Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САГЫНДЫРГАН ЖАЗ

№445 13-19-май, 2011-жыл


(Башы өткөн сандарыбызда)

Күндөр өтүп жатты. Мунар Ширинбектердин алдына түшүп, алган акчасын да кайтарып берди. Жеңиштери колго тийип кубанган кыргыздар бул окуядан соң биримдиктүү болуп калышты. Ошол күндөрү Ширинбекке бейтааныш номерден бирөө 5-6 жолу чалды. Таң калычтуусу, эч сүйлөбөйт. “Аллолоп” жатып чарчаган Ширинбек телефонун коюп койгонго аргасыз болду. “Ким болду экен?” деп ойлоп жүрдү. Бирок сүрүштүргөнгө убактысы болбоду. Ошентип, иш убагы келип жумушка камынып калышты.
– Ширинбек, ишке чыгасың­бы же үйдө каласыңбы? Ахмед атаң 100 рубль берет,-деди Элмырза акеси.
– Ишке чыгам да.
– Кыйын тим эле, кечээ эле жарым жан болуп жаттың эле го.
– Ал деген реклама болчу. Ден соолук Терминатордукундай,- деди Ширинбек күлүмсүрөп.
Ошентип, пилорамага келишти. Элмырза, Дима болуп эч бир тыным албай иштешти. Өтө чоң карагайлар келген экен. Тоголото берип кабыргалары кайышты. «Бул карагайлар мага акча алып келип жатат» деген ой менен гана баарына кайыл болуп иштеп жатты Ширинбек. Саат 12ге чукулдап, тамактанууга жөнөштү. Кайра иш ордуна барса, акеси кыркылган такталарды санап жаткан экен.
– 7 куб даярдаптырбыз, тамактанганга чейин,- деп койду ыраазы боло.
Аңгыча бир баштык сыра көтөрүп Данияр келип калды.
– Балдар, чыккынчынын жүзүн ачканыбызды өзүбүзчө жуубайлыбы. Иштебей эле койгулачы бүгүн. Уктай албай койдум үйдө. Кайра силерге келдим.
– Досум, 10 кубга жеткирип коёлу. Ахмед эртең менен капа болот,- деп калды Элмырза.
– Дагы канча бар?
– Бир сааттай жумуш бар.
– Макул анда, мен дагы жардам бере коём.
Төртөөлөп иштеп бат эле бүтүрүп коюшту. Данияр баарынын оюна койбой ээрчитип кетти. Эрте бүткөн жумуш убактысы сыра ичүү менен уланды.
– Дима үйүнө нааразы болуп кетти, көрдүңбү? Сени жаман көрүп калды,- деди Элмырза Даниярга кайрылып.
– Койсоң, тиги сменде өзбектер менен 10 куб кыркышат. Фарух деген рамщиги араа үзгөндөн башканы билбейт. Сүйүнсүн, силер менен иштеп жатканына.
Таң атканча сырадан моокум кандыра ичишип, кыргыз ырларына бийлеп жатышты. Самат музыкалык борборду сыртка алып чыгып, жаңыртып коюп койгон. Орус айылынын бир четинде келгин кыргыздар ушинтип тойлоп жатышты. Сыра түгөнүп, буттар бийлеп чарчап баштаганда уйкуга киришти.
Таттуу уйкуну телефондун үнү бузду. Айылдагы Терминатор абасынын үнүн угуп, сүйүнүчтөн жүзү албыра түштү.
– Алло, Адилет, сенсиңби? Бу тирүүсүңбү өзү...- деп кыйкырып жатты абасы.
– Аба, сиз каяктан?
– Кашкардан, атаңдын оозун. Кайдан болмок эле, айылдан да. Кандайсың, ишке кирди деп уктум.
– Ооба, иштеп жатам. Өзүңүз кандайсыз? Карачаңым жүрөбү?
– Менден мурун Карачаңды сурабадың да, чечек. Жүрөт атың. Минип баратам азыр. Мен деле аман-эсен. Сен жок, айылда чолоктой эле болуп калдым, атаң көрү. Баары тынч. Апаң карыздардан бүт кутулду. Атаң келе берсе деле болот эми. Милициясы менен сүйлөшүп койдум. Азыр базардан деректириңди кармап алып, тырыштырдым. Бааларың бүт беш болот, кам санаба, эми качан келесиң?
– Жаңы тамга акча чогултуп алып, анан барам.
– Ай, тезирээк чогултчу, сен жок, ичкен бозом аш болбой жатат. Айтмакчы, Кумар акең менен байланышпадыңбы?
– Номери жок. Болсо бериңиз...
– Азыр коё тур, блокнотумдан карап алайын.
Абасы блокнотунан карап баласы Кумардын телефон номерин берди. Аркы-беркини кобурашып, көптө коштошушту. Коштошору менен Кумар акесине телефон чалып, атасы тууралуу сүйлөшүп, анын иштеп жатканын укту. Телефонунун номерин да алды. Дароо эле атасынын номерин тере баштады. Терип жатып гана күндө чалып, бирок сүйлөбөй жаткан атасы экенин түшүндү. «Атам байкуш телефон чалып, сүйлөй албай жаткан экен да. Менин үнүмдү укканга сүйүнгөн болуш керек» деп ойлоп койду. Бир топтон соң атасы телефонду алды. Бирок сүйлөгөн жок.
– Ата, мен бул Адилет... Ата, сүйлөсөңүз,- деп кайра-кайра жалбарып жатты. Бирок атасы тараптан эч бир сөз чыкпады. Акыры байланыш үзүлүп калды. Кайра чалууга дити барбай, шалдайып отуруп калды. «Атамды кыйнабай эле коёюнчу, эң маанилүүсү, аман-эсен иштеп жатыптыр» деп чечти. Үйгө кирсе Самат “жүрү, мончого түшүп келебиз. Бүгүн бир парга баралычы” деп калды.
Көчөгө чыгышса жамгыр катуулап, айлана балчык болуп кетиптир. Жолдордун баары көлчүк, кээ бир жерлерден өтүүгө жол жок экен. Саматтын бутунда резина өтүк болгондуктан, андай жерлерден “кедаң суу болот, кел, көтөрүп алайын” деп Ширинбекти көтөрүп өтүп жатты. Ага көтөрткөн жаккан окшойт “Самат, мончого барганча эле көтөрүп албайсыңбы” деп тамашалап калды.
– Кой, жигит, көнүп алсаң кыйналасың, жөө баса албай. Анан мага төлөгөнгө акчаң жетпейт. Кымбат турам,- деп тамашалады.
– Ой, тим эле, курсуңду катуу көтөрдүң го.
Кайра Саматтын үстүнө секирип минип алды. Мончого каалашынча жуунуп чыгышты. Мончодон чыкса, телефону шыңгырап калды. Атасы экен.
– Балам, мени кечирип кой,- деди мукактана.
– Ата, кандайсыз, ден соолугуңуз кандай?
Экөө бир топко сүйлөшүп, атасы жок кезде болгон окуянын баарын айтып берди. Карыздан кутулганын, айылга бара берсе болорун да айтты.
– Балам, башка үй алабыз. Мен дагы жакшы ишке орноштум. Жазда барып, сатып алабыз. Рахмат сага. Баары үчүн...- деп жатты атасы апкаарып.
Сүйлөшүп бүткөн соң Ширинбек кубанычы койнуна батпай сүйүндү. Атасынын үнүн гана укса да, өзүн көргөндөй болуп бир аз жеңилденип калды. Эртеси эле бир айлык акчасын алып, бүтүн бойдон айылга салып жиберди.
Таң ата апасы телефон чалды. “Балам, акчаңды алдым. Бул канча иштеген акчаң? Өтө эле көп го. Эки-үч ай айлыгыңды алдыңбы? Уулум, кыйнаба өзүңдү. Ден соолугуңду абайла” деп көз жашын агызып суранып жатты.
– Апа, бир айлык акым. Кыйналган жокмун. Кудай буюрса, бир жылда үй алып калабыз. Эч ойлонбо, апа.
Ошентип, Ширинбек күн өткөн сайын тажрыйбасы артып, иштин жолун билип калды. “Канча кыйналсам да жазга чейин иштеп алсам болду. Ага чейин бир үйдүн акчасы да чогулуп калат. Анан айылга, жакындарыма барам. Уф, сагындырдың го, жаз!” деп өзүн сооротуп койду.
Ширинбек чын эле жазды сагынып жатты. Ошол күндөрү Бермет телефон чалды.
– Адилет, мен Бишкекке келдим. Университетке окууга тапшырганы жатам. Атам догдур бол деп жатат,- деди.
– Алтыным, жакшы экен. Догдурдун не кереги бар сага? Почтого иштей турган эле окууну тандачы. Пенсия таратасың.
Тамашалап турганы менен, ичи от болуп кетти. Берметтин Бишкекте жүргөнүн элестетип алып, көзүн жуумп жиберди. “Сулуу кызга кантип эле балдар тийишпесин?! Башка жигит таап албайбы?..” деген ойлор курттай жеп баштады. Ошону менен таңды кантип атырганын билбей, эртеси телефон чалды.

(Уландысы кийинки саныбызда)

Залкарбек Карабалаев


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(3)
16.05.2011. 09:51 
Тайпасы:
Кыймылы жок
Комментарийлердин саны:
197
Катталган:
13-11-2009
Соӊку аракети:
03-03-2015 22:05
Жынысы:
Белгисиз
Калаасы:
Алтын тор
0
bul dagy kyzyk jerinen butup kaldy exxxx...
16.05.2011. 11:50 
Тайпасы:
Жаран
Комментарийлердин саны:
253
Катталган:
26-11-2009
Соӊку аракети:
02-11-2017 23:46
Жынысы:
Белгисиз
Калаасы:
Бишкек
0
emi kyzyn ala kachyp ketse anan baary bashtalat
16.05.2011. 20:23 
Тайпасы:
Кыймылы жок
Комментарийлердин саны:
9
Катталган:
08-08-2010
Соӊку аракети:
13-08-2013 04:19
Жынысы:
Белгисиз
Калаасы:
Berlin
0
Pochtonun ele okuusuna oku, pensiya taratasyn dep maga da kimdir biroo aitakn bolchu ele, chynygy aiyldyn jashoosu, aiyldyn ounda ech bir kiri jok kalky eehhhh..
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: