Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАХАБАТ АЗАБЫ ЖАНА КЫЛМЫШ

№264 23-29-ноябрь, 2007-ж.


"Махабат соо адамды жинди кылып, акмакты акылдуу кылат" деген кеп бекеринен калбаса керек. Эки уулдун энеси, эр көкүрөк жигиттин сүйүктүү жары Кымбаттын мындан беш жыл илгери эле оозунан тамекиси түшпөгөн, арак ичип, сөгүнүп одоно сүйлөгөн кыз болгонун азыркы тааныштарынын эч бирөө элестете албайт. Балким, ошол калыбында кала берээр беле. Бирок, бул айымды азапка салган махабат алгач кылмышка түртүп, камакка түшүрүп, андан соң жакшы адамга айланткан.

ЭРКЕКТЕРДИ ТОНОП ЖҮРҮП КОЛГО ТҮШТҮ
– Эркек болсо да макул, түшүнсө болоор эле. Кыз башы менен балаң ушундай ээнбаш, тилазар чыкса, эненин эле шору тура!
Ээ-жаа бербей жүзүн жууган жашына буулуга Майрам апа ыйлап жатты. Эми эле небереси Кымбаттын милицияга түшкөнүн тергөөчү жигит келип айтып кетти. Эки желмаяндай желип-жорткон курбусу бар эле. Ошол экөө менен биригип алып чет элдик бирөөнү тоногон имиш. Ким билет, дагы кандай иштерди жасаганын. Кыз бала экенин ойлобой эртеден-кечке, кааласа жети түндө деле көчөлөп жүрө берет.
Ыйлап жаткан эненин көз алдына уулу Гүлжигиттин элеси келди. Ушул Кымбаты төрөлгөндөн үч күндөн кийин кырсыкка учурап каза болуп калган эле. Жалгыз уулунан ажыраган Майрамдын кайгысын ого бетер ырбатып, жыл айланбай келини Жибек бирөө менен жетелешип кетип калган. Чырылдап ыйлаган чыканактай баласынын, уулунан айрылып мөгдөп турган кайненесинин күнү кандай болоорун ойлобой туруп басып кеткен келинине Майрам апа эмдигиче нааразы. Аялзатында ушундай ташбоор болоорбу? Кымбаты, сыягы, атасын эмес, ташбоор энесин тарткан белем. Каргадай жаш бала менен жалгыз калып, аны багып-өстүрөм деп жүрүп эмне азаптарды гана көрбөдү. Эми аларды эстегенден не пайда же бир муң-зарын угаар киши болбосо. Бирок, жалгызынан калган туякты ыйман-ызааттуу кылып тарбиялай албаганын ойлоп, ого бетер эзиле ыйлап кирди. Небереси чоңоюп, өз алдынча курбу-курдаш күтө баштагандан тартып аны башкарууга алы келбей калган эле.

"МЕНИ КАРАКТАГАН УШУЛ КЫЗ"
– Бул кызды тааныйсызбы?
Тергөөчү Кымбаттын маңдайына эки күн мурун тоноп кетишкен кытай жигитти алып келди. Анысы көздөрүн кыбыңдата кызды тиктеп эси ооп туруп калды. Кымбатты кафеден көргөндө да ушинтип тиктеп тура берген эле. Кыйгач көз сулуунун айжамалын көргөн далай эркектер ушинтип шилекейин чуурутуп калышчу. Аттиң, мындай сулуунун тайкы жолго түшкөнүн карачы?!
Көз тайгылткан мындай сулууну кылмышкер катары көрсөтүп бергени үчүн өзүн күнөөлүү сезген сыңары кытай жигит башын жерге салып күңк этти:
– Ооба, мени уктатып койгон ушул кыз.
– Эмне кылып уктатты эле?
– "Бийлеп берем" деп музыка койду. Анан бийлеп жатып мага колундагы бир бокал винону ичирди. Башым айлангансып, алсырап баратканымды билем. Ойгонсом кыздар жок, жалгыз калыптырмын. Үйүмдүн ичи бүт чачылган, чөнтөк телефонум, акчаларым, ноутбук, алтын чынжырларым, шакегим жок.
– Өзү жалгыз беле же шериктери бар беле?
– Дагы эки кыз бар болчу.
– Аларды көрсөңүз тааныйсызбы?
– Тааныйм.
"Бүттү, эми колго түштүк. Эч кайда качып кутула албай калдык. Айттым эле тигил экөөнө "башка буюмун алсак да, чөнтөк телефонун жөн коёлу" деп. "Крутой сотка экен" деп кызыгып туруп алышпадыбы!.." Ичинен буларды ойлогон Кымбат кытай жигит да, тергөөчү жигит да жалдырай өзүн тиктеп турушкандыгын байкабады.

"СЕНИ СҮЙӨМ, БИРОК, БАЛДАРДЫ ТАШТАЙ АЛБАЙМ"
Балким, табиятынан тынчы жок адамдыр, айтор, Кымбат кичинекей кезинен эле өзүнө-өзү батпай, бир жерде беш-он мүнөт кыймылсыз турса буулугуп кетээр эле. Атүгүл сабакта да арт жакка отуруп алып классташтарынын бирин чукуп, бирин кытыгылап, айтор, тынч алчу эмес. Далай жолу мугалимдерден уруш укса да, мындай адатты таштай албай койгон. Мектеп Кымбатка тимеле тозоктун отундай жагымсыз эле. Энеси урушуп, суранып жалдыраганынан эле барчу. "Моюнунан байланган ит ууга жарабайт" деп коёт эмеспи. Анын сыңары, 9-классты бүткөн соң энесине "мектепти көргүм келбейт" деп ачыгын айтып, мектепке барбай койду. Бир айтканын бербеген небересин энеси кайра мектепке барууга көндүрө албады. "Мектепте эртеден-кечке эригип жүргөндөн көрө иштеп акча таап, сизди багам",- деген небереси бир кафеге официант болуп ишке кирип алды. Жаш кызга мындай жумуш оң таасирин бербейт экен. Ансыз деле учуп-күйүп турган кыздын жигиттери көбөйүп, жумуштан үйгө түн ортосунда келип, айтор, жүрүш-турушу өзгөрүп кетти. Ошентсе да өзү убада кылгандай, энесин ак эмгегинен тапкан акча менен багып жаткан.
Анан эмне болду? Ооба, Кымбаттын өмүрүндө чоң сүйүү пайда болду. Эки-үч курдай кафеде жүздөн ашуун конок тоскон Алмаз аттуу кишини жактырып калды. Өзүнөн бир топ жашка улуу болсо керек. Эркек мүнөз, назиктикти билбеген бечара кыз сүйүп калганын толук түшүнө албай, ичине от-жалын түшүп кеткенсип башында жаман кыйналды. Отуздан ашып, үйбүлө күтүп калган Алмаз да Кымбатты көз алдынан кетире албай кыйналып, айласы кеткенде түз эле барып таанышып, сүйлөшүүнү оң көрдү. Табиятынан оттой күйүп-жанып турган экөө алды-артын ойлонууга чамалары жок, биринчи жолугушкан күндөн тартып эле ажырай албай калышты. Бирок, чырактай эки баласын Алмаз таштай албайт эле. Өктөм мүнөз Кымбатына ушул нерсени такыр түшүндүрө албай койду. "Сени сүйөм. Бирок, балдарды таштай албайм. Мындан ары жолукпай эле коёлу",- деп асылынын тизесин кучактай башты жерге салып отуруп берди. Алдейлеген атасы, энеси жок, кичинекейинен өзү үчүн күрөшүп, каалаганына жетип көнүп калган Кымбат тагдырдын мындай тамашасына чыдай албады. Биринчи жолу оор сыноого туш болгон жаш кыз тамеки тартканды, аракты так көтөрө жутканды үйрөндү. Ошентип жүрүп каракчылыкты кесип кылган эки кызга жолукту. Жашынан чөнтөкчү болуп жүрүп, алчы-таасын жеп калышкан немелер Кымбаттын сулуулугун курал сыңар колдоно башташты. Үчөө чогуу түнкү клубдарга, кафелерге барышат. Кыйшалактап бийлеп жүрүп өзүлөрүнө керектүү эркекти издешет. Капчыгы калың бирөөнү кайырмакка илишет да, аны менен кошулуп алып шарактай чыгып кетишет. Ал эркек үйүнө алып барабы, мейманканага алып барабы, буларга баарыбир. Анткени, аны Кымбатка жабышып асыла баштагыча эле үчөөлөп мас кылышат же аракка дары кошуп уктатып салышат да, колго илинген тыйынын, буюмун шыпырып алып жылт коюшат.
Күн өткөн сайын көп ичип, басса-турса сөгүнүп богооз болуп бараткан Кымбатын мындай абалга өзү жеткиргенин байкаган Алмаз ичтен сызып, кандай арга табаарды билбей кыйналып жүрдү. Бирок, каракчылык, тоноочулук кылып жүрөт деп үч уктаса түшүнө кирген эмес.

"БААРЫБИР ЧЫГАРЫП АЛАМ"
Бейкапар уктап жаткан Алмазды таң атпай шыңгыраган телефондун үнү ойготуп жиберди.
– Уф-ф, дагы кимиси болуп кетти? Да, угуп жатам!
– Мен... Кымбатмын.
– Кымбат?! Үнүңө эмне болгон? Таң атпай чалып, деги тынччылыкпы?
– Милицияда отурам. Мага келе аласызбы азыр?..
Темир тордуу камерада чачтары үрпөйүп отурган асылын көргөндө Алмаз ичинен онтоп алды.
– Мага бир өзүңүз керек элеңиз. Эми баарыбир болуп калды. Туш тарабы тордолгон жерге ушинтип камап коюшса гана жаным жай албаса, эркин жүрүп чыдабайт экенмин. Сизди сагынганымдан жинди болуп кете жаздадым. Жигиттердин бири да жакпай койду. Жиндилик кылдым. Далай күнөө кылдым... Эми аны айтканда эмне?! Энем билбей эле койсо дедим эле, тергөөчүлөр барып айтып коюшуптур. Сизден суранам, энеме каралашып туруңуз.
– Менин кичинекей акмагым, эмне деп турасың? Сени мындай жайга таштабай калайын. Чыгарып кетем.
– Жок!
Эми эле көздөрү жашылдана Алмаздын кучагында турган кыз аны түртүп жиберди.
– Айтпадымбы, мындай жардамыңдын кереги жок деп! Такыр чалбай деле коёт элем. Энемди дайындайын десем оюма башка эч ким келбей койбодубу.
– Келесоо болбо. Баарыбир чыгарып алам. Айтчы, эмне иш кылдың эле?
– Эркектерди тонодум. Кыйшаңдап алар менен таанышып, азгырып барып каракчылык кыл...
– Болду, токтот! Каракчылык кылдым десең да макул, "денемди саттым" деп айтпа!
– Денемди сатып келесоо болуптурмунбу?
– Болду, болду, башка эч нерсе айтпа! Жаным менин, кичинекейим менин. Кечир мендей акмакты. Мен күнөөлүү-мүн, кечир. Өзүм бошотуп алам.
Бүт денеси менен солкулдап ыйлаган кызды карыштыра кучактаган Алмаз өзүнүн жаагынан ылдый жаштар агып жатканын сезбеди. Ушул кезде гана жүрөгү жалаң ушул кыз деп жашап келгенин ачык аңдады. Кымбатты камактан чыгарып, ага үйлөнүүдөн башка жол жок экенин, ансыз жашай албасын сезди...

Даярдаган Айбек Нурадилов, Сүрөтчү Ренат Мамытбеков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: