Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨМҮР САКЧЫСЫНАН ӨЛҮМ ЖАРЧЫСЫНА АЙЛАНГАНДАР

№266 7-13-декабрь, 2007-ж.


Бул жеке менчик медициналык борбор абдан абройлуу, анан да жалаң элитанын өкүлдөрүн тейлеп, акысы асманга чыккан кымбаттардын катарында эле. Эгер өз ишине берилген кылмыш иликтөөчү бул борбордо иштеп жаткан доктурлардын иш-аракетин суу үстүнө чыгарбаса, күндүз ак халат кийип, адамдардын денсоолугу, өмүрү үчүн күрөшкөн доктурлардын түнкүсүн кандай иштер менен алектенишээрин көпчүлүк укпай, билбей жүрө беришээр беле, ким билет. Бул маалыматты уккан борбордун пациенттери, жалпы эле шаар калкы көпкө чейин шоктон арыла албай жүрүштү.

"БИР ИШТИН ИЗИНЕ ТҮШТҮМ"
– Сага бир сыр айтайынбы?- жаңы эле оперативдик жыйналыштан чыккан Керим шериги Русландын кулагына акырын шыбырады.
– Эмне сыр экен?
– Бир иштин изине түштүм. Андай иш сенин же менин эле эмес, тээ биздин министрликтин чоң кабинетинде отурган генералдын да оюна, түшүнө кирген эмес!
– Деле Американы ачып жибергенсибей түшүндүрүп айтсаң.
– Баарынын өз мезгили бар, досум. Эмнеси болсо да сен экөөбүз бүтүрө турган иш болот окшоп калды. Аларга жалгыз менин алым келбей калышы мүмкүн.
– Эмне дегени турасың? Өзүң жалгыз дагы бир топтун артынан түшүп алгансың бейм. Дос, мындай опурталдуу иштерге жалгыз киришүүгө болбосун менден жакшы билесиң. Жашыруун иштейм деген далай адамды кылмыштуу топтор күм-жам кылып салышканын угуп, байкап эле жүрбөйбүзбү.
– Рахмат, мага кам көргөнүңө. Бирок, бул иш көпчүлүккө билдирбей иликтей турган иштерден. Таарынба, баарыбир экөөбүз чогуу иштейбиз.
Кылмыш иликтөөчүнүн көңүлүн буруп калган окуя чындыгында олуттуу иликтөөнү талап кылган иш болчу.

"НАШАКОРЛОР МЕДБОРБОРДО ЭМНЕ КЫЛЫП ЖҮРҮШӨТ?.."
Кесиптештеринен көп айырмалана бербеген, атүгүл өңү серт Керимдин мыкты кылмыш иликтөөчү экендигин жетекчилик жакшы билет. Өңү өчүп кеткен жынсы шым, башынан кара кепка түшпөгөн бул жигитти көргөн адам милиция кызматкери, болгондо да шаардык ИИБдин кылмыш иликтөө бөлүмүнүн уюшкан кылмыштуулук менен күрөшүү бөлүмүнүн кызматкери экендигин оюна да албайт. Көптү көрүп, карышкыр болуп калган доктурлар да анын ушул жөнөкөй кебетесинен улам алданып, кандайча торго түшүп калгандарын байкабай калышты.
Мындан үч ай мурун шашып, өз иштери менен бараткан Керимдин көңүлүн кокусунан ушул медициналык борбордон чыккан эки жаш жигит бурган. Кесибине ылайык, кыраакы көзү экөөнүн соо эмес экендиктерин сезип, алдыларын торой токтотуп калган. Мындай баңгинин кулу болгон кишилерди далай көрүп, алардын доза алган кезинде кандай болуп калаарын эң жакшы билээр эле. Көздөрү тумандап, же тескерисинче, жылтырай күйүп, оозу кургай суусап жаткансып эриндерин жаланып калышат. Экөөнү бир тиктегенде эле билди жаңы эле сайынып чыккандарын.
– Э, братан, сен эмне, бизди тосуп! Ты че...
– Кума, карасаң, бизди тосконго духу жеткен бул ким, ыя?
Айтор, иши шашылышынан улам булар менен алышып отурбай кайгуул-күзөт тобун чакырып, экөөнү салып берип коюп кете берген. Эртеси сураштырса, экөөнү ошол түнү эле ата-энеси келип чыгарып кетишиптир. Чоңдордун балдары экен. «Эмне болсо ошол болсун» деп кол шилтеп койгону менен бир нерсе көңүлүн тынчытпай туруп алды: "Түн ортосунда нашакор балдар медборбордо эмне кылып жүрүшөт?" Ушул нерсени текшерип коймокчу болуп, бир жума өткөндө убакыт таап барып администраторуна кезиккен. Сылык-сыпаа сүйлөгөн неме экен: "Тынчсызданып, бизге кайрылганыңыз үчүн рахмат. Ал балдар, балким, биздин коопсуздук кызматкерлеринин тааныштары чыгаар. Биз бул маалыматты албетте, териштиребиз",- деп узатып койгон. Ошол боюнча бул борборду унутуп койгон экен.
Кокусунан шаарда баңгизаттар, психотроптук дары-дармектерди жасап сатуу менен шугулданган бир уюшкан жашыруун топ бар экендиги жөнүндө маалымат келип түштү. Акыркы күндөрү бул топ жөнүндө улам бир жерде айтыла калып жатканы менен "эмне болгон топ, кайсы аймакта, кимдер менен иштешет, мүчөлөрү кимдер?" деген өңдүү суроолорго такыр эле жооп табылбай жатты. Дал ушул маалыматтын үстүндө баш катырып жүргөнүндө баягы нашакор эки баланын бирин кармап албадыбы. Болгондо да кайрадан түн ортосунда ошол медборбордон чыгып келе жаткан жеринен. Дагы чегип алган экен. Бул ирет жигит алаңдап коркуп кетти. Ошол жигитти машинасына салып алып, жакшылап чегип сураштырып көрдү.
– Кыйшаңдап, мышык-чычкан ойнотуп жашырыштын кереги жок. Чынын айт, дозаны ушул борбордон алып турасың, туурабы?
Демите тиктеп калган кылмыш иликтөөчүнүн көз карашына туруштук бере албай, тигил көзүн алакача кыйкырып кирди:
– Коё бер мени! Билесиңби, мен кимдин баласымын?!
– Сенин кимдин баласы экениңди урганым жок! Давай, айт! Дозаны кайдан аласың? Кандай баңгизатты колдоносуң? Жооп бербесең коё бербейм!
Баңгиге башы тумандаган жигит жанагы медборбордон героин алып тураарын мукактанып жатып айтып берди. Бул жигит менен сүйлөшүп, байланышып, маалымат алып тураарын макулдашып алып коё берген.
Ошентип, ал аркылуу адам акылына сыйбас кылмыштын бетин ачууга жакындап калгандыгын азыр Керим жакын досу Русланга айтып жаткан кези эле.

КҮНДҮЗҮ ЭЛ ДАРЫЛАП, ТҮНКҮСҮН НАШАА САТЫШАТ
Эртеси жанагы жигиттин досумун деп калп айткан Керим ага кошулуп түнкүсүн баягы медборборго кирип чыкты. Тышта кайтарып отурган Русланга көргөндөрүн айтып түгөтө албай жатты.
– Ой, шумдугуң кургур, буларды доктурлар деп айтууга ооз барбайт. Тимеле карышкыр болуп кетишиптир. Кардарлар жөнүндө толук маалыматтарды компьютердеги архивге киргизип, даректерин каттоого алып турушат экен. Калпым ачылып кала жаздабадыбы. Шек алышпасын деп нашаа сатып алдым. Түнү бою героин жасап сатышат экен. Ал эле эмес, соо пациенттерине жашыруун баңгизатын куюп, өзүлөрүнө биротоло байлап алышат өңдүү. Жанагы шордуу жигит министрдин уулу экен. "Бул ооруканага бөйрөгүм ооруп келгем. Ага чейин мектепте балдар менен кызыгып тартып калчубуз. Бирок, атам бир ирет кармап алып катуу урушкандан кийин таштап койгом. Кайра кандайча мындай балекетке илинип калганымды билбейм. Сыягы, бөйрөгүмдү дарылап жатканда героинди атайын сайып жүрүп нашакор кылып алышкан окшойт. Байкап калып, сотко берем деп жулунганымда мени дарылаган доктур мисирейе: "Бизге алың жетпейт. Эртең эле жанталаша жардам сурап келесиң. Кыйшаңдасаң баңгизаты менен карматып, каматып таштайбыз. Ал аз болсо, атаңды иштен ыргытып жибергенге да алыбыз жетет",- деп коркуткан. Алардан коркуп деле калган жерим жок. Бирок, баңгизатына биротоло байланып калдым. Азыр булардын бетин ачып бергеним менен өзүмдүн айламды таппай калам. Себеби, булар акчаң жок болсо, күрөөгө буюм алып, карызга деле бере беришет",- деп оозумду ачырды.
Байкап көрсөм, кардарлары жалаң эле жаштар экен. Азыр жетекчиликке айтып, байкатпай басуу керек буларды.

ЖӨПЖӨНӨКӨЙ КЫЛМЫШ ИЛИКТӨӨЧҮ
Ыкчам иликтөөчү топ келип басып калганда доктурлардын ооздорунан Алласы түшө отуруп калышты. Тинтүүгө алышканда медборбордун ичинен 20 килограмм героин, дагы бир топ баңгизаттын түрлөрү, психотроптук дары-дармектер, ийнелер, көп суммада акча табылды. Жамандыкты жаап-жашырып болбойт экен. Кылмыш иликтөөчүлөрдүн тергөөгө тоскоол болушат деп «көпчүлүккө, айрыкча журналисттерге тергөө бүткүчө билдирбей туралы» деген аракеттеринен майнап чыккан жок. Эртеси эле шаардык ИИБдин, медборбордун эшигин жоон топ журналисттер басып калышты. Ал эми жөнөкөй клиникаларга барбай, бул медборбордун кызматынан пайдаланган үйбүлөлөрдүн үрөйлөрү учуп, балдарын наркодиспансерге жетелеп барып текшерте башташты. Айткандай эле алардын он чактысы нашакор экендиктери аныкталып, ансыз деле бул маалыматтан гүүлдөп жаткан шаар ичи чуу түшүп жатып калды. Ал эми күндүзү ак халат кийип өмүр сакчысы аталып, түнкүсүн болсо баңгинин тозоктуу сазына далай бейкүнөө жаштарды батырып акча таап жаткан алты доктур, төрт мээрман айым камакка алынышты. Мындай үрөйдү учураар оор кылмыш иши сыртынан жөпжөнөкөй көрүнгөн кылмыш иликтөөчүнүн кыраакылыгынан улам ачылды.

Даярдаган Айбек Нурадилов, Сүрөтчү Ренат Мамытбеков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: