Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

РОЗА РЫМБАЕВА

№265 30-ноябрь - 6-декабрь, 2007-ж.


Бул ырчынын өмүр тагдырын жеңил деп айтуу кыйын. «Жанында колдоп коштогон, жашоо тиреги болгон түгөйү жок эки баланы тарбиялоо» деген сөздүн өзү оор турмуштан кабар берип турса керек. Бирок, Розанын чыдамкайлыгы, эмгекчилдиги али да болсо популярдуулуктун туу чокусун багындырып келет.

Толук аты-жөнү – Рымбаева Роза Куанышевна
Зодиак белгиси – Чаян
Карьера жолу – 1976-жылдан азыркы күнгө чейин
Жактырган тамагы – Манты
Жакшы көргөн майрамы – Жаңы Жыл (көкүрөк күчүгү Мадинин туулган күнү)
Жакшы көргөн шаарлары – Алматы, Астана, Москва

Роза Рымбаева деген ысым мындан туптуура 50 жыл 33 күн мурун пайда болгон. Тагыраак айтканда, ырчы 1957-жылдын 28-октябрында Казакстандын Семипалатинск облусуна караштуу Жангизтөбе станциясында төрөлгөн. Көп балалуу темиржолчулардын кызы болгондуктан, жетишпестиктин даамын татып, турмуштун ысык-суугуна жашынан бышып чоңойгон. Анткен менен “ар бир нерсенин жакшы жана жаман жактарын табууга болот” демекчи, жетишпеген жашоо ырчыны өз алдынчалыкка тарбиялап, талыкпастан эмгектенүүгө үйрөттү. Ата-энесинин шаардык мектептерге окутууга мүмкүнчүлүгү жок болгондуктан, Роза интернаттан билим алган. Кичине кезинен эле ырга шыктуу чыгып, ырдоону биринчи орунга койгондуктан, кандай жол менен болсо да өз талантын элге тартуулаган атактуу ырчы болууну самачу. Ырдап, бийлөө – кичинекей Розанын сүйүп аткарган иши эле. Андыктан, интернатта жүргөн кезинде эле музыкалык ийримдерге катышып, өз талантын таптай баштаган.
“Убакыт – зымырык куш” демекчи, мектеп-интернатын аяктаган соң балалыгынан бери эңсеген кыялына жетүү үчүн Роза Алматы шаарын көздөй сапар тартат. 1975-жылы 18 жашында музыкалык орто окуу жайына тапшырып, студенттердин катарына кошулган. Ушул эле жылы алгачкы жолу Улуу Ата Мекендик согуштун 30 жылдык юбилейине арналган ырлар конкурсуна катышып, көрүү­чүлөрдүн сүй­мөн­чүлү­гүнө ээ болот. Дал ошол жерден Роза чыгармачылыгындагы гана эмес, жеке жашоосундагы бактысына да жолуккан. Ошол убакта эң популярдуу деп саналган республикалык “Гүлдер” деп аталган жаштар эстрадалык ансамблинин башкы дирижёру Таскын Окапов Розага өзүнүн тобунда ырдоону сунуштап, көп өтпөй Роза бул топтун катарын толуктайт. Таскын Роза үчүн бир гана топтун жетекчиси эмес, эки жылдан соң өмүрлүк жары болууга да үлгүрөт.
Чыгармачылык жактан Роза Таскындан тарбиялана баштагандан көп узабай “Алия” аттуу ыры менен бүткүл совет өлкөлөрүндө популярдуу болууга жетишкен. Жүрөккө жеткире ырдаган арген үнү менен ал кезде Роза София Ротару жана Алла Пугачёвалардан кийинки эле үчүнчү орундагы атактуу ырчы катары саналчу. “Гүлдер” тобунда үч жыл ырдагандан кийин күйөөсү Таскын экөө “Арай” деп аталган ансамбль ачышып, андан ары ушул жаңы топтун ырчысы катары тааныла баштайт. Жаш экенине карабай Ленин комсомол сыйлыгынын лауреаты жана “Өмүр бою ыр менен”, “Алтын Орфей”, “Сопот” конкурстарынын жеңүүчүсү, андан тышкары, Казак ССРинин Эмгек сиңирген артисти деген наамдын ээси болуп, аткарган эмгеги жемиш бере баштайт.
1979-жылы Роза билимин өркүндөтүү максатында Казак көркөм театралдык институтуна тапшырган. Кийинчерээк Алматыдагы эстрадалык цирк колледжинде билим берүү тармагында да эмгектенген. Аткарган иштеринин акыбети кайтып, Роза Рымбаева канчалаган сыйлыктардын ээси болууга жетишкен. Жогоруда айтылгандардан тышкары ырчы улуттук “Парасат” ордени менен сыйланган, Казак ССРинин Эл артисти наамынын жана “Сахна жылдызы” сыйлыгынын ээси. Азыркы тапка чейин хит ырларды жаратып ырдап келген ырчы канчалаган муундарга таасирдүү чыгарма жаратты. Былтыр чыгармачылыгынын 30 жылдык юбилей концертинде Москва шаарынын Жылдыздар аянтындагы жылдызчалардын бири Розанын наамына жанды.
Роза Рымбаева сахнадагы жашоосунан тышкары өз турмушун да унутта калтырган эмес. Жолдошу Таскын экөө баш кошкондон кийин да карьерасына чоң көңүл бөлүүнү туура табышып, балалуу болууну кийинки пландарга жылдыра турушат. Өлкөлөрдү аралаган гастролдук сапарлары менен элге кызмат кылууну, элине эмгек сиңирүүнү каалаган ырчы 33 жашка чыкканда гана балалуу болууну чечкен. Ошентип, тун уулу Али төрөлгөн. 1990-жылы Али бир жарым жашка чыкканда Советтер Союзу урап, кыйын турмуш башталгандыктан, Роза дагы замандын оор абалына туруштук берүү үчүн наристесин колуна алып, акчанын азабынан гастролдорго чыгууга аргасыз болгон.
Казакстандын Эл артисти Роза Рымбаеванын турмушу дагы биз ойлогондой жыргал эмес. Жогоруда айтылган кыйынчылыктар көзгө көрүнбөй бактылуу турмуш кечүү мезгили мына эми келди деген убакта 1999-жылы ырчы жолдошу Таскындан айрылып, 9 жашар Алини жетелеген бойдон кош бойлуу эне жалгыз кала берген. Күтүлбөгөн мындай окуя чындыгында эле Розага оор турмуш алып келди. “Кечинде күндөгүдөй эле уйкуга кеткен Таскын эртең менен ойгонбой калды. Колубузда Алиден тышкары жолдошумдун каза болгон туугандарынын кыздары да бар эле. Эми мурдагыдай таянган адамым жок. Өз оокатымды өзүм өткөрүүгө тийишмин деп көр оокаттын айынан тез эле гастролдорго чыга баштадым”,- дейт бул тууралуу ырчы. Ал эми бул кара баскан күндөн көп узабай эле кылым тогошкон 2000-жылдын 1-январынын биринчи мүнөтүндө 43 жаштагы эстрада ырчысы Роза Рымбаева Мади аттуу уулдуу болгон.
Учурда ырчынын тун баласы Али 17 жашта болсо, кичүүсү Мади жетиде. Апасынын жолун жолдоп экөө тең музыка менен алектенишет. Розанын 30 жылдык чыгармачыл кечесинде эки уулу тең эл алдында өз таланттарын тартуулашты. Али фортепианодон сабак алып келет. Ал эми Мади «аганы көрүп ини өсөт» демекчи, Алиден сабак алууда. “Эгерде менин балдарым музыкант болууну каалашса, каршылыгым жок”,- дейт бул тууралуу ырчы.
Роза Рымбаева баарыбыз билгендей эле сахнада бийиктен жанган жылдыз, үйдө мээримдүү эне жана билгир кожойке. Үйдө эс алуу учурунда манты жана чүчпара түйгөндү жактырат. Андан тышкары, жалпы эле батыш ашканасынын тамактарын мыкты даярдаган ашпозчу десе да болот. Тун баласы 10-класста, кичүүсү 2-класста окугандыктан, аларды эртең менен сабакка жөнөтүү, кайра тосуп алуу – ырчынын эң жакшы көрүп жасаган иши. “Бүт өмүрүмдү балдарыма жана музыкага арнап, керек болсо алар үчүн экинчи ирет турмушка да чыкпайм. Балдарым үчүн жөн гана жашап келсем, ырдоо үчүн азыркы тапка чейин үнүмдү бир калыпта сактап, музыкадан сабак алып турам. Алардан тышкары, алты бир тууганым, ата-энем – менин жашоо тирегим”,- дейт Роза Рымбаева.
Розаны көпчүлүк учур­да «Казакстандын примадоннасы» деп аташып, Алла Пугачёва менен салыштырышат. Бирок, башкасын айтпаганда да, Алла 36 жашында алган Эл артисти деген наамга Роза болгону 28 жашында жетишкендигин айта кетпесек болбос. Талыкпаган эмгектин артынан мындай жетишкендиктерди багындырган ыр­чы өмүрүнүн аягына чейин ырдоону токтотпостугу тууралуу жар салып келет.

Даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: