Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЯНА ЧУРИКОВА

№264 23-29-ноябрь, 2007-ж.


Мындан 6 жыл мурун Россиянын Биринчи каналынан “Фабрика звёзд” деп аталган жаңы долбоор старт алган болчу. Бул долбоор менен кошо Орусиянын Биринчи каналында Яна Чурикова аттуу тилинен чаңы чыккан телеалпаруучу элге тааныла баштаган. КМШ өлкөлөрүнө таанымал теледива аты чыгып, атактуулардын катарына кошулганга чейин эле мыкты журналист катары эмгектенип келген. Бирок, ал тууралуу алпаруучунун биздин мекенибиздеги күйөрмандары биле беришпейт.

Толук аты-жөнү – Яна Алексеевна Чурикова
Туулган жылы – 1978-жылдын 6-ноябры
Жашаган жери – Москва шаары
Ырахаттанып жасаганы – Сигара тартуу
Колдонгон чөнтөк телефону – nokia N 73, көп жолу жерге түшүрүп алгандыктан, сынык жерлери бар
Кантип эс алат – Уктап
Үйбүлөлүк абалы – Турмушка чыккан, баласы жок

Учурда Яна Чурикованы сөздүн гүлүн терип сүйлөгөн мыкты телеалпаруучулардын катарына кошуп келебиз. Ошол Янанын балалыгында 4 жашка чейин тили жакшы чыкпаганына ишенүү кыйын. Ал гана эмес, төрөлгөндө эле 4 жарым килограмм салмакта жарык дүйнөгө келип, эне сүтү менен чоңойгон Яна бой жеткиче өтө толук болуп, өзүнөн-өзү уялчу. Ошентсе да бир аз эс тарткандан тарта шок кыз болгонун жашырбайт. Атасы аскер кызматкери болгондуктан, дүйнөнүн ар кайсы шаарларына көчүп-конуп жүрүп чоңойгон. Ал эми 1-класска Венгрияда барган. Апасы Елена Вадимовна кесиби боюнча экономист. Көпчүлүк Янаны «Россиянын эл артисти Инна Чурикованын кызы» деп билишет. Бирок, чындыгында, Инна экөөнүн ортосунда окшош фамилиядан башка эч кандай байланыш жок.
Мындай сөздөр атактуулукка жетишкенде гана чыга баштаган. Ал эми Яна кичине кезинде шоктук жагынан эркек балдардан ашып түшүп, кээде керек болсо аларды сабап да койчу экен. Жөн эле куурчактарды колуна алып үйдө ойноп отуруу деген Янанын жашоосунда болгон эмес. Анын ордуна көчөдөгү балдар менен бактын башына чыгып, атышып ойногонду жактырчу. Бир аз эс тарткан сайын мурдагы оюндан башканы ойлобогон кыздын окууга болгон кызыгуусу күчөп, билимге берилген акылдуу жаштардын катарына кошулат.
Алгебра сабагынан артта калганы болбосо, алтын медаль менен мектепти бүтө тургандай билими бар болгон. Жалпы мектептик билими тууралуу аттестаты колуна тийгенден кийин эле окуусун улантуу максатында М.В.Ломоносов атындагы Москва мамлекеттик университетинин журналистика факультетине тапшырат. Тынч отурууну жашынан жактырбаган болочок журналист студенттик күндөрүндө эле иштей баштайт. Жергиликтүү басма сөздөрдө штаттан сырткары иштеп бир аз тажрыйба топтогондон кийин окуусун бүтүрүп, дипломун колго алат. 1992-жылдан тарта “Глагол” газетасында катардагы кабарчы болуп эмгектене баштаган. Арадан 4 жыл убакыт өткөндөн кийин гана карьерасына кам көрүүнү чечип, алдыга жылууну пландап, тележурналистика жагына багыт алган. 1996-жылы «АТВ» деп аталган телеканалга ишке орношот. Кийинки жылы «Biz TV» каналында эмгектенет. Тилинен чаңы чыккан Янанын камера алдында иштей турган кыз экендигине толук ишенишпесе да телевидениенин адамы экендигине ынанышкан кээ бир продюсерлер ишке чакырууларын башташат.
1998-2003-жылдары “MTV Россия“ каналында иштеп жүргөндө эмгегин баалабагандыгы үчүн таарынууну жараткан. Анткени, Яна өз талантына толугу менен ишенип, экранга чыгуу дагы колунан келээрине көзү жеткен. Бирок, андай мүмкүнчү­лүккө ээ болуу оңойго турган жок. “Күчтүү каалоонун артынан баарына жетишүүгө болот” демекчи, жетекчилик Янанын канчалаган суранууларына терс жооп беришкени менен эфирге чыгуучу адам келбей калганда анын ордуна кимди чыгараарын билишпей, Янадан өздөрү суранышкан. Тилекке каршы, бул жолку эфир болочоктогу эң популярдуу телеалпаруучу Яна үчүн ийгиликтүү болгон эмес. Ошентсе да күжүрмөн эмгектин артынан көксөгөн максатына жетип, бул каналдын алдыңкы телеалпаруучуларынын катарына кошулган. “12 злобных зрителей” берүүсүн эң кызыктуу жана элге жагымдуу алпарууга жетишкен.
Күнү-түнү үйгө келбей иш үстүндө уктап, тамактанып, жуунуп, башкача айтканда, жумушунда “жашап” жүрүп Яна өзүнүн жеке карьерасында атактуулукка жол ачат. Жаш болсо да жеке жашоосун аксатпоонун амалын таап, турмушка да чыгат. Кызыктуусу, Янанын ал кезде өз жашоосун ойлоого убактысы жок болгондуктан, жаңы эле концерттен таанышкан армян улутундагы өзүнөн бир жаш улуу Гриша аттуу жигитке турмушка чыгууга макулдугун берген. Бири-бирин алгачкы жолу көргөн күнү эле “сен мага турмушка чыгасың. Сен меникисиң!” деген Гришанын сөзүнө: “Сеники болсом сеникимин да”,- деп Яна жооп кайтарган. Ушундай жол менен эч камаарабастан эки жаш баш кошууга бел байлашкан. Бирок, тынымсыз жумуштун айынан жаш жубайлар чогуу жашоого деле толук үлгүрүшкөн эмес. Анткени, баягы эле аягы көрүнбөс жумуш, пикир келишпестиктер ажырашууга алып келди.
2002-жылы Яна Чурикова Россиянын Биринчи каналына жумушка чакырылат. Көп узабай эле “Доброе утро”, “Реактив” берүүлөрүнүн алпаруучусу катары эфирге чыга баштайт. Ошондой эле Янаны көпчүлүк күйөрмандары “Фабрика звёзд” теледолбоору аркылуу таанышкандыгында талаш жок. “Фабрикага” алпаруучулукка Яна канчалаган атактуу актёр, алпаруучу, ырчы жана куудулдардын арасында болгон кастингден жеңип алуу менен келген. Учурда анын татыктуу алпарып жатканына баарыбыз күбөбүз. Бирок, ар бир иш чалынуусуз болбойт экендигин билебиз. Ошондой эле Янанын да чыгармачылыгы мындай кокустуктарды айланып өткөн эмес. “Жаңылбас жаак, мүдүрүлбөс туяк болбойт” демекчи, көпчүлүк учурда түз эфирде иштегендиктен, кээде туура эмес сүйлөп алгандыгы үчүн сот иштерине чейин барганы маалым.
Жеке турмушун да унутта калтырбастан, мындан 3 жыл мурун Иван Цыбин аттуу өзүнөн 9 жашка улуу телережиссёрго турмушка чыккан. Экөөнүн үйбүлөлүк турмушунун да башталышы өзгөчө болгон. Кесиптеши менен болгон романы жөн эле эриккенден башталган. “Таптакыр башым бош жүргүчө деп эле Ваня экөөбүз сүйлөшүп жүрдүк. Эч кандай сүйүү сезимдери болгон эмес. Бир күнү эле баш кошуп, бирге түтүн булатуу жөнүндө сүйлөштүк да, үйлөнүү тоюн бердик”,- дейт бул тууралуу Яна. Үйлөнүү тойлорунда болсо саат онго он мүнөт калганда жөн гана барып, керектүү кагаздарга кол койгондон кийин 12де түгөйлөрдүн экөө тең өз кызматтарына жол тартышкан. Ошондон бери жубайлар чогуу жашап келишет. Бирок, Яна алигиче эле кызматына өтө берилгендиктен, үйүндө болгон убактысы аз. Ал эми телевидениедеги жумушунан тышкары учурда “Viva” журналынын башкы редактору катары да эмгектенет. Журналисттердин “качан эне болууну пландаштырып жатасыңар?” деген суроолоруна Яна учурда 29 жашта болгонуна карабастан: “Балалуу болуу бул өтө жоопкерчиликтүү нерсе. Ошондуктан, эне болууга шашылууга эрте. Мен балалуу болууну жакынкы планга коё элекмин”,- деп жооп берип келет. Ал эми мындан эки жыл мурун “Яна Чурикова кош бойлуу экен” деген кабарлар басма сөз каражаттарына чыккан эле. Кийинчерээк Яна: “Мунун баары калп, менин боюмда жок”,- деп ал ушактарды жокко чыгарган. Ошентсе да кийинчерээк “Яна бала күтүп жаткан эле, боюнан түшүп калыптыр” деген кабарлар айтылып жатты.
Яна кичинекей кезинде опера ырчысы, биолог, зоолог болууну каалаган. Бирок, тагдырдын жазганынан минтип атагы алыска тарап отурат. Чыгармачылыктан тышкары бийиктиктен секирүүнү жактырат. Ал эми тамеки чеккендигин терс жоругу катары карайт. Алгачкы жолу сапаты жаман тамеки чегип жатканын көргөн продюсери эртеси жакшы сигара апкелип берген жана ошондон бери сигара менен ажыраша элек. Үйүндө күйөөсү чекпегендиктен жана тамекинин жытын жаман көргөндүктөн, балкондон башын чыгарып, моюнун созуп алып чегет. Үйбүлөсүндө уруш-талашы жок жашагандыктарынын себебин: “Үйдө көп чогуу болбогондугубуз. Бирибиз келсек, бирибиз кетип атып, урушууга деле убактыбыз жок”,- деп түшүндүрөт Яна. Бирок, “Миладзе менен жакын мамиледе, күйөөсү менен ажырашып жатат” деген ушактар да чыккан. Бул тууралуу: “Миладзени мен жансакчы кылууга даярмын, бирок, эң жакын адамым катары көрө албайм”,- деп айткан.

Даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: