Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МИЛИЦИЯ КЫЗМАТКЕРИ АКЧА ҮЧҮН ӨНӨГҮН АТЫП ТАШТАДЫ

№260 26-октябрь-1-ноябрь


"43 миң 750 доллар үчүн Карасуу райондук ички иштер бөлү­мүнүн кызматкери, лейтенант А.А. чогуу иштеп жүргөн өнөгүн атып салыптыр..." Өткөн аптада Карасуу шаарында катталган бул кылмыш көпчүлүктүн кулагын түрдүрүп, резонанс жаратты.

КАРАСУУ БАЗАРЫ
Түштүктө эле эмес, жалпы Кыргызстанда Карасуу базары көп чырдын башы, миллиондогон акча айланган майлуу-сүттүү базар катары таанымал. Жакынкы эки жыл ичинде эле ушул базардын айынан бир нече митингдер өтүп, бир эмес, эки базар башчысы киллердин огунан каза тапкан. Ушул чуулгандуу базарда иштегендер өзбектердин сумун долларга алмаштырып иштеген "валютчик" Махмуджанды жакшы таанышаар эле. Бул киши уулу Шерзодбекке кошо кыргызстандык Таалайбек, Мавлян аттуу жигиттер менен чогуу базарда сентябрь айынан тартып валюта алмаштырып иштей баштаган. Айрым тааныштары анын Өзбекстанда көп жылдар бою милиция кызматында иштеп, 2002-жылы Чуст шаарынын РИИБ башчысы, милициянын подполковниги кезинде пенсияга чыкканын, учурда өзбектердин Карасуу шаарында жашаарын жакшы билишчү.

КАНАЛГА ТАРТЫЛГАН ЗЫМ ЖОЛ
Үстүбүздөгү жылдын 15-октябрында Карасуу райондук ички иштер бөлүмүнө Махмуджан Мамарасуловдун уулу менен жубайы келип, үй ээси 14-октябрь күнү таң эрте үйдөн чыгып кеткен боюнча кайрылып келбегенин айтып арыз жазышкан. Уулу Шерзодбектин айтымында, атасы экөө ошол күнү таң эрте Карасуу базарына келишкен. Адаттагыдай эле Мавлян жана Таалай аттуу өнөктөрү менен бирге өзбек сумун сатып ала башташкан. Түшкө жакын Махмуджан уулу Шерзодбекти үйүнө, Өзбекстандын Карасуу шаарына жөнөтүп, өзү түнкүсүн бараарын айтып калып калган. Кечки саат алтылар чамасында Шерзодбекке атасы телефон чалып, өзүлөрүнүн "постуна" барып туруусун дайындайт. Шерзодбектин айтымында, алар "өзүбүздүн "пост" деп Кыргызстан менен Өзбекстанды бөлүп турган канал аркылуу жүргүзүлгөн жоон зымды айтышчу. Дал ушул зым аркылуу алар акчаны бажыга каттатпай, мыйзамсыз жол менен алып өткөрүп турушкан. Канал үстүнө салынган зым жолу аркылуу акчалардын аман-эсен өткөрүлүп турушуна Карасуу шаарынын тургуну, Бахтияр аттуу жигит жардам берип турчу. Айтор, бул күнү да уулу акчаны өткөрүүчү каналга келип күткөн. Бирок, атасы келбеди...

43 МИҢ 750 ДОЛЛАР...
Арыздын негизинде шашылыш ыкчам иликтөөчү топ түзүлүп, иликтөө башталды. Кылмыш иликтөөчүлөр алгач ошол күнү Мамарасулов менен чогуу иштеген эки шеригин табышты. Сарай айылынын тургуну Т.Рахманалиев да, Савай айылынын тургуну М.Тургунбаев да ошол күнү кечке маал Мамарасуловго кимдир-бирөө телефон чалгандыгын, сүйлөшүүлөргө караганда, ал адам "машина жөнөтөм" дегендигин, бир аздан соң кызыл түстүү "Мерседес" келгендигин, экөө жардамдашып төрт сумкадагы акчаны багажникке салышып, Мамарасуловду жөнөтүшкөндүгүн, ошондон тартып аны көрүшпөгөндүгүн айтып беришти. Алардын айтымында, Мамарасулов жумасына эки-үч ирет 30-40 миң доллар акчаны ушинтип Өзбекстанга алып кетип тураар эле. 14-октябрь күнү Мамарасулов каналдагы зым менен акчаны өткөрүп турууга жардам берген Бахтияр аттуу жигитке телефон чалып: "Айлана-тегерек тынч элеби? Акчаны алпара берүүгө болобу?"- деп сурап, "баары жайында, эртерээк келип калгыла" деген жооп алган.
Дым-дареги чыкпай калган адамды табуу үчүн кичинекей илинчек таап алган кылмыш иликтөөчүлөр суракты улантып жатып күтүлбөгөн маалыматка туш болушту. Көрсө, Мамарасуловго базардан чогулткан акчаларды чегарага чейин алпарууга өзүлөрүнүн эле кесиптеши, Карасуу райондук ички иштер бөлүмүнүн кызматкери, лейтенант А.А. жардам берип турчу экен. 2004-жылдан бери милицияда кызматта жүргөн 28 жаштагы бул жигит Мамарасулов менен абдан жакшы мамиледе экендиги, экөө ошол 14-октябрь күнү да телефон аркылуу сүйлөшкөндөрү маалым болду. Алгачкы илинчектер табылган соң сурак улантылып отуруп, дайынсыз кеткен Мамарасуловдун эми балдарын, жубайын, дос-душманын экинчи көрө албастыгы, ал ошол эле күнү тигил дүйнөгө жол алганы билинди.

РИИБ КЫЗМАТКЕРИ – НОМЕР БИРИНЧИ ШЕКТҮҮ
"Менин милициям мени коргойт!" Бул – жалпыга тааныш фраза. Бирок, жашоодо тескерисинче, милиция коргобой эле кордоп, атүгүл минтип өлтүрүп койгон учурлар да болот.
ИИМден берилген маалыматтарга таянсак, лейтенант А.А. Мамарасуловго базардан чогулган акчаларды бирөөлөргө тарттырып ийбей, аман-эсен чегарага жеткизүүгө жардам берип жүргөн. 18-октябрда кармалып, РИИБдин убактылуу кармоочу жайына алынып келинген лейтенант артка жол жоктугун түшүнүп, эмне окуя болгондугун айтып берүүгө аргасыз болду.
Ошол күнү лейтенант жана кызыл "Мерседестин" ээси К.Ш. Мамарасулов менен бирге Өзбекстандын чегарасын, жогоруда айтылган зым тартылган каналды көздөй жөнөшкөн. Бирок, белгиленген жерге жете электе лейтенант А.А. менен Мамарасулов чырдаша кетишкен. Күтүлбөгөн жерден лейтенант табелдик тапанчасын сууруп чыгып, өнөктөшү Мамарасуловду бир нече ирет башына, анан жүрөк тушуна атып салган. Бир саамдан кийин эстерин жыйган соң машина ээси К.Ш. экөө Бишкекти көздөй жол тартышкан. Бир нече жүз чакырым жолдо токтобой жүрүп отурган экөө таң эрте лейтенант А.Анын Бишкектин Свердлов районунда жашаган атасынын үйүнө келишип, Мамарасуловдун сөөгүн короого терең ор казып туруп, көмүп салып кете беришкен. Канга боёлгон сөөктөн кутулушкан соң экөө кайрадан эч жерге токтобой жүрүп отуруп Ошко келишип, Кызылкыштак айылынын четиндеги камыштардын арасына акча салынган төрт баштыкты бекитип салышкан.
Ошентип, 19-октябрда камакка алынган экөөнүн көрсөтмөсү боюнча бир нече күбөлөрдүн жана Карасуу райондук прокурорунун катышуусунда Кызылкыштак айылынын четине бекитилген төрт баштык акча табылып, далил буюм катары каттоого алынды. Ал эми эртеси жолго чыккан иликтөөчү топ Бишкек шаарынын Свердлов районунун Киров көчөсүндөгү 141-үйгө келип текшерүү жүргүзүшүп, короого көмүлгөн адамдын сөөгүн табышты. Өзбек Республикасынын 43 жаштагы жараны Махмуджан Мамарасулов башына бир нече ирет жана көкүрөгүнө тийген октордон улам каза тааптыр. Учурда Карасуу РИИБинде бул далилге байланыштуу кылмыш иши козголуп, жогоруда айтылгандай, ошол эле РИИБдин кылмыш иликтөөчүсү жана кызыл "Мерседес" машинасынын ээси камакка алынып, Өзбек Республикасынын жаранынын өлүмүнө дагы кимдердин катыштыгы бары такталууда.

(Тергөө жүрүп жаткандыгы эске алынып, кылмышка
шектүү делинип камакка алынган жарандардын
аты-жөнү кыскартылып берилди).

Даярдаган Айбек Нурадилов



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: