Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

НИКОЛАЙ БАСКОВ

№263 16-22-ноябрь, 2007-ж.


Опера жана эстрада ырчысы Николай Басков да көпчүлүк атактуу ырчылардай эле кичинекей кезинен таланттуу чыгып, сахнада, эл алдында чоңойгон. Алгачкы жолу балдар бакчасында тарбиячысы жаттаткан төрт сап ырын айтуу үчүн ата-энелердин алдына чыгаар маалда катуу сүрдөп, буттары калтыраганынан баса албай, ырын да айтпай калыптыр. Бирок, 10 жашынан тарта сахнанын коён жатагына чейин билген жаш аткаруучу болууга жетишкен. Ал эми кыздарга кат жазуу дегенди башынан өткөргөн эмес. Анткени, Николайдын кол жазмасы өтө жаман болчу.
Николай аскер кызматкери менен математика мугалиминин үйбүлөсүндө туулган. Уулунун элде жок өзгөчө таза үнү бар экендигин байкашкан ата-энеси Николай 5 жашка толгондон тарта музыкалык билим берүүнү туура көрүшкөн. Аскер кызматкерлеринин жашоосу айтпаса да белгилүү эмеспи, ар бир шаарга көчүп- конуп дегендей. Бирок, ага карабастан кайсы жакка көчүп барышпасын, ата-эне баласын жаңы музыка мугалимининин колуна тапшырышчу. Ошентип, 1986-1992-жылдары Коля жаш актёрлор музыкалык театрынын курамына кошулуп, алар менен дүйнөнүн АКШ, Франция, Израиль, Швейцария сыяктуу өлкөлөрүн кыдырып чыккан. Ал эми 1996-жылы Гнесин атындагы Россия музыкалык академиясынын опера тармагына тапшырат. Бул окуусун кызыл диплом менен аяктап, кийин Чайковский атындагы Москва мамлекеттик консерваториясынан аспирантураны алтын медаль менен бүтүргөн. Ошол эле учурда Николай спорт менен машыгууну да унутпастан, сууда сүзүү боюнча 2-разряддагы спортчу болууга үлгүргөн.
Канчалык өз талантын таптаган сайын жыйынтыгы оң чыгып, 1999-жылы “Карузонун элесине” аттуу ыры популярдуулукка жетишет. Бул чыгарма “Европа плюс” радиосу жүргүзгөн хит-параддын биринчи орунун бир нече жумалар бою эч кимге бербестен кармап турган. Миллиондогон нускада чыгарылган бул ырын камтыган Николайдын “Арноо” аттуу альбому күйөрмандар арасында талашка түшкөнү анык. Ийгиликтер биринин артынан бири баш ийип, ошол эле жылы экинчи альбому жарык көрөт. 2000-жылы чыккан “Өткөн кылымдын шедеврлери” аттуу альбому да мыкты сынчылардын “эң жакшы” деген баасына арзыган. Опера ырчыларынын тарыхына жаңылык киргизип, «эң жаш опера ырчысы» деп да аталган. Ошентип, жаңы кылым башталган жылы өз таланты менен көпчү­лүк­тү таңкалтырган Николай чыгармачылыгына чоң салым кошкон продюсери Борис Шпигель менен таанышкан.
Борис Шпигель өз ишин ошол учурдагы Басковдун эң популярдуу чыгармасы “Карузонун элесине” аттуу ырына клип тарттыруу менен баштайт. Андан кийинки эл баалаган чыгармалары биринин артынан бири жарык көрө баштайт. “Жылдын мыкты ырчысы”, “Овация”, “Алтын граммофон”, “Жылдын стили” жана башка көптөгөн сыйлыктардын ээси болууга жетишет. Мындай ийгиликтерге жетишүүсүнө продюсеринин эмгеги чоң экендигин ырчы жашырбай айтып келет. Бирок, Николай үчүн Шпигелдин пайдасы чыгармачылыгында гана эмес, жеке турмушунда да чоң мааниге ээ. Анткени, Николай өз продюсеринин кызына баш кошкон.
Жаш, таланттуу, сулуу жүздүү, атактуу ырчы жигит бир күнү өз продюсеринин үйүн көздөй бет алат. Баарынан бейкапар эле үйдүн коңгуроосун басып, көз алдында турган татынакай кызга көзү чагылышат. Бул сулуу айым Борис Шпигелдин жападан жалгыз кызы Светлана эле. Мына, ушул күнү, ушул саатта жана ушул жерден атактуу опера жана эстрада ырчысы Николай Басков өз сүйүүсүнө жолуккан. Андан көп узабай эле чыгармачылык иштери менен Италияга сапар тартууга туура келет. Жаңы таанышып эле жылдыздары келише түшкөн жаштар Италияга чогуу барууну пландашат. Экөө тең сүйүү отуна кабылып калгандыктарын ичтеринен туюп турса да бири-бирине даап айтуудан тартынышып, ички сезимдерин сактап турууну оң көрүшөт. Бир күнү Николай таң эртең эмнеси болсо да арзуусун билдирүүнү чечип, Светлана жаткан мейманкананын алдына туруп, сүйүүсүн серенада аркылуу билдирген. Тилекке каршы, ал учурда Света катуу уктап жаткандыктан, серенаданын акыркы гана бир сабын угууга жетишкен. Ушундан тарта мамилелери жакындашып, кыз-жигит катары бир жыл сүйлө­шүп жүргөн­дөн кийин гана баш кошууга бел байлашат. 2001-жылы бир канча атактуу адамдардын курчоосунда эки жаштын дүңгүрө­гөн үйлөнүү тою болуп өт­­­көн.
Үйбүлөлүү болсо да өз карьерасы үчүн баарына даяр экендигин билгизип, жубайы экөө балалуу болуу кубанычын кийинки убактарга калтыра турууну чечишет. Кээде “балалуу болууга өзүмдөн балалык сезим кеткенде гана камынам” деген билдирүүлөрүн айтып келген эле. Бирок, “эл оозунда элек жок” демекчи, “Басков балалуу боло албайт экен, врачтар ага «тукумсуз» деген диагноз коюшуптур” деген кептер тез эле ырчынын күйөрмандарына жетет.
Мындай ушак-кептерге маани бербеген Николай Басков “Мен 25 жаштамын”, “Кош бол деп айтпа”, Таисия Павалий менен биргеликте “Мени коё бер” жана “Мыкты ырлар” аттуу альбомдорун жаратууга жетишет. “Золушка”, “Кар ханышасы” жомокторунда роль жаратып, актёрлуктун да даамын татканын айта кетпесе болбос. Ал гана эмес “Россия Федерациясынын Эмгек сиңирген артисти”, “Украинанын Эл артисти” наамдарынын ээси жана “Россиянын алтын үнү” деп аталууга да үлгүрөт. Бардык жагынан биринчи болууну жактырган ырчы өз карьерасын алга жылдыруу менен эле токтоп калбастан, үйбүлөсүн да ынтымакта сактап келген. 2005-жылдын апрель айында Бронислав аттуу уулдуу болушкан. Николайдын жубайы Светлана үйбүлөсүнүн жалгыз кызы болгондуктан, уулуна Басков-Шпигель деген фамилия беришкен. Ал эми жалгыз кызын ата-энесинен ажыратууну туура көрбөгөндүктөн, Николай кайнаталары менен чогуу жашачу.
Акыркы күндөрү “Басков кайрадан бойдок” деген ушактар басма сөз маалыматтарында жайнап кетти. Тилекке каршы, жубайлар бул сөздөр ачуу чындык экенин далилдешип, экөө тең «ажырашуу керек» деп чечишкенин жарыялашты. Бул үйбүлөнүн жакындарынын айтымында, Света Шпигель учурунда Коля үчүн баарына даяр эле. Талабы катуу еврейлердин бүлөсүндө иудаисттик ишенимде тарбияланган Света Коля экөө үйлөнгөн соң аны менен чиркөөдө баш кошуу үчүн ата-энесине айтпай жашыруун түрдө динин да алмаштырып, православдык ишенимге өткөнү жөнүндө эми айтыла баштады.
Жубайлар ажырашуунун себебин элге жар салууну туура көрүшпөйт. Ал эми Николайдын жана Светанын үйбүлөлүк досторунун айтымында, уруш-талашы жок эле жөн гана эки башка жашоону чечишкен. Мунун дагы бир себеби, ортолорундагы сезимдердин сууп, бири-биринен тажап калгандыгында. Ажырашуу кезинде Басков эч бир мүлккө кол тийгизбей, бардык дүйнө-мүлкүн жубайы менен баласына таштагандыгы, үйүнөн жалгыз машинасы менен гана чыгып кеткендиги маалым болду. Ал гана эмес, аялы менен ажырашкан соң Басков кайната продюсери менен да иштешпей калды.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: