Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАНЕТАНЫН КОНЦЕРТИНДЕ БАЛА ТӨРӨЛДҮ

№251 24-30-август, 2007-ж.


Белгилүү ырчы Жанета жакында бир кызык окуяга туш болду. Ал Нарын шаарындагы күйөрмандарына өз өнөрүн тартуулоо үчүн концерт коюп барган. Нарындыктардын жаш-карысы калбай келген бул концертке мына-мына көз жарат деп турган кош бойлуу келин да келген экен. Концерт ортолоп, элдер ырдын кызыгына батып калган маалда ал келиндин толгоосу кармап калбаспы. Дароо доктурга жеткирилген келин аман-эсен кыз төрөп, кызынын атын «Жанетадай атактуу адам болсун” деп Жанета коюптур.


СЪЕЗДБЕКТИ ЖАРНАМАЛЫК ЩИТТЕРДЕН
КӨРӨ АЛАБЫЗ

Артисттик жактан такшалып калган ырчы Съездбек Искеналиев эми жарнамалык щиттерге чыга баштайт. Ырчы “Бон Вояж” деп аталган туристтик агенттикти реклама кылмакчы. Азыр рекламага сүрөт­төргө тартылуу бүттү. Эми теледен кетүүчү роликтерге тартыла баштайт. Ошондо Съездбекти телероликтерден жана жарнамалык щиттерден октябрь айында көрө алабыз.


АЙГЕРИМДИ ИЗДЕГЕН БАЛДАР 30 МИҢ
СОМ АЙЫП ТӨЛӨШТҮ

Жигиттердин жүрөгүн сыздаткан эстраданын дагы бир сулуу ырчысы Айгерим менен жакындан таанышып, аны менен сүйлөшкүсү келген жигиттердин саны арбын экен. Анткени, мындан туура бир жыл мурун Айгеримдин 35-22-88 номерин Гүлзада деген эже жактырып, сатуусун суранган. Бул номерди сатып алганынын себеби, ал эженин жашаган үйүнүн номери 35, машинасынын номери 22 88 экен. Бул эжеге Айгерим номерин белек катары берген эле. Ошондон бери жигиттер эженин телефонуна чалып, Айгеримди сурап тажатышат. Гүлзада эже “бул номерди мен сатып алгам, чалбагыла” деп жакшы да, жаман да айтканга түшүнбөгөн балдардын номерин акыры милицияга берип, тактоону өтүнөт. Акыры ким чалып ойноп жатканын тапкан орган кызматкерлери Айгеримди да чакырышат. Кечке тажатып чалып, Айгеримди сураган үч бала Кыргызстандын белгилүү эле инсандарынын балдары экен. Балдар Айгеримден жана Гүлзада эжеден кечирим сурашып, моралдык доо кетиргендери үчүн Гүлзада эжеге ар бири 10 000 сомдон айып төлөштү.


ЫСЫККӨЛДҮН АКИМИ БОРОНЧУНУ
БАНКРОТ КЫЛДЫБЫ?

Белгилүү куудул, ырчы Борончу Кудайбергеновдун “Куйручук” маданий борбору Ысыккөлдүн сезондук ачылышынын урматына чоң концерт уюштурган эле. Ошол концертте Ысыккөл районунун акими аларды банкрот кылганын “Куйручук” маданий борбору бизге кабарлады. Алардын айтымында, концерт башталаардын алдында акимди “сөз сүйлөп, кечени ачып берсин” деп чакырышса, аким келип, куттуктоо сөзүн сүйлөп: “Концертти 100 сомдон эмес, бекер кылсаңар болмок”,- деп айтат. Аны уккан сырт­та турган эл эшик тоскондорго баш бербей бекер кирип кетишкен. Анан акимге: “Бул эмнеңиз?”- деп кайрылышканда: “Мен жооп берем”,- деген экен. Ошентип, бул борбор эки күндүк концерттен 172 миң сомдук зыян тартып калган. “Андан бери аким буга жооп бермек турсун бизди теңине албай койду”,- деп нааразычылыктарын айтып кетишти “Куйручук” маданий борборунун кызматкерлери.


АСЕМА ФРАНЦУЗ КИНОСУНА ТАРТЫЛУУДАН
БАШ ТАРТТЫ

Учурда популярдуу болуп жаткан “Боз салкын” киносундагы башкы каармандын ролун ойногон Асема Токтобекованы жигиттер жөн коюшпайт экен. Жылуу сөздөрүн айтышып, белектерин берип, гүл салып жиберишет. Кыргыз жигиттеринен кем калбай француздар дагы өз киносуна тартылууга сунуш кылышкан. Бирок, буга Асема макулдугун берген эмес. “Анткени, фильмде эротикалык эпизоддор бар экен. Бул нерсени ойноо кыргыздын кыздарына жарашпайт”,- дейт Асема.


КУБИК КИТЕП ЧЫГАРАТ

Куудул жана ырчы Кубик Калыков китеп чыгаруунун алдында турат. Бул китепке куудулдун азил-тамашалары, сатиралары жана тамашалуу ырлары кирет. Китеп айрыкча жаш куудулдарга жакшы белек болмокчу. Анткени, анын ичинде интермедия, сатиралар сахнага ойногонго ылайыкташып жазылган. Китептин аты “Кубиктин тамашалары” деп аталат.


СЫЙМЫК БАШ БАЙГЕГЕ “МАЗДА”
АВТОМАШИНАСЫН КОЙДУ

Белгилүү ырчы Сыймык Бейшекеев жылда 31-август Эгемен күнүнө арналган майрамда караколдук туугандарга концерт туртуулап келет. Быйыл да ал жакшы жө­рөлгөнү улантып, 31-августта караколдуктарга ыр арнап, майрам тартуулоонун алдында турат. Быйыл жылдагыдан өзгө­чө­лөнүп, бул концертте ар кандай конкурс, оюндар уюштурулуп, жеңүү­чүгө “Мазда” автомашинасы белекке берилмекчи.


“Кайып булак” жакында

“Кайып булак” фильмине катышып, өзүнүн дагы бир талантын элге тартуу кылганы жаткан ажарлуу ырчы Бактыгүл Бадыева фильм жөнүндө бизге төмөнкүдөй кеп салып берди.

Бактыгүл Бадыева:

«БИР ЧАРА БАЛЫКТЫ ЖЕП АЛЫП СУУСУГАНДЫ КӨРӨ БЕРИҢИЗ»

– Бактыгүл, фильмде Урмат экөөңөр кыз-жигиттин ролун аткарыптырсыңар. Бул өзүңөрдүн каалооңор менен болдубу же ушундай роль туш келип калдыбы?
– Мага эмнегедир башка менен эмес, Урмат менен түгөй болуп ойногон роль туш келип калыптыр. Ушундай бөлүндүбү, демек, ойношум керек болду.
– Жигитиң кызганган жокпу?
– Ал түшүнөт. Кызганган жок.
– Сен үчүн киного тартылуунун эмнеси кыйын болду?
– Маанайың жакшы болуп, шарактап жүрсөң эле “ыйла” дешет. Ошол учурда ыйлоо мен үчүн өтө кыйын болду. Бирок, режиссёрдун буйругун аткарбаска айла жок эле. Ата-энемди сагынганымды эстеп, көзүмдөн жаш чыгарып ыйлап жаттым. Андан башка кыйынчылык туудурган жери болгон деле жок. Анткени, съёмка башталаардан бир жума мурун актёрдук чеберчилик боюнча бир жума сабак алганбыз.
– Съёмка учурундагы кайсы көз ирмемдер эсиңде калды?
– Съёмка башталгандан бүткөнгө чейин мен үчүн кызыктуу да, көңүлдүү да болуп жатты. Акыркы күндөрдүн биринде үңкүрдө тартылыш керек болгон эпизодго даярданып калдык. Ал күнү бизге көлдөн балык кармашып, түштө бир чара туздуу балык беришкен. Оюбузда эч нерсе жок эле жеп алганбыз. Анан съёмка башталганда суусаганды көрө бериңиз! Ал убакта биз үңкүрдө суусап, кыйналган эпизоддорду тартып жаттык. “Суусадык” десек, “азыр алып келебиз” деп коюп жүрө беришти. Көрсө, сууну мурун эле алып келишип, катып коюшкан экен. Бизди суусаган адамдын образын жасалма эмес, чындап чагылдырып беришсин деп атайын туздуу балык жедиришиптир. Съёмка бүтөөрү менен чуркап барып, өзүм жалгыз бир литр «Коланы» ичип койдум.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
15.11.2012. 02:20 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
0
Тиги боюнда бар келинге балээ барбы концертте,андай убакта тынч жерде жаткын келет го .
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: