Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ИСЛАМ ДИНИН КАБЫЛ АЛГАН ЖЫЛДЫЗДАР»

№261 2-8-ноябрь, 2007-жыл.


«Ислам» деген сөз араб тилинен «өзүн Кудайга арноо» деп которулат. Бул динди “террористтердин дини” деп туура эмес үгүт жүргүзгөн адамдардын саны арбын болсо да, 7-кылымдын башынан тарта азыркы күнгө чейин исламды кабыл алууну каалагандардын саны күндөн-күнгө артып барат. Алардын катарында дүй­нөгө аты таанымал жылдыздар да бар. Эмесе, алардын айрымдары тууралуу...

ЭЙКОН
Батыштан чыккан атактуу ырчы Эйкон (чыныгы аты Аляун Тиам) дагы мусулман. Муну көпчүлүк биле беришпейт. Анткени, ырчы бул тууралуу жар салууну жактырбайт. Кээ бир маалыматтарга караганда, ырчы ислам динин кабыл алганына бир топ жыл болгон. Атасы мусулман, апасы христиан дининдеги адамдар. Ошондой болсо да Эйкондун исламды кабыл алышына атасы эмес, достору жардам берген. Ошондон кийин гана баңгизаттарын сатуу бизнесин токтоткондугун жана аларды өзү эч убакта колдонбогондугун айткан. Айрым маалыматтарга таянсак, Эйкондун учурда үч жубайы бар.

ЮЛИЯ ВОЛКОВА
Канчалаган сенсациялуу жаңылыктардын жаратуучусу “Тату” тобунун солисткасы Юлия Волкованы да ислам динин туткан жылдыздардын катарына кошуп жүрүшөт. Үстүбүздөгү жылдын март айында “Юлия түгөйү Парвиз экөө Аравиянын Дубай шаарындагы чоң мечиттердин биринде жашыруун нике кыйдырышып, ырчы мусулман болууга баш байлаптыр” деген кептер тараган эле. Алгач ырчы мунун баарын четке каккан болчу, бирок, убакыттын өтүшү менен тү­гөйлөр­дүн чынында эле чогуу экендиги маалым болду. Ал тургай 2 айдан кийин балалуу болуу алдында турушат. Таңкалыштуусу, сүйүү­­сү үчүн ислам динин кабыл алган мусулман кыз Юлия тө­рө­түн жер­ги­лик­түү телеканалдардын биринде түз эфир аркылуу көр­сө­түү­гө макулдугун бериптир.

МАРИЯ АЛАЛЫКИНА
“Фабрика” тобунун экс-солисткасы Мария Алалыкина мындан эки жыл мурун эле мусулмандардын катарына кошулган экен. Бирок, бул тууралуу көпчүлүккө кабарлоону чечкен эмес. Намазга жыгылууга чыгына албай жүргөн ырчыга апасынын оорусу чоң түрткү болуп, алгачкы жолу алыста жүргөн апасынын өлүм алдында ооруканада жатканын уккандан кийин Жараткандын алдында башын ийип, намазга жыгылган экен. “Биринчи жолу дуба окуп, Кудага сыйынганымда эле жакшы жыйынтык берди. Алла Тааланын бар экендигине дагы бир жолу ынандым жана ал өтө мээримдүү”,- деген билдирүүлөрдү тараткан. Учурда Маша динге берилген адамдардын катарында ыйык Курандын бардык талаптарын аткаруу менен бирге жабык хиджаб кийүүгө да баш байлады.

МАРИЯ ВЕБЕР
Учурдагы Юлия Волкованын жолдошу Парвиз орус кыздарын ислам динине өткөрүү боюнча адис болуп бараткандай. Анткени, Парвиз Юлиядан мурун “Тутси” тобунун солисткасы Мария Веберге баш кошуп, аны да шариятка баш ийген мусулман кызга айландырган экен. Машанын ислам динин кабыл алгандыгы тууралуу ал учурда сөз кылышкан эмес эле. Кийин Парвиз Юлия менен кол кармаша кетип калганда гана Машанын курбусу ырчы Ирина Ортман: “Чындыгында Кудай деген пенде мындай кылбашы керек болчу. Парвиз үчүн Маша эмнелерди гана кылбады. Курбум Парвизге татынакай уул төрөп берүү менен эле чектелип калбастан, ал үчүн ислам динин да туткан”,- деп айткан.

ЮЛИАН
2005-жылдын июнь айында Россиянын эмгек сиңирген артисти, эстрада ырчысы Москва шаарынын гимнинин аткаруучусу Юлиан көпчүлүк күйөрмандарынын алдында ислам динине өткөн. Ал гана эмес өзүнүн атын да мусулмандардын атына окшоштурууну каалап, “менин атым эми Юлиан эмес, Жебраил” деп кабарлаган. Андан тышкары: «Мен мусулман болууну кичинекей чагымда эле каалачумун, бирок, мындай чечкиндүү кадам таштоо өтө кыйынга турган. Эми мындан ары мен үчүн шарият жашоомдун негизги мыйзамы болуп калат. Ошондой эле ислам дининин бардык парздарын аткарууга даярмын»,- деген билдирүү жасаган.

МАЙКЛ ЖЕКСОН
Канчалаган жылдар бою дүйнөгө таанымал болуп келе жаткан поп ырчы Майкл Жексонду да ислам динин кармоого үндөп жүргөн бир тууган агасы Жермен Жексон өз максатына жетти көрүнөт. Бахрейнде жашаган агасынын жанында бир топ убакыт болуп келгенден кийин 2003-жылдын 19-январында Майкл ислам динин кабыл алган. Эмне үчүндүгүн айтпаса да белгилүү болсо керек. Акыркы жылдары ырчыга канчалаган күнөөлөр таңылып, алардын катарында жаш балдарды зордуктаган дегени да бар эле. Мындай турмуштан тажагандыгын, бирок, мусулман болгондон кийин ички дүйнөсү тазарып, жашоосу оң тарапка багыт алгандыгын ырчы жашырбай жар салып келет. Ыймандын таза жолуна түшкөн Майкл Бахрейндин борбору Манама шаарына мечит салдырууну да баштаган эле. Өзүнүн азыркы тагдыры тууралуу ырчы: “Эгерде жашоого үмүт берген Алла Таала жок болсо, менин мындан аркы өмүрүм таптакыр башкача болмок”,- деп Кудайга ыраазычылыгын айтып келет.

УИЛЛ СМИТ
Атактуу америкалык киноактёр жана ырчы Уилл Смит дагы ислам динин кабыл алган дүйнө жылдыздарынын катарына кошулду. Актёрду жашоосундагы мындай чоң өзгөрүүсү менен АКШ­нын мусулмандар коомунун өкүлдөрү куттукташты. Уиллдин бул чечимди кабыл алуусуна да актёрдук кесиби түрткү болгон. Анткени, ал акыркы кинолорунун биринде легендарлуу америкалык боксчу жана ислам динин туткан атактуу инсан Мухаммед Алинин ролун аткарган. Ошондон тарта эле бул динге кызыга баштаган актёр тасмага тартылуу аяктагандан кийин да кинодогу өз каарманынын образынан чыгууну каалаган эмес жана анын жашоосун өз тагдырына байланыштырып улантууну чечкен. Андан көп өтпөй эле өзүн «мусулманмын» деп жарыялаган.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
15.11.2012. 02:01 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
0
Майк Тайсончу ал деле мусулман болуш керек?
15.11.2012. 02:02 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
0
Парвиз деген ким озу?
18.12.2012. 19:56 
Тайпасы:
Тартип бузгандар
Комментарийлердин саны:
226
Катталган:
03-05-2012
Соӊку аракети:
12-06-2018 12:41
Жынысы:
Белгисиз
Калаасы:
жолдошумдун хан сарайы...
0
Туура жолго тушкон инсандарга Алла раазы болсун! Дегеле мусулман, ислам, куран, ыйман жонундо укканымда ичимде кандайдыр бир сезим пайда болот. Ислам дини - улуу дин! Мен мусулман болуп жаралганыма Аллага шугур кылам!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: