Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МИРБЕК МЕНЕН ИРЛАН ФОНОГРАММАНЫ ТАШТАДЫ

№229 17-29-март, 2007-ж.


Мирбек Иманбеков, Ирлан Таалайбеков өңдүү учурдун популярдуу ырчыларына колдоо көрсөтүп келе жаткан белгилүү продюсер Асыл Аппасова мындан кийин балдарын жандуу үн менен ырдатууну көз­дөөдө. Башкача айтканда, эми концерттерде бул ырчылар фонограммасыз ырдашат. Себеби, учурда жандуу үн менен ырдаган ырчыларды эл сагынып жаткандыктан, элдин талабына жооп берүү максатын самайт. “Албетте, жандуу үн менен ырдоо кыйын, бирок, ырчы болгондон кийин ал кыйынчылыкты жеңе билүү керек” дейт Асыл Аппасова. Эми кайсы концертке катышпасын, ырчы жигиттер концерт башталаардан эки саат мурда барып даярданышып, андан соң эл алдына чыгышат. Продюсердин бул ою ишке аша баштады. Анткени, Нооруз майрамына арналган концерттерде бул ырчылар жандуу үн менен ырдашты.


СУЛТАН АВТОКЫРСЫККА УЧУРАДЫ

19-март күнү жаш ырчы Султан Садыралиев өзүнүн менчик машинасы менен Совет жана Жантөшев көчөлөрү­нүн кесилишинде кырсыкка учурады. Бул учурда Султан шашып 80 км/саат ылдамдыкта баратып жаңы «Волга» маркасындагы кызмат машинасын сүзүп алган. Кудай бир сактап, Султан эч кандай жаракат алган жок. Бирок, өзүнүн темир тулпары да, «Волга» автомашинасы да айдаганга жарабай калган. Натыйжада, ырчы 1100 долларга чыгым болду. Сүзүп алган машинасын төлөп берүү үчүн эртеси күнү, башкача айтканда, 20-март күнү Султан машинасын сатып, акчасын «Волганы» оңдоо үчүн ээсине берген. Продюсери Динара Эсенгулова Таласта жүргөндүк­төн, азырынча бул жагымсыз жаңылыкты уга элек. Ал эми Султандын: «Бул тууралуу Динара эжеге кантип айтам?» деп башы маң болуп турган кези.


МАЛИКА ФЕСТИВАЛГА КЕТТИ

Кыргыз республикасынын эмгек сиңирген артисти Динара Акулованын кызы Малика апасындай таланттуу экени баарыбызга эле белгилүү эмеспи. Мына ушул таланттуу Малика өз өнөрүн көрсөтүп келүү максатында Казанда өтө турган фестивалга жөнөп кетти. Бул фестивалга өзү сүйгөн “Жаш кыял” үлгүлүү бий ансамбли менен кошо кеткен. Демек, Малика ырдап гана тим болбостон, фестивалда бий өнөрүн да тартууламакчы. Ал жактан келген соң Түркияда өтүүчү дагы бир чоң эл аралык фестивалга сапар алат.


БАКТЫГҮЛ ЖЕҢЕЛҮҮ БОЛДУ

Айчырайлуу айым Бактыгүл Бадыева жакын арада боло турган концерт болобу, башка болобу, баарына катышуудан баш тартты. Анткени, ырчынын үйбүлөсүндө чоң жакшылык болуп, кубанычы койнуна батпай турган кези. Тактап айтканда, Бактыгүлдүн жалгыз байкеси үйлөнүп, бул үйбүлөгө дагы бир мүчө кошулду. “Мен сахналаштарымдын концерттерине катышпаганыма таарынышпайт болуш керек, себеби, мен биринчи жолу жеңелүү болуп жаткандыгымдан, жаңы жеңемдин жанынан чыккым келбей жатат. Апамдын колу узарып калды деп сүйүнүп жатам. Эми өзүм да шаардан Токмокко, үйгө барганымда жеңемдин колунан ысык чай ичип турат экенмин” деп кошумчалады Бактыгүл.


ГҮЛ ПЛАСТИКАЛЫК ОПЕРАЦИЯ ЖАСАТАТ

Өзгөчө стили менен жаштардын көңүлүн өзү­нө бурган жаш ырчы Ташкент кызы Гүл өзү­нүн бир мүчөсүнө пластикалык операция жасатат. Анткени, Гүлдүн ошол мүчөсү өзүнө жакпайт. Кайсы жерине операция жасатаарын ырчы сыр кылып койду. Гүл­дүн айтуусунда, качан гана операция жасалгандан кийин кайсы жери экенин эл өзү байкайт. Бул операцияга бизнесмен аяш атасы демөөр­чүлүк кылып жардам берет. Операция Астанада жасалат. Ошондой эле чыгармачылыгы да четте калбай Гүл “Барам сага” ырына клип тарттырып жаткан кези.


ИЛЬЯЗДЫН “АРМАНЫМЫ” КАЗАК ТИЛИНЕ КОТОРУЛДУ

Эстраданын кенже ырчы мырзасы Ильяз Абдразаковдун “Арманым” аттуу ыры казак тилине которулду. Которууну казак продюсерлери суранышкан соң Ильяз макулдугун берген. Азыр бул ыр Казакстандын кафелеринде тынбай жаңырып жаткан убагы. Казакстандык продюсерлер эми бул ырга ошол жактан клип тарттырып берүүнү да убада кылышууда. Ошондой эле Ильяз март айынын ичинде Жамбул менен Астанада жеке концертин коюуга даярданууда. Концертте Ильяз жалаң өзү­ ырдайт.


АЙНУР ТУРДУ КЫЗЫ ТУРИСТТИК ФИРМА АЧТЫ

Кытайлык кыргыз ырчысы Айнур Турду кызы жакында өзүнүн туристтик фирмасын ачты. Фирманын атын Айнур “Аккуу” деп өзү койгон. Бул фирма Кытай жана Түркия мамлекеттери менен иштешет. Бул фирманын иштей баштаганына бир гана ай болсо да жумуштун ийгилиги көрүнүп, күн сайын фирмадан кардарлар үзүлбөйт. Азыр Айнур өзү фирманын иштери менен Кытайда жүргөн убагы.


“ПАРЗ” ФИЛЬМИ ДҮЙНӨ КЫДЫРАТ

Кино өнөрүндөгү эң жаш чыгармачыл бирикме “Айтыш фильм” студиясы улам жаңы ийгиликтерди багынтып келет. Анын бир мисалы, бул студияда тартылган “Парз” фильмин жаратуучулар Швейцарияда өтө турган эл аралык кинофестивалга чакыруу алышса, андан көп узабай эле Франциянын эл аралык кинофестивалына катышууну өтүнгөн кат алышты. “Парз” фильми буга чейин Францияда болуп өткөн абройлуу «Клермонт Ферранд» кинофестивалында дүйнөдөгү 4700 фильмдин ичинен 50 мыкты тасманын катарына кирип, ал фестивалга татыктуу катышып кайткан эле.


АЙЧҮРӨК ИМАНАЛИЕВА: «ТАЛАНТТУУЛАРГА КОЛДОО КӨРСӨТҮП ЖАТАБЫЗ»

Белгилүү ырчы айым Айчүрөк Иманалиева өзүнүн “Айчүрөк” эстрада театрын кеңейтип, ага эми ыр-бийге шыктуу улан-кыздарды кабыл алганынан кабардар элек. Горький-Алматы көчөлөрүнүн бурчундагы мурдагы «Байпак» ишканасынын имаратында жайгашкан бул мектептин ачылганына эки айга жетпеген убакыт болсо да, сабак өтүлүүчү жайга баш баккан адамдын көзүнө иштин ийгилиги дароо эле көрүнөт.

– Айчүрөк эже, бул мектепти эмне максат менен ачтыңыз эле?
– Кыргыз жаштарында ачылбай жаткан таланттар аябай көп. Мына ошол таланттарын ичине катып, эл алдына чыга албай жаткан улан-кыздарга колдоо көрсөтүү максатында ушул мектепти ачканбыз. Азыр буюрса жакшы, алдыга жылыш бар. Окуучулар да алгач келген күнгө караганда көп нерселерди өздөштү­рүп билип калышты.
– Учурда канча окуучуңуз бар жана алардын жаш курактары кандай?
– Азыр 100дөн ашык окуучу бар. Алгач биз силердин “Супер-Инфо” гезитиңер аркылуу кастинг жарыялаганыбызда кастингге миңден ашык каалоочулар келген. Алардын ичинен музыкалык жөндөм­дүүлүгүнө карап тандап алганбыз. Жаш курактары болсо, негизинен, 13 жаштан 17 жашка чейинкилер. Эң кичинекейибиз 4 жашта. Ошондой эле 27 жаштагы да бир окуучубуз бар.
– Аларга сабак өтүүчүлөр тууралуу да айтып кетсеңиз?
– Учурда төрт мугалим эмгектенип жатабыз. Актёрлук чеберчиликтен Кыргыз Республикасынын эмгек сиңирген артисти Турусбек Жумалиев сабак өтүп жатат. Бий бөлүмү боюнча 25 жылдык тажрыйбасы бар мыкты хореограф Гүлсара Айдарханова үйрөтөт. Ал эми сүйлөө маданиятын өзүмдүн жолдошум Таалай Ороскулов үйрөтүп жатат. Таалай убагында “Пирамида” телеканалында диктор болуп эмгектен алгачкы кыргыз жигиттеринен. Вокал сабагынан болсо өзүм мугалиммин. Мугалимдерге кадимкидей айлык төлөп берем. Алар да алган айлыктарына нааразы эмес.
– Окуучулар канчадан төлөшөт?
– Айына 500 сомдон төлөп окушат. Бирок, балдардын арасында жетишпеген үйбүлөлөрдүн балдары бар, “Коломто” балдар үйүнөн келгендер бар. Булардан акы албайбыз. Мындай балдар мектептин 30 пайызын түзүшөт. Калгандарынан жыйналган акча ижарага алган жайыбыздын акысына, мугалимдердин айлыгына кетет. Азырынча өзүмдүн бул иштен пайда көрүп жиберейин деген оюм жок.
– Сабактардын атайын расписаниеси барбы?
– Сабактар бир жумада үч жолу өткөрүлөт. Бирок, сааты жок. Балдарды үч топко бөлүп койгонбуз. Бирок, ага карабай эле айрымдар ушунчалык кызыгышкандыктан, эртең мененки 7ден баштап кечки саат 8-9дарга чейин жүрө беришет. Бишкектин четиндеги Сокулук, Беловодск өңдүү айылдардан келген балдар да бар. Аларды ата-энелери алып келишип, сабак канча саат болсо ошончо күтүп отура беришет. Биздин ишибизге ыраазы болушуп, “балдарыбыз мурдагыдай болуп көчө тапташпай, бир нерсеге умтулуп калышты” деп ыраазычылыгын билдирип кетишкен ата-энелер да жок эмес.
– Алдыда кандай максаттарыңыз бар?
– Май айынын аягында отчёттук концертибизди берсек деген оюбуз бар. Азыр ошого даярданып жатабыз. Окуучулардын арасында аябай жакшы ырдаган 3-4 кызга бийлерди даярдап жатабыз. Буюрса, төрт айдын ичинде эмнеге жетишкенибизди элге көрсөтөбүз.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: