Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САЙКАЛДЫ АПАСЫ НАЧАР ОКУГАНЫ ҮЧҮН ЖАЗАЛАДЫ

№244 6-12-июль, 2007-ж.


Легендарлуу “Кыз-Бурак” тобунун көкүрөк күчүгү Сайкалды Жаңы Жылдын астында өткөн концерттердин ар биринен көрчүбүз. Ошондон бери Сайкал концерттерге эмне эле такыр чыкпай калды десек, ыр деп жүрө берип сабакка такыр көңүл бурбай, чейректери жалаң “3” болуп кеткен экен. Мындай кылыгына апасы Гүлшайыр эже нааразы болуп, Сайкалды сахнага чыгарбай, сабакты жакшы окуусун талап кылган. “Кызымды сахнага 6-7 ай жолотпой койсом бук болуп кетти. Азыр экзамендеринин баары бүттү жана жылдык баалары жалаң “4”, “5” болду. Азыр кайрадан сахнага чыгууга менден уруксат алды”,- дейт Гүлшайыр эже.


АЙЧҮРӨК ЭЛГЕ ЭСТЕН КЕТКИС КОНЦЕРТ ТАРТУУЛАДЫ

Июнь айынын аягында өткөн Айчүрөк Иманалиеванын концертине келген көрүүчүлөрдөн кайдыгер калган эч ким болгон жок. Анткени, Айчүрөктүн төрт ай бою тынымсыз даярданган бул концертин чыныгы концерт болду десе болчудай. “Роза гүлүм” деген ырына байланыштырып сахнаны жалаң жасалма розалар менен жасагандан тышкары акчасын аябай 300 тирүү розаны сатып барып сахнага койгону кирген адамдын көңүлүн көтөрөт экен. Ошондой эле ырчы “Жаным” аттуу ырын ырдаганда окуучулары Айчүрөктүн 20 жылдан берки сакталып турган формаларын кийип чыгып элге көрсөтүшкөнү өзгөчө таасир калтырды. Баш-аягы 20 миң доллар чыгым сарптап, бул чыгашасынын үчтөн бири акталса да, буга Айчүрөк айым эч кейиген жок. Анткени, ал эл алдындагы бир парзынан кутулду. Эми суроолор боюнча октябрь айында ушул эле концерт кайрадан Спорт Ордосунда өтөт.


СЕМА “FM” ТОБУ МЕНЕН ЭС АЛЫП ЖҮРӨТ

“Сема” тобунун жетекчиси Самарбектин кереметтүү Ысыккөлдөгү пансионаттардын биринде эс алып жаткан учуру. Сема үчүн бул эс алуу эстен кеткис болуп өтүп жатканын бизге кабарлады. Ырчынын айтуусунда ал Казакстандын белгилүү “FM” тобунун кыздары, армяндардын белгилүү ырчылары, ошондой эле Казакстанда “Кабар” маалымат кызматында иштеген белгилүү кабарчы кыздар менен чогуу эс алып, чыгармачылык тажрыйбаларын бөлүшүп жатыптыр.


ИБРАГИМ КҮЙӨӨ БАЛАЛУУ БОЛДУ

Белгилүү ырчы, профессор Ибрагим Жунусов түзгөн “Элегия” тобунун солисткасы Айчүрөк Убайдуллаева турмушка чыкты. Москвада иштеген бизнесмен Улан аттуу жигит менен Айчүрөктүн сүйлөшүп жүргөнүнө көп эле болгон. Мындан бир жума мурун эле Ош шаарындагы белгилүү “Мундуз” ресторанында эки жаштын тою болуп өттү. Аларды куттуктап Ибрагим аке баштаган белгилүү “Кыз-Бурак” тобу, Эмил Балтагулов сыяктуу аттуу-баштуу ырчылар барышып, тоюна күбө болуп келишти. Айчүрөк эми чыгармачылыгын улантабы же жокпу, аны мезгил көрсөтөт. Бирок, учурда “Элегия” тобуна кыздарды кабыл алуу үчүн кастинг жүрүп жаткан кези.


ПРОДЮСЕРЛЕР ӨЗДӨРҮНҮН МАЙРАМЫН БЕЛГИЛЕШТИ

Кыргыз ырчыларын тарбиялап келишкен продюсерлер 1-июль күнү шаардагы кафелердин биринде өздөрүнүн күнүн кызуу белгилешти. Бул күндү алар “Продюсерлердин күнү” деп өздөрүнө энчилеп алышкан. Мындай идея аларга былтыр ушул күнү тоого чыгышканда келген эле. Бир-эки гана продюсер белгилүү себептер менен бул кечеге катышпай калганын эске албаганда калган он бири толугу менен чогулушту. Ошентип, бардык маселелерди унутуп, болушунча көңүл ачышкан продюсерлер ушул жолугушууну салтка айландырууну дагы бир жолу бекемдешип, түн бир оокумда үйлөрүнө тарашты.


АСЕЛ КАЙРАДАН МИНИСТРДИН КЫЗЫНА АЙЛАНДЫ

Турмушта өзү жөнөкөй кыз болсо да, фильмде министрдин кызынын образын татыктуу чагылдырып берген кыз Асел “Министрдин кызынын махабаты-3” фильминде Мадинанын ролун ойноодон баш тарткан болчу. Анткени, туура эмес маалыматтардын айынан ортодо түшүнбөстүктөр пайда болуп, Асел Рустамга таарынып калган болчу. Бирок, режиссёр менен Асел кайрадан тил табышып, чогуу иштеше башташты. Демек, фильмдин жаңы эпизоддорунан кайрадан эле Асел-Мадинаны көрө алат экенбиз.


Гүлнур Сатылганова:
«ЖЕТИМ БАЛДАРГА 200 МИҢ СОМДОН АШЫК АКЧА ТАРАТТЫМ»

Таланттуу ырчылардын бири Гүлнур Сатылганова жакында Кыргызстанды кыдырып концерт-турне өткөрүп, андан түшкөн акчаны балдар үйлөрүнө таратып келгенинен кабарыбыз бар эле. Буга эмне себеп болгонуна кызыгып, бир чети Гүлнурдун Кыргызстанга болгон гастролу жөнүндө кенен маалымат алалы деп ырчы эжекебизге кайрылганбыз.
– Гүлнур эже, Кыргызстанды кыдырып концерт коюп, концерттен түшкөн акчаны жетим балдарга таратуу максаты эмнеден улам оюңузга келди?
– Кыргызстанда жетим балдардын көбөйүп баратканы башынан эле менин жүрөгүмдү өйүгөн маселе болчу. 1-Июнь Балдарды коргоонун эл аралык күнүнө карата уюшулган иш-чарада Сагын Ниязалиева: “Гүлнур, колуңдан келсе бир турне уюштуруп, ушул жетим балдарга жардам бербейсиңби?”- деп калды. Мен дароо эле макул болдум. Өзүмдүн жашоого керектүү үйүм бар, машинам бар, иштегенге мүмкүнчүлүгүм бар, анан бирөөгө жардам бергенге эмнеге болбосун?
– Кыргызстандын бардык бурчун кыдырдыңызбы? Жалпы канча балдар үйүнө жардам бердиңиз?
– Облустун борборлоруна барып, айрым жерлерде экиден концерт койдум. Ар бир облустан экиден, үчтөн балдар үйүнүн жетекчилери келип жатышты. Мамлекеттик деңгээлдеги балдар үйлөрүнүн жетекчилерин өзүбүз алдын-ала чакырып жаттык. Жеке жетимдер үйүнүн жетекчилери келип алган учурлар да болуп жатты. Атайын келгенден кийин куру кол кетирип жибербей, аларга да берип жаттык. Кыскасы, жалпы 200 миң сомдон ашык акчаны жардам катары таратып келиптирмин.
– Канча бир пайызы өзүңүзгө да калдыбы?
– Мен бир тыйын алган жокмун. 17 адамдан турган команданын жеген-ичкени, жашаганынан калган акчанын баарын тараттым.
– Бекер иштеп келгендерине сиз менен барган команда да ыраазы болуп келе бериштиби?
– Алар бекер иштешкен жок. Бирок, “бизден да жардам болсун” дешип менден чоң суммадагы акча сурашкан жок. Азыр кимге болбосун эле акча керек да. Ошондуктан, мени колдоп барган топко мен аздан болсо да акыларын төлөп бердим. А өзүм болсо бир тыйын албасам да жетимдердин сообуна калганыма сүйү­нүп, өзүмө-өзүм ыраазы болуп кайтып келдим.
– Көрүүчүлөрүңүз концертиңизге ыраазы болуштубу?
– Өтө чоң ыраазы болушту. Мени сагынып калышканбы, тим эле залдарга адам батпай, канча адам кирсе, ошончо адам сыртта калып жатты. Светтерди, атайын эффекттерди машинага жүктөп, атайын бул жактан алып баргам. Анын үстүнө, жандуу ырдаганыма күйөрмандарым жетине алышпай, толкунданып тургандарын көздөрүнөн байкап жаттым. Зал толкуп, элдер мага кошулуп ырдашканда бир нече жолу ырымдан адашып да кеттим. Кыскасы, турнеден кийин чоң парзымдан кутулгандай болуп бир топ жеңилдей түшкөнсүдүм.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: