Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АСЕЛ ТУРДАЛИЕВА ДЕКАН БОЛДУ

№223 9-15-февраль, 2007-ж.


Тыпылдаган ырчы Асел Турдалиева ырчылыктан сырткары Б.Бейшеналиева атындагы искусство институтунда мугалим болуп иштеп келатканы белгилүү. Өзүнүн эмгекчилдигинин аркасында ырчы кызматынан көтө­рүлдү. Тактап айтсак, аталган институттун хореография факультетинин деканы болуп дайындалды. Мындай жоопкерчиликтүү ишти ырчынын аркалаганына аз эле убакыт болду. Бул кабардан улам Асел айымдын күйөрмандары: “Эми сахнага чыкпай калабы?” деп чочулабай эле коюшса болот. Анткени, Асел иши менен кошо ырчылыкты да кошо алып кетмекчи.


СЪЕЗДБЕК СТИЛИН ӨЗГӨРТТҮ

Ырчылык өнөрү менен гана эмес, актёрлук таланты менен да эл көзүнө көрүнүп келаткан Съездбек Искеналиев стилин өзгөрттү. Съездбектин продюсери Акжол Нышановдун айтуусуна караганда, Съездбек улуттук кыргыз кийимдеринин үлгүсүн жаштардын табитиндегидей модалуу үлгүдө тиктирип, өзүнчө оригиналдуу стиль менен чыкканга камданууда. Жаңы стилине жарашыктуу кылып чачын да кыскартты. Ырчыга жаңы костюмдарды анын стилисти Замир Илипов заказ менен тикмечилерге тиктирбестен, өз колу менен тигип жатканы да дайын болду.


БОПУШ ЖАҢЫ КИНОГО ТАРТЫЛДЫ

Калың журтка “Бопуш” деген ат менен таанымал болгон актёр, куудул Марат Жанталиевдин талантына баа бергендер арбын. Жакында эле теледен көрсөтүлгөн “Кууш жолдо” аттуу беш сериялуу детективде Мараттын чыныгы актёрдук талантка эгедер экендигине эл күбө болду. Бул сериалга ал кастинг аркылуу кабыл алынган. Кылмыш ишин ачуу үчүн дудукка айланган опердин ролуна Мараттан башка талапкерлер да болгон. Бирок, “артисттик чеберчилиги менен артык” деп режиссёр Маратты тандап алган. Мындан тышкары, Марат Садык Шерниязов режиссёрлук кылган “Биринчи кадр” деген тасмага тартылган. Анда ал башкы каарман режиссёрдун ролун жараткан. Тасма эфирге чыгып калса, Бопуштун жаңы ролу менен тааныша алабыз.


СЫЙМЫКТЫН ЫСЫМЫ МЕНЕН ҮЙ КУРУЛУУДА

Ырчы Сыймык Бейшекеевдин достору Бишкектин Кызыласкер аймагында жети кабаттуу үй куруп жатышат. Жаңы салынып, бүтө элек көп кабаттуу үйдүн төбөсүнөн “Сыймык” деген чоң жазууну көрүүгө болот. Үйдүн курулуш иши жаңы башталганда ырчынын достору үйгө “Сыймык” деген ысымды ыйгарууну чечишкен. Бул заманбап үй толугу менен июль айында салынып бүтөт. Андагы бир, эки, үч бөл­мөлүү квартиралар сатылгандан тышкары кредитке да берилет. Үйдүн биринчи кабатынан ыр жаздыруучу студия ачуу үчүн ырчы өзүнө квартира бөлдүрүп алган.


ГҮЛ ЫРЛАРЫН СУЛТАНГА БЕЛЕК КЫЛДЫ

Өткөн саныбызда жаш ырчы Султан Садыралиев менен Ташкент кызы Гүлдүн ортосундагы чыр тууралуу жазган элек. Ортодогу келишпестиктен улам эки ырчы чогуу иштешпей калышкан. Буга Султандын Гүл менен түзгөн келишимди бузгандыгы себеп болгон. Гүлдүн айтуусуна караганда, ал Султанга ыр жазып берип жатканда Султан ага: “Хит-парадга чыгарганга сүйлөшүп берем жана концертиңе сөзсүз катышам” деп сөз берген. Бирок, берген убадасынын бирин да аткарган эмес. Ошондон улам Гүл Султанга “ырларымды ырдаба” деп тыюу салган. Султандын продюсери Динара Эсенгулова да: “Гүл, Султан 2007-жылы сенин ырларыңды ырдабайт” деп жооп кайтарган. Бирок, Гүлдүн байкаганына караганда, ал ырларын шаардагы концерттерде ырдабаганы менен тойлордо, гастролдордо ырдап эле жүрөт экен. Ошондон улам Гүл ырларын Султан ачык эле ырдай берсин деген ниет менен белек кылууну чечкендигин биздин гезит аркылуу билдирди.


САМАТ БЕЛЕКТЕРИН УУРДАТЫП АЛДЫ

Жаш ырчы жигит Самат Дөөлөтбаков 2-3-февралда туулган күнүнө арналган алгачкы концертин бергени көпчүлүккө маалым болсо керек. Экинчи күнкү концерт ырчынын 3-февраль туулган күнүнө туш келгендиктен, концертке катыша турган сахналаш достору белектерин ала келишкен. Самат кесиптештеринен, күйөрмандарынан алган белектерин чогултуп, баарын гримденүүчү бөлмөгө коюп, өзү сахнага чыгып кеткен эле. Бирок, ырчынын жоктугунан пайдаланган бирөөлөр болгон белектин баарын алып, ”зуу” коюшкан. Саматтын айтуусу боюнча, ага кымбат баалуу белектер түшкөн болчу. Ошентсе да биринчи концерти анын оюндагыдай өткөндүктөн, уурдалган белектерине Саматтын анчалык ичи ачышкан жок.


АЛЕКСЕЙ АЙДООЧУЛУК КҮБӨЛҮГҮНӨН АЖЫРАДЫ

Алпаруучулук чеберчилиги менен таанымал болгон Алексей Филатов жол эрежесин бузгандыктан, дагы бир ирет МАИчилерге кармалды. Буга чейин деле Алексей МАИчилерге түшүп келген. Бирок, популярдуулугунан уламбы, унчукпастан тез эле коё беришчү. Бул жолу да ал «эч кандай кыйынчылыктар болбойт» деген ой менен МАИчинин жанына жайдары басып барган. Бирок, «өзүңдү эр ойлосоң, бирөөнү шер ойло» дегендей, бул сапар Алексейге бекем мүнөздөгү МАИчи жолукканбы, ал алпаруучуга миң сомго жакын айып салып, айдоочулук күбөлүгүн да алып койгон. Абалдан айып төлөбөй чыгып жүргөн Лёша азыр айдоочулук күбөлүгү жок жүрөт.


“КЫЗ-БУРАК” АСТАНАНЫ ЭМЕС, АТА ЖУРТУН ТАНДАДЫ

Гезитибиздин өткөн сандарынын биринде “Кыз-Бурак” тобун казактар он жылдык келишим менен өздөрүнө чакырып, алар “кетсекпи, кетпесекпи” деп ойлонуп жатканы жазылган эле. Жакында топтун негиздөөчүсү Гүлшайыр Садыбакасова бул теманын аягына чекит койду. Башкача айтканда, Гүлшайыр эже жана “Кыз-Бурак” тобунун кыздары казактарга эмес, өз элине эле кызмат кылууну уланта берүүнү чечишти. Келишимде финансы жагы жакшы каралган эле. Эгерде топ макулдугун берсе, казактар жетекчиге миң доллар, ырчыларга 30 миң теңгеден айлык төлөп бермек. Ошондой эле топтун жетекчиси Гүлшайыр эжеге Астанадан үй беришмек. Кыздар да ошол эле Астанадан бир жылдан кийин үйгө ээ болушмак. Бирок, кайра-кайра ой калчап, баарын байкаштырган кыраакы жетекчи топ менен кошо ойлонуп, мунун баарынан баш тартты. Мындай жыйынтыкка келишине Кыргызстандын туш тарабынан телефон чалган күйөрмандардын сунушу да түрткү болду. “Он жыл ичинде колун сураган казактарга кыздарым макул болуп турмушка чыгып кетишсе, баарын таратып жиберип, кемшейип кемпир болгондо жалгыз өзүм кайтып келмек экенмин. Андан көрө өз элибиз менен эле бирге болгонубуз жакшы” дейт Гүлшайыр Садыбакасова.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: