Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

НИКЕ ТОЮ-КЫЯЛДАГЫ ЖОМОК ЖҮЗӨГӨ АШКАН КҮН

№261 2-8-ноябрь, 2007-жыл.


Өмүрдө бир ирет болуучу үйлөнүү үлпөт тоюна кыздар, жигиттер деле кичинекей кезинен тартып кам көрүп, ой-кыялда түрдүүчө элестетип келишет. Бирок, ошол учур келгенде эле убакыттын абдан тартыш экендиги, ар бир саат, ар бир мүнөт саналуу экени билинип, кыз-жигит буту күйгөн тооктон бетер чуркап калышат. Чуркабаганда анан, эң эле романтикалуу салтанат болуп туюлганы менен үйлөнүү тою канча түйшүктү камтыйт эмеспи. ЗАГСка арыз таштоо, тойго ыңгайлуу бир датаны белгилөө, тойго көйнөк, костюм тандоо, чач жасалгасы, нике шакегин алуу, нике кортеж, фотограф, оператор жалдоо, кафе же ресторанда той берүү, дагы далай түйшүктөр... Мындай маселелерди бир жаңсыл кылгыча эле салтанаттуу той күнү кирип келет да, өмүр бою күткөн, бир нече күндөр бою уйку бербеген үйлөнүү үлпөтү көздү ачып-жумгуча өтүп кете берет. Мына ушул көздү ачып-жумгуча эле өтүп кетээр күндү өмүр бою эсте калаарлык кылып өткөрүү үчүн эмнелер керек жана ал үчүн сизден канча каражат талап кылынат? Бул жөнүндө биз кенен маалымат бермекчибиз.
Ашыкча маалыматтар менен башты оорутпас үчүн биз Бишкек шаарындагы үйлөнүү тойлоруна, демек, башкалаабыздагы тойлор капчыктан канча каражат талап кылаарына токтолдук.
Биринчи кезекте албетте, кыздын нике көйнөгү, жигиттин ни­ке костюму. Нике көй­нөктү биздин күндө атайын заказ менен тиктирип, даярын сатып алып же абдан кеңири тараган вариантына токтолуп прокатка алууга болот. Тиктиргенде, сатып алганда деле кыздын эне-атасынын чөнтө­гүнөн 5-6 миң сомдон 10-30 миң сомго чейинки акчасы кетет. Ал эми прокатка Бишкектеги нике салондордон 1000 сомдон тартып 40 миң сомго (чет жердик фирмалардын көйнөктөрүн) чейинки көйнөктөрдү алууга болот.
Жигиттин костюму сөзсүз кара түстө болуш керек деген заман алда качан артта калган. Азыркы замандын модасында гармония алдыңкы планга чыккан. Башкача айтканда, жигиттин костюму кыздын көйнөгүнө, галстугу кыздын колундагы гүлдестеге үндөшүп турушу зарыл. Эркектерге костюмду кадимки эле базар, дүкөндөрдөн тартып ошол эле нике салондорунан табууга болот. Кыздардан айырмаланып, жигиттер нике тоюна костюмду прокатка эмес, биротоло сатып алууну ылайык көрүшөт. Костюмдарды 500-700 сомдон тартып 10 миң сомго чейин алууга болот.
Көйнөк-костюмдар тандалган соң жигит-кыздын туфлилерине кезек келет. Туфлилер да албетте, көйнөк, костюмга ылайык келиши шарт. Аларды 500 сомдон тартып 2-3 миң сомго чейин алууга болот.
Колуктунун нике көйнөгү менен катар башына кийилүүчү фатасы да абдан маанилүү. Көйнөктөн айырмаланып, фатаны прокатка алууга болбойт. “Бирөөнүн фатасын кийүү да, өзүнүн фатасын бирөөгө берүү да жакшы жөрөлгө эмес” деп коюшат. Андыктан, фатаны сатып алууга туура келет. Кыздын фатасы Бишкектин нике салондорунда 350-400 сомдон тартып 1500 сомго чейин барат.
Күйөө болчу жигиттин галстугу же моюнга тагылчу көпөлөк колуктунун көйнөгүнө, колундагы гүлдестесине үндөшүп, атүгүл өңдөш болсо жакшы. Аларды 200 сомдон тартып 700 сомго чейин табууга болот.
Нике тоюнда колуктуга кайталангыс сулуулук берген көйнөк, фатадан бөлөк дагы маанилүү эмне бар? Албетте, чач жасалгасы. Фатага жараша чачты жасалгалоо абдан маанилүү маселе болуп эсептелинет. Азыркы күндө мурдагыдай чачты толук жапкан фаталардын ордуна чачка майда кооз гүлдөрдү кошуп жасалгалап, башты ачык калтыруу модага айланган. Чач жасалгасы колуктудан 400-500 сомдон тартып 4 миң сомго чейинки каражатты талап кылат.
Жигитке, жигиттин досуна жана колуктунун курбусуна тагылуучу бутоньерканы да унутпоо зарыл. Салондордо бул буюм 200 сомго чейинки баада сатылат.
Чач жасалгасы менен кошо колуктунун өң-келбетин да көңүлдөн тыш калтырууга болбойт. Макияжды колукту өзү жасап алса деле болот. Бирок, мындай маанилүү күндө өз ишин мыкты билген адистерге кайрылуу да артыкбаш болбос эле. Салондордо колуктуга макияжды 200 сомдон 1000 сомго чейин жасап беришет.
Колуктунун кийимин толуктаган дагы бир деталь – колундагы гүлдесте. Гүлдестелерди даяр түрүндө сатып алса же кийимдерге жараша заказ менен жасатса да болот. Ал үчүн 350 сомдон 4 миң сомго чейин акча сарптоого туура келет.
Эң маанилүү нерсени унутуп бараткан жокпузбу? Кандай нике той нике шакегисиз өтсүн?! Нике шакегине келгенде жигит менен колуктуга тандоо мүмкүн­чүлүгү кеңири. Анткени, башкалаабыздын зергердик рыногунда нике шакектери өзүнчө чоң бизнес болуп саналат. ЦУМдун, “Ош базарынын” айланасында зергердик жасалгаларды сатып иштеген күркө­лөр­дөн тартып зер­гер­дик дүкөн, борборлордун ар биринде нике шакектеринин толгон-токой түрлөрү бар. Алардын экөөсүн чогуу 1500 сомдон тартып 40 миң, кааласа андан бир нече эсе көп акчага деле сатып алууга болот.
Эми кезек чакыруу кагазында. Илгери жигит-кыздын документтер үчүн түш­көн сүрөттөрү менен эле чакыруу кагазын даярдап коюшчу. Азыр компьютердик технологиянын жетишкендигине ыраазы боло түрдүү варианттагы чакыруу кагаздарын жасатууга болот. Алар үчүн 180 сомдон 500 сомго чейинки каражат талап кылынат.
Бул күн – күйөө менен колуктунун эсинде өмүр бою жаркын элес менен сакталып калаар күн. Бирок, эс-тутумдагы элестерди башка жол менен да көөнөргүс кылып сактап калууга болот. Алар: фото сүрөттөр, видеотасма. Учурда Бишкектеги фотографтар, операторлор нике тойду толугу менен 1000 сомдон тартып 5 миң сомго чейин тартышат.
Нике тоюнун таттуу даамын ого бетер ача турган нерсе – нике тоюндагы торт. Тортту калаабыздагы кондитердик фирмаларга заказ кылууга болот. Алар торттун килограммын 100 сомдон 200 сомго чейин жасап беришет.
Жигит менен колукту даяр болду, коноктор чакырылды. Демек, кезек нике кортежине, башкача айтканда, унаага келди. Нике кортежинде канчалык машиналар көп болсо, той ээлеринин аброю да ошончолук чоң экени жашыруун эмес. Учурда Бишкекте заказ менен иштеген “Лимузиндерге” 2-3 саат үчүн 100 доллардан тартып 250 долларга чейин төлөөгө туура келет. Ал эми акыркы күндөрү ак сөөктөрдүн тойлорун элестеткен ат араба модага айланып барат. Баштан-аяк гүлдөр, ленталар менен жасалгаланган ат арабада жаштардын сейилдөөсүнүн бир сааты 100 доллар турат.
Жогоруда саналып өткөндөрдүн баары бир жолго алпарат. Ал – никени каттоодон өткөзүүчү Бакыт үйү. Таңкалыштуусу, үйлөнүү тоюна сарпталган каражаттардын эң арзаны негизги маселе болгон нике каттоосу экен. ЗАГСтан өтүү үчүн жаштар 25 сом салык, каттоо үчүн 750 сом төлөшөт.
Демек, ата-эне, дос-курбуларды, негизгиси, турмуштун катаал жолуна аттанышкан эки жашты кайталангыс бакытка бөлөп, эч качан унутулгус болуп калаар үйлөнүү тоюна керектелээр чыгымдар ушулар. Жогоруда саналып өткөн чыгымдарга үйлөнүү тою өтүүчү ка­фе, ресторан, тамада, ырчы-чоорчуларга кетүүчү каражаттар да кошулат. Маселенин бул жагын майдалап санабаганыбыздын себеби, катыш-байланыштарына, мүм­күн­чүлүктөрүнө жараша ар ким түрдүү суммада каражат сарпташы мүмкүн. Эмнеси болсо да, урматтуу окурман, биз баш кошкон жаштарга чексиз бакыт, түбөлүк алоолонгон сүйүү каалайбыз!

Даярдаган Шаиста Шатманова, Фотолор Султан Досалиевдики



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: