Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СЪЕЗДБЕК КЫЗДУУ БОЛДУ

№258 12-18-октябрь, 2007-ж.


Мусулмандар Кадыр түн тосуп жатканда биздин белгилүү ырчы жигитибиз Съездбек Искеналиев түнкү саат бир жарымда кыздуу болду. Ымыркай шаарыбыздагы №4-төрөт үйүндө 3 килограмм салмакта төрөлдү. Съездбектин апасы небересинин атын Даткайым деп койду. Анткени, ырчынын уруусу Курманжан Датканын адыгине уруусунан болгондуктан, Датка Съездбектин чоң энелери болуп кетет. Жадакалса, ырчынын түпкү жери Чоңалайдан болот. Ырчы жубайы менен кызын 10-октябрь күнү төрөт үйүнөн чыгарып келип: “Кара көз кызым Даткайым Кадыр түн күнү төрөлдү”,- деп ырдап, кызын эркелетип жаткан кези.

ИЛЬЯЗ АНДАШ ЖӨНҮНДӨ КИНО ТАРТЫЛАТ

Продюсер Тынчтыкбек Кожобековдун окуучусу ырчы Ильяз Андаштын жашоосуна байланышкан документалдуу кино тартылып жатат. Бул кинодо Ильяздын чоң сахнага аттанганы жөнүндө сүрөт­төлмөкчү. Албетте, мындай ишти продюсери Тынчтыкбек Кожобеков баштаган. Киного октябрь айынын 15инен кийин теледен күбө боло алабыз. Андан сырткары, ырчы 30-31-октябрда өзү төрө­лүп өскөн Каракол шаарында алгачкы тушоо кесүү концертин берет. Концертте ырчынын тушоосу кесилип, кадимкидей элдерди чуркаттырат. Ким биринчи келип ырчынын тушоосун кессе, белек берилет.

ИРЛАН «ИСКУССТВОГО КЕРЕК АДАМБЫ»?

“Окуучу кыз” деп сыздаган Ирлан Таалайбековдун Ика деп кыска ат менен айтылып жүргөнүн көпчүлүгүбүз билебиз. Көрсө, ырчы жөн жерден эле Ика деп аталып калбаптыр. Анткени, ырчы кичинекей бала кезинде эле ар бир кыймылы келечегинен кабар берип турчу экен. Музыкага болгон өзгөчө талантын байкаган ыраматылык атасы: “Менин балам чоңойгондо искусствого керек адам болот, ошондуктан, Ика болсун”,- деп жогорудагы сөздөрдүн баш тамгаларынан алып, ушундай ысым ыйгарган экен. Мына ушул искусствого керек адам үчүнчү муундагы ырчылардын арасынан озунуп, өзүнүн жеке концертин бергенге жетишти. Бул концерт өзгөчө даярдыкта өтүп, көргөн адамды кайдыгер калтырган эмес. Концерт бүткөндө залдагы эл ордуларынан туруп кол чабышып, атүгүл айрымдар жүрөктөрү жылып, көздөрүнө жаш алышкан.

ЭМИРДИН ТУУЛГАН КҮНҮНӨ СЮРПРИЗ ДАЯРДАЛУУДА

Эстраданын кичинекей ырчысы Марлисбек уулу Эмир эртең 13-октябрь күнү туулган күнүн белгилейт. Бул үчүн Эмирдин апасы Калича эже улуу баласына белек даярдап жаткан учуру. “Эмир мусулманчылыкта оор күн деп эсептелген жума күнү, анан калса, 13-числодо төрөлгөн. “Бул күн менен 13 саны бир болгон күн жамандыкты алып келет” деп коюшат эмеспи. Тескерисинче, бул менин эң бактылуу күнүм болгон. Уулум быйыл 12 жашка толуп, биринчи мүчөлү жылын тоскону жатат. Мен жаш балдар үчүн көңүл ачуучу борборду ижарага алып, Эмирдин классташтарын, досторун чакыртып койдум. Бул сюрприз тууралуу Эмир азырынча билбейт. Атасы да бир чоң сюрприз даярдап жатат, аны мен да билбейм”,- дейт кичинекей ырчынын апасы.

ИСЛАМ “21-КЫЛЫМ” РАДИОСУНУН ҮНҮ БОЛДУ

Жаш ырчы Ислам Ахматов «21-кылым» радиосунун расмий үнү болду. Тактап айтканда, ырчы мындан кийин “21-кылым” радиосунун жеке рекламаларын өз үнү менен коштоп, рекламалык роликтеринде ырдамакчы. Ал эми Исламга бул боюнча бир апта мурун радионун продюсери Арстанбек Абдыманов кайрылган. Азыр Исламдын 15 джингл жаздырууга даяр­данып жаткан убагы.

КЫРГЫЗ МУЗЫКАСЫНЫН ЭНЦИКЛОПЕДИЯСЫ ЧЫКТЫ

Мындан бир жума мурун кыргыз мамлекетинде биринчи жолу “Кыргыз музыкасынын энциклопедиясы” жарык көрдү. Мындай олуттуу эмгек Кыргыз республикасынын маданиятына эмгек сиңирген ишмер, музыка изилдөөчү, 40тан ашуун китептин автору Балбай Алагушов тарабынан жаралды. Китеп 532 беттен туруп, 1 миң нуска менен чыкты. Бул энциклопедиянын башкалардан айырмасы, кыргыз элдик профессионалдык музыкалары камтылган. Ошондой эле алфавит боюнча 1 миң 336 термин, 336 сүрөт менен коштолгон. Негизги максаты катары, мектепке арналган музыка китептери чыкпай жана искусство окуу жайларында кыргыз музыкасы жөнүндө китептер жок болуп жаткандыктан, аларга жардам катары чыккан. Китепке ырчы, бийчи, балерина, кыскасын айтканда, Кыргыз мамлекети болуп жаралгандан берки бардык белгилүү искусство адамдарынан баштап азыркы наам алган ырчыларга чейин кирген. Мисалы, Айчүрөк Иманалиева, Динара Акулова, Жылдыз Осмоналиева, Гүлнур Сатылганова сыяктуу ырчылар, ошондой эле, бүгүн болбосо эртең наам алат деген жакшы тилек менен Сыймык Бейшекеев, Айбек Карымовдор да киргизилген.


Суроолор боюнча: Рекламалык тыныгуу...

Кыргызда да «Оскарга» татыктуу
тасма тартылды!

Көңүл буруңуздар! Элибизге гана эмес бүткүл дүйнөгө атагы чыккан улуу ырчы, дүйнөнү дүңгүрөткөн клипмейкер жана эл аралык фестивалдардын байгелеринин ээси болгон мыкты режиссёр, сценарист Аташовдун “Министрдин кызынын махабаты” тасмасынын эл чыдамсыздык менен күткөн 3-бөлүгү жарык көрдү! Бул шедеврди өз экранынан көрсөтүү бактысына дүйнөлүк стандартка толук жооп берген “Россия” кинотеатры татыды. Кинотеатрдын жылуу залында отуруп ысып кетсеңиз, Рустам Аташов супержылдыз экенине карабай, бекер муздак суу таратат.
Тасмага кечикпей барыңыз, себеби, ал туптуура белгиленген убагында башталат. Мындан сырткары, тасмага Пекин, Москва жана Голливуддун алдыңкы окуу жайларын бүтүрүп келген профессионалдуу актёрлор тартылганын эскерте кетели. Бизге жеткен маалыматтарга караганда, тасмадагы мыкты актёр жана актрисалар миллиондогон доллар гонорар алышат экен. Ал эми жалпы калкыбызга жаккан фильм бет ачарына бир саат калганда эч кемчиликсиз монтаждалып бүткөнү үчүн «Гиннес рекорддор китебине» кирип, эми бүткүл дүйнөнү багындыруу үчүн “Оскар” сыйлыгына да ат салышат экен!

P.S. Кагылайын кыргыз элим, улуу Орозо айында мындай жалган реклама жазганыбыз үчүн кечирим сурайбыз. Сиздерден 100 сом акчаңарды аябастан ушул тасманы көрүп койгулачы деп өтүнөбүз. Анткени, азыркы кымбатчылык заманда Аташов деле акча жасап алсын да...

P.P.S. Улуу урматтуу Аташов мырза! Тасмаңызды мындан артык мактай албаганыбыз үчүн сизден да кечирим сурайбыз. Болгону, ушул рекламалык макаланын баасы 50 миң сом боло турганын билдире кетели. Бирок, ал акчаны бизге бербей эле, кааласаңыз кайрымдуулукка жумшап коюңуз. А эгер рекламанын акысын төлөөгө кудуретиңиз жетпей калса, улуу Орозо айында аны кечип коюуга даярбыз. Бирок, бир шарт менен: мындан ары тасма тартсаңыз сапаттуураак тартыңызчы?!



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: