Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАЛДАНМА КИШИ ӨЛТҮРҮҮЧҮЛӨР

№259 19-25-октябрь, 2007-ж.


Баарыбызга белгилүү болгондой, сойкулук – эң байыркы кесиптердин бири жана муну эч ким танбайт. А бирок, ошол кесип менен бирге эле дагы бир байыркы кесип жашап келет. Жок, ал кесип сиз ойлогондой өтүкчүлүк, темир устачылык же соодагерчилик эмес. Бул өнөр эч жерде жарыяланбайт жана коомго бир да пайда алып келбейт (кээде бул боюнча талашып көрсө да болот), бирок, аны баары билет. Мындай өзгөчө кесип бир нече аталыштарга ээ: аткаруучу, тазалагыч, киши өлтүргүч, кеңири жайылган англисче түрүндө айтсак, киллер.

Адамзат тарыхынын бардык мезгилдеринде бул кесип тигил же бул өлкө­нүн саясый тарыхында маанилүү роль ойногон. Жалданма киши өлтүр­гүч­­төргө болгон талап император, ханзаада жа­на президенттердин арасында дайыма болуп келген. Бийликтин орто катмарлары тууралуу айтпай эле коёлу. Анткени, бийлик үчүн күрөш болгон жерде киши өл­түрүү сөзсүз болот, ал эми өлтүрүү киши өлтүр­гүчтөр аркылуу ишке ашат.

БАЙЫРКЫ МЕЗГИЛДЕГИ АДАМ ӨЛТҮРҮҮЧҮЛӨРДҮН КУРАЛЫ
Байыркы мезгилдерде киши өлтүр­гүчтөр жөнөкөй куралдарды колдонушкан: учтуу таштар, таяк, укурук, жаа менен жебе жана найза. Бирок, куралдардын жөнөкөйлүгүнө карабастан, аларды пайдаланууда максатка жетишилген. Тарыхка кайрылып, атактуу Гомердин «Илиада» поэмасындагы Троян согушу тууралуу баянын карап көрөлү. Жеке кармашта жеңе албастыгына көзү жеткен трояндык ханзаада Парис жаа менен ууланган жебени колдонуп, атактуу Ахиллести өлтүргөн болчу. Арадан бир нече миң жылдык өтүп, Парис колдонгон куралды снайперлик мылтык алмаштырды.

ОРТО КЫЛЫМДАРДА
Алсак, Венецияда киллерлер өкмөттүк деңгээлде колдонулган. Мамлекетте кутумдарды болтурбоо максатында “10 кишиден турган кеңеш” өлкөгө коркунуч туудурган тигил же бул адамды өлтүрүү үчүн киши өлтүргүчтөрдү жалдаган. Алар мамлекеттин казынасынан акча алып турушкан.
Киши өлтүргүчтөрдүн курмандыктары болуп ак сөөк төбөлдөр жана рыцарлар эсептелген. Куралдардан бул мезгилге чейин жакынкы аралык үчүн кылыч, ал эми алыскы аралыкта жаа менен жебе колдонулуп келсе, эми арбалет кошулган. Атайын мектептер да жарала баштайт. Алсак, жалданма киши өлтүргүчтөрдү даярдоочу Япониядагы ниндзя мектеби. Ниндзя жеңил аракеттенип, шамдагай кыймылдап, майда курал менен, кээде куралы жок эле киши өлтүрүүгө жетише алган. Ниндзялардын киши өлтүрүүлөрү тууралуу абдан кызыктуу маалыматтар көп. Алардын биринде кардарын ажатканада көп убакыт күтүп, заказдарды аткарган самурай Уэсеги Кенсин жөнүндө айтылат.
XVI кылымдын ортосунан баштап, Италиянын Пистойя деген жеринен чыккан ойлоп табуучу Камилл Ветелли бир кол менен атуучу куралды (тапанча) ойлоп тапкан. Мына ошондон баштап киши өлтүрүүдө бурулуш этабы башталды десек болот.

XIX ЖАНА XX КЫЛЫМДА
XIX кылым. АКШда граждандык согуш мезгилинде алгачкы оптикалык мээлегичи бар мылтыктар пайда болот. 1836-жылы америкалык ойлоп табуучу Самюэль Кольт револьверди, 1913-жылы орустун курал жасоо чебери В.Федоров автоматты ойлоп табат.
XX кылымда үн чыгарбай атуучу куралдар чыга баштайт. Албетте, булардын баары киллерлердин ишин бир топ жеңилдеткен. Бүгүнкү күндө олжону караңгыда өлтү­рүүгө мүмкүнчүлүк бе­рүү­чү инфракызыл нуру бар приборлуу курал, ал эми миллиметрлик тактык үчүн лазердик нуру бар куралдар бар.
Ошентип, куралдардын өнүгүшү менен киллерлер да чеберчилиги жагынан өнүгүп келишет. Киллерлер кишини өз эрки менен эмес, заказ боюнча өлтүрү­шөт. Ар бир киши өлтүрүүдө себеп болот. Заказдын аткарылышы – айсбергдин үстү гана, ал эми анын себеби ылдыйкы бөлүгүндө камтылган.

КИЛЛЕРЛЕРДИН ТҮРЛӨРҮ

  • Штаттык киллерлер мамлекеттик атайын аскердик структураларда туруктуу иштешет. Көбүнчө алар айлык үчүн эмес, өлкөнүн идеясы үчүн кызмат кылышат.
  • Штаттык киллерлер мыкты куралданган кылмыш топторунда да болот.
  • Түрмөлөрдө да ушул сыяктуу кишилер, экзекуторлор бар. Алар атайын чогулуштун жыйынтыгында “жолдон адашты” делген зектерди өлтүрүүчүлөр болуп саналат.
  • Штаттык эмес киллерлер – убактылуу келишимдин негизинде белгилүү бир сумма үчүн ишин аткарып, калган убакта эркин жүргөндөр. Андайларды “эркин сүрөт­чүлөр”, “жалгыз карышкырлар” деп аташат. Мындай болуу мыкты профессионал киллерлердин гана колунан келет.
  • Бир жолку киллерлерди (камикадзе, шахид, торпедо) бир жолку жумушка гана жалдашат. Мындай адамдар өздөрүн өлтүрүү менен бирге эле башка бирөө­лөр­дү да өлтүрүшөт. Камикадзелер учакты курал колдонуп басып алышып соода борборуна багытташса (Нью-Йорк трагедиясы), шахид бомбасы бар унааны коомдук мекемеге багыттайт. Ал эми торпедо бул – карта ойноп утулуп, бирөөнү өлтүрүүгө мажбур болгон зектер же бандиттер. Алар заказ боюнча киши өлтүрүшөт жана көп узабай өздөрү да өлтүрүлүшөт.
  • Тазалагыч бул – киллердин киллери, башкача айтканда, заказды аткарган киллерди артынан өлтү­рүү­чү болуп саналат.

ӨЛТҮРҮҮНҮН СЕБЕПТЕРИ
Байыркы мезгилде тамак-аш, ма­монт­тун териси, от, үңкүр жана коңшу уруунун сулуу кызы үчүн өлтүрүшкөн. Кийинчерээк коомдо таптардын (бай жана кедей) пайда болушу менен киши өлтүрүүнүн баасы да өскөн. Эми урууга башчылык кылуу, байлык жана талаш аймактар үчүн өлтүрө башташкан. Адамзат коому өнүккөн сайын өлтүрүүнүн себептери да өскөн. Булар менен бирге киши өлтүрүүлөрдүн жана киллерлердин саны көбөйгөн. Мындай өсүүлөр киллердик чеберчиликтин да өсүшү­нө алып келген.

АЛГАЧКЫ КИЛЛЕРЛЕР ЖӨНҮНДӨГҮ МИФТЕР
Биринчи киллер жөнүндө Байыркы Грециянын мифологиясы кабар берет. Атактуу Геракл Микендин падышасы Еврисфейге кызмат кылып жүргөн мезгилде анын заказдарын аткаргандыгы белгилүү.
Кыргыз эл жомокторун карап көрсөк, анда киллердин ролун падышага (көбүнчө жаман падыша) кызмат кылган баатырлар ойношот. Алар падышанын буйругу менен жезкемпир сыяктууларды жана кишилерди өлтүрүшөт эмеспи.

КИЛЛЕРЛЕРДЕ ПОПУЛЯРДУУ БОЛГОН КУРАЛДАР
90-жылдарда киллерлердин арасында бир канча ок атуучу куралдар баасынын арзандыгы жана көп таралгандыгы үчүн популярдуулукка ээ болду.
ТТ тапанчасы. Чечмелесек, Тулалык Токарев – калибри 7,62 миллиметр, өткөн кылымдын 30-жылдарында Тула шаарында конструктор Токарев тарабынан иштелип чыккан. Макаровдун пистолетинин пайда болушуна чейин советтик армия жана ИИМдин негизги табелдик куралы болуп келген. Оперативдик маалыматтар боюнча, жалданма киши өлтүрүү­лөрдүн 70 пайызында так ушул курал колдонулган. Ошондой эле ТТнын башка түрлөрү Кытайда да иштелип чыккан. 90-жылдарда КМШнын аймагындагы киши өлтү­рүү­лөрдүн басымдуу бөлүгү колдонгон.
Макаров пистолети. Макаровдун пистолети (ПМ) – калибри 9 миллиметр, магазини 8 окко эсептелген. Ыңгайлуу, жеңил жана компакттуу. Башкача айтканда, идеалдуу курал. Өзгөчө алыс эмес аралыкта (мисалы, көп кабаттуу үйдүн короосунда) колдонуп, кылмыш ордунан качууга шарт түзөт. Ошентсе да киллерлердин ою боюнча, анын бир кемчилиги – брондолгон жилетти тешип өтө албастыгы.
Калашников автоматы. Киллерлер АК, Калашниковдун автоматын да колдонушат. АКны киллерлер эгерде олжосу кандайдыр бир унаанын ичинде болгон учурда, жашыруун аңдууда капилеттен кол салуу үчүн пайдаланышат. АКдан брондолгон кемселдер жана жеңил брондолгон унаалар да сактай албайт.

БУЛ АКТУАЛДУУ
Киллерлердин тагдырын алдын-ала айта берсе болот: же аларды күбө катары өлтүрүшөт, же алар мурда өлтүргөн кардарынын жакындарынын колунан каза табышат. Ушуга карабастан киллерлердин саны коомдо көбөйүп келет. “Эмнеге?” деген суроо туулат. Бул жерде эч кандай сыр жок. Кептин баары акчада. Акча боло берсе, киллерлер да боло берет.
Канчалык акча көп болсо, киллерлер ошончолук ойлоп табуучулук менен аракет жасашат. Аларга максатына жетүү үчүн коомдогу абалы, байланыштары, жансакчыларынын саны да тоскоол боло албайт. Бул боюнча голливуддук “Өкүл ата” фильминин каарманы Майкл Корлеоненин айтканында маани бар: “Эгер тарых адамды өзүнөн сабак алууга үйрөтөт десек, анда ал үйрө­тө турган нерсе – каалаган кишини өлтү­рүүгө болот дегендик”. Бул ой-пикирге кошумчалап кет­чү нерсе, адамдарда ач көздүк, кө­рө албастык жана би­рөөнү сатып ке­түү­­чүлүк бар. Андыктан, киши өлтү­рүү­­чү­лүк кесиби эч качан актуалдуулугун жоготпойт жана адам өлтүрүү процесси улана берет.

КИЛЛЕР КАНЧА ТУРАТ?
Тамак-аш, эмерек, кийим-кечелердин базар баасы болгондой эле киллерлердин да өз базар баасы бар. Маркетологдор жалданма киши өлтүргүчтөрдүн базар баасын үч түргө бөлүшөт: элита үчүн киллерлер, орто катмарлар үчүн киллерлер жана жөнөкөй турмуш багытындагы киллерлер.
Жөнөкөй турмуш багытындагы киллерлер эң арзан. Туугандар, достор, коңшулар жана башка чөйрөдө пайда болгон маселелердин чечилишинин зарылдыгы ушундай киллерлерге кайрылууга алып келет. Бул үчүн 100дөн 1 миң­ АКШ долларына чейинки сумма жетиштик кылат.
Орто катмардын киллерлерине ишмердүүлүк менен алектенген, орто бийлик төбөлдөрүн жана авторитеттерди буйрушат. Баасы 5-15 миң АКШ долларына чейин.
Элитанын киллери аябай профессионал болуп, ири саясатчыларды жана бай ири ишканалардын жетекчилерин өлтүрүү­гө даяр болот. Мындай жумушу үчүн ага 50 миң АКШ долларынан кем эмес сумма сарпталат.
Профессионал киллерлер. 1983-жылы СССРдеги КГБ атайын “В” жашыруун башкармасын түзгөн. Бул башкармалыктын негизги максаты атайын даярдыктагы кызматкерлерди даярдоо жана аларды баңгизат мафиясынын өкүл­дөрүн жоготуу үчүн пайдалануу болгон. СССР тарагандан кийин алар өз алдынча болуп кетишкен. КМШнын алкагында атактуу болгон Александр Солоник (сүрөттө солдо) жана Cергей Тимофеевдер так ошол кызматкерлердин катарынан чыгышкан.

Бетти даярдаган Базарбек Абдураимов


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: