Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Нурбек Эген, режиссёр: «АЛГАЧКЫ АКТЁРУМ БЕК БОРБИЕВ БОЛГОН»

№447 27-май - 2-июнь, 2011-жыл


Маектешим Нурбек Эген көп жылдан бери сыртта жүрсө да, дили кыргыз экени мени өзгөчө кубандырды. Дүйнө таанымы, көз карашы өзгөчө режиссёр мени гана эмес, сизди да таң калтырышы ажеп эмес.

– Куш келипсиз, Нурбек мырза! Кыргызстанды cагын-гандырсыз. Канча убакта бир келип турасыз?
– Ар кандай. Бир жылда бир, кээде бир айда бир келем. Бул сапар жаңы тасма тартуу үчүн келгем. Азыр сиз менен сүйлөшкөндөн кийин Москвага кетем. Кыргызстанды болсо дайыма сагынам. Учактан түшкөндө эле чымчыктардын тааныш үнү угулуп, мурдума бир жыт келет. Балким, жийденин жытыбы же шамалдын жытыбы, айтор, дилиме жакын нерсе. Дагы бир байкаганым, Кыргызстанга келсем, ойлорум бир нукка түшкөнсүп, телегейим тегиз боло түшөт.
– Ата Мекен деп калдык, эми балалыкка бир кайрылып кетсек...
– Кадимки эле кыргыз айылында төрөлгөм. Атам мугалим болсо, апам соода-сатык менен алектенчү. 4 бир тууганмын. Кичинемде бир туруп колхоздун башкармасы болгум келсе, бир туруп экономист болгум келчү. Тишим ооруп калса, “тиш доктур болуп алсамбы” деп да ойлоп жиберчүмүн. Режиссёр болуу тууралуу ой мага 10-класста келди. Өзүм математика багытындагы мектепте окучумун. Ал кезде бизди театрга көп алып барчу. Негедир математика, физикага караганда менин дүйнөмө театр жагып туруп алды. Ошону менен окуум калды.
Театрга ары-бери бир нерсесин ташымыш болуп жумушка кирип алдым. Бара-бара алардын койгон пьесалары мага жакпай, “булардыкы кызыксыз, өзүм жазып баштасамбы?..” деген ой кетти. Шуулдатып пьеса жазып баштадым. Байкасам, менин пьесамды театр койчудай эмес. Аны түшүнүп, “өзүм коём” деп чыктым. Математиктерди актёр кылып, бүт мектептин оозун ачыргам. Кийин ошол пьесам театрда коюлду. Ошентип, дүйнөдөгү “эң улуу, укмуш режиссёр” Нурбек Эген чыга келди.
– Өтө өжөр жигит окшойсуз...
– Мындан аркысы да өзүнчө жомок. Искусство институтунун актёрдук бөлүмүнө кирдим. Бирок мугалимдердин окутканы мага эч жаккан жок. Өзүм “улуу драматург, режиссёр” болсом, анан мени минтип жатышса... Акыры кол шилтеп чыгып кеттим. Сценарийлерди биринин артынан бирин жазып, режиссёрлордун аркасынан чуркай баштадым. “Окуп бериңизчи, кандай экен?” деп эле маңдайында пайда болом. Замир Эралиев бир күнү: “Ой, сен мыкты сценарий жазган турбайсыңбы? Эмне жардам керек?”- деди. Мен камера керек экенин айттым. Ойлонуп отуруп башкы ролго Бек Борбиевди тартмай болдум. Анткени ошол кезде кыздар жигитти сүйсө да, Бекке окшоштуруп сүйүшөр эле.
Аны Спорт Ордосунан таптым. Бек чоң киши, мен илмийген ичке бала... “Байке, сизди киного тартайын деп жаттым эле” дедим. “Сенби?” деди ал таң кала. “Мен” дедим. Сценарийди көрсөтсөм, “ой, мунуң көп экен, айтып бер” деди. Сценарийди айтып берип аркасынан жүрөм. Ал улам бирөө менен учурашып, сүйлөшүп, кирип-чыгып ырдап жүрөт. Аны бир сааттай ээрчидим. Бек байке акыры макулдугун берди. Менимче, ал сюжетти деле түшүнбөсө керек. Болгону, аракети бар жаш балага жардам бергиси келди окшойт. Ошентип, Бек башкы ролду ойногон “Жоолукчан” деген тасмам он күндүн ичинде тартылып, карыздарымды жаап, Москвага билет алганга жараган.
– Анан Москва сизди кандай күтүп алды?
– Айтып берсем, бул да жомокко окшоп калат. Кыскасы, бекетте бир адам көчө шыпырып иш кылат экен. Ал мени ордуна таштап кетти. Көчө шыпырып жүрүп, акыры ВГИКтин имаратына бардым. Орусча билчү эмес элем, ошол имаратты үч айландым. Айтор, кокустан кирип калгам.
Студент кезимде үч тасма тарттым. Дипломдук иш катары тарткан “Санжыра” деген тасмам кеминде 60 фестивалга катышып, анын 30унда байгелүү орундарды алды. Башында Тимур Бекмамбетовдун студиясында иштеп, жарнама түрмөктөрүн тартып жүрдүм. Кийин фильм тарта баштадым.
– Эми кыргыз киносу тууралуу кеп кылсак. Азыркы кыргыз киносуна кандай баа бересиз?
– Кыргыз киносу өнүгүп кетет деген байкоолор бар. Айрымдар “улуу кыргыз киносунун баасын түшүрүп жатышат” деп айтышат. Жок, мыкты кинонун баасы дайыма сакталат. Мен деле майдадан баштагам да. Алгач кино менен элди тойгузуш керек. Анан өздөрү тандап көрө башташат. Андан атаандашуу пайда болот. Кино жок болсо, анан отуруп эле шедевр жаралып калышы мүмкүн эмес да.
– Алгач “кино тарта аламбы?” деген кызыгуу менен тарткан экенсиз. Кийин акча табуу максатында... Азырчы?
– Ой бөлүшүү үчүн, мени ойлонткон ойлорду элге айтуу үчүн тартам. Кыргыз эле эмес, башка улуттар менен да ой бөлүшкүм келет.
– Москва сиз үчүн...
– Москва мен үчүн менин максаттарымды аткарганга жардам берген жакшы шаар. Мисалы, "Мосфильмде" бир топ тасмаларды тарттым. "Тармак" ("Сеть") тасмасында Николай Добрынин, Иван Жидков сыяктуу мыкты актёрлор ойноп беришти. Бул фильмдин идеясын мага атактуу "Бригаданын" продюсери Алексей Сидоров сунуш кылган эле. Москвада иштеген мага ыңгайлуу, бирок үйүм деп Кыргызстанды эсептейм.
– "Манастын туулушу" тасмаңыз да бир топ ойлорду жаратты. "Кыргызга экинчи Манас керек" деген идея да жаткандай сезилет.
– Экинчи эмес, үчүнчү Манас. Мен экинчи Манас деп Чыңгыз Айтматовду эсептейм. Руханий жактан ал дагы биздин башыбызды бириктире алды.
– Нурбек Эгендин жеке турмушун билсек болор бекен?
– Бул жаатта өтө кызыктуу нерсе деле айтып бере албасам керек. Аялым бар. Аты – Ирина, улуту – орус. Орус деген менен, түрктөрдүн, буряттардын, украиндердин каны аралашып кеткен. ВГИКти бүтүрүп жатканда үйлөнгөнбүз. Мен бүтүп жатканда, ал окууга кирген экен.
– Жеңебиз айылга келгенде келиндик кызматты аткарабы?
– Ал биздин салттарды менден да жакшы билет. Ата-энеме ата- апа деп кайрылат. Уулумдун аты – Данияр, азыр 9га чыкты. Сүрөттү жакшы тартат. Чоподон ар кандай фигураларды жасаганды жакшы көрөт. Уулумда биз жактын касиеттери көбүрөөк деп ойлоп коём. Мисалы, куйма кулак. Ырларды көз жүгүртүп туруп эле жаттап алат.
– Сиз кандай күйөө баласыз? Кайын жагыңыз Нурчик деп эркелетишпейби?
– Мага көп ат коюп көрүштү. Нурба, Нур деп. Жеңишбектер Женя, Калыбектер Коля болуп алышат го. Мен андайга таптакыр моюн сунбай койдум. Мен Эген уулу Нурбек болчумун да. Тиги жактагылар "уулу" деген сөздү “отчество” деп түшүнүп, “уулу” деп кайрылып жүдөтө бергенде Нурбек Эген деп кыскартып салгам.

КЫСКА-НУСКА
– Мүнөзүңүз кандай?
– Элге жакын эмесмин. Сүйлөгөндөн көрө укканды жакшы көрөм.
– Кантип эс аласыз?
– Эс ала албайм. Көп болду эс албаганыма.
– Сизге жаккан режиссёр...
– Чарли Чаплин.
– Сизди таасирленткен тасма...
– Чаплиндин “Чоң шаардын жарыктары” фильми. Анын эң акыркы киносу.
– Материалдык байлыкка болгон көз карашыңыз...
– Акча тууралуу көп ойлонбойм. Менин ойлоп тапкан идеям – акча. Демек, канчалык идеям чоң, терең болсо, ошончолук акчам көп болот. Негизи эле “акчам көп болсо...” деген ойлор менде аз.
– Ата-энеңизге акыркы жолу качан белек бергенсиз?
– Бир ай мурун машина белек кылдым.
– Канча тил билесиз?
– Орус, англис тилдерин билем.
– Жакында тарта турган тасмаңыз...
– “Үй” деп аталат. Москвада, Ысык-Көлдүн жээгинде жана Лондондо тартылат.

Нуржамал Жийдебаева
koom@super.kg



Маек - Нурбек Эген: "Алгачкы актёрум Бек Борбиев болгон"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(16)
Super TV
27.05.2011. 17:48 
Тайпасы:
Кыймылы жок
Комментарийлердин саны:
10
Катталган:
24-09-2010
Соӊку аракети:
12-03-2012 13:21
Жынысы:
Белгисиз
0
Бишкектен поезд кундо келет вокзалга-дейт,
Жумасын 2 эле жолу келчу жана азыр деле келет.

Орусча билбеген баланын чыгармасын кантип орус педагогдору тушунушкон экен?!
Super TV
27.05.2011. 22:20 
Тайпасы:
Жаран
Комментарийлердин саны:
218
Катталган:
21-05-2007
Соӊку аракети:
24-05-2018 22:13
Жынысы:
Белгисиз
Калаасы:
Бишкек шаары
0
Нурбек брат кыргыздар балжырай берет укпаныз алга
Super TV
30.05.2011. 01:27 
Тайпасы:
Жаран
Комментарийлердин саны:
16
Катталган:
27-05-2010
Соӊку аракети:
05-05-2017 23:19
Жынысы:
Белгисиз
Калаасы:
Каракол
0
Нурбек Эген ким экенин чынында билчу эмес элем,жакшы маек болуптур.Кыргыздын атын алыска таратып кыргыздын татыктуу инсаны болуп журо бериниз,ийгилик
Super TV
30.05.2011. 02:44 
Тайпасы:
Кыймылы жок
Комментарийлердин саны:
44
Катталган:
02-02-2011
Соӊку аракети:
16-08-2014 07:36
Жынысы:
Белгисиз
0
Улуу адам болоордо ар дайым ар бир инсан ушундай оор сыноодон жана татаал жолдон басып отот. Агай айтмакчы алар басып откон жолун айтып берсе бизге жомоктой сезилет. Нурбек агай ишинизге ийгилик жана ар бир ишинизде Аллахым жар болсун!!!
Super TV
30.05.2011. 03:11 
Тайпасы:
Кыймылы жок
Комментарийлердин саны:
1
Катталган:
30-05-2011
Соӊку аракети:
03-06-2011 01:21
Жынысы:
Белгисиз
0
Kyrgyz Kudai koldosun deit, allah debeit.
30.05.2011. 11:03 
Тайпасы:
Жаран
Комментарийлердин саны:
202
Катталган:
17-03-2008
Соӊку аракети:
29-05-2017 09:11
Жынысы:
Белгисиз
Калаасы:
Бишкек
0
Аялы орус болсо да, озу Орусияда иштеп журсо да кыргызчаны орус акцентин кошпой таптак, тушунуктуу суйлогонун коруп ыраазы болдум. Азаматсыз, Нурбек мырза!
Super TV
30.05.2011. 16:46 
Тайпасы:
Кыймылы жок
Комментарийлердин саны:
1
Катталган:
17-10-2010
Соӊку аракети:
26-09-2016 15:39
Жынысы:
Белгисиз
Калаасы:
ankara
0
Sonun maek boluptur. oto conokoy kishi eken. ishinizge iygilik.
Super TV
31.05.2011. 02:25 
Тайпасы:
Кыймылы жок
Комментарийлердин саны:
43
Катталган:
23-07-2009
Соӊку аракети:
18-07-2016 10:17
Жынысы:
Белгисиз
0
Максатын бийикке койгон байке экен да. Ийгилик Сизге.
31.05.2011. 22:48 
Тайпасы:
Кыймылы жок
Комментарийлердин саны:
70
Катталган:
05-07-2010
Соӊку аракети:
30-04-2012 11:08
Жынысы:
Белгисиз
0
Негизи гений адамдар аз суйлогон, адамдарды суйбогон бир кызыктай суйлогон адамдар болушат, бул режиссер да ошолордун бири экен да
01.06.2011. 19:14 
Тайпасы:
Кыймылы жок
Комментарийлердин саны:
340
Катталган:
04-10-2008
Соӊку аракети:
22-10-2013 14:27
Жынысы:
Белгисиз
0
Бул инсанды "Бакиевдин эрке режиссеру, кол баласы" деп аташат. Чыгармачыл адамдар президент менен жакын болуш да онойго турбай калды бугунку кундо. Анткени бектер кетет эл калат, артынан создор айтылат, анан табакташ болуп жургондорго мына ушундай создор жабышат...
02.06.2011. 15:42 
Тайпасы:
Кыймылы жок
Комментарийлердин саны:
12
Катталган:
12-05-2011
Соӊку аракети:
10-12-2012 10:33
Жынысы:
Белгисиз
Калаасы:
ош
0
Нурбек байке таланттуу экен, мындай кишилерди сыйлап алышыбыз керек! Сизге ийгилик!
02.06.2011. 16:21 
Тайпасы:
Тартип бузгандар
Комментарийлердин саны:
308
Катталган:
18-04-2011
Соӊку аракети:
14-12-2012 17:30
Жынысы:
Белгисиз
Калаасы:
Бишкек.
0
Ишинизге ийгилик,озунузго ден-соолук,уй-булоонузго бакубат жашоо каалайм!Бар болунуз.
Super TV
02.06.2011. 17:47 
Тайпасы:
Жаран
Комментарийлердин саны:
72
Катталган:
15-07-2010
Соӊку аракети:
04-11-2017 14:05
Жынысы:
Белгисиз
0
Орусча айтканда, все гениальное просто!
Super TV
12.06.2011. 19:07 
Тайпасы:
Тартип бузгандар
Комментарийлердин саны:
240
Катталган:
29-09-2010
Соӊку аракети:
08-01-2014 15:07
Жынысы:
Белгисиз
Калаасы:
Авксом
0
Чындыгында озу айткан башынан откон окуялары чын экенине ишенуу кыйын болуп атат.Орусча билбей анан ценарийин окендер окуп,ыйлаганы тан калтырып атат негедир...
Super TV
25.06.2011. 00:39 
Тайпасы:
Кыймылы жок
Комментарийлердин саны:
9
Катталган:
02-09-2009
Соӊку аракети:
03-06-2016 16:23
Жынысы:
Белгисиз
0
чындыгында жонокой киши экен! Талантыныз оркундой берсин! Биз сизден дагы жакшы кинолорду кутобуз! Ишинизге чон чон ийгилик каалайм....
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: