Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

“Боз салкын” фильминин режиссёру Эрнест Абдыжапаров: «ОРТО ЖОЛДО УУРУЛАРДЫ БАГЫП ЖАТАБЫЗ»

№236 11-17-май, 2007-ж.


Акыркы жылдарда кыргыз киносу кайра жанданып, кинотеатрга барып эс алууну унута баштаган биздин муундардын кайрадан кинотеатрларга агыла баштаганы жүрөк кубантаарлык иш болууда. Белгилүү режиссёр Эрнест Абдыжапаровдун ырчы жигит Съездбек Искеналиев баш каармандын ролун аткарган “Боз салкын” фильми профессионалдуу деңгээлде тартылган кыргыз фильмдеринин катарын толуктайт. Өкүндүргөн нерсеси – дал ошол мыкты фильмдин журтчулукка өз деңгээлинде жетпегени болуп жатат. Минткенимдин себеби, фильм кинотеатрда жүрүп жаткан учурда кино пираттары “Боз салкындын” дисктерин чыгарышып, чала бүткөн вариантында элге таратып жиберишкен экен. Бул маселе боюнча режиссёрдун өзүнө суроо салдык.

– Эрнест агай, фильм пиратчылыкка кабылып калбаш үчүн алдын-ала чара көргөн жок белеңиздер?
– Бүгүнкүдөй көрүнүшкө кабылып калбаш үчүн өзүбүзгө сак болуп, этияттык кылып жатканбыз. Ошентип отуруп эле алдырып жибербедикпи. Ким кайсыл убакта уурдап кеткени белгисиз.
– Күмөндөрүңүз барбы?
– Фильм даяр болгончо үч-төрт жерге барган да. Башкача айтканда, монтажы башка жерде жасалса, үндөрү башка жерде жазылган. Андай учурларда артынан такай аңдып жүргөнгө мүмкүнчүлүк болгон эмес. Ошондо кирип-чыккандар дискти акырын илип кетишсе керек. Андан тышкары, эл аралык фестивалдарга жөнөтүү үчүн дискти көбөйтүүгө туура келген. Балким, уурулар ошондой учурлардан пайдаланышкандыр. Көрбөгөн соң айтуу кыйын экен. Мени баарынан да өкүндүргөн нерсе – фильмдин чала иштелген варианты таралып кетип жатпайбы. Кинонун тили менен интершум деп коёт, башкача айтканда, фильмдеги дарактардын шуулдаганы, машинанын күрүлдөгөнү. Элдер дисктен көрүп жаткан кинонун вариантында мына ушундай интершум жок. Болгону диалог, анан кээде-кээде музыка угулуп калат. Муну көргөн элдин моокумдары канбай: “Аа, жаман эле кино турбайбы”,- деген тескери ойдо калышат. Натыйжада, менин эмгегим талаага кеткендей болуп калды.
– Бул ууруларды табууга мүмкүн бекен?
– Тиешелүү жерлерге кайрылып көрдүк. Алар чара көрүп жатышат. Бирок, алар оңойчулук менен табылбайт экен. Атайын мындай иш менен алектенгендердин чоң тобу бар экен да. Булардын “крышалары” да күчтүү болот экен. Ошондуктан, табылышынан да күмөн бар.
– Өзүңүз ошол дискти көрдүңүзбү?
– Өзүм көргөн жокмун. Бирок, укканда эле дароо элестеттим. Өтө эле начар. Жакында эле жолдун боюнда бир абышканын дискти сатып отурганын көрдүм. “Ава, ушуну сатпай эле койсоңуз жакшы болмок”,- деп баарын түшүндүрсөм, “макул” деп четке алып койду.
– Фильм ушул убакка чейин өзүнүн канча пайызын актады эле?
– “Боз салкын” Кыргызстан үчүн гана тартылган фильм эмес да. Ал дүйнөлүк масштабда тартылган фильм. Ошон үчүн азырынча актады-актабады деп айтканга болбойт. Дагы бир-эки жылдан кийин айта алабыз.
– Кино пираттарынын колунан таратылган фильмди көрүп жаткан элге эмне деп кайрылаар элеңиз?
– Биз орто жолдо ууруларды жөн эле багып жатабыз. Кыргыз киносун өнүктүрүү ар бир кыргыз атуулунун колунан келет. Элдер 100-150 сомун аябай, маданияттуу түрдө эле билет сатып алышып киного киришсе, бизге аздыр-көптүр өз салымдарын кошушкан болот эле. Кинотеатрдын чоң экранынан көрүп, өздөрүнүн да моокумдарын кандырышмак, бизге да жакшы болмок. Киносүйүүчүлөргө айтаарым – ууруларга алданышпаса.

Маектешкен Азиза Сатимбекова


Кубик менен Борончу жаңы теледолбоор түзүүдө

“Акчүч!!!” Бул сиз чүчкүргөндө айтылчу сөз эмес, бул – Кубик менен Борончу байкелерибиз биргеликте түзүп жаткан жаңы теледолбоор. Ушундай аталыштагы сатиралык программа түзүү үчүн эки достун учурда “жогору” жактан уруксат сурап жүргөн убактары. Эгерде кудай буюруп, ойлору ишке ашып калса, күлкүлүү телеберүүнүн күбөсү да болуп калаарбыз. Айта кетчү нерсе, бул көрсөтүүгө башка куудулдар атайын студияга келип тартылбастан, алардын мурда чоң сахнадан эл алдында аткарган номерлери көрсөтүл­мөкчү. Эмне демекпиз, жаңыдан баштаган ишиңерге ийгилик!



“Кыз-Бурак ” Кытайга кетет

“Кыз-Бурак” тобу жакында эле Алматы, Астанага барып 1-майга карата концерт берип келди. Ал жактан куру келбей, грамоталар менен сыйланып, баурдастардын кадырлуу коногу болуп кайтты. Эми бул топ мамлекеттик делегация менен Кытайга жөнөп жатат. Кытайда 13үнөн 22сине чейин 10 күн бою концерт берет. “Кыз-Бурак”менен кошо Кыргыз Республикасынын Эл артисти Жолболду Алыбаев, Кыргыз Республикасынын Эмгек сиңирген артисти Токон Эшпаевдер да жөнөш­мөкчү.


“Шаттык” бий ансамбли фестивалга барып келди

Белгилүү ырчы айым Сырга Жапар кызы күйөөсү экөө жетектеген “Шаттык” бий тобу жакында эле Мурманск шаарында өткөн эл аралык элдик бийлердин фестивалына барып келишти. Бул фестиваль жыл сайын өтүп, КМШ өлкөлөрүнүн бийчилери өздөрүнүн улуттук бийлерин аткарышат. Фестивалда “Шаттык” бий ансабли кыргыз бийин калыстар тобуна тартуулап, 1-орунду ээлеп кайтышты. Ошондой эле Сырганын күйөөсү Эрик менен “Шаттык” тобунун мүчөсү Айсана Жоодарбек кызы Анталиянын улуттук телеканалы уюштурган бий фестивалына барышып, Түркиянын премьер-министри жана президенти менен жолугушуу кечесине катышып келишти.


Таластык ырчылар Эрланды сотко беришеби?

Таластыктарды таңшыткан белгилүү продюсер Эрлан Шүкүрбековду таластык ырчылар сотко бериши мүмкүн. Анткени, Эрлан дайыма концерт уюштурганда ырчылардан уруксат сурабай эле алардын аттарын афишага кошуп койчу тура. Мындан мурда дал ушундай жоругу үчүн ырчылар тарабынан Эрланга эскертүү берилген дешет айрым ырчылар. Эми 9-майда Таласта уюштурган концертине уруксатсыз эле афишага атыбызды жазып койгон деп нааразы болгондор дагы чыгууда. Мурда нааразы болгондордун бири Ынак Османалиев Эрланга чалып: “Менин сүрөтүмдү алып сал”,- десе, Эрлан афишадагы сүрөттү кара өң менен өлгөн кишини чийгендей кылып чийип койгон экен. Анан Ынактын жини келип, “соттошом” деп баштаганда Алина Жетигенова экөөнүн ортосуна түшүп жатып токтотуп калган болчу. Эми бул ишти Кубаныч Сатаев баштап, “Эрланды сотко берем” деп жинденип жаткан кези. Анткени, “Биздин атыбызды сатып акча таап жатканы аз келгенсип, бизди элге жаман да көргөзүп жатат. Буга чара көрбөсөк болбой калды окшойт”,- дейт Кубаныч. Ал эми Гүл болсо сотко бербесе да, Эрлан байкесине нааразы экендигин билдирди.


Абидин апасына үй белек кылды

Белгилүү ырчы Абидин Темиров апасынын быйылкы 70 жылдык юбилейине арнап үй белек кылды. Башкача айтканда, Ноокат районунун Кыргызата айылындагы атасынан калган эски үйдү буздуруп, бир жыл ичинде заңгыратып жаңы там салды. Ошондой эле ырчы мырзанын апасына арнап жаңы ыр жаздырып жаткан мезгили. Абидин сахнадан көп көрүнбөй калганы менен дагы деле болсо чыгармачылыктын үстүндө иштөөдө.


Ильяз казак жигитти кыргызча ырдатабы?

Жаштардын арасында популярдуу болуп жаткан ырчы Ильяз Абдразаков казак ырчысы Аза деген жигитти Кыргызстанга алып келип, кыргызча ырларды жаздырып жатат. Эми Аза менен Ильяз “Сагынуу” деген ырды дуэт ырдап чыкканга даярданышууда. Бул казак жигит эки айдан бери Бишкекте. Ильяз менен келишим түзүп, кайсы бир мөө­нөткө чейин Кыргызстанда иштемекчи.


Мирбек менен Ирлан эски ырларды
жаңыртышабы?

Жаш ырчы Мирбек Иманбеков Жолдошбек Мамажановдун кыргыз журтчулугуна белгилүү “Сүрөтүңө” аттуу шедевр ырын жаңы аранжировка жасатып, жаңыча стилде ырдап чыкканга даярданып жатат. Ал эми Мирбектин сахналаш иниси Ирлан Таалайбеков да “Манастан Чубак кем бекен?” деп Түгөлбай Казаковдун “Алтын балалык” деген ырын жаздырып жаткан кези. Ошондой эле Ирлан Мирбектен өзгөчө­лө­нүп, бул ырды дуэт кылып ырдаганга жакшы үндүү, келишимдүү кыз издөөдө. Бул жаңы ырларга жакында күбө боло алабыз.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: