Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТЕМИР ЮЛДУЗ УСМАНОВА МЕНЕН ИШТЕШЕБИ?

№204 29-сентябрь-5-октябрь, 2006-ж.


ТЕМИР ЮЛДУЗ УСМАНОВА МЕНЕН ИШТЕШЕБИ?

Таланты менен көп­чүлүккө таанылган жаш ырчы Темир Назаров Ташкент шаарына барууну пландаштырууда. Ал жерден өзбек эстрадасынын жылдызы, атак­туу Юлдуз Усманованын мыкты деп эсептелген аранжировщиктери Темирдин эки ырына аранжировка жасап беришмекчи, болгондо да чыгыш стилинде болмокчу. Андан кийин Темир ордолуу Ош шаарына кайтып келип, бул ырларга жогорку деңгээлдеги жаңы клиптерди тарттырууну көздөп жатат.

ТЕМИРДИН СҮРӨТҮ ОКУУЧУЛАРДЫН КҮНДӨЛҮГҮНДӨ

Жаңы окуу жылына карата аз санда болсо да тышкы бетинде ырчы Темир Назаровдун сүрөтү бар мектеп окуучуларынын күндөлүгү сатыкка чыкты. Күндөлүктү чыгаргандар Темирдин уруксатысыз сүрөтүн пайдалангандыктан, учурда Темирдин буга капаланып турган кези. Эми Темир аларды тапса сотко берээри же бербеси ачык эмес.

СУЛТАН ҮЧҮН НАРЫНДЫН КЫЗДАРЫ ЭКИНЧИ
КАБАТТАН СЕКИРҮҮГӨ ДАЯР ЭКЕН

Көп кыздардын жүрө­гүн сыздаткан ырчы жигит Султан Садыралиев жакында Нарын жергесиндеги күйөрмандарына өз концертин тартуулап келди. Көрсө, Султандын чыныгы күйөр­мандары Нарында экен. Концерт бүтүп, артисттер кийимдерин алмаштырып жатышса, терезеге жармашып алып кыздар: “Султан! Султан!” деп кыйкырып, терезени ургулап жатышыптыр. Көргөн­дөрдүн ооздору араандай ачылыптыр. Анткени, ырчылар кийинип жатышкан бөлмө экинчи кабатта эле. “Булар кайдан келип калышты” деп карашса, кызуу кандуу күйөрман кыздар имараттын чатыры аркылуу терезеге келишиптир. Терезеден учуп кетишээрин ойлобой Султанды жанынан көрүү үчүн өз жандарын тобокелге салган кыздарды Султандын чыныгы күйөрмандары дебегенде эмне дейбиз?!

ЛЁШАНЫ КАЗАК МУЗКАНАЛЫ ИШКЕ ЧАКЫРДЫ

Учурдун популярдуу телепрограммасы «Хит-параддын» алпаруучусу Алексей Филатовго казак туугандар көз артып, бирге иштешүүнү сунуштап Алматыга чакырышкан. Өзгөчө имидждүү, уккулуктуу үн­дүү, мыкты жөндөмдүү Алексейдин айтуусуна караганда, казактар ага бир топ акчаны убада кылышкан. Мындан башка Лёшаны Кыргызстандагы телеканалдардын бири жаңы музыкалык программага чакырып жатат. Туш-­туштан түшкөн сунуштардан Алексейдин башы айланып, учурда кайсы жагына барсам деп ойлонуп жүргөн кези.

НУРЛАНДЫН ЖАҢЫ ДОЛБООРУ

«Дельмар» тобунун жана Азиз Жетигенов, Макс Бегалиев, Микаэль, Ширин, Азат, Бекчоро, Самат Дөөлөтбаков өңдүү учурдун популярдуу жылдыздарынын продюсери Нурлан Мамакеевдин жаңы долбоору ишке ашса, жакында НБТ телеканалынан «НБТ -Жаңы жылдызы» телеберүүсү көрсөтү­лө баштайт. Телеберүүнүн максаты – сахнага чыга албай жүргөн жаштарды даярдап, эл алдына толук кандуу ырчы кылып алып чыгуу. Жаңы телеберүүгө чыгармачыл 20 жаш талант конкурс менен кабыл алынган. Булар эми орустардын «Фабрика звёзд» аттуу телепрограммасындагыдай болуп үч ай бир үйдө жашашмакчы. Алардын турмушу НБТ каналынан түз көрсөтүлүп турат. Башкача айтканда, жашоолору элдин көз алдында болот. Учурда катышуучулар кызуу даярдыктын үстүндө. Нурлан болсо уюштуруучулук иштер менен алек.

ДАНИЯР АРАПАДА ТОЙ ӨТКӨРДҮ

«Кызыкча» берүүсүнүн жигиттеринин бири, «Үкү» тобундагы Данияр Максүтов 25 жаш курагында бир жыл бою сүйлө­шүп жүргөн сулуусу Нуржамалга баш кошту. Алардын тою улуу Рамазан айынын арапа күнүнө туш келди. Үй­лөнүү салтанатын эки жаш 23-сентябрь күнү шаарыбыздын кафелеринин биринде өткө­зүш­тү.

КУБИК ЖАҢЫ МАШИНАЛУУ БОЛДУ

Сакадай бою сары алтын ырчы, куудул Кубик Калыков көптөп бери көксөп жүргөн «Мерседес» маркасындагы жаңы микроавтобустуу болду. Аны алуу үчүн буга чейин колдонуп келген «УАЗ» маркасындагы музыкалык аппаратура ташуучу эски машинасын сатты. Анын акчасынын үстүнө гастролдон чогулткан акчасын кошуп, «Мерседести» сатып алды. Ошентип, куудул эмки гастролуна көңүлү шат аттанмакчы.

ШАЙЫРБЕК АК ӨРГӨЛҮҮ БОЛДУ

Элге «Чечен айтыш» жана учурдагы «Добуш» автордук берүүсү менен таанылган Шайырбек Абдрахман уулу үчүн үстүбүз­дөгү жыл түшүмдүү жылдардан болду. Анткени, бешик той бергенден көп өтпөй «Мазда» маркасындагы темир тулпарлуу болгон эле. Эми минтип жакында шаардын четинен үй сатып алып отурат. Ушундай биринин артынан бири келген кубанычтарга карк болгон Шайырбек азыр демденип иштеп жаткан учуру.

ЖАМБЫЛДЫН КӨРКҮНӨ КӨРК КОШУП
ТУРГАН МУРУТУ ЖОК БОЛДУ

Ооба, ошондой болду. Сулуу жүзүн андан бетер сулуу кылып көрсөтүп турган чычайган кызыл муруттарын Жамбыл кырып салды. Азыр анын «Бүкү­рү­нү кантип үй­лөнт­түк?» деген фильмге катышууга өзүн сынап жаткан учуру экен. Ушуга байланыштуубу же имиджин өзгөртөйүн дедиби, кыскасы, Жакебиз мурутсуз калды. “Мурутсуз да жүрө­й­үн­чү, балким, ошондо кыздар өздөрү сөз айтышаар” дейт куудул куудулдана. Жамбылды муруту менен элестеткенгеби, муруту жок болсо көзгө бир башкача көрүнүп калат экен...

БИЗ БАРКТАБАГАН АБДЫ КОНКУРСТАН
АЛТЫН МЕДАЛЬ УТУП АЛДЫ

“Моссовет” кличкалуу куудулубуз Абды Кадырматов жети мамлекеттин өкүлдөрү катышкан куудулдар фестивалынан экинчи орунга ээ болду. Фестиваль Каспий деңизинин жээгинде өттү. Өзү­нүн жаңы монологун айтып, калыстардын баасына арзыган Абды экинчи орунга ээ болду. Ошентип, биз баалабаган куудулубуз Абды Кадырматовдун учурда алтын жалатылган медалды моюнуна илип алып кудуңдап жүргөн учуру.

КИЧИНЕКЕЙ САУЛЕ УБАДАСЫНА ТУРДУ

Август айынын башында өзүнүн жеке концертин койгон кичинекей ырчы кыз Сауле «концерттен түшкөн акчамды балдар үйүнө котором» деп сөз берген эле. Убадасына турган Сауле чын эле балдар үйү менен карылар үйүнө азык-түлүк түрүндө жардам берди. Аларга кап-кап кылып ун, макарон, конфет, печенье, миң сомдук чоң торттон үчтү сатып алышып, жеткирип беришти. Албетте, бул азык-түлүктөргө концерттен түшкөн кирешенин бир бөлүгү гана сарпталды. Ал эми карылар кичинекей кызды алкап, көздөрүнө жаш айлантып калышты.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: