Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СЪЕЗДБЕК «ЭРКИНЕН АЖЫРАДЫ»

№202 15-21-сентябрь, 2006-ж.


Кыргыз шоу жаңылыктары


СЪЕЗДБЕК «ЭРКИНЕН АЖЫРАДЫ»

Ооба, ошондой болду. Бирок, албетте, жакшы маанисинде. Башкача айтканда, Съездбектин баягы барам деген жагына барып, кылам дегенин кыл­ган бойдокчулук мезгили артта калды. Ырчы жигит ушул жуманын дүйшөмбү күнү өзү сүйгөн сулууга баш кошуп, бир үйбүлөнүн кожоюну болуп калды. Эми Съездбектин популярдуулугу артып, ырлары биринин артынан бири жарыкка чыгаар бекен же тескерисинче, сахнаны акыркы планга калтырып коёр бекен? Албетте, аны убакыт көрсөтөт.

СЕМАГА КАЗАК КЫЗЫ СҮЙҮҮСҮН АРНАДЫ

Жакында атайын чакыруу боюнча Казакстандын Тараз шаарына «Сема» тобу концерт коюп келишти. Концерттин деңгээли жакшы өтүп, топтун жетекчиси Сема Тараздагы кыргыз жердештерине, казак боордошторуна ыраазы болуп кайтты. Сема ал жактан күтүлбөгөн жерден классташ баласына жолугуп калып, андан өзү күт­пөгөндөй чоң белектүү болду. Тактап айтканда, көп жылдан бери көрүшө элек классташы концерттин аягында сахнага чыга келип, Семага акыркы моделдеги кымбат чөнтөк телефонун жана акчалай белек тапшырды. Бирок, ырчы классташы канча суммадагы акча тартуулаганын табышмак кылып айтпады. Ошондой эле казак күйөрман кызы концерт аягында сахнага чыгып куттуктап, жумшак оюнчук, гүл тапшырып, дароо сүйүүсүн билдирүүгө жетишти. Сема эми экинчи жолу Таразга барса, темир тулпар минип келеби ким билет?

СУЛТАН СУЛУУ КЫЗГА ЖИГИТ БОЛГУСУ КЕЛЕТ, БИРОК...

Cуйкайган сулуулар суктанган Султан Садыралиев учурда кападар. Болгондо да сүйгөн кызы жоктугуна арманда. Ал: «Чынын айтсам, учурда бир кызга жигит болууну самап жүрөм. Бирок, тилекке кар­шы, көңүлүмө жаккан кызга жолукпай жүрөм. Мен сүйлөшкөн күндө дагы акылдуу, чачы узун кыргыздын гана сулуу кызы менен сүйлөшөөр элем» дейт ырчы ичтеги ымандай сырын ачып.

ИЛЬЯЗ АБДРАЗАКОВ ЭКС-ПРОДЮСЕРИНЕ НААРАЗЫ

Момураган сулуу жигит Ильяз продюсери катары жардам көрсөтүп жүргөн Мырзабек Айдаралиевдин пикирине каршы чыкты. Тактап айтканда, Мырзабектин гезитке: «Ильязга продюсер катары жардам көрсөтүп жүргөм, бирок, ортодо келишпестиктер болуп, иштешпей калдык» деп берген интервьюсуна чычалап турган чагы. Ильяз ага: «Биринчиден, Мырзабек байке менин продюсерим эмес болчу. Экинчиден, экөөбүздүн ортобузда эч кандай келишпестиктер болгон эмес. Туура, өзү айткандай убагында продюсер катары клиптериме бир аз жардам берди. Бирок, акчасын бүт өзүм көтөргөм. Кичинемден тартып эле бардыгына өзүм чуркап, өзүм тырышып сахнада ырдап келатканым жашыруун болбос. Анан ушул мээнетим заматта жуулуп кетип атканына таң калып турам» дейт ырчы нааразылана.

КУБИК КАЛЫКОВ 105 ЖАШТАГЫ КАРЫЯДАН БАТА АЛЫП КЕЛДИ

Чыканактай боюна карабастан чыйрактыгы жанда жок Кубик мырза быйыл Кыргызстандын дээрлик бүт жеринде гастролдо болуп келди. Ал Аксы жерине барганда 106 жаштагы Темир аттуу карыя менен саламдашып, ага созолонто ырдап бе­рүү менен анын алкышын алууга татыды. Карыя Кубик менен жылуу коштошуп, ийгилик каалап узатты. Кызыгы, ал карыянын баласы 80 жашта, небереси 50дө экен.

«МИНИСТРДИН КЫЗЫНЫН МАХАБАТЫН»
КӨРГӨН ДА АРМАНДА, КӨРБӨГӨН ДА АРМАНДА!

Көптөгөн окурмандар чыдамсыздык менен кү­түп жүргөн «Министр­дин кызынын махабаты» аттуу фильмдин тартылышы аягына чыгып, элдин назарына сунуштала баштады. Албетте, буга фильмдин режиссёру Рустам Аташов оңой эле жетише койгон жок. Бир жылдан бери бардык жумушун жыйнаштырып коюп кино тартуу менен гана алектенип жүрүп, талыкпаган аракеттердин аркасында фильмди тартып бүттү. Айылдык студент баланын башынан өткөн окуялары өзөгүн түзүп, криминал, сүйүү жана башка толгон-токой нерселер камтылган бул фильм учурда «Россия» кинотеатрында жүрүп жатат. Бул фильмди көргөн да арманда, көрбөгөн да арманда. Андыктан, келип, өзүңүз күбө болуп кетүүгө шашылыңыз, окурман! Билет баасы – 100 сом.

ЭРНИС КЫЯЗОВ ҮЙБҮЛӨЛҮҮ БОЛДУ!

«Супер-Инфо» гезитини ыйгарган «Жылдын мыкты тележурналисти-2005» наамынын ээси, «Багыт» автордук программасынын автору Эрнис Кыязовдун бактылуулугунда чек жок. Анткени, ал көптөн бери сүй­­лөшүп, сырын беш колунда билип калган бийкечи Дарыгүлгө баш кошту. Эки жаштын үйлөнүү тою кечээ 14-сентябрь күнү «Гималай» кафесинде болуп өттү. Эрнис менен Дарыгүлдүн дал бүгүнкүдөй бактылуулуктун кучагында өмүр бою жашап өтүшүнө биз да тилектештигибизди билдиребиз.

БАШКЫ РЕДАКТОРУБУЗ
КЫЛЫЧБЕК СУЛТАНОВ
ЖОГОРКУ КЕҢЕШКЕ БАГЫТ АЛДЫ

Атына заты жарашып, гезитибиздин мыктылардан мыкты болушуна салымы эбегейсиз башкы редакторубуз Кылычбек Султановсуз “Супер-Инфону” элестетүү кыйын. Бирок, “жигитке жетимиш өнөр аздык кылат” дегендей, элдин муктаждыгын тереңинен тү­шүн­гөн жетекчибизди чоң казатка, бүгүнкү күндүн сөздүгү менен айтканда чоң шайлоого узатып жатабыз. Башкача айтканда, Кылычбек мырза өзүнүн туулуп-өскөн Мырзаке айылы жайгашкан аймактан Жогорку Кеңешке депутаттыкка талапкер катары элинин таразасынан өтмөкчү. Шайлоо мыйзамына ылайык талапкерге массалык маалымат каражатын жетектөөгө жол берилбегендиктен, убактылуу мындай милдетти кесиптешибиз Азиза Сатимбекова аркаламакчы.

Саясат

УЛУТТУК КООПСУЗДУК КЫЗМАТЫНДА ЖАҢЫ ЖЕТЕКЧИ

Өмүрбек Текебаев менен болгон чуулгандуу окуя Улуттук коопсуздук кызматынын эки жетекчисин ээрден шыпырып түштү.
Атап айтсак, 2006-жылдын майынан ушул күнгө чейин УККны жетектеп келген Бусурманкул Табалдиев өзүнүн берген арызына ылайык кызматынан бошотулган. Ал “Текебаевге байланышкан окуяга эч кандай тиешем жок болсо да моралдык жактан жоопкерчилигим бар деп эсептеп, кызматтан чегинүүнү чечтим” деген оюн ортого салган. Анын 1-орун басары болуп келген президенттин бир тууган иниси Жаныш Бакиев “Өмүрбек Текебаевге болгон провокацияны уюштурган” деп шектелгенинен улам өз каалоосу менен отставкага кеткен. Эми болсо бошоп калган Улуттук коопсуздук кызматынын жылуу креслосуна президенттин 13-сентябрдагы указы менен УККнын орун басарынын кызматын аркалап келген Элмурза Сатыбалдиев отурду. УККнын милдетин аткарууга киришкен жаңы жетекчи Ош областынын Өзгөн районунда туулуп-өскөн жана прокуратура тармагында бир канча жыл эмгектенип келген.

МАМЛЕКЕТТИК ТЕЛЕКАНАЛ ДЕПУТАТТЫК
ТЕЛЕКАНАЛГА АЙЛАНЫШ КЕРЕКПИ?

Депутаттарыбыз эми КТРдин президенти Кыяс Молдокасымовго асыла башташты.
Айрым депутаттар парламент сессияларын көп көрсөтпөгөнү үчүн мамлекеттик телеканалдын жетекчиси Кыяс Молдокасымовду отставкага кетсин деп чыгышууда. Ал депутаттардын ою боюнча каалайбы-каалабайбы, программада барбы-жокпу, кыргызстандыктар депутаттарыбыздын гана “сүйкүмдүү” жүздө­рүн көрүп, “куйкумдуу” сөздө­рүн укканга милдеттүү окшойт. Ансыз деле оор турмуштан тажап, жок дегенде кечинде көңүл ачуучу телеберүүлөрдү көрүп эс алууну эңсеген элден “бизди көргүңөр келеби” деп сураган бир депутат жок. Депутаттарыбыз минтип айтканын ала беришсе, жакында ырчы-куудулдарыбыздан да сахна талашып калбагай эле.

Коом

ПРЕЗИДЕНТТЕРДИ КИМ КОРКУТУП ЖАТАТ?

Өзбекстан Ислам кыймылынын лидери Тахир Юлдашев Кыргызстандын, Өзбекстандын жана Тажикстандын президенттерин коркутууда.
Тахир Юлдашев «Би-Би-Си», «Свобода» жана «Голос Америки» аттуу радиостанциялардын почтасына өзүнүн аудиокайрылуусун жөнөт­көн. Анда Тахир мырза өткөн жылкы Анжиян окуяларында атылган мусулмандарды унутпагандыгын баса белгилеп, Орто Азия чөлкөмүндөгү мусулмандарга каршы куугунтуктун токтотулушун үч президенттен талап кылган.
Мындан тышкары кылган кылмыштары үчүн мамлекет башчылары К. Бакиев, И. Каримов жана Э. Рахмонов өз жазаларын алат деп кайрылууда өтө катуу эскерткен. Пакистандын тыңчыларынын маалыматында, жогорудагы жүрө­гүндө оту бар жигит Афганистан менен Пакистандын тоолорунун арасында жашырынып жүрөт. Жашынмак ойногонду жактырган Тахирдин өзүнөн улуу эле адамдарды «бөө» деп коркутканына тан бербей коё албайсың. Ал эми улуу мартабалуулардын жүрөктөрү түштүбү же түшпөдүбү, ал башка сөз.

308 МИЛЛИОН ДОЛЛАРДЫ КЫРГЫЗСТАНГА КИМ КОТОРДУ?

Бириккен Улуттар Уюмунун алдындагы калкты жайгаштыруу фондунун маалыматына таянсак, жыл өткөн сайын жакшы жашоо издеп чет өлкөгө кеткен адамдардын саны өсүп жатат.

“Бай мамлекеттер жакыр өлкөдө жашаган адамдарды магнит сымал өздөрүнүн аймагына тартып, мекендерин таштоого түртүп жатат” дешет БУУнун адистери. Алардын айтымында, дүйнө жүзү боюнча 1990-жылдан 2005-жылга чейин эле болжол менен 36 миллион адам өлкөсүнөн сыртка акча табуу үчүн чыгып кеткен.

Кыргызстандын Улуттук банкынын билдиргенине караганда, мекендештерибиз 2005-жылы эле банк аркылуу 308 миллион долларды Кыргызстанга жиберүүгө үлгүрүшкөн. Эгерде мамлекетибиз өз жарандарына тиешелүү шарттарды түзүп, жумуш орундарын камсыз кылып берсе, алыска барып акча таап жүргөн кыргыздар азаят беле деген ой келет. Себеби, ар бир тыйынды табуу үчүн мекендештерибиз канча деген кыйынчылыктарга дуушар болгонун өз ооздорунан уксак, төбө чачыбыз тик туруп, үнү жок ыйлап жүрүшкөндөрдүн абалдары көз алдыбызга айласыздан тартылат.

Кылмыш

ЮРИДИКАЛЫК АКАДЕМИЯНЫН ДЕКАНЫ ПАРА МЕНЕН КАРМАЛДЫ

Юридикалык академиянын деканы 13-сентябрь күнү пара алып жаткан жеринен капканга түштү.
Шаардын башкы милиционери Молдомуса Конгантиевдин билдиргенине караганда, декан окуудан айдалган студентти кайра 2-курска отургузуу үчүн андан 6 миң сом пара алам деп милиционерлердин кылтагына илинген. Мыйзамды үйрөтүп жаткандар ушинтип жатса, анан кантип келечекке даңгыр жол сала турган мыкты кадрларга өлкөбүз ээ болот деген суроо чыгат. Андан көрө билимге умтулган жаштарга бут тосуп, алардан бирдеме өндүрүп алууну көздөгөн ЖОЖдордун мугалимдерине капкан коюп, “таарынып калбоолору үчүн” темир тор артында жазасын берип койсо эле паракорчулук деген отко суу чачкандай токтойт эле. Ал эми аларды кармап, сотко жеткирбей кайра эле коё берип жибергенде “коррупция” деген жети баштуу ажыдаардын учугу үзүлбөс­түгү турган иш.

Даярдаган Улан Мамбетов


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: