Токко урунуп эки колунан ажыраган Самат жөнүндө гезитибизге өткөн жылы жазганбыз. Ошол убакыттан бери кандай өзгөрүүлөр болду, майып болгон бала түндү кандай сүрүп, таңды кандай тосуп жатты экен деген суроолорго жооп издеп, Саматтын үйүнө сапар алдык.
Жал айылын аралай жүрүп отуруп, тоонун боорундагы үйгө токтодук. Төркү үйдө диванда көзүн бакырайтып Самат отуруптур. Ал бизди муңдуу да, үмүттүү да көз караш менен тосуп алды. Көз жашын аарчыган Саматтын энеси Курманбүбү эже баласынын абалы тууралуу айтып отурду.
– Ал күнү 30-сентябрь эле, күндөгүдөй уулумду мектептен күтүп отургам. Саат 5-6 болуп калган. Бир маалда коңшубуз “балаңыз токко урунуп калды” деген жаман кабар менен кирип келди. Көрсө, Самат менен классташы Адилет жолду кыскарталы деп трансформатор жактан өтүп баратып жанындагы цемент тепкичке отура калышат. Адилет ордунан туруп бир кадам таштаган учурда Самат трансформаторго жабышып калат. Кандай болуп жабышканын бүгүнкү күнгө чейин түшүндүрө албайт. Мен ооруканага барганда Саматтын эки колу капкара болуп күйүп калган экен. Алгач доктурлар колун чыканагына чейин кесишти. Башы аман калды деп ошондо да кайратыма келгем. Кийин токко урулган колдун сөөктөрү чирип, майдаланып түшө бергендиктен, колду улам кыскартып кесип отурууга туура келди. Азыр Саматтын ийининен ылдый 15 сантиметр булчуң гана калды. Жолдошум да кырсыктан улам каза болуп калган. Өзүм жалгыз бой 6 баланы өстүрүп жатканда мындай каргашага туш болдук. Мен го мейли, уулумдун кийинки турмушу кандай болот деп жаным кыйналат. – Учурда Саматтын акыбалы кандай? – Аны жалгыз калтыргандан корком. Менсиз тамак да жей албайт. Дааратканага да өзүм алып барам. Тамагын иче албаса же шымын шыпырып дааратканага бара албаса... Азыр го мен жанындамын. Бирок өмүр бою жанында боло албайм да. Кийинки жашоосу мен үчүн туңгуюк. Улуу сөздө уят жок, психологиялык жактан жабыркап, кийин эркектик милдетин аткара албай калабы деп да чочуйм. Айта берсе арман көп.
АКЫЙКАТ БАРБЫ, БОЛСО КАЙДА?
Мына окурман, бул окуядан бери 1 жыл 7 ай өттү. Бирок соо баланы майып кылган адамдар ушул кезге чейин өз жазасын алыша элек. Самат токко урунган трансформатор Сокулук РЭСине караштуу. Каргашалуу окуя болгон жердеги трансформаторго барсак, анын ээлеген орду гана калыптыр. Курманбүбү эженин айтымында, сот процесси башталганда эле аны оңдойбуз деп жүктөтүп алып кетишкен. Кырсык трансформатордун эшиги эзели жабылбагандан улам болгон. Эшиги шамалга ыргалып ачылып-жабылып тургандан улам “мал-жан кирип кетпесе экен” деп ал жердин тургундары сак-сактап турушчу.
– Бул ишке тийиштүүлөр жазасын алыштыбы? – Самат ооруканага түшкөндөн 15 күндөн кийин Сокулук РЭСинин башчысы Медер Сартказиев дагы бир инженери болуп келип кеткен. Дары-дармекке жардамыбыз болсун деп 18 миң сом беришкен. Кийин 2-февралда биринчи сот процессинде келди, андан кийин көргөн жокмун. Сот үч жолу болду, бирок жыйынтык чыга элек. Күнөөлүү деп ал трансформатордун жоопкерчилигин Асанбек уулу Нурбек аттуу мастерге ыйгарышты. Ал адамды темир торго отургузайын деген ниетим жок. Мен аларды 1 жыл 7 айдан бери кеткен чыгымдын ордун тургузса, баламдын колуна протез салдырганга көмөктөшсө эле деп ойлойм. Жакында интернет аркылуу Саматка чет өлкөдөн жасалма кол издедик. Ал колдордун баасы 65 миң доллар экен. 4-шаардык ооруканадан берилген жасалма кол куурчактын колундай болуп, эч бир пайдасы тийбейт экен. – Келечекти көп ойлонсоңуз керек... – Азыр Самат мектепке барбайт. Мектептин директору “мектепте ар кандай балдар окуйт, бири түшүнсө, экинчиси мазакташы да мүмкүн” деп бир жумада үч жолу мугалим жиберип турат. Самат келечекте адвокат болуп, укугу тебеленген адамдарга жардам берсем деп ниеттенет. Андан сырткары англис тил китебин тынбай окуп жүрөт. Тагдыр башка салса баарына көнөт экен, эми Самат бардык нерсени буту менен жасаганга өттү.
Саматтын тагдырына кайдигер карабаган, көмөктөшкүсү келгендер үчүн банктагы эсептин реквизиттери:
Улуттук валютада каражат которуу үчүн реквизиттер КGS: Банк : ААК «ЭкоИсламикБанк» Бишкек шаары, Кыргызстан, Геологический 17 ИНН 00710199610114, БИК 117001 Транзиттик эсеп: № 1170120001000519 Алуучу : Жумагулова Мээрим Асылбековна Өздүк эсеп: 4170121711469400 Каражат котороордо сөзсүз кандай максатта которуп жатканыңызды өтүнөбүз, материалдык жардам, белек же кайрымдуулук экенин белгилеп коюңуздар.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (26)
DilyaKiev
2011-05-17 00:14:47
Германиядагы спонсору колуна протез салдырып берген. Менин билишимче Киевде протез салдырууга болот. а канча акча кеткенин айтылган эмес. спонсору озу тейлеген.
Аллахым озу сабыр берсин берген дартына албетте шыпаа да кошо берет буйруса.
0
ikitaidesu
2011-05-17 09:25:23
АЛЛАХ озу сактасынго бирок, эгерде бир чондун баласы ошондой болсо айыл окмот мындай турсун областтан бери жумушунан кетирмек.
Самат бир аз чыда, баары жакшы болот. Жакшы окуп, жакшылыктан умут узбо!!!!
0
pekulya
2011-05-17 10:49:33
samat sabyrduu bol,kyiyn bolushu mumkun birok sen kuchtuu bolushun kerek
0
Apsi
2011-05-17 16:01:20
samat,mende ech aitar sozum jok!kaalarym apan aman bolsun
0
AzZzA
2011-05-17 20:47:31
ээээээх кудай.....байкуш бала,колумда бар болсо кана((((((((((((((бут жардамымды бермекмин(((((
0
artelow
2011-05-19 11:46:37
о Кудай эмнеге жаш балдар ушинтип кыйналышат? Эмнеге, Самат ийгилик калаймын, эми келечекте жакшылыктын устундо эле журо бер.
0
ongaku
2011-05-19 20:57:49
kop tukurso kol bolot degendei, kichine bolso dagy esebine akcha kotorup koisok, akcha chogulup kalat bir ubakyttyn ichinde.Urmattuu, super-info!
Samattyn daregin ushul jerge jazyp koyuunguzdar mumkunbu? Kolubuzdan kelgen jardamybyzdy korsotot elek, misaly til uironup, kotormochu bolom deit, ar kandai kitep, disk jana bashka jabduular kerek.
0
Аygerim
2011-05-20 12:40:14
эх...жашоодо кагдай гана сыноолор болбойт. Журогун ооруйт экен(((
0
Narynbek
2011-05-20 18:06:33
Бул да болсо тагдырдын бир сыноосу.Мен жакында бир клип кордум.Эки колу жок кыз турмушка чыгып,балалуу болуп,машина да айдайт экен.Баласын да озу карайт экен.Бутун менен сурот тартып,телефон тергенди уйронгонун абдан жакшы.Аракетке берекет дейт.Кудай сага сабыр берсин.Эч качан чокпо ар дайым алдыга evnekeg жаша!
Мен дагы бул Саматтын уйуно баргам. Оз козум менен коруп, зейним кейиген. Байкуш баласы мындай болуп, энеси баласы менен журсо, сот иши бутпой кыйнаганычы. Сот адамы баланы коруп эле, чечимин чыгарып койсо болмок. Канча акча ондуруп берсе дагы, бала жашоодон сынган да. Бир чыпалагыбьызды кесип алсак канча оорутуп, сыздатат. Бул жерде баланын бутундой эки колу жок... Бирок арабызда ичи бузулбаган инсандар бар, баарыбыз топтолсок мындай койголуу маселени которуп, жардам бере алабыз деп ойлойм
0
Eliza
2011-05-29 17:19:20
О,КУДАЙ ушундай кырсыктан сактай кор,Саматка жардам бере кор! кордунорбу достор, биз кандай бактылуу адамдарбыз алдты саныбыз аман.Саматтын келечеги эмне болот?
0
ulua
2011-06-09 04:19:53
самат буюрса коп ийгиликтер кутот сени алдыда мунайба досум баары жакшы болот сен учун да тиленем
0
Комментарий калтыруу үчүн өз ысымыңыз менен кириңиз же каттоодон өтүңүз.
