Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭНРИКЕ ИГЛЕСИАС

№256 28-сентябрь - 4-октябрь, 2007-ж.


“Дүйнө жылдыздары” рубрикабыздын бүгүнкү коногу дүйнөгө атагы тараган испаниялык ырчы, миллиондогон кыздардын жүрөгүнүн ээси – Энрике Иглесиас. Аны сүйүп, кумир туткан кыздардын арасында биздин мекендештерибиз да бар экендигинде талаш жок. Энрике учурда 32 жаштан ашканына карабай бойдок. Ырчынын балалыгы, алгачкы сүйүүсү, жалпы эле өмүр таржымалы тууралуу төмөнкү макалада...

Атактуу ырчы Энрике Иглесиас 1975-жылы 8-майда Испаниянын борбору Мадрид шаарында туулган. Атасы – белгилүү ырчы Хулио Иглесиас, апасы – испаниялык журналист, белгилүү телеалпаруучу Изабель Прейслер. Балалыгы тууралуу ырчы: «Жагымдуу көз ирмемдер эсимде жок»,- деп гана айтып келет. Себеби, атасы дүйнөлүк гастролдордун айынан үйүнө сейрек келчү. Ал эми апасы болсо жумушунан колу бошобой, балдарына жетишээрлик мээрим берүүгө мүмкүнчүлүгү жок эле. Ал учурда Энрикени жана анын эки бир тууганын бала багуучусу Эльвира карачу. «Чындыгында эле кээде кусаланып, ата-энемди сагынып ыйлачумун. Ал кездеги көз жаштарыма ата ордуна ата, эне ордуна эне болгон бир гана Эльвира күбө болоор эле. Өзүнүн балдары жок болгондуктан, эжем Чабелли менен иним Хулио Хосе үчөөбүздү өз балдарындай жакшы көрчү. Ичиме бук толуп, бирөө менен сырдашкым келсе, чоңдугу өзүмдөй болгон кызгылт жумшак оюнчук пилиме айтчумун. Ошондон кийин ал менин жашоомдогу колдоочум болуп калган. Айтор, ата-энелик мээримге зар болуп чоңойгом. Эсте калаарлыгы, туулган күндөрүбүздө гана ата-энем чоң маани берип, майрам уюштуруп беришчү»,- дейт бул тууралуу ырчы. Кийин 1979-жылы атасы Хулио менен апасы Изабель Энрике 4 жаш курагында ажырашып кетишип, ырчы атасы менен Американын Майами шаарына кетет.
Ырчылык менен Энрике мектепте окуп жүргөн кезинен эле алектене баштаган. Алгачкы жолу мектеп залында коюлган “Салам, Долли” мюзиклинде аткарган ролу менен эл алдына чыккан. 15 жашынан тартып музыкага чындап кызыга баштайт. Бирок, анын таланттуу экенин бир гана атасынын кол алдында иштеген менеджери Фернан Мартинес жана бала багуучусу Эльвира Оливарес билчү. Университетте окуп жүргөн кезинде ар кандай жанрдагы ырларды жаратуу менен өз талантын такшалта баштаган. Жыйынтыгында, 1995-жылы Энрикенин алгачкы испан тилиндеги “Энрике Иглесиас” аттуу альбому жарыкка чыккан. Бул жыйнак эл жүрөгүнөн орун таап, чыккандан кийинки алгачкы бир жумада эле жарым миллион даанада сатылууга жетишкен. Альбомдогу “Сени сүйүү үчүн” деген ыры хитке айланып, Мексиканын “Марисоль” телесериалына саундтрек кылып алынган. Ушул иши үчүн “Эң мыкты латын артисти” наа­мы менен “Грэмми” сыйлыгына ээ болгон. Ушундан кийин ырчынын чыгармачылыгы бир аз тыныгууга кабылат.
Эки жылдан кийин “Жашоо” деген аталышта Энрикенин экинчи альбому чыгат. Популярдуулукту багындырган ырчы жигит Энрике ушундан кийин мыкты даярдалган концерттик программасы менен дүйнөгө сапар тартат. Кичинекей кезинен эле испан, англис жана португал тилдерин жакшы билген Энрике англис тилинде ырдай баштаган. Бир аз убакыттан кийин атасы Хулио Иглесиас жана Луис Мигельдер менен бирге “Сүйүктүү латын артисти” наамына ат салышкан. Бул жолу атасына орун бошотуп бергени менен кийин ушул эле наамдын үч жолку ээси болууга жетишкен. Бир жылдан кийин кайра испан тилинде “Сүйүү куралдары” деген аталыштагы, дагы бир жыл өтпөй англис тилинде “Энрике” альбомдору сатыкка чыгат. Андагы “Бийлөө” ыры дүйнөлүк хит-параддан биринчи орунга ээ болгон. Ошентип, атактуулукту багындырган Энрике Уитни Хьюстон жана Алсулар менен ырдаган дуэттери камтылган “Качуу” альбомун чыгарат. 2001-жылы чыккан бул жыйнак дүйнөлүк рекорддордун баарын багындырып, андагы хит ырлары менен 16 өлкөдө 50 концерт коюуга жетишет. Кийин дагы бир “Грэмми” сыйлыгын алып келген испан тилиндеги “Мүмкүн” альбому болгон. Ал эми кезектеги жетинчи альбому жөн гана “7” деген ат менен жарык көрөт. Энрике Иглесиастын чыгармачылыгындагы акыркы альбому “Уйкусуз” деп аталып, үстүбүздөгү жылдын биринчи жарымында жарыкка чыкты. Негизинен, бул альбомдогу ырларын түнкүсүн уйкусу качкан мезгилде жараткан. Жалпысынан, Энрике 116 платин, 227 алтын дисктеринин, 26 эл аралык сыйлыктардын ээси болууга үлгүрдү. Ушундай ийгиликтерди багындырган Энрике ушул тапка чейин бойдок.
Учурдагы 32 жашар атактуу ырчы Энрике Иглесиастын алгачкы сүйүүсү 6 жашында келген. Ал көгүш көздүү татынакай кошуна кызын азыркыга чейин эсинен чыгара элек. Ошондон кийин бой жеткенче кыздар менен жакын мамиледе болбогондугун айткан. Анын айтымында, учурдагы “секс символ” деген атка атактуулуктун арты менен гана жетишкен. Ал эми ага чейин өзү курактуу кыздар менен мамилеси өтө эле начар болгон. Классындагы кайсы кызга гана сүйлөбөсүн, тескери карап, жаман көрүшчү. Ал гана эмес, акыркы коштошуу кечесинде “бир күнгө гана менин айымым болуп турчу?!” деген сунушун классындагы эң түрү суук кыз дагы четке каккан. “Негизинен эле менде кыздарга мамиле жасоо жагынан башынан эле маселелер болуп келген”,- дейт бул тууралуу ырчы. Энрике атак-даңкка жеткенден кийин кыздар арасында да кадыр-баркка ээ боло баштайт. Бирок, бул жыйынтыкты башында атасынын артынан деп капалана берчү. Ошондуктан, алгач псевдоним тандап алууну каалап жүргөндө күйөрмандарынын бири: “Сиз чын эле Хулио Иглесиастын уулусузбу?”- деп сураган эле. Ошондон кийин гана өзүнүн таланты менен элге жагаарын ачык билген жана башка ат тандап алууну токтоткон.
Энрике өзүн эч убакта “сулуумун” деп эсептебейт. Анткени, “аны чоң сүйүүлөрүнүн бири болгон фотомодель Адриана Бейга Рикки Мартин үчүн таштап кеткен” деген маалыматтар бар. Андан кийин дагы бир сүйгөнү София Вергера экөөнүн ортосундагы мамиле да көпкө созулган эмес. Андан кийин 2003-жылдары Жерри Холлиуэлл менен чогуу концерттерге барып, дем алыш күндөрүн чогуу өткөрүп жүргөндөрүнө күбө болушат. Андан көп узабай эле атактуу ырчы Кристина Агилера менен кучакташып, кыз-жигиттердей жүргөн­дөрүн көрү­шөт. Бирок, бул тууралуу атактуу ырчылар: “Биз жөн гана досторбуз”,- деп жооп беришкен. Кийин дагы бир ушундай ушактардын бири Уитни Хьюстон экөөнүн тегерегинде жүрө баштайт. Ал учурда Уитни бир гана 10 жашка улуу айым болбостон, Бобби Браун менен жашап жүргөн эле. Өздөрүнүн айтымында, ортолорундагы мамиле жөн гана ишке байланыштуу, ошондуктан, көпчүлүк учурда чогуу жү­рүш­чү. Андан кийинки учурларда бир тууган иниси ырчы Хулио Хосе Иглесиас: “Энрике өмүрүндө кыздар менен жакын мамиледе боло албайт, анткени, ал – кызтеке”,- деген ушакты тараткан эле.
Бирок, бул кептердин баарын четке каккан ырчы Энрике Иглесиас 2002-жылдан тартып россиялык атактуу теннис оюнчусу Анна Курникова менен жолугуша баштаган. Анна Энрикенин “Качуу” ырына клипке тартылган эле. Көп узабай жаштардын ортосун сүйүү аралап, мамилелери өркүндөй баштаган. “Анна – жашоодо мен издеген адам”,- деп жар салып, ушул убакка чейин чогуу жашап келишет. Бул жылдар аралыгында беш жолу “Энрике орус кызы Аннага жашыруун баш кошту” деген сөздөр тараган. Бирок, бул түгөйлөр азыркыга чейин баш кошууга шашпай келишет. Мунун себеби Энрикенин бойдок жүрүүнү жактыргандыгында. Бул тууралуу ырчы: “Анна менин жашоомдогу эң олуттуу адам жана биринчи жолу узак убакытка чейин бирөө менен эле мамиле түзүшүм. Баш кошууга шашпаганымдын себеби, мен али да болсо үйбүлө курууга жетиле элекмин жана мындай жоопкерчиликтүү иштен корком. Андан тышкары, бири-бирибизди сүйсөк, кагаз жүзүн­дө үйлөнүүнүн кереги эмне? Жөн гана жашай берүүгө болот. Ал эми балалуу болуудан коркконумдун себеби, балдарыма татыктуу ата болуу үчүн карьерамды ташташым керек. Анткени, балдарымдын мендей болуп ата-эне мээримине зар болуп чоңоюшун каалабайм”,- деп келет. Айтор, бир туруп Аннага 5,5 миллион долларлык шакекти белекке берип, колун сурайт. Кайра “биздин мимиле токтоду” деп жар салат, кайра бир аз убакыттан кийин “мен тамашалап койгом, биз чогуубуз” деп калат. Эмнеси болсо да беш жылдан ашык убакыт чогуу жашашкан бул түгөйлөр азырынча ортолорун мыйзамдуу түрдө бекитүүдөн, балалуу болуудан качып келишет.
Энрике бош убактысында виндсерфинг менен машыгууну жактырат. Эң катуу ылдамдыкта баратканда бетине чачыраган суулар ырчынын ички дүйнөсүнө дем-күч берээрин айткан. Андан тышкары, жаныбарларды жакшы көрөт. Күйөрмандарынан белекке келген иттердин бир тобун өзүнө алып калган жана бош убактысында аларга кам көрүүнү жактырат.

Бетти даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: