Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САГЫНДЫРГАН ЖАЗ

№446 20-26-май, 2011-жыл


(Башы өткөн сандарыбызда)

Бермет бат-баттан телефон чалып турду. Ширинбекке андан артык бул дүйнөдө бакыт жок болчу. Ошондой бактылуу күндөрдүн биринде Бермет:
– Адилет, сен айткан окууну тандадым, өтүш оңой эле экен. Документтерди тапшырып, айылга кетем. Сентябрда келсем уюлдук телефон алам, анан кенен сүйлөшүп турабыз,- деп калды.
– Беш жыл окуйсуңбу анан?
– Ооба.
– Ага чейин үйлөнөбүз да. Сырттан окуган бөлүмү бар бекен?
– Ооба, бар экен. Мен да ошону ойлондум. Мени аласыңбы өзү? Же ал жактан башканы таап алдыңбы?
– Койсоң. Сага гана үйлөнөм да. Сени аябай сагындым!
– Мен да сени менен гана турмушумду элестете алам. Сагынганымды сураба. Жанымда ар дайым сүрөтүң. Айылыбыз болсо тынч. Классташтардын көбү шаарга келе берген. Карындаштарың жакшы жүрүшөт. Үйгө Бурулай тез-тез келип турат. Баса, апаң үйүңөрдүн тушуна чоң дүкөн салдырып баштады го. Сага айттыбы?
– Жок... Мага айта элек.
– Билбейм. Чоң дүкөн болот экен.
Экөө бир топко баарлашты. Ширинбек апасынын дүкөн салдырып жатканын угуп, аябай таң калып койду. Кийинчерээк апасы телефон чалып калганда дүкөндү эмнеге салдырып жатканын сурады.
– Атаң акча салып жатат. Ошого салдырып жатам. Ар түркүн товар сатыла турган чоң дүкөн болот.
– Апа, жаңы үй алабыз да, башка жерге салдырбайт бе­леңиз.
– Ошол жер оң. Эл көп өтөт. Айыл өкмөтүнөн уруксат алдым,- деди апасы кубана.
Апасынын өз алдынча кылып жаткан ишине ыраазы болуп коштошту.
Күндөр өтүп, күз да келди. Күн салкындап, жаан тез-тез­ден жаап жатты. Ширинбек бул жерге көнүп калганын байкады. Чогуу иштегендер менен бир туугандай ымалада болуп, керек болсо акыркы акчасын да бергенге даяр. Анын мындай сапатын бул жердегилер байкап, ого бетер сыйлап калышкан эле. Айрымдар болсо “ушу кичине балача жокпузбу?” деп арданып, ич күйдүлүк кылып жиберишчү. Бир күнү смен аяктап, пилораманы тазалап жатышкан. Алардан кийинки сменде иштеген өзбек балдардын бригадасы келди. Алардын ичинен Рамис аттуу жигит келип Элмырзага кайрылып калды.
– Балдар, карагайды тербей кырккылачы. Силер чоңдорун тандап кыркып, бизге бүт майдасын калтырып жатасыңар.
– Өзүбүз билебиз, кандай кыркышты. Үйрөтпөгүлө!- деп Дима сөзгө аралашты.
– Дима, коё тур,- деди Элмырза тиги балдарга кайрылып:
– Мейли, балдар! Биз тергенди токтотобуз. Силер бизди Ахмедге жамандаганды токтоткула. Сүйлөштүкпү?
Экөө кол алышып макулдашышты. Үчөө үй тарапты көз­дөй жөнөштү. Элмырза Димага карай:
– Эй, булар сенин тууганың го. Сен дагы Өзбекстандан кел­бедиң беле.
– Ээй, кайдагы тууган? Булар адам эмес. Нечен жолу көптөп сабашты мени. Ширеткич чал кошулуп өтүгү менен бетиме тепти. Данияр менен Самат болушуп, анан тийишпей калышты. Самат мен үчүн баары менен жекеме жеке мушташып чыкканы эсимден таптакыр кетпейт.
Ушинткен Дима үйүн көздөй жөнөдү. Ширинбек акесин карап:
– Өзбектер карагай тере алышпайбы?
– Биз 6 адам болуп жыгабыз го. Алар үчөө эле да.
Үйгө келип, эс алып жатып калышты. Эртең менен саат ондор чамасында Дима үйгө кирип келди. Кирери менен:
– Балдар, пилорамада концерт болду, азыр эле. Көрбөй калдыңар да...
– Эмне болду?
– Кечээки өзбек балдар эртең менен Ахмедге киришиптир, “кыргыздар карагай терип, иштетпей жатышат” деп. Кыскасы, силерди дагы жамандап...
– Анан эмне болду? Кана концерт?- деп Самат шаштырып калды.
– Шашпасаң. Мен сарайга эшик жасап алайын деп пилорамага баргам. Өзбектер Ахмедге кирип кетишкен. Көп өтпөй баарын сүйрөп чыгып сабады. “Эркексиңерби? Ошону өзүңөр чечишип албайсыңарбы! Кайра-кайра аялдардай болуп келе бересиңерби” деп кыйкырып, өлө сабады.
Дима ушинтип айтып алып чыгып кетти. Эртеси бош убактарында токой аралап сейилдеп жүрүп, өзбек балдар жашаган үйгө келишти. Баары маанайы жок отурушкан экен. Экөөнүн көзү көгөрүп, эриндери шишип кеткен. Элмырза бир күн мурда кол алышкан рамщик балага карап:
– Кечээ эле кол алышпадык беле, эркекче. Анан кайра эмнеге бизди жамандап бардыңар? Өзүңөр келтек жепсиңер го, кай­ра.
– Элмырза, сүйлөшкөндөн кийин карагайларды карасак, бүт майдасы калыптыр. Силердин бул кылганыңар дуруспу?- деди өзбек жигит.
Айтор, бир сөзгө келбей экөө эки жакка кетти. Эми Элмырзалар даана өчөшүп, жалаң чоң-чоң карагайларды терип жатышты.
Ширинбектер “бир кыргыз бала ичип жүрүптүр, жардам кылып коёлу” деген Саматтын сөзү менен ал балага жөнөп калышты. Жолдон бир баштык азык-түлүк сатып алган алар Аскардын үйүнө жетип токтошту. Босогодон киргенде эле жагымсыз жыт каңырыкты жарып турду. Бөлмөгө киришсе, бүрүшүп бирөө жаткан экен. 25 жаштагы жигиттин өңү 50дөгү адамдыкындай карарып кетиптир. Калтырап зорго турган ал араң саламдашты. Даниярдын жини келип:
– Эй, сен оорубай эле бөтөл­кө­гө түшүп кетипсиң го. Жакшынакай бала эмес белең. Арактын түбүнө жеткен адам болгон эмес. Тескерисинче, арак сендейдин далайын жутуп койгон. Эмне иш кыласың өзү?
– Мектепте кароолчумун.
– Сендей алкашты мектепке кароолчу кылып ким алды? Жаткан жериңди карачы, таштандынын үстүндө жатасың. Эчки деле жаткан жерин тазалап жатат.
– Бул 10 күндөн бери тамак иче элек окшойт. Ширинбек, жумуртка менен колбаса кууруй койчу, ашканага чыгып,- деди Элмырза.
Ашкана деген эле аты болбосо, таштандыга толуп кеткен экен. Ширинбек эптеп таза идиш таап, тамак жасай баштады. Артынан Самат келип калды.
– Жүрсөң, сага коңшуларын көрсөтөйүн,- деп аны жетелеп жөнөдү.
Тиги бөлмөдөн да абалы жаман үйлөрдө баштарын тийиштирип отурганы, асманды тиктеп жатканы бар мас адамдарды көрүп, Ширинбектин денеси дүрүлдөй түштү. Бардыгы орус, бир гана Аскар кыргыз.
Кайтып келип, куурулган колбаса менен жумуртканы алып киришти. Аскар тамакты жемек тургай, карап да койгон жок.
– Балдар, 100 грамм таап бергилечи,- деп жалына баштады.
– Кайдагы арак, өзүңдү бир күзгүдөн карачы.
– Балдар, 100 грамм болбосо өлүп калам азыр. Кыйналып жатам. Болгула эми. Мен силерге ырдап берейин.
Баш жагындагы гитарасын алып чертип кирди. Жыгачтай болгон ичке колдору гитараны сыздатып кирди.
Мен көлгө жалгыз келип байыр алдым,
Тургуздум махабаттын пайдубалын.
Жаштыгым татаал жолдон жаңылышып,
Долондон канатымды кайрып алдым...
Аскардын үнү бөлмөгө толуп чыкты. Баары үн дебей тамактары буулуп, көздөрүн жаш чайып отурушту. Ширинбектин кулагына сөздөр эмес, Аскардын кубулжуган үнү жаңырып жатты. Мындай муңдуу үндү биринчи угушу. “Мирбек Атабеков эмес, Аскар ырдаса, уккан адам ыйламак экен” деп ойлоп койду. Самат тура калып сыртка чыгып кетти.

(Уландысы кийинки саныбызда)

Залкарбек Карабалаев


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
24.05.2011. 02:54 
Тайпасы:
Кыймылы жок
Комментарийлердин саны:
120
Катталган:
13-11-2009
Соӊку аракети:
03-03-2015 22:05
Жынысы:
Белгисиз
Калаасы:
Алтын тор
0
uwundai talantuu jigiter talaalap jurgondoru jaman da, ka4an bizdin KGstan onolot?...
25.05.2011. 02:15 
Тайпасы:
Кыймылы жок
Комментарийлердин саны:
22
Катталган:
12-01-2011
Соӊку аракети:
29-08-2012 02:21
Жынысы:
Белгисиз
Калаасы:
Москва
0
Мирбек Атабековду да кыстара кеткени кызык болдубу дейм да.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: