Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЗАТ ТЫНЧТЫКТЫ ТАНДАДЫ

№248 3-9-август, 2007-ж.


Буга чейин эле эл оозуна аздыр-көптүр алынып калган ырчы жигит продюсер Тынчтыкбек Кожобековго чыгармачылыкта чогуу иштешүү тууралуу сунушун киргизген эле. Ал жак, бул жагын бир топ ойлонгон Тынчтыкбек акыры макул болуп, азыр бул экөөнүн чогуу иштешип жаткан учуру. Азат шоу-бизнесте буга чейин кыскача гана Азат деген ат менен белгилүү болгон болсо, эми сахнага Тынчтыктын сунушу боюнча Азат Болотбек деген ат менен чыкмакчы. Экөө чогуу иштеше баштагандан бери Азаттын репертуарына “Туулган күн” деген бир жаңы ыр кошулду.

Турсунбай Бакир уулу кичинекей Исага клип тарттырып берет
Кыргыз Республикасынын акыйкатчысы Турсунбай Бакир уулу шоу-бизнестин дагы бир кичинекей жылдызы Исанын “Апаке” деген ырына клип тарттырып бергени турат. Исаны Турсунбай ага бир кечеге келип ырдап бергенин көрүп, анын талантына баа берген. Ошондон кийин дагы бир-эки кечеде жолугуп, өзүнүн телефонун калтырып, колунан келген жардамын берүүгө убада берген эле. Эми ошол убадаларды аткарганга убакыт келип жетип, акыйкатчы Исанын жакында тартылчу клибин каржыламакчы. Клипти белгилүү режиссёр, клипмейкер Азарио тартат.

“Кыз-Бурак” Кыргызстандын намысын коргоого даярданууда
Легендарлуу “Кыз-Бурак” тобу Өзбекстанда өтүүчү эл аралык фестивалга катышууга чоң даярдык көрүп жатканын топтун жетекчиси Гүлшайыр Садыбакасова бизге кабарлады. Чоң даярдык дегеним, бул фестиваль башка фестивалдардан өзгөчөлөнүп, олуттуу даярдыкты талап кылат. Ошондуктан, топтун кыздары бардык гастролдорун токтотуп, учурда чопо-чоор, жыгач, темир ооз комуз, комуз, кыяк чертүүнү үйрөнүшүүдө. Андан сырткары, кыздар манас, дастан айтуу үчүн да катуу даярдык көрүп жатышат. Анткени, мында фольклорго чоң маани берилет. Бул фестиваль “Чыгыш жылдыздары” деп аталып, Өзбекстандын Самарканд шаарында 22-августтан 31-августка чейин өтмөкчү. Фестивалга топтун экс-солисткасы Гүлнара Калдарова да кошо бараарын кошумчалай кетели.

Айчүрөк конкурстарга камданууда
Эмгекчил ырчыбыз Айчүрөк Иманалиева бир жылдан кийин өтүүчү конкурска эмитен эле даярдык көрө баштады. Бул эл аралык конкурс Мальта республикасында 2008-жылы июль айында өтмөкчү. Ага чейин болсо өзүнүн мектебинде тарбияланып жаткан Нурзат аттуу ырчы кызды ушул жылдын сентябрь айынын орто ченинде Астанада өтүүчү эл аралык конкурска даярдап жатат. Ал эми өзү болсо бул конкурска Кыргызстандын атынан конок катары барып катышып келмекчи.

Талант комедия жанрындагы кино тартат
Белгилүү жаш куудул Талант Анарбаев учурда комедия жанрындагы кино тартууга камынууда. Бул кинодо негизги каармандын ролун өзү аткарат. Бул демилгени Талант өзү кө­төрүп чыгып, “Сетьсервис” студиясы менен биргеликте август айынын аягында кино тартууга киришээрин билдирди. Азырынча кинонун аты кандай аталаары чечиле элек, бирок, 72 варианты бар экен. Алардын бирөөсүн эле атай кетсек – “Айылдан айга учамын”.

Сапар бутун сындырып алды
Белгилүү ырчы Сапар Эркебаев “Жоокер жылдыз” реалити-шоусуна катышып жүргөнүнөн окурмандар кабардар болушса керек. Ал жакта кызмат өтөп жүрүп, ырчы бутун кокустатып алган. Ушундан соң продюсери барганга чейин аксап, эч кандай чара көрбөй эле жүрө берген болчу. Качан гана продюсери барып көрөөрү менен ырчыны доктурга алып барып, бутунун сынганын билген соң дарылата баштаган. Азыр ырчынын абалы жакшы экендиги жөнүндө маалымат бизге келип түштү.

Жаңы фильм

Гезитибиздин өткөн сандарында ырчы каармандар катышкан мистикалык “Ка-йып булак” фильми тартылып жатканы жөнүндө сөз козгогон элек. Жакында ал фильм­дин съёмкалык иштери бүтүп, азыр монтаждоо иштери жүрүп жаткан кез. Кызыгууну туудурган “Кайып булак” жөнүндө фильмдин жаратуучусу Рысбек Жабиров менен болгон чакан маегибиз назарыңыздарда...

РЫСБЕК ЖАБИРОВ: “ФИЛЬМ “СУПЕР-ИНФОНУН” 5 ЖЫЛДЫГЫНА БЕЛЕК БОЛОТ”

– Рысбек, съёмка канча күнгө созулду?
– Жалпысынан бир ай кетти. Окуя болуп өткөн негизги жер Сарычелекте эки жума болуп, жакында эле кайтып келдик.
– Ырчылардын кимисинин артисттик чеберчилиги жакшы экен?
– Сегиз ырчы барды. Арасынан артисттик чеберчилиги аябай жогорулары да, ортолору да бар экен. А негизинен, бардыгы эле колдон келишинче аракет кылып жатышты. Негизги каармандардын ролун, башкача айтканда, сүйүшкөн кыз-жигиттин ролун Неля менен Замир ойношту.
– Мистикалык жанрдагы кыргызча биринчи фильм болгондуктан, тартууда кыйынчылыктар болбой койбосо керек?
– Кыйынчылыктар болбой койчу беле?! Ошентсе да өз деңгээлинде бергенге аракет кылып жаттык. Фильмдин мазмуну сыр боюнча калып турсун. Кыскасы, бул фильмден көрүүчүлөр элге белгилүү ырчылардын касиеттүү булагы бар жаратылыш койнуна эки күнгө эс алганы барышканы, ал эки күн ичинде ырчылар кандай окуяларга туш болушканы, жаратылышты канчалык деңгээлде булгашканы, жаратылыш аларды кантип жазалаганы жөнүндөгү сюжеттерди көрө алышат.
– Каармандарыңыз кинодо да ырчы болуп эле катышышабы?
– Бул фильмдин өзгөчөлүгү ушунда. Ар ким өз аттары менен ырчы катары эле катышышат.
– Ырчылардын каалаганы катыштыбы же сценарийге жараша өзүңүз тандап алдыңызбы?
– Бул, негизи, ырчыларга ылайыкталып жазылган сценарий болгондуктан, кимиси катышса да боло берет болчу. Болгону, мен сценарий түзүп жатканда Султан Садыралиев менен Мирбек Иманбековдун образын да кошо түзгөн болчумун. Тилекке каршы, аларга киного катышууга продюсерлери макулдугун бербей коюшкан.
– Ырчыларга гонорар төлөп бердиңизби же өз кызыкчылыктары үчүн барыштыбы?
– Ар кимисине ролуна жараша гонорар төлөп бердим. Бирок, ырчылардын өздөрүнүн өтүнүчү боюнча канчадан гонорар алышкандары сыр бойдон калсын.
– Бул сиздин кино жаатындагы алгачкы эмгегиңизби?
– Өзүмдүн кесибим режиссёр болсо да, бул – менин алгачкы эмгегим. Буга чейин бир-эки клип тартып, өзүмдү режиссёрлук жактан сынап көргөм. Эми буюрса, биротоло кино тармагына өтсөм деп турам. Баса, айтып койчу нерсе, бул фильм – силердин “Супер-Инфо” гезитиңердин 5 жылдык мааракесине белек катары тартылган фильм. Фильмдин жүрүшүндө гезиттин да өзүнчө орду камтылып кетет.
– Фильмди тартуу убагында кызыктуу окуяларга туш болдуңуздарбы?
– Өтө көп кызыктуу окуяларга туш болдук. Бир күнү түшкү тамак убагында Замир Мырза менен Сема болбогон эле сөздүн айынан урушуп кетишсе болобу?! Сөз менен урушуп отурушуп, акыры кадимкидей мушташканга өтүштү. Баарыбыз ажыратып жүрөбүз, ага карашчудай эмес. Акыры менин жиним кайнап, кыйкырып, атүгүл сөгүнүп кирдим. Замир Мырза болсо “кетем” дей баштады. Мени жетээр жериме жеткирип койгон соң каткырып күлүп жатышпайбы. Көрсө, баары сүйлөшүп алышып, мени розыгрыш кылышкан экен. Баары күлүшсө да, мен такыр күлө албай койдум. Ушунчалык чоң чеберчилик менен ойношкондуктан, ошол күнү кечке чейин өзүмө келе албай жүрбөдүмбү.
– Эми элге качан тартуулайын деп турасыз?
– 31-августка чейин бүтүрүп, элге сунуштайм деген оюм бар. “Бүтө элек иштин ыры көп, бүткөн иштин сыны көп” демекчи, ошондо эл таразалап, эл сындайт.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: