жаап алып сүйлөнүп кирдим.
– Аман-эсен Москвага жетели, анан ал жакта да күтүүгө туура келет. Коньяк ичесиңби?
– Сен эмне, мазактап турасыңбы? Азыр коньяк ичип отурчу заманбы?
– Тынчтансын деп жатканым го.
Коньягын да ичтим, болбоду. Акы­ры Москвадан Бостонду көздөй жөнөгөнүбүздө каршы болгонума карабай Элдар уйкунун дарысын ичкизип койду. Оорлошуп бараткан кирпиктеримди жумбаска аракет кылып канча алыштым, билбедим. Мени учактын капитанынын коңур үнү ойготту. Сыртта абанын температурасынын канчалыгынын мага кандай кызыгы бар? Эртерээк консок, эртерээк Арстанга жетсек болгону.
Дагы адамды зарыктырган каттоо, кезек күтүүлөр.
– Ушундай иштерди тездетүүнүн амалын тапса болбойбу?
– Тез өтсө болот. Ал үчүн сен экөөбүз атайын кызматта иштешибиз керек. Жок, эң оңой жолу премьер же президент болушубуз керек.
Башка маал болгондо жылмайып алмакмын. Бирок азыр тамашалашып отурууга менде дарман жок. Элдардын көңүлү үчүн болсо да жылмайып койгонго жарабадым.

(Уландысы кийинки саныбызда)

Жазгүл Калыева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
09.05.2011. 10:28 
Тайпасы:
Жаран
Комментарийлердин саны:
211
Катталган:
26-11-2009
Соӊку аракети:
02-11-2017 23:46
Жынысы:
Белгисиз
Калаасы:
Бишкек
0
oii oshoncho kynalbai telefonuna chala kalsa bolboit bele?Eldar suiloshtum debedibi kalp ele kyinala berbei ununn ugup koiso kichine ozuno kelmek da,anan tragedya kylyp obu joktonboi
10.05.2011. 03:34 
Тайпасы:
Жаран
Комментарийлердин саны:
78
Катталган:
14-08-2010
Соӊку аракети:
02-01-2018 21:44
Жынысы:
Белгисиз
Калаасы:
Кыргызстан,Бишкек
0
kyinalyp jatyp ele bir seriyasy butup kaldy go..
10.05.2011. 10:57 
Тайпасы:
Жаран
Комментарийлердин саны:
10
Катталган:
10-05-2011
Соӊку аракети:
06-06-2018 17:10
Жынысы:
Белгисиз
Калаасы:
Osh
0
дагы канча кутобуз,качан бутот.Журогум сыгылып кетти
10.05.2011. 14:13 
Тайпасы:
Жаран
Комментарийлердин саны:
33
Катталган:
30-01-2011
Соӊку аракети:
15-09-2018 03:08
Жынысы:
Белгисиз
0
Кооптон жазгылачы
14.05.2011. 16:53 
Тайпасы:
Тартип бузгандар
Комментарийлердин саны:
3
Катталган:
29-01-2011
Соӊку аракети:
15-01-2015 13:41
Жынысы:
Белгисиз
Калаасы:
Бул жалган дуйнодо
0
Чириген бай го Элдары ,эки кундун биринде эле чет жака уча беришет ,Кыргызстанда андай байлар жок болсо керек чыгарманын мотиви чыныгы жашоодон эмес ко бара -бара "лажасы "кобоюп барат э
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: