Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЛЕОН

№267 14-20-декабрь, 2007-ж.


Режиссёру – Люк Бессон
Сценарийин жазган – Люк Бессон
Продюсери – Клод Бессон, Жон Гарлэнд, Бернард Гренет
Ролдордо: Жан Рено, Натали Портман, Гари Олдман, Дэнни Айелло, Питер Аппель, Уилли Уан Блад, Дон Крич жана башкалар

Профессионал адам өлтүргүч Леон боорукерлик деген эмне экенин билбейт. Анын кошунасы окуучу кыз Матильданын үйбүлөсүн баңгичилик менен аралашып жүргөн полиция кызматкерлери өлтүрүп кетишет. Киллер менен өспүрүм кыз жаңы жолукканда жөн гана кошуналар болчу. Бара-бара экөөнүн ортосунда сүйүүгө окшош сезим пайда боло баштайт. Тилекке каршы, адам өлтүр­гүчтөр­дүн өмүрү кыска болот.

Кыскача мазмуну
Леон жашоодо адам өлтүргөндү гана билет. Бул – анын кесиби жана анын наны. Мыкаачы киллердин өмүрү жайбаракат, кызыксыз, суз, бир сөз менен накта киллердин өмүрүндөй өтүп жаткан. Ал үчүн эч кимдин кереги жок, эч ким ага да муктаж эмес. Үйүндөгү болгон бир жандык – жапжашыл бөлмө гүлү. Леон ошол фикус гүлү менен жашайт, аны менен сүй­лөшөт, сыр бөлүшөт. Өмү­рүнүн акырына чейин анын эң жакыны, эң баалуу нерсеси ошол өсүмдүк болчу... Анын жашоосуна Матильда кирмейинче...
Кичинекей Матильданын көзүнчө анын ата-энесин, биртуугандарын атып кетишкенден кийин Леон байкуш кызды өз камкордугу астына алууга мажбур болот. “Мен эми жашоомдо эмне кылаарымды билем. Мен киллер болом”,- дейт Матильда. А Леон анын айтканына макул болгондон башка чарасы жок. Матильданы коргоо керек, себеби, полициянын беткабын кийип жүргөн кылмышкерлер эми кырылган бүлөдө тирүү калган жалгыз күбөнү да жок кылуу үчүн анын артынан түшүшөт.
Кырктан ашып калган Леон менен 12-13 жашар Матильда криминалга аралашып, кылмышкерлер менен алышып жүрүп, акыры ортолорунда жылуу сезимдердин пайда болгонун да байкабай калышат...

Психологиялык триллер
Матильда: “Жашоо кичинекей кезиңде гана оор сезилеби же дайыма оорбу?” Леон: “Дайыма оор...”
Мушташ, триллер, драма жанрлары аралаштырылып тартылган бул тасма 1994-жылы жеке эле Францияда эмес, бүткүл дүйнөдө чоң популярдуулукка жеткен. Эгерде тасманын сценарийин окуп чыгууга мүмкүнчүлүк болсо, анда бул окуяда бир да оң каарман жоктой сезилет. Өзүнө окшогондордун жанын алган Леон, өтө эле эрте чоңоюп алган Матильда, бузулган коом, бузулган заман... Бирок, актёрлордун аткаруу күчү жана албетте, режиссёрдун мыкты эмгеги көрүүчүнү эмнегедир фильмдин каармандарын сүйдүрүүнү мажбурлайт. Көрүүчү каармандардын туура эмес амал жасап жатканын билип туруп аларды кечирүүгө, түшүнүүгө даяр. Жадакалса болуша да коёт. Себеби, ишенет. Чакан бюджет + күчтүү сценарий = кылымдар бою жашаган улуу фильм. Мына ушундай жөнөкөй жана татаал формуланы иш жүзүндө колдоно алган Люк Бессонго туруп кол чабуу керек го...

Кызыктуусу...

  • Жаш актриса Натали Портманды дароо кабыл алышкан эмес. Ал башкаарман үчүн өтө эле кичинекей эле. Бирок, тандоо сынактарга талбай келе берген кыз фильм жаратуучуларын бир чети жадатса, бир чети өжөрлүгү менен таңкалтырып, акыры Матильданын ролуна дайындалган.
  • Фильмди тартуу учурунда кызыктуу окуя болгон. Бир ууру чакан дүкөндү тоноп алып, табылгасы менен шаардын көчөлөрүнөн чуркап бараткан экен. Кокусунан “Леон” тартылып жаткан жерге келип калат. Ал жерде толгон “полицияны” көрүп, тез эле аларга багынып берет. Кийин алар жөн эле актёр экенин билгенде ууру абдан өкүнгөн экен.
  • Кинодо Матильда менен Леондун ортосундагы эпсиз сүйүү көрүнүштөрү сүрөттөлгөн. Бул эпизоддор америкалык прокатка чыгаарда алынып салынган. Бирок, европалык көрүүчү тасманы толук эле бойдон көрө алат.
  • Тасманын саундтреги – атактуу англиялык ырчы, композитор Стингге таандык болгон “Жүрөгүмдүн көлөмү” деп аталган ыр. Бул жөнүндө тасма жаратуучулары: “Же ыр тасманы шедеврге айланттыбы, же тасма ырды хит кылдыбы, өзүбүз түшүнбөй калдык”,- деп тамашалашат.
  • Америкалык прокатта тасма “The Professional” – “Адис” деген аталыш менен тараган.

Жан Рено
Толук атыХуан Морено Эррере И Хедерике Хименес
Туулган жылы 30-июль, 1948-жыл
Туулган жери – Касабланка, Марокко
Билими – Париждеги чоң театралдык мектепти бүткөн
Бардыгы 66 тасмада тартылган. Акыркы эмгектери“Учкучтар”, “Код Да Винчи”, “Качкын”
Жетишкендиктери – Көптөгөн киносыйлыктардан сырткары Франциянын эң бийик наамы деп эсептелген Легион Ардак Ордени менен сыйланган.
Чын аты айтып тургандай, ак сөөктөрдүн тукумунан чыккан дүйнөдөгү эң белгилүү француз актёру Жан Реного атактуулук режиссёр Люк Бессон менен таанышкандан кийин келген. Ал кезде Рено жапжаш болгон көчө актёру, ал эми Бессон режиссёрдун ассистенти эле. Эки талантты тагдыр тасма тартылуучу жерде кездештирген.
Бессондун бир нече тасмасына катары менен тартылган Жан Рено дүйнө­нүн европалык бөлү­гүнө бир топ таанымал болуп калат. Бирок, чыныгы популярдуулукту актёрго жогорудагы “Леон” тасмасы алып келгени чын. Так ушул фильм Жан Реного алыскы Голливудга жол ачкан. Анын Голливуддагы алгачкы тасмалары – “Аткарылгыс тапшырма”, “Годзилла”. Албетте, бул толук тизме эмес. Акыркы “Кызгылт суулар”, “Код Да Винчи” сыяктуу тасмалардан кийин Рено өзүнүн талантын далилдей алды. Актёрдун артыкчылыгы – ал мушташ же драма болобу, детектив же комедия болобу, айтор, бардык жанрдагы кинолорго тартыла бергендиги. Себеби, ага бардык образдар жарашат.
1996-жылы Жан Рено Натали Дижкьевич менен баш кошуп, бирок, ажырашып кетишет. 2006-жылы Софье Борукага үйлөнгөн. Эки никесинен актёрдун 4 баласы бар. Жан Рено Жонни Депп, Бред Питт сыяктуу атактуу актёрлордон тартып Николя Саркози, Жак Ширак сыяктуу чоң саясатчылар менен жеке тааныш жана алардын арасында чоң баркка ээ.

Люк Бессон
Толук аты – Люк Бессон
Туулган жылы – 18-март, 1959-жыл
Туулган жери – Париж, Франция
Билими – Гарвард университети, актёрдук бөлүмү
Бардыгы 93 тасма тарткан. Акыркылары – “Хитмэн”, “Чакыруу”, “Такси-4”
Продюсер, сценарист, актёр, режиссёр, оператор Люк Бессон кичинекейинде бул кесиптер тууралуу эч нерсе уккан эмес. Анын ата-энеси аквалангисттер болчу. Кичинекей Люк да чоңойгондо деңиз дүйнөсүн изилдеген биолог болууну самачу. Бирок, тагдыр аны жашынан эле чоң киного аралаштырып жиберген.
19 жашында Голливудга кеткен жаш режиссёр ал жерде кино тартпай эле чоң режиссёрлорго чай, кофе даярдап иштеген. Кайрадан Парижге келип адегенде майда клиптерди тартып, “чоң” режиссёрлордун жардамчысы болуп иштеп, ошол эле убакта өзүнүн “Бөрүнүн тасмасы” деген чакан киностудиясын ачып алат. Акчасы аз болгондуктан жаш режиссёр “дудук” жана ак-кара фильмдерди тартчу. “Жер төлө”, “Никита”, “Леон” деген тасмалары жарык көргөндө режиссёр киностудиясын “Дельфиндин тасмасы” деп өзгөртөт.
Голливуд Бессонду “5-элемент” деген фантастикалык тасмасынан кийин кабыл алат. “5-элемент” режиссёрду гана эмес, актёрлор Брюс Уиллис менен Гэри Олдманды жана режиссёрдун жубайы супермодель Милла Йововичти (кийинчерээк ажырашып кетишкен) атак-даңкка жеткирген.
Мындан сырткары, ошол эле Милла Йовович менен “Жанна д`Арк”, Сами Насери менен “Такси1-4”, Жет Ли менен “Ажыдаардын өпкөнү” жана башка мыкты фильмдери Люк Бессондун талашсыз күчтүү режиссёр экендигин далилдеди.
Люк Бессондун үч никесинен 4 баласы бар.

Натали Портман
Толук аты – Натали Хершлаг
Туулган жылы – 9-июнь, 1981-жыл
Туулган жери – Иерусалим, Израиль
Билими – Гарвард университети, актёрдук бөлүмү
Бардыгы 39 тасмада тартылган. Акыркылары – “Шевалье” отели”, “V” деген Вендетта”, “Мен сени сүйөм, Франция”
Жетишкендиктери – “Жакындык” тасмасындагы ролу үчүн 2005-жылы “Мыкты актриса” наамында Оскарга татыган.
Наталинин ата-энеси молдовалыктар. Атасы – доктур, энеси – сүрөтчү. Кичинекей Натали хореография менен муз үстүндө бий­лөөгө кызыкчу. 11 жашында аны моделдер агенттигине чакырышкан, бирок, Портман башынан эле актриса болууну самачу.
Актрисанын тушоосун Люк Бессон кескен. “Леон” – Наталинин актрисалык кесибинин баштапкы кадамы. Бул тасмага тартылаарда Наталинин ата-энеси “кокус, уят болбойлу” дегенсип кызына чоң энесинин фамилиясын беришкен. Ошентип, Натали Хершлаг Натали Портманга айланган. Бул тасманын аркасы менен тез аранын ичинде популярдуу болгон актрисага дароо жаңы сунуштар түшө баштайт.
“Леондон” күүлөнүп алган Портман “Алышуу” деген кийинки тасмасында Роберт Де Ниро жана Аль Пачино сындуу улуу актёрлор менен бирге тартылган. Андан ары да токтоно албай жылына 2 киного тартылууга жетишип, Жулия Робертс, Дрю Берримор сыяктуу алдыңкы актрисалар менен чогуу иштешкен.
Атактуу “Жылдыздар согушу” бешилтиги да Наталиге чоң ийгилик алып келди. Мында ал Амидала ханышайымдын ролун аткарганы менен бүткүл дүйнөгө таанылды.

Даярдаган Бегайым Мусакеева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: