Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«КЫЗ ЖЕ КЫЗ ЭМЕС ЭКЕНИМДИ БИЛБЕЙМ»

№186 26-май-1-июнь, 2006-ж.


«КЫЗ ЖЕ КЫЗ ЭМЕС ЭКЕНИМДИ БИЛБЕЙМ»
– Саламатсыздарбы, "Супер-Инфо" гезити! Сиздерге жан-дүйнөмдү эзип келген, айтылбай турган сырымды айтып, жүрөк өйүткөн суроомо сиздерден жооп алууну туура көрдүм. Эмесе, бардыгы башынан болсун.
Мен ал кезде чоң энемдин колунда 2-класста окучу элем. Биз менен кошо байкем, атамдын үйлөнө элек иниси жашачу. Бир күнү көчөдө ойноп жүрсөм, ошол байкем чакырып калды. Оюмда эч нерсе жок келсем, үйгө кирүүмдү суранды. Чоң энемдер жумуштары менен бир жакка кеткендиктен, үйдө байкем экөөбүз эле калган элек. Ошентип, мен үйгө кирген соң, ыйлаганыма карабай күч колдонуп, шымдарымды чечти. Анан каалаганын жасоого өттү. Бирок, негедир «жан жерим» ооруган да, канаган да жок... Ишин бүткөн соң, "бирөөгө айтсаң, анда өлтүрөм. Дагы кыйнайм" деп коркутту. Айла жок, корккондуктан, бул окуя боюнча эч кимге айтпаган бойдон кала бердим. Балалык менен ал кезде көп нерсеге тү­шүн­бөптүрмүн. Ал окуя да такыр эле эсимден чыгып кетиптир. Бойго жеткенимден кийин гана баарына түшүнүп, бармагымды тиштеп отурам.
Учурда ЖОЖдордун биринде 2-курста окуйм. Сүйлөшкөн жигитим болсо жакында баш кошууну сунуштап жатат. Мен кыз же кыз эмес экенимди билбеген соң, ага макулдугумду бере албай жатам. Жигитим экөөбүз бир айылданбыз. Сүйлөшкөнүбүзгө алты жыл болду. Жигитим үйлөнөлү деген сайын өткөн каргашалуу окуя күн эсиме түшүп, ыйлап жатып көз жашым да кургап барат. Бир кезде шайыр мүнөзүм бар эле, жакынкы убактан бери анын баары артта калды. Ойлогонум – кыздык намысым. Турмушка чыгуу жөнүндө эстегенимде баш оогон жакка тентип кетким келет. Эгер кыздыгым жок турмушка чыксам, качандыр бир кездерде жашоомо терс таасири тийеби деп корком. Же жигитиме макул боло электен мурун баарын айтып, түшүн­дүрүп берип, анан анын чечимине карап иш кылышым керекпи? Ушул суроолорума жооп берип коёсуздарбы?! Айназик, Нарын.

– Айназик, жигитиңе сырыңды айтуудан мурда гинекологго көрүн. Көп кайгыруу денсоолугуңа зыян экенин эске алып, чечкин­дүү­лүк кыл. Гинеколог текшерген соң, баары айкын болот. Эгер кыздык белгиң аныкталбаса, анда баарын өткөн иш катары кара да, гинекологдон андан ары жардам бе­рүү­сүн сура. Медиктер мындай учурларда гименопластиканы сунуштоолору мүмкүн.
Анан өткөн окуяны унутуп, эстебегенге аракет кыл. Эч нерсе болбогондой өзүңдү эркин алып жүрүүгө үйрөн. Анткени, сен ал окуя үчүн күнөөлүү эмессиң. Сенин келечегиң али алдыда экенин, сени көптөгөн жакшы ийгиликтер күтүп тургандыгын эске ал.

«ТАШТАП КЕТКЕН АПАМА ЖОЛУГУУНУ ЧЕЧЕ АЛБАЙ ЖАТАМ»
– Урматтуу редакция! Учурда менин жү­рө­гүмдү чоң маселе эзип келет. Анда ал маселе боюнча баяндап берейин.
Менин ата-энем убагында бири-бирин катуу сүйүп үйлөнүшкөн экен. Экөөнүн чоң сүйүү­сүнөн мен жаралыпмын. Бирок, мен жаңы төрөлгөн кезде атам каза болуп калыптыр. Атамдан ажыраган апам анын өлүмүнө мени күнөөлөп, мени "каражолтой" атка кондуруптур. Ал аз келгенсип мени жерип, жакын туугандарыбызга таштап кетиптир. Ошентип, мен туугандарымдын колунда чоңойдум.
Азыр мен 16 жаштамын. Жакында туугандарыбыздын бири өзүмдүн таштап кеткен апама жолугуп калыптыр. Апам ага мени көргүсү келгенин жана бир кезде мени таштап кеткен каталыгына өкүнөөрүн айтып, буркурап ыйлаптыр. Тууганым: "апаңдын сөзүн сага гана айтып жатам. Башка эч кимге оозумдан чыгарбайм. Анткени, башкага айтпоого апаңа убада берип келдим. Эгер апаңды көрүп жолуккуң келсе, мага айт, ага жолуктуруп келем. Калганын убакыт көрсө­төөр" деп кошумчалады. Буларды уккан соң, бир туруп кыжырым келип, апамды жек көрсөм, бир туруп аны көргүм келет. Эмне кылаарымды билбей турам. Кеңеш бериңиздерчи, суранам. Жоробек, Талас.

– Жоробек, жашоодо ар түрдүү тагдырлар учурайт. Адамдар кээде ачууга алдырганда кабыл алган чечиминин кайсынысы туура же туура эместигин билбей да калышат. Кээде кырдаал же жашоо-шарты айласыз кадамдарга баруусуна түрткү болот. Убакыт өткөндөн кийин гана кетирген каталыктары үчүн өкүнгөн учурлар болот. Эми сага айтаарыбыз, багып алган ата-энеңе айтпай эле өз апаң менен жолугуп көр. Жолугуудан эч коркпо, анткени, андан эч нерсе болбойсуң. Апаң менен сүйлөш, аны угуп көр. Анан аркысын убакыт өзү көрсөтөөр.

«КУРБУМ ЖИГИТИМ МЕНЕН ЖҮРҮП АЛДЫ»
– Мен бул катты сиздерге ичимде толгон муңум менен бөлүшүп, кеңеш алуу үчүн жазып жатам.
Менин эң жакшы курбум деп эсептеген Алина менин жигитим менен жүрүп алды. Жигитим экөөбүз сүйлөшүп жүргөнүбүзгө жарым жылдан ашкан. Мен анын сүйөөрүнө ишен­чү­мүн. Бирок, кийинки учурда ал мага жолугууга келбей, арабыз алыстап кеткен эле. Көрсө, ал курбум Алина менен мамиле түзө баштаган экен. Алина болсо мени менен мамилесин үздү. Башка дос-курбуларыма да мени жамандап, алар да мени бөлүп, кошпой калышты. Алар менен сүйлөшүп, мамилебизди такташайын десем, мени угуп да койбостон басып кетишүүдө. Сыягы, Алина аларга мени ушактап жек көргөзүп койгон окшойт.
Булардын баары күнөөсүз мага оор тийип, жалгыз калдым. Жан-дүйнөм эзилип, күндө кечинде ыйлайм. Эмне кылсам болот? Жигитимди кайтара аламбы? Айгүл, Ысыката.

– Айгүл, жашоодо канча түрдүү адам болсо, ошончо түрдүү мүнөз болоорун түшүн. Бири жакшы болсо, бирөөнүн ичи тар дегендей... Бирок, кандай болгон күндө да чындык бир күнү ачыкка чыгаарын эске ал. Ошондо бүгүн сага жаман мамиле жасагандар бир кезде сенден кечирим сурашаар.
Сенин кырдаалды баамдап биле алганың жакшы нерсе. Эми келечегиң алдыда экенин эсиңе ал да, жигитиңди кайтарып алууга аракет кылбай эле кой. Эстүү жигиттер мындай кадамга барышпайт. Андан көрө элге жакшы кыз экениңди далилдөө үчүн өзүңдү жакшы алып жүр. Кыздардын алды болгонго аракет кыл. Жалгызмын деп ойлобо, жаныңда сени жакшы көргөн, түшүнгөн адамдардын бар экенин унутпа. Өзүңө келип, баарын унутуш үчүн спорт менен машык, сырткы келбетиңе көңүл бөл. Сен өзүңдүн адамыңды табасың, болгону эч качан шашпа.

«АПАМ МЕНЕН КАНТИП ТИЛ ТАБЫШАМ? ЖЕ ҮЙДӨН ЧЫГЫП КЕТКЕНИМ ТУУРАБЫ?»
– Менин жашым 17де. Сиздер менен апам тууралуу ой бөлүшүп, кеңеш алайын дегем. Атабыз жок болгондуктан, үйдө апам башчылык кылат. Ал бизди башынан аябай катуу кармайт. Досторубузду үйгө киргизмек түгүл, жада калса сүй­лөш­түрбөйт. Апам­дын айынан досторум менен да көңүл ача албайм. Эркек тааныштарымдын бирөө­сү менен сүйлөшүп турганымды кө­рүп калса болду, сурак башталат да, арты чатакка айланат. Менден улуу байкем ушундай мамилеге чыдай албай үйдөн чыгып кеткен. Апам катасын түшүнмөк түгүл, кайра байкемди күнөө­лөйт.
Эки күн мурун да көчөдөн бир досум менен сүйлөшүп турсам, апам көрүп калып эл айтпаган сөздөр менен урушуп үйгө алып кетти. Мен ал жигитти жактырчумун. Уялганымдан өлбөгөн төрт шыйрагым калды. Эми ал жигиттин бетин кантип карайм?
Мен эми качанкыга чейин апамдын ою менен болуп, дос-курбу күтпөй жүрөм. Же анын каалаганындай болуп жалгыз жүрө беришим керекпи? Эмне кылышымды билбей калдым. Сиздерден кеңеш күтөм. Бегайым, Карабалта.

– Урматтуу Бегайым. Эне кандай болгон учурда да баласына жамандык каалабайт эмеспи. Мүмкүн апаң силерди жаман окуяга кабылып калбасын деп аябай санааркап, сен айткандай кадамдарга барат чыгаар. Анын үстүнө эки баланы жалгыз багып-өстүрүү деле апаңа көп түйшүк тартуулаарын унутпа. Буга кошумча, энеге уул-кызы бой жетсе деле кичине сезилээрин эске ал. Эми берээр кеңешибиз, үйдөн чыгып кетсемби дегенден көрө апаңа жумшак мамиле жаса. Акырындап аны өзүңө курбуга, кеңешчиге айландырууга аракет кыл. Апаң сенин чоңоюп, өз алдыңча чечим чыгарып калгандай даражага жеткениңе ишенгендей болсун. Эгер мындай аракетиңден да натыйжа чыкпай турган болсо, анда апаң экөөңдүн мамилелериңдин жөнгө салынышы үчүн психологго кайрылууңарга туура келет.

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
29.04.2011. 01:43 
Тайпасы:
Кыймылы жок
Комментарийлердин саны:
119
Катталган:
24-04-2011
Соӊку аракети:
25-07-2012 20:58
Жынысы:
Белгисиз
Калаасы:
санкт петербург
0
мен жанагы атасынын иниси зордуктаганга тушуно албай калдым. калп окшойт бир еле жолу зордуктамак беле чогу жашашса
17.07.2011. 09:53 
Тайпасы:
Кыймылы жок
Комментарийлердин саны:
25
Катталган:
06-07-2011
Соӊку аракети:
07-08-2012 09:34
Жынысы:
Белгисиз
+2
Бегайым!Эми бул тагдыр,айла жок мен да сендей тагдырда жашайм.Бирок апа сутун акташ кыйын.Андыктан сен чыда,апанды тушун!Бул нервден, жалгыз бала тарбиялаш да кыйын.Сен апандын конулун оорутпа!Эгер сен жакшыы кыз болсон акырындап баары жакшы болот!Апа да баары бир!Менин апам да сеникиндей бирок алар бизди жаман болсун дебейт!Азыр адамдар бузулган,алар бизди ушул чойрого кошкусу,жоготуп алгысы,жана озуно окшоп калышыбыздан коркот!Сен аны тушун!бирок турмуш курууда адашпа.Тушунуктуу бол.ал кылыкта
12.10.2011. 17:25 
Тайпасы:
Кыймылы жок
Комментарийлердин саны:
14
Катталган:
11-01-2011
Соӊку аракети:
26-11-2013 00:42
Жынысы:
Белгисиз
-1
Бегимай! Мен гезиттин берген кенешине кошулам. Уйдон чыгып кетип каяка бармак элен бир чети, анан апанды ойлондуруп, ашыкча сарсанаа кылыштын сага не кереги бар. Сен жашын болгону 17де экенсин,дагы эле болсо бойго жете элексин, озун коросун,апан убагы келгенде сенден кенеш сурап, сени менен эсептешип калат убагы келгенде. Апалар кыздарын катуу кармагандыктан, кыздар жакшы тарбия алып,жашоодогу жолдорунан адашпай, катачылыктарды кетирбей жашап келишет кобу.
15.10.2011. 02:05 
Тайпасы:
Кыймылы жок
Комментарийлердин саны:
11
Катталган:
21-01-2011
Соӊку аракети:
19-10-2013 23:36
Жынысы:
Белгисиз
Калаасы:
ОШ
0
Мен айтайын кыздын намысы озу 12 жашынан баштап осуп онуго баштайтко ана калса мен бир кызды билет болчумун ал кыздын жаш кезинде ошого окшошурак окуя болгон ал кыз азыр 2баланын апасы бактылуу еле жашап жатат
23.10.2012. 01:08 
Тайпасы:
Жаран
Комментарийлердин саны:
388
Катталган:
25-09-2012
Соӊку аракети:
18-09-2018 18:59
Жынысы:
Белгисиз
0
эх бегимай,менин апам ушинтип мени тарбияласа,катуу кармаса кана.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: