Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАНАРА «НБТга» КЕТТИ

№232 13-19-апрель, 2007-ж.


Жагымдуу үнү менен борбор калаабыздагы угармандардын көңү­лүн көтөрүп келген “Кыргызстан Обондору” радиосунун ди-джейи Жанара Атабекова 1-мартта расмий түрдө радиодон кетти. Бирок, «жакшы көргөн ди-джейимдин үнүн укпай калам» деп чочулаган күйөр­мандары кам санабай эле койсо болот. Анткени, Жанараны жакында «НБТ» телеканалынан көрө алабыз. Эми Жанара теледе музыка тармагында эмес, маалымат кызматында иш алып барат. Азыр Жанара аталган телеканалдын “кухнясын” үйрөнүү үчүн стажировкадан өтүп жаткан учуру.


"БОЖАЛАР" КЫРГЫЗСТАНГА КЕЛҮҮДӨН
БАШ ТАРТАБЫ?

Эмнегедир өзбек ырчыларынын Бишкекте концерти болоордо эле бизде митинг күчүнө кирип калат. Эсиңиздерде болсо, Юлдуз Усманованын күздөгү концерти ноябрдагы жети күндүк митингге туш болсо, ушул эле Юлдуз андан мурун 24-март революциясынын актуалдуулугу таркай электе май айынын башында концерт менен келген эле. Бул ырчынын бизге боору ооруп да, болушунча шылдыңдап да сүйлөгө­нүнө концертке барган элдер өздөрү күбө болушкан. Мына эми күйөр­мандары күтүп жатышкан Өзбекстандын “Божалар” тобунун концерти да биз үчүн көнүмүш болуп калган саясий митингге экинчи жолу туш болуп отурат. Ошондуктан, ырчы жигиттер Кыргызстандагы саясий абалдан коркушуп, «барсакпы, барбасакпы» деп ойлонуп жатышыптыр. Андыктан, сиз күткөн өзбек ырчылары келбей калса эч таң калбаңыз, окурман.


«НБТНЫН» ЖАҢЫ ЖЫЛДЫЗЫ-2» ДОЛБООРУНУН ФИНАЛИСТТЕРИ ТҮРКИЯГА БАРЫШАТ

Кыргызстандагы жаш жылдыздарды тарбиялап чыгаруучу «НБТнын» жаңы жылдызы-2» долбоору 20-21-апрель күндөрү жыйынтыгын чыгарат. Долбоор жөнүндө маалымат катары айта кетсек, мында 20 жаш талант тарбияланып, аларга эки жарым ай бою хореография, вокал, актёрлук чеберчиликтен сабак өтүлгөн. Ал эми концерт убагында көрүүчүлөрдүн добушу аркылуу алгач 10 мыкты катышуучу тандалып алынат. Булардын арасынан да үч финалист суурулуп чыгып, аларга жай айына Түркияга эс алып келүүгө жолдомо берилмекчи. Айта кетүүчү нерсе, концерт учурунда «НБТнын» жаңы жылдызы-3» долбооруна жаш таланттар кабыл алынат.


ТОКТОБЕК МЕНЕН КУТМАН ЖАҢЫ ТОП ТҮЗДҮ

Фольклор жана эстрада ырчысы Токтобек Асаналиев менен Кутман Жолдошев биргеликте 10 кишиден турган эстрада-фольклордук топ түзүп жатышат. Бул топтогулар башкалардан айырмаланып, жалаң гана улуттук аспаптардын коштоосунда жандуу үн менен ырдашат. Мындай топ түзүүнүн максаты –кыргыздын улуттук музыкасынын деңгээлин өнүктүрүү, учурда фонограмма менен ырдап популярдуу болуп жаткан ырчыларды жандуу үн менен ырдаганга чакыруу. Анткени, өзүбүздүн нукура улуттук музыкабызга акыркы учурларда көп көңүл бурулбай келет. Топко азырынча ат коюла элек. Кыргыз дегенде көкү­рөгүн койгулаган таланттуу улан-кыздарды учурда топко кабыл алуу жүрүп жатат.


ГҮЛ ЭМИ ӨЗБЕКЧЕ ЫРДАЙТ

Жаш ырчылардын арасында өзүнүн башкача стили менен айырмаланган ырчы Ташкент кызы Гүл “Барам сага”, “Мен өзгөрүп баратамын” аттуу эки ырын эми өзбек тилине которуп ырдайт. Учурда бул ырларды өзбекчеге Ошто клип тартуучу “DDD” студиясынын жетекчиси Бахрам которуп жаткан кези. Жакында Гүлдүн күйөрмандары сүйүктүү ырчысынын өзбек тилинде ырдаган ырларын уга алышат. Ошондой эле коңшу өлкөлөрдөгү музыка сүйүүчүлөр да бул кыргызчадан өзбекчеге которулган ырларга күбө болуп калышы толук ыктымал.


КАНАТ КИНОГО ТАРТЫЛУУДАН БАШ ТАРТТЫ

Жаштар арасында популярдуу болуп бара жаткан жаш ди-джей жана ырчы Канат Кадыров “Армандуу жашоо” деген киного башкы каармандын ролун ойноого чакырылган. Канаттын буга чейин киного тартылгысы келген тилеги болсо да, кинонун сценарийи таптакыр жаккан эмес. Анткени, сценарийде кыргыз элинин менталитетине туура келбеген кадрлары, анын ичинде обу жок эле көп өбүшө турган жерлери бар. Тилекке каршы, мындай ролду аткара албасын айтып, Канат киного тартылуудан баш тартты.


ЮЛИЯ ПРАГАНЫН РАДИОСУНА ИНТЕРВЬЮ БЕРДИ

Орус кызы болсо да жүрөгү кыргыз деп соккон, кыргыз тилинде ырдаган жаш ырчы кыз Юлия Руцкая Чехия мамлекетинин Прага шаарында жайгашкан белгилүү “Свобода” радиосуна интервью берди. Кыргыз шоу-бизнесинен буга чейин чет өлкөлүк радиого интервью берген эч ким болгон эмес. Юлиянын көптөгөн өлкөлөрдө өткөн фестивалдарга катышып, жеңүүчү болуп жүргөнү жөнүндө маалымат алган бул радиодогулар Юлияны сүрөтүнөн көрү­шүп, таланттуу кыз менен маектешүүнү көздөш­көн. Чыгармачылык тууралуу маектешүү телефон аркылуу гана болду жана өз тилдеринде сүй­лөш­көн ырчы менен кабарчынын сөздөрүн ортодо котормочу которуп турду.


“Кыргызстан Обондору” радиостанциясынын редактору, жаш акын Медер Осмоналиев:

«МЕНИН СӨЗҮМӨ ЖАЗЫЛГАН ОБОНДУУ ЫРЛАРДЫН КОМПАКТ-ДИСКИН ЧЫГАРАМ»

Эсиңиздерде болсо керек, өткөн жылы Медер «Жалын» аттуу 2-ырлар жыйнагын чыгарып, өзүнүн ырларын аткарган ырчылардын катышуусу менен чоң концерт өткөргөн эле. Жаш акындар арасында мындай чоң концерт өткөрүү шоу-бизнес жаатындагы жаңылык болгон. Эми Медер ошол бойдон эле калып калбай, акындар арасынан биринчи болуп өзүнүн ырларынын компакт-дискин даярдап жатат.

– Медер, компакт-диск чыгарууңа эмне түрткү болду?
– Негизи, чыгармачылык дүйнөгө аралашкандан кийин бир орунда тура берген туура эмес экен. Күнүгө изденүү, күнүгө жаңы дем керек. 2-китебим жарык көргөндөн кийин менин ырларыма чыккан обондор да көбөйүп, бир катар эстрада ырчылары аткарып жүрүшөт. Ал эле эмес, дастан жаатында да «Көл муңу» деген ыр жазып, ал да айрым жерлерде ырдалып келет. Эл ичинде ырдалып жүргөнү менен көп обончулар, акындардын аттары көмүскөдө калат экен. Ошол себептүү, менин сөздөрүмө жазылган обондуу ырлардан турган компакт-диск чыгарууну өз колума алдым. Айта кетсем, обондуу ырларымдын жалпы саны кырктан ашып калганы менен компакт-дискке бир кыйла таанымал болуп калган 17 ырымды гана киргиздим.
– Обондуу ырлар жыйнагың кандай аталышта жана ал канчалык деңгээлде даяр болуп калды?
– Компак-дискке «Жалын» деген ат койдум. Өткөн жылы ушундай эле аталыштагы китебим жарык көргөндө түшүндүрүп кеттим эле. Анын мааниси, жалындай жаштык кезде элиме кызмат кылбай, күчүмдү эл-жериме жумшабаганда кайда жумшамак элем? Анда 25те болчумун, быйыл 26га чыктым. Жалындап турган мезгил бекен? Ал эми даярдыгы тууралуу айтсам, учурда дискти чыгарууга укук алуу, патенттештирүү, ырчылар менен байланышып, алардын колдорун койдуруп жаткан мезгил. Буюрса, 10-15 күндөн кийин «Жалын» компакт-диски жарык көрүп калат.
– Жакында дагы концерт даярдап жатат деп уктук, ошол чынбы?
– Чын. Кол койдуруу менен бирге ырчыларга да кулак кагыш кылып келе жатам. Апрель айынын 25-26сында дискимдин бет ачарына арналган концерт даярдалууда. Анда менин ырларымды аткарган Гүлнур Сатылганова, Асел Турдалиева, Мухтар Атаналиев, Айжамал Кабылова, Нуриса Абазова, Назми, Жанара жана Нурбек Айдаровдор, Жийде Мурат кызы, Санжар Бердибеков, Азиз Жетигенов, Ильяз Абдыкадыров, Гүлмира Рыспаева жана жаңы чыгып келе жаткан таланттардан Жоомарт Жедигеров, Бурхан деген ырчылар, «Аза-универсал», «Сема» топтору сахнада болот. Мындан тышкары, куттуктап келген эстрада жылдыздары, куудулдар жана «Кыргызстан Обондору» радиосунун жалпы жамааты, мурунку ди-джейлер концертте болушат. Белгилей кетчү нерсе, ошол концертке келгендер гана «Жалын» китебим менен «Жалын» компакт-дискимди өз баасы менен ала алышат.
– Деги эле диск чыгарып, концерт даярдагандын өзү канча турат экен? Демөөрчүлөрүң барбы?
– Негизи эле бул иштердин майда-барат ызы-чуулары көп экен. Азырынча айрым маселелер чечиле элек. Ошол иштердин бардыгы бүтүп, такталгандан кийин гана канча акча кетээри аныкталбаса, азыр мынча каражат кетти деп айтуу кыйын. Демөөрчүлөргө сунуштарды таштап койгом. Учурда алар кароодо жатат. Ага чейин айрым чыгымдарды ага-ини, дос-тааныштардын колдоосу менен өзүм жаап жатам. Учурда билеттерим даяр болуп калды. Жамаат менен концерт көргүсү келгендер алдын- ала заказ кылып коюшса болот. Мунун себеби, өткөн жылкы концертимде көп адамдар бирге отурууга билет таба албай, айрымдары кирбей калган экен.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: