Равшан Жээнбеков: «КЫРГЫЗСТАН КАПЕЛЬНИЦАДА ЖАТАТ»

ЖКнын депутаты Равшан Жээнбеков орусиялык “Независимая газета” басылмасына өлкөдөгү орчундуу саясий маселелер боюнча маек берген. Биз андан кыска үзүндү берүүнү эп көрдүк.
Эл өкүлү Равшан Жээнбеков Ош окуясын иликтеп чыккан эл аралык комиссиянын жыйынтыгына карата “бул чыр-чатактан өзбектер кандай жапа чексе, кыргыздар да ошондой жабыр тарткан. Бирок комиссия УКМКнын алдын алуу иштерине көңүл бөлүүнүн ордуна чатакты баскан адамдарга күнөө коюп салды” деген оюн билдирди. Мындан улам Кыргызстанга тышкы башкаруу киргизип же Түштүк жана Түндүк Кыргызстан деп бөлүү менен федеративдик республикага айлантууну каалагандар жок эместигин баса белгиледи. “Бул кадам жакшылыкка алып барбайт. Анткени кыргыз эли бай болбосо да, эркиндикти сүйгөн жана намыскөй эл”,- деп жооп берди.
Ал эми өлкөнүн экономикалык кырдаалына токтолгон депутат Кыргызстандын азыркы шартын капельницада жаткан оорулуу менен салыштырган. “Бюджеттин тартыштыгы 30 миллиард сомго барабар. Өкмөт башчы болсо Түркия, Орусия жана ЕврАзЭстин каатчылыкка каршы фондунан донордук жардам сурап жүрөт”,- деди. Мындан тышкары буга чейин республикада орусиялык компаниялар активдүү иштеп келишсе, акырындап бул рынокту Кытай менен Түркия ээлей баштагандыгын айтат. “Анткени Орусия саясий элита менен гана кызматташып, Кыргызстандын экономикасына көңүл бөлбөй калды”,- дейт депутат. Ошондой эле Равшан мырза советтик менталитеттен арыла албаган улуу муундагы саясатчылардын кичинекей маселе үчүн да Москвага чуркап бара берүүсүн токтотуу керектигин айтты.
Сөз соңунда быйыл өтүүчү президенттик шайлоо тууралуу: “Бизде 40ка чукул талапкердин чыгышы салтка айлана баштады. Бир эле парламенттеги 5 партиянын ар биринен 1-2ден талапкер чыгат. Андан сырткары ЖКга өтпөй калган партиялар да бар. Көнгөн адат боюнча негизги күрөш түндүк менен түштүк кланынын ортосунда жүрөт. Бирок айрым саясатчылар аймактык алкактан чыгып, элге улуттук деңгээлдеги программа сунуштай алат деп ишенем”,- деп маегин бүтүргөн.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

arlekino

2011-05-30 11:22:19

Чындан эле 40чукул (кому не лень) талапкер чыккандыгы озу эле айтып турат КР татыктуу бир да адам жок президентке...талапкер!!! жердеш, клан деген темага такап алып (жонокой адамдар аларга чуркап) хронич.оору м.н ооуршат эмеспи..(же шайланган адамдын колокосу тийсечи чуркагандарга) ошону ойлонушпай эле ураалап элдер да дуулдап калышат...чуркабай, угуттобой ызылдабай койсунчу бироосу шайланат да...

jansezim26

2011-05-30 11:53:11

баары чын,баары туура урматтуу Равшан байке.

cosmopolit

2011-06-01 00:46:17

Да... абдан таамай айтыптыр...азаматсыз Равшан ага!!!...КГ да ушундай кыраакы саясатчылар коп болсо жакшы болмок...

Light

2011-06-01 19:49:30

Эн туура айтылган..Азаматсыз

engel

2011-06-04 02:17:46

tuurasy tuura,a eger chynyn aytkanda Ravshan bayke bisdin aiyldan bolot birok men bilgeni al adam osunun aiylyna shayloo jakyndaganda gana barat,kop nerseni ubada beret,el os balasyna ishenet koldoyt,birok shayloo butkondon k-n bilbeym je boshoboybu je aytkanyn unutup kalaby any kiyinki shayloogo cheyin koro albaysyn!emi osunor tarasalagylachy kimisine ishenuugo bolot!?Kechirinis albette birok bul achuu chyndyk!!!

UvE

2011-06-04 13:06:08

Бир аз таамай суйлоп койсо биз ошол саясатчыны тим эле колдоп, мактап жиберебиз, андан коро жасаган ишин коруп, билип туруп анан колдойлучу, туугандар! Таамай суйлоп, элге жага турган созду бомж деле айта алат!

Zamira

2011-06-04 21:48:53

UvE Туура айтасын.

Комментарий калтыруу үчүн өз ысымыңыз менен кириңиз же каттоодон өтүңүз.

№ 447, 27-май - 2-июнь, 2011-жыл