Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МЕРГЕН ТУРГАН ҮЙЛӨНДҮ

№257 5-11-октябрь, 2007-ж.


“Белгилүү ырчы Мерген Турган үй­лө­нөт экен”, жадакалса “үйлөндү” деген ушактарды кулагыбыз чалып калчу. Мындай ушактарга жооп кылып, бул жолу Мерген мырза бойдоктук менен чындап коштошууну чечти. Ырчы 3-октябрь күнү жубайын алып келгени Казакстанга жөнөп кеткен.
4-октябрда түштөн кийин казак кызы Жылдызды үйгө алып келип, эми чындап үйлөнгөндүгүн бизге сүйүнчүлөдү. Керек болсо “буюрса, орозо чыкса, октябрь айында чоң үйлөнүү тоюмду берем, келгиле” деп бизди тоюна чакырып да койду. Ылайым эле Мергендин ушул жолку үйлөнгөнү чын болуп, бактылуу болсо экен.


БАКТЫГҮЛ ӨЗБЕК ЫРЧЫСЫ РАЙХОН МЕНЕН “ПОДРУЖКА” БОЛДУ

Мындан бир нече жума мурун өзбек эстрада жылдызы Райхондун Бишкекке концерт коюп келгени эсиңиздерде болсо керек. Мына ошондо биздин жылдызыбыз Бактыгүл Бадыева Райхон менен таанышып, мамилелешип калган эле. Атүгүл Райхон Бактыгүлдүн иштетип жаткан кафесине келип тамактанып, эс алып отуруп кеткен. Чай үстүндө эки элдин сахна жылдыздары чыгармачылык тууралуу, келечекте кызматташуу тууралуу кенен сүй­лө­шүшкөн. Ошондогу убадаларынын бирине туруп, эми Райхон Бактыгүлдү Ташкентке чакырып жатыптыр. Ноябрь айынын башындагы концертин өткөрүп алган соң Бактыгүл Өзбекстанга жол тартмакчы. Ал жактан жөн келбей, Райхондун жардамы менен бир нече ырларына клип тарттыра келүүнү пландаштырып жатат.


ТЫНЧТЫК УУЛДУУ БОЛДУ!

Продюсер Тынчтыкбек Кожобеков 3-октябрь күнү кечинде уулдуу болду. Тынчтык төрөлгөндө өзү 2 килограмм 700 грамм болуп төрөлгөн экен. Кызыгы, баласы да дал ушудай салмакта төрөлдү. Тынчтыктын уулунун азырынча аты коюла элек. Анткени, ымыркайдын атын айылдагы чоң аталары коюуга тийиш. Учурда Тынчтык мырза №4-төрөт үйүндөгү доктурларга сүйүнчүсүн берип да, баласын “майлап” да бүтө албай жүргөн мезгили.


ЖАНЕТА МАИ КЫЗМАТКЕРЛЕРИ МЕНЕН
ЭМНЕГЕ АЙТЫШТЫ?

“Досум Үсөн” тобунун солисткасы Жанета Бобкованын айдоочулук күбөлүгүн Байбосунов аттуу МАИ кызматкери алып, бербей койгон. Күбөлүктү эмнеге бербей койгонун ырчы төмөн­күчө түшүндүрөт: “Мындан бир жума мурун эртең менен балдарымды бала бакчага алып баратсам, көчөдө турган МАИ кызматкери эч себепсиз эле токтотту. Машинадан түшүп, айдоочулук күбөлүгүм­дү көрсөтсөм, мени дароо эле таанып: “Артист болсоңор өзү­ңөргө артистсиңер. Дайыма силердин концертиңерге билеттерди бизге жетекчилик кыйнап алдыртат. Же концертиңерге баргыбыз келсечи?!”- деп болбогондун баарын айтып наалып кирди. Бул сөз­дөрү менин кыжырымды келтирип, анан экөөбүз айтыша кеттик. Күбөлүктү бербей койду эле, мен кетип калгам. Азыр ал жигитти издеп жүргөн кезим. Сураштырсам, жумушка да чыкпай жатыптыр”,- дейт ырчы жиндене.


“СТАР ДЕНС” КАНАТ КУЛТАЕВДИН КОЛУНА ӨТТҮ

Ырчыларды жандап бийлеп, өзгөчө бийи менен сахнанын көркүн ачкан “Стар Денс” бий тобу эми Канат Култаевдин колуна өттү. Азыркы тил менен айтканда, Канат бул бий тобунун продюсери болуп калды. Канатка “продюсер бол” деп “Стар Денс” тобунун кыздары мындан бир топ убакыт мурда айтышкан болчу. Канат ошондон бери ойлонуп көрүп, бул тырышчаак, өз ишин мыкты билген балдар менен иштешүүгө макулдугун берген. Шоу-бизнестин көзүн билген, тың продюсер бысмылда дегенде эле бул топту “Стар Денс” шоу-балети деп атады. Азыр шоу-балетте жаңы формалар тигилип, жаңы бийлер кошулуп, кыскасын айтканда, өзгө­рүүлөр жүрүп жаткан кез.


ТЫНЧТЫКБЕК АБЫЛКАСЫМОВ “КИНОНУН ЖАҢЫ ЖЫЛДЫЗЫ” НААМЫНА ТАТЫДЫ

Учурдун киносу “Боз салкын” фильминде негизги каарман Сагындын ролун жараткан Тынчтыкбек Абылкасымов “Кинонун жаңы жылдызы” номинациясына татыды. Тактап айтканда, Биринчи Эл аралык Ысык­көл кинофестивалында “Боз салкындагы” ролу үчүн жогорудагы наамды алып, диплом менен сыйланган. Андан сырткары, Тынчтыкбек “Мен” деген дипломдук ишине тарткан өзүнүн киносу менен Алматыда өткөн эл аралык кинофестивалга катышып келди. “Албетте, ал жактан эч кандай деле сыйлык алган жокмун, бирок, “Фестивалдын катышуучусу” деген сертификат алып келүү деле мен үчүн жеңиш”,- дейт Тынчтыкбек.


НАЗИРА КЫЗ ТӨРӨДҮ

“Кыргызстан Обондору” радиосунун таланттуу ди-джейи Назира Даниярова көз жарды. Тактап айтканда, ди-джей кызыбыз 28-сентябрь жума күнү кечинде 3 килограмм 300 грамм болгон куурчактай кыздуу болду. Азыр жолдошу экөөнүн наристенин жытына тойбой турган кездери. “Бул улуу кызыбыз болгондуктан, атын өзүбүз койгонго уруксат жок эле. Ошондуктан, чоң-ата, чоң-энелери кеңешип, небересинин атын Акмарал деп коюшту. Кызым ыйлаак эмес, өзүмө окшоп жоош болот окшойт”,- дейт ди-джей кыз.


ЖЫЛДЫЗ СЕГИЗБАЕВА КИНОГО ТАРТЫЛУУДА

Жаш ырчы кыз Жылдыз Сегизбаева учурда ырчылыктан сырткары өзүнүн актрисалык өнөрүн да сынап жаткан кези. Анткени, ырчы «Белгисиз маршрут» аттуу кинодо башкы каармандын ролун ойноп жатканын бизге билдирген. Бул киного тартылуу үчүн Жылдыз июль айында өткөрүлгөн кастингге катышып, өтүп кеткен. Ушундан көп өтпөй киного тартылууга чакыруу барагы келип, биринчи кадрлар тартыла баштаган. Ырчы “Белгисиз маршрут” киносунда айылдан шаарга келген Ширин аттуу айылдык кыздын жашоосун сүрөт­төмөкчү. Кинону тартуу иши аяктап калды. Буюрса, ноябрь айында элге сунушталмакчы.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: