Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭДИЛ СҮЙЛӨШКӨН КЫЗЫ МЕНЕН УРУШУП КЕТТИ

№259 19-25-октябрь, 2007-ж.


“Кыргызстан Обондору” радиосунун коңур үндүү ди-джейи Эдил Эркинбаев сүйлөшүп жүргөн кызы менен араздашып кетти. Буга ди-джейдин сүйлөшкөн кызынын ашыкча кызганчаактыгы себеп болгон. Мындай мамиле Эдилдин чыгармачылык ишине тоскоол болуп жатып, акырында минтип эки жашты ажыраштырууга чейин алып келип отурат. Медициналык академияда окуган келечектеги доктур кыз Эдилди Кадыр түн күнү ырчы Нелядан кызганып, чыр салган эле. Бул чыр биринчиси эмес. Улам-улам кайталана берип, ди-джей мырзаны тажатып жибергендиктен, Эдил азыр бир аз убакыт болсо да сүйлөшкөн кызынан алыстап, азыр эс алып жаткан убагы. Кийин бул эки жаштын мамилеси уланабы же Эдил өзү­нүн жумушун тү­шүн­гөн башка кыз табабы, аны убакыт көр­сөтөт.

“КЫЗ-БУРАК” ТОБУНА ЖАҢЫ КЫЗДАР КАБЫЛ АЛЫНДЫ
Легендарлуу “Кыз-Бурак” тобунун курамындагы кыздар жаңыланды. Бул топтун бир кызы Айперинин топтон кеткени жана Айжамалдын күйөөгө чыгаары жөнүндө жазган элек. Эми бул эки кыздын ордун баса турган топко үч кыз кабыл алынды. Айтурган, Гүлназ, Малвина аттуу топтун жаңы кыздары эки жылдан ашык убакыт “Кыз-Бурак” студиясында тарбияланып, бардык сыноолордон өткөн соң минтип топко кошулуп отурат. Буюрса, “Кыз-Бурактын” жаңы кыздарын ноябрь айында өтүүчү топтун 30 жылдык юбилейинде көрө алабыз.

НУРЗАДА “СТАР ДЕНСТЕН” БИЙ ҮЙРӨНҮҮДӨ
“Ди-джей кыз” аталган Нурзада Жолдошова радиодо түшкө чейин эле иштеп, калган убактысын жеке чыгармачылыгына арноодо. Ырчы катары сахнага чыгуу үчүн бардык жагынан даярданып, кемчиликсиз сахнага чыксам деп аракет кылып жаткан кези. Алардын бирин айта кетсек, учурда Нурзада “Стар Денс” шоу балетинен бий боюнча сабак алып жатат. Демек, жакында Нурзаданы сахнадан жагымдуу ыры менен эле эмес, келиштире бийлеген бийи менен да көрө алабыз.

МИКАЭЛЬ МЕКЕНИНЕ КАЙТЫП КЕЛДИ
Өзүнүн өзгөчө стили менен кыздардын көңүлүн бурдурган ырчы Микаэль Астанада иштеп жаткан эле. “Башка элдин султаны болгуча, өз элиңдин ултаны бол” демекчи, Микаэль эми минтип өз элине, өз жерине кайтып келди. Алыста жүрүп өз жеринин баркын билдиби, же казак баурдастар ушунчалык таасир бердиби, айтор, ырчы Кыргызстанга келээри менен мурдагыдай орусча эмес, кыргызча ырларды жаздырып, өз тилинде ырдай баштады. Андан сырткары, ырчы учурда мурдагыдай эле “Голден Бул” түнкү клубунун жетекчиси жана шоумени болуп иштеп жаткан кези. “Казакстанда досторум, жакын туугандарым жок кыйналып кеттим. Ал жактын акчасы эле көбүрөөк болбосо, башкасы жаккан жок. Мындан кийин бир сом тапсам да, Бишкектен эч жакка кетпеймин”,- деп сөзүн жыйынтыктады ырчы.

АЙЧҮРӨК МЕНЕН РОЗАНЫН ДУЭТ ЫРДОО ЖӨНҮНДӨГҮ МАКСАТЫ ИШКЕ АШТЫ
Эстраданын чолпон жылдызы Айчүрөк Иманалиева акыркы жылдары казак ырчысы Роза Рымбаева менен бирге концерт койгонду адатка айландырып алган эле. Акыркы эки жылда Айчүрөк эжекебиздин төрөгөнүнө байланыштуу Роза Рымбаева Кыргызстанга келбей калган. Эми эки жылдык тыныгуудан кийин эки элдин таланттуу ырчылары минтип бир сахнада ырдаганы турушат. Бул Роза Рымбаеванын Айчүрөк айымдын чакыруусу менен Бишкекке келген 4-жолку сапары. Мурдагы концерттеринде эки чолпон жылдыздын дуэт ырдайбыз деген максаты ар кандай себептерге байланыштуу ишке ашпай келген. Эми бул жолку сапарында эки ырчы өздөрү каалаган ырды дуэт ырдап чыгышат. Эскерте кетсек, эки элдин сахна жылдыздары биргелешип койгон концерт ноябрь айынын аягында болот.

СЕМА АВСТРАЛИЯГА ДИРИЖЁР БОЛУП КЕТЕБИ?
“Сема” тобунун жетекчиси Самарбектин кесиби дирижёр экенин баарыбыз эле биле бербесек керек. Мына ушул дирижёр жигит өз кесибин сагынып, интернетке кирип тамаша иретинде, бир чети өзүн сынап, “дирижёр керекпи?” деп өзү жөнүндө маалымат жазып койгон. Анан ырчынын электрондук почтасына Австралиядан “бизге дирижёр керек, жумушка алабыз жана көп суммадагы акча төлөйбүз” деген кат келген. Жада калса, ичинде симфониялык оркестр коштогон музыкалар жазылган дискти үйүнүн дарегине салып жиберген. Албетте, бул чакырууга ырчы макулдугун берген эмес.

ШАЙЫРБЕК “МИҢ КЫЯЛДАН” КЕТТИ
Телеалпаруучулукту гана аркалабастан, ди-джейлик өнөрү менен да белгилүү болгон таланттуу жигит Шайырбек Арапов эми “Миң кыял” радиосунда иштебей калды. Ди-джейдин радиодон кетүүсүнүн себеби, эки жакта иштегенге жетишпей калгандыгы эле. Анткени, Шайырбек учурда “Ыр майрам” жана “Жоокер жылдыз” теледолбоорлорунун үстүндө катуу иштеп жаткандыктан, радиодо иштегенге такыр убактысы жок болуп калган. “Эки жакта сапатсыз иштегенден көрө, бир жерде сапаттуу иштеш керек” деген принципти карманган Шайырбек азыр телевидениенин иши менен эле алек болуп жаткан убагы.

ГҮЛАНДА СОТКА УУРДАГАН БАЛДАРДЫ КАРМАДЫ
Өткөн жумада жигиттердин жүрөгүн багындырган белгилүү ырчы кыз Гүланда тиш доктурга бара жатып Жаш Гвардия бульвары менен Чүй көчөлөрүнүн кесилишинде чөнтөк телефонун алдырып жиберген. Жаңы эле 9 миң 200 сомго алган чөнтөк телефонуна ичи ачышып туруп калса, бул окуяга күбө болуп калган Гүланданын 2-3 кү­йөрман жигити чуркап келип, уурулардын артынан кууп жетип, аларды сабап, ырчынын телефонун алып беришкен. Аны менен кошо уурдаган баланы жетелеп келип, милиция кызматкерлерине тапшырышып, кылган кылмышы үчүн айып төлөт­түр­­гөн. Ырчы кыз ушинтип кү­йөр­ман жигиттеринин жардамы менен катылган ууру жигиттердин катыгын колуна берген.

БЕГИМАЙ КҮЙӨРМАН ЖИГИТТЕРИН МУШТАШТЫРДЫ
Жаш ырчы Бегимай Эсенгулова сахналаш досу Кайрат Примбердиев менен Таласта гастролдо жүрүп бир кызык окуяга кабылды. Таластын Бакайата районунун борборунда өтүп жаткан концертте ырдап жаткан ырчынын колунан бир күйөрман жигити келип кармап койгон. Аны көрүп кызганып кеткен башка күйөрман жигити келип, колун кармаган жигит менен жакалашып, мушташууга өткөн. Ал жердеги эл эки күйөрман жигитти ажырата албай, бир топ кыйналган. Качан гана милиция кызматкерлери келгенде, бул мушташ токтогон. Ошентип, таластык жигиттерди тамшандыра да, мушташтыра да алган Бегимай Бишкекке кеткенче шашкан.

ГҮЛЗИНАТ ТЕМИР ТУЛПАРЛУУ БОЛДУ
Бир кезде “Кош жылдыз” аттуу ыры менен популярдуу болгон “Шантелл” тобунун солисткасы Гүлзинат турмушка чыккандан кийин эмнегедир бир аз чыгармачылыктан алыстап кеткендей болду эле. Азыр бул ырчы кызыбыз кайрадан чыгармачылыкка баш-оту менен киришип, жаңы ырларды жаздырып, мурдагы күйөр­мандарына кошумча жаңы күйөр­мандарды таап турган кези. Ошол ийгилиги менен кошо Гүлзинат жакында жаңы машиналуу да болду. Бул “Гольф-3” маркасындагы көк түстөгү темир тулпарды ырчыга күйөөсү белек кылган. 5 миң 500 долларга алынган бул темир жорго Гүлзинаттын экинчи машинасы. Ырчы машина айдоонун сырын эң жакшы билет жана көп жылдык тажрыйбасы бар. Ошондуктан, Бишкектин көчө­лөрүндө машинанын көптүгү­нө карабай, эч жол эрежесин бузбастан рулду башкарып жүргөн кези.

КУМАР “КЫРГЫЗСТАНДЫ” ЖАҢЫЧА ЫРДАП ЧЫГАТ
“Кыргызстан” аттуу патриоттук ырды ырдаган Кумар аттуу жаш ырчыны тааныбагандар аз болсо керек. Анткени, бул ырчынын ыры былтыркы ноябрь айындагы митингде тынымсыз жаңырып, митингчилердин гимнине айланып кала жаздаган эле. Ошол ырды ырдаган жигитибиз азыр чоңоюп, үнү да бир топ өзгө­рү­лүп калган. Ошондуктан, бул “Кыргызстан” аттуу ырды кайрадан жаңыча жаздырууга туура ке­лүүдө. Ошентип, эми бул ыр жаңы аранжировка, жаңы обон жана жаңы үн менен жазылып, элге тартууланмакчы.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: