Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨЛГӨНДӨН КИЙИН...

№257 5-11-октябрь, 2007-ж.


ӨЛГӨН АДАМ ДАРАК БОЛУП ТИРИЛЕТ
Австриялык Георг Треммель менен жапониялык Сихо Фукухара – Лондон искусство колледжинин окуучулары. Жаш окумуштуулар дүйнөдөн кайткан адамдардын ДНКсынан (дезоксирибонуклеиндик кислота) алма дарагын өстүрүп көрүүнү сунушташкан. Алардын негизги идеясы: күмбөздөр жансыз болушат, ал эми жашоонун символу болгон алма дарагы жакындарын жоготкондорду соорото алат.
Бул ачылыш алгач Георг менен Сихонун “трансгендик күмбөз” аттуу дипломдук иши эле. Бир жылдан кийин бул иш “Биожакындык” деп аталган олуттуу долбоорго айланган. Өлгөн адамдын оозунан ДНК алынат да, алманын клеткасына отургузулат. Алма көчөт болуп чоңойгончо аны 6 айга жакын лабораторияда өстүрүшөт. Адамдын ДНКсынан өскөн дарак өзүнүн тышкы келбетин өзгөртпөстөн, ар бир клеткасында кишинин ДНКсын алып жүрөт да, өлгөн адамга экинчи жашоо берет. Достор “биожакын” дарактын ар бирин 35 миң доллар деп баалашкан.
“Кээ бир өлкөлөрдө өлгөн адамдын атына бак тигишет. Демек, бак-дарак – жашоонун уландысынын символу. Тирүү алмада жакын адамыңдын бир бөлүгү бар экендиги моралдык жактан чоң жардам берет”,- дешет Георг менен Сихо. Бирок, британиялык «ACRE» уюму (жаңы ачылыштарды изилдейт) “тирүү” алма бактар адамдын көңүлүнө терс таасирин тийгизээрин айтышкан. Бул пикирин «ACRE» төмөнкү аргументи менен толуктаган: “Мен өлгөндөн кийин ушул бакта жашайм” дегендин өзү туура эмес. Мисалы, каза болгон чоң эненин элесин өсүмдүктөн эмес, небересинин көздөрүнөн деле тапса болот”.

ӨЛҮКТҮН КҮЛҮНӨН ТАРТЫЛГАН СҮРӨТ
Америкалык “Jane’Us” компаниясы о дүйнөгө кеткен адамдардын сүрөтүн тартуу кызматын сунуштайт. Бирок, сиз ойлогондой портрет эмес, алардын сөөгүнүн күлүнөн тартылган сүрөт. Кадимки боёк менен тартылган сүрөттүн бетине өлгөн адамдын өрттөлгөн сөөгүнүн күлү себиле турган жаңы искусство пайда болду.
Сүйүктүү адамдарын тигил дүйнөгө узаткандар “ар дайым түбөлүккө” деп аталган кызматты колдоно алышат. Мындай таңкалыштуу кызмат кайдан келген? Компаниянын жетекчиси Бетти Уилсон-Брокль бир нече жыл мурун энесинен ажыраган эле. Беттинин бул дүйнөдөн кеткен туугандары көмүлгөн бейит анын жашаган жеринен өтө алыста жайгашкан. Бетти бул маселени энесинин сөөгүн жанына алып калып чечкен. Башкача айтканда, энесинин сөөгүнүн күлүн бир нече сүрөткө кошуп тарткан да, сүрөттөрдү жакындарына таратып берген. Мындай идея көпчүлүккө жакканы да күтүүсүз нерсе эле. Ошентип, биринчи заказдарды аткарып баштаганда шумдук бизнестин да тушоосу кесилген.
“Jane’Us” фирмасы адамдар менен айбандардын сөөгүнөн 300дөн ашык сүрөттү тартып чыгарган. Бир сүрөткө 2-6 чоң кашык күл кетет! Эгер чоң киши өлгөн болсо, анын жарым күлү сүрөткө кетсе, жарымын кумурага салып койсо болот. Ал эми кенедей бала чарчап калса, анда сүрөткө анын күлүн толук колдонууга туура келет. Сүрөткө эмне тартылаарын Бетти кардар толтурган анкетаны окуп чыгып чечет. Ал эми баалары сүрөттүн чоңдугуна жараша 350-900 доллардын тегерегинде болот.

ИНТЕРНЕТ ӨЗҮН-ӨЗҮ ӨЛТҮРҮҮНҮН ЖОЛДОРУН ҮЙРӨТӨТ
Интернеттеги издөөчү программаларга “суицид” деп суроо узатсаңыз, миңдеген жооптордун арасынан “өзүн-өзү өлтүрүүнүн жолдору”, “чогуу өлүүгө шерик издейм”, “өлүүгө эң ыңгайлуу жерлер” сыяктуу акылга сыйбаган жооптор чыкса таңкалбаңыз.
Суицидге арналган сайттарда өлүүнүн эң оңой жана тез ыкмаларын үйрөтүшөт. Өзүн өлтүрүүгө аракет кылган адамдар болсо “таблеткаларга караганда чычкандын уусу жакшы” же “секирүүнү чечсең, баланча көпүрө эң бийик” сыяктуу кеңештери менен бөлүшүшөт.
Мындай сайттардын арасынан “alt.suicide.holiday” эң көп “ийгиликке” жетишкен. Сайттын a.s.h деген баш тамгалары “күл” дегенди түшүндүрөт. ММКда бул сайттын эч ким тарабынан жабылбай жаткандыгы жөнүндө нааразычылык тараган. Сайт анонимдик түрдө иштегендиги үчүн аны жаап салуу оңойго турган эмес.
Бул сайтта өлүм тууралуу кеңири маалымат, “пайдалуу кеңештер”, сүрөттөр жарыяланчу. Жашоодон тажагандарды “өлүм бардык маселени чечет!” сыяктуу ураан сөздөр колдоп тураар эле. Мындай сайтка кирбей калган коноктордун жөн эле каттоодон чыгып кеткени же максатына жетип, өзүн өлтүргөнү ошол бойдон билинбей калат. 2003-жылга чейин бул коркунучтуу сайттын айынан расмий түрдө 14 адам каза тапкан.

АРБАКТАРДЫН КОНЦЕРТИ
Түндүк Каролина штатындагы Роли шаарчасында 2 жыл мурун таңкалыштуу концерт болуп өткөн. Анда эчак өлүп калган мыкты фортепьяночулардын оригинал композициялары жаңырган. Бул өзгөчө иш-чараны басма сөз “Арбактардын концерти” деп атап койгон.
Өлгөн адамдардын жандуу концерти америкалык программист Жон Уокердин жардамы менен ишке ашкан. Жон өзүнөн жана 4 кызматкерден турган “Zenph Studios” компаниясы эски музыкалык композицияларды санарип роялдын эсине жаздырды. Башкача айтканда, илгерки грампластинкаларга жазылган обондор эми MIDI-файл форматына көчү­рүлүп, “Yamaha” үлгүсүндөгү санарип роялда ойнотулду. Бул рояль татаал компьютердик системасы менен айырмаланат. Анын ар бир клавишасы системага баш иет, демек, мындай электрондук роялды ойноого музыканттын кереги жок.
Француз аткаруучу Альфред Корто композитор Шопендин чыгармасын 1928-жылы, ал эми канадалык пианист Гленн Гульд болсо Бахтын шедеврин 1955-жылы ойноп чыгышкан. Корто 1962-жылы, Гульд 1982-жылы каза болгон. Адистер аларды ХХ кылымдын улуу пианисттери деп аташкан. Заманбап техника алардын “кайтып келүүлөрүнө” мүмкүнчүлүк жаратты.

МАРКУМДАР БИЗГЕ КАТ ЖАЗЫШАТ
Эми америкалыктар көзү өткөн туугандары менен досторунан кат ала алышат. Же тескерисинче, каза тапкандан бир ай өткөндөн кийин жакындарына видео, аудиокаттарды жана сүрөттөрдү жөнөтө алышат. Мындай кызматты “Timelessmail.com” компаниясы жүргүзүүдө.
“Timelessmail.com” – 2001-жылдан бери иштеп келаткан үйбүлөлүк бизнес. Аны Лас-Вегаста Роберт жана Нэнси Уокер деген жубайлар ачышкан. Маркумдан кат алуу идеясы 3 жыл бою жетилип келген. Роберт менен Нэнсинин жакын тууганы дүйнөдөн кайтканы аларга катуу сокку болгон да, жубайлар оюн ишке ашырууну чечишкен.
Алгач баалары тууралуу. Өлгө­нүңүздөн кийин жакындарыңызга кат жибергиңиз келсе, анда тирүү кезиңизде “Timeless­mail.comго” жазылып, жыл сайын төлөмдөрүн төлөп турууңуз зарыл. Компаниянын өкүлдөрүнө сөзсүз түрдө социалдык фонддо катталган камсыздоонун номерин билдирип койгонуңуз шарт. Себеби, кишинин өлгөнүн же тирүү экенин социалдык фонддон гана билсе болот. Сайтта катталган кардарлар менен соцфонддун тизмесин салыштырып, “Timelessmail.comдун” кызматкерлери жакындарга кат жиберүү убактысы келгенин билишет.
“Timelessmail.comдун” тарифтик пландары бар. “Жөнөкөй” тарифине жазылган болсоңуз, өзүңүздөн кийин 20 билдирүү калтырып кетсеңиз болот. “Плюс” тарифинде 40 билдирүү менен сүрөттөр, ал эми эң кымбат “Премиум” тарифи боюнча 60 билдирүү, сүрөт жана видео жаздырып кетүүгө мүмкүн. Сиз көз жумгандан туптуура бир айдан кийин баалуу каттарыңыз эң көп 25 жакын адамыңызга жеткирилет.
Укмуштуу кызматтын ээлери: “Бизди баары эле түшүнө беришпейт. Кээлери жинди деп да ойлошу мүмкүн. Бирок, “Маркумдан кат” кызматынын максаты – жашоосунда айта албай калган сөздөрүн, сырларын өлүмүнөн кийин билдирүүгө мүмкүнчүлүк берүү”,- дешет. Компаниянын кызматын колдонуучулардын саны 2001-жылы 11-сентябрдагы Америкадагы каргашалуу окуядан кийин кыйла өскөн.

Даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(1)
02.09.2012. 19:34 
Тайпасы:
Кыймылы жок
Комментарийлердин саны:
8
Катталган:
29-02-2012
Соӊку аракети:
19-10-2012 07:27
Жынысы:
Белгисиз
Калаасы:
бишкек
0
соз жок
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: